| Description |
Transcription (Lu Hkawng)
Jinghpaw Wunpawng myu sha ni shagawng bum ga hkarang bum yi hkyen sha hpang wa ai lam, Shawng n nan gaw htaw shingran maraw lung, kadan chyinghkan hpum, lamu zau tung yawn ga sau gan pyaw ai de, sa ti, ga achyawn matan shaman nna ga loi ma makai wa u le, dai ning, ning hkaw e ndai kaw e, Uri zawn shanu, Ugan zawn jahtu a htu nna, Nhpraw, n-hkyeng ginsut lu na re yang gaw dai na oh gat-gu gu prat galu prat kawoi dinggai dingla ni hpe yup mang sha mang yang shing tung yup mang kaja mu, shawawn yup mang kaja ai pru u ga law ngu nna, ga makai wa nna shana nta du wa jang asak kaba ai kadwi rai rai kaji rai rai hpe nchye ai sha lagu bang da ya ai re, bum hkum kaw hpang jahpawt rawt yang she, ''Ah ji e ah dwi e mana yup mang kaning re mu" nga ''Aw shu nanhte ngai hpe yi jahpan lagu bang da ya sam ai mai kaja ai yup mang mu ai mali zai dung zawn re ai, hkan zai baw zawn hpren ai, mali hka zawn la-ing, nmai hka zawn zup hting ai, yup mang mu ai, kaja ai dai chyawm i dai ning hkyen mu'' ngu matsun jang sa ai da. Nhtu dingwa ni sha jing la nna sa nna nam si wat, nam sa dawt, hpun shayu, kawa gumhpu nna, hkyen ngut nna she, sintung hkran lam, shinggan lam shang, shanan gam ula ni shaga jaw, sha-aw ginla hkran U ning baw shaga jang, yi nat ga nga nna yi nat ai da. Hpun du chyingmang pung hkaw sha chyang nna rem, tsing magang re rim hkran sawm e hkyem re nna, mi na le luk ''u'' shaga, Nhpye bai rawt, hkan gawn hkan rawt u shaga, jaw sha-awn hkun la hkra u shaga jang kaji n li ai, kawoi n li ai hkai ga nga nna, mam ting mam dat shara du sai nga, um lahkra lata de na, dumru sin ting lang manawt, lapai maga de kaji kawoi n li bang gum chyawt, masum hpawt nga yang dingwa nhku hku, mali hpawt nga yang sumbwi la ju ju, sumbwi ju dingsan nga nawt jun dingsan, nsin she nrem, tsing magang nhpyen, ngawn shara du, u nga shara pru, kade n na yang n-mut ta du, nhtoi shara du, nrep shata pru, nde pi let, la wu ret, kadoi na sha, nlung shat sha ga nga, nnan shat la ga nga, E machyi makaw n ra galu kaba, maning ladu rap dai ning ndung kap dingsa hta n nan gahtap, dingsa hta lanan ganap ndai dai ning na nlung mam ndai gaw hku manam rau n la na, hka manam rau n sha na, akyin rau sha la na, jinghku rau sha sha na, ngu na she htaw yi de chye tsun ai chye shakawp chye shaga ai ni hpe shaga la nna mam num la lalaw ngu ai nga ai. Kaning ngu lalaw ai i ngu yang she, ''Oh.. le law.. le..law..(mahkawn nsen hku) le..law bum yawng ya ai ni e, nchyang mang Uma ni e, wa yin lai hka ni e, nai mam ni a ma naw shingnam ni e, ga rawng ai hting kyu ni e, n tsan noi nai gadu ni, shingnawm kyi baw ni e, sut baw manaw ni e, latsan htinggaw ni e, manam chying hpring ni e, hpun hput dim ni e, nhpawt shingnawm de nga ai ni e, sharaw Ugan ni la, du pung, dumsi sha ai ni e, gai nu num ai de wa marit law, hpang hkrum ai de pra marit law, Ulung ginra de wa marit law chyauhpa nta de wa marit law, oh le law..le law.... le law..... (Mahkawn nasen hku) mam num la shaga ai re da. |
