| Description |
Translation (Nbanpa Rita Seng Mai & Keita Kurabe)
I will now tell the story called “The Robbers Who Entered a Widow's House.” Long ago, there was a village plagued by ruthless robbers. These robbers were fierce, and whenever they broke into a home, they killed the people inside and stole all their belongings. In that village lived a wealthy widow. One day, when the robbers came to her house, the widow was still sitting by the fireplace, keeping warm. So the robbers hid beneath the house, waiting for her to go to bed. Then, one of the robbers accidentally let out a loud fart. Hearing the sound, the widow realized that the robbers were right under her house. Then, although she was terrified, she pretended not to be afraid and shouted in a loud voice. “Mr. Frame of the fireplace, was it you who farted? Or was it you, bundle of gold?” When they heard this, the robbers nearly burst out laughing, but they tried to hold it in and stayed quiet. When the widow asked again, “Mr. Frame of the fireplace, was it you who farted? Or was it you, bundle of gold?” the robbers could no longer contain themselves, and with a roar of laughter, they fled from the house. By her clever words, the widow was able to save her life.
Transcription (Pausa La Ring & Sumlut Gun Mai)
Ya tsun dan na maumwi gaw "Gaida Nta Damya Shang Ai Lam" nga ai maumwi re. Moi shawng de, damya grai sawng ai kahtawng langai mi nga ai hte Dai damya ni gaw grai mung mazut nna damya mya yang mung dai damya mya ai nta na nta masha ni hpe mung sat kau da nna, arai ni kashun la la re ai da. Dai kahtawng kaw gaw sut gan sumra lu su ai gaida jan langai mi mung nga ai hte lana mi gaw damya ni gaw dai ganda jan na nta kaw damya mya la na matu ngu sa ai shaloi, gaida jan gaw daw dap kaw naw wan kra taw ai majaw, gaida jan yup gawk de shang wa na hpe la let damya ni gaw gaida jan a nta npu kaw la taw ai. Dai zawn la nga yang, damya la langai mi wa she "Puut..." nga nna hpyet tat dat ai da. Dai hpyet tat dat ai nsen na ai hte gaida jan gaw shi nta npu kaw damya ni du taw sai hpe chye sai da. Dai hku chye sai hte myit hta gaw grai hkrit ai rai tim n hkrit ai zawn sha nga shakut nna, nsen ja ja hte she, "Share Ja Re Nang, Dap Kawp Ja Kawp Nang, hpyet tit nga ai n re I?" ngu jahtau san dat ai da. Dai zawn nga na ai shaloi, damya ni gaw mani mayu tim zim sha naw nga taw ai. Gaida jan mung kalang bai "Share Ja Re Nang, Dap Kawp Ja Kawp Nang, hpyet tit nga ai n re i?" ngu san dat ai shaloi gaw, wo nta npu kaw rawng nga ai damya ni gaw mani mayu ai n dang sharang nna she, mani ha ha let hprawng pru mat wa ai da. Gaida jan mung ga ngwi ga pyaw chye tsun ai hte magrau grang ai majaw, asak lawt lu mat ai nga ai maumwi re. |
