| Description |
Translation (Keita Kurabe)
This is the first part of "Hkrai Gam and Hkrai Naw." Long ago, in a place called Htawng Yang village, there was a widow. The village was near the Mali River. She had no friends in the neighborhood to work in the field with her. She worked in the fields alone. While she was working alone, a dragon living in the Mali River always came to suck the pumpkin flowers in the field. The widow also always came to the field alone. Dragons can transform into humans. He befriended the widow, and after a while, the widow became pregnant. When the time came, the widow gave birth to two healthy boys. When they grew a little, the villagers asked, "Who is your father?" "Who is your father?" When the two couldn't say anything, the villagers said, "You are children without a father," and named them "Hkrai Gam and Hkrai Naw (fatherless eldest and second son)." When the two grew older, feeling embarrassed, they asked their mother, "Hey, mother, people call us fatherless children." "Show us our father." "Tell us about our father." Then, the mother said to them, "When the pumpkin flowers bloom," "go to my old field." Hkrai Gam and Hkrai Naw did as their mother said, and went to her field many times, but saw no one, they only saw a dragon sucking the pumpkin flowers. They went back and told their mother, "Mother, there was no father." "But there was a dragon sucking the pumpkin flowers." Then, the mother answered, "Yes, that dragon is your father." Hkrai Gam and Hkrai Naw said, "Our father lives in the water," "so let's catch him with an iron chain." They hammered iron to make a chain. As they hammered day and night, the dragon living in the water got a headache from the noise. Having a headache, to stop the two from hammering, the dragon sent a crab. The crab came to the two hammering and said, "You must not hammer here." The brothers got angry and said, "You crab!" They grabbed the crab with tongs and roasted it over a fire. That's why crabs are red today. Thus, Hkrai Gam and Hkrai Naw continued hammering. The crab returned to the dragon and said, "These two roasted me over the fire." The dragon told a shrimp, "Now you go." "I have a headache." "Ask them to stop hammering." So, this time the shrimp went. The shrimp said, "Hey, you must not hammer here." "The dragon says his head is very shaky." Hkrai Gam and Hkrai Naw got angry, and grabbed the shrimp with tongs and roasted it over a fire. That's why shrimp turn red when cooked today. No matter who was sent, Hkrai Gam and Hkrai Naw didn't stop hammering, so finally the dragon came out. When the dragon came out, Hkrai Gam and Hkrai Naw tied the dragon with the forged chain. Then the dragon said, "My two children, I am your father." "From now on, your names are no longer Hkrai Gam and Hkrai Naw." "Call yourselves Du Nau Gam and Du Nau Naw." "If you want to tie me up," "tie me to this tree on the riverbank." "Then I won't be able to escape." The two tied the dragon there. Thus, they were no longer Hkrai Gam and Hkrai Naw. They became Du Nau Gam and Du Nau Naw. After a while, the dragon said, "My children, release me." "I will give you three treasures." The three treasures were, a bow called Kang Seng Bow. A large bow also called Bum Hkrang Kung Li. A sword called Ningtawng Sword that can cut anything. And a small golden basket called Ja Shingwoi. After giving them the three treasures, the two released the dragon. Having received the names Du Nau Gam and Du Nau Naw, they decided not to live in that village anymore, and made a raft from banana trees, and floated down the river on the raft. As they floated down the river on the raft, their father, the dragon, lay on the raft to greet them. The older brother was surprised and accidentally cut the dragon with the given sword. When he cut it with the sword, he not only cut the dragon but also cut the raft in two. The raft split in two, and the brothers were carried in different directions. Being carried away like this, the older brother had the golden basket and the sword, and the younger brother had the Kang Seng Bum Hkrang Kung Li Bow.
This is the second part of "Hkrai Gam and Hkrai Naw." Thus, when the two were carried away in different directions, the younger brother was carried to a place called Dinghta Wa Yang in the eastern Mali River. The older brother floated downstream and arrived at the confluence of the Mali and Nmai rivers. In Dinghta Wa Yang, where the younger brother was carried, there lived a giant eagle that kidnapped and ate children. The giant eagle had built its nest on a very tall tree. However, the nest was very thick and could not be directly viewed. The eagle kept catching and eating children. The villagers found Du Nau Naw and said, "Sage, since you have the bow called Bum Hrang Kung Li," "please shoot down that eagle." He also tried to shoot down the eagle. But the tree with the nest was covered with large vines which hid the eagle's nest, so he couldn't see where the nest was. If that vines could be cut, they would wither and reveal the eagle's nest. But the village did not have a sword that could cut such large vines. Du Nau Naw remembered that his older brother was given a large sword and set out to find his brother in the direction he was carried away. So, when he arrived at the confluence of the Mali and Nmai rivers, on the opposite bank of the Mali River, a female monkey was carrying a golden basket and picking up crabs. He thought that if the golden basket was his brother's, then his brother must also be there. He asked the female monkey, "Is the river very deep? Or shallow?" he shouted. The female monkey only answered, "Deep, deep, shallow, shallow." No matter how much he asked, she only answered, "Deep, deep, shallow, shallow, deep, deep, shallow, shallow." So, Du Nau Naw got frustrated and shot the female monkey with his bow. He crossed to the opposite bank and got the female monkey's golden basket and looked for his brother. He found his brother. Seeing him, the older brother asked, "Brother, did you see my wife?" The younger brother answered, "I didn't see your wife," "but I saw a female monkey." "When I asked if the river was deep or shallow," "she only said, 'Deep, deep, shallow, shallow, deep, deep, shallow, shallow,'" "so I shot her with my bow," he said. Then, the older brother said, "What! That female monkey was my wife!" The younger brother told his older brother why he came. "Brother, in the village with the big vine, there is a giant eagle that catches and eats children." "To shoot it down," "please cut that big vine with your sword." The older brother agreed with his words, and they went back to the place where the eagle's nest was. When they arrived at the tree, the older brother cut the large vine with his big sword. The vine withered, and they could see the eagle in the nest. Thus, the younger brother shot the eagle with his bow and arrow. After shooting the eagle, a large mushroom grew where the eagle fell. People passing by would always pick and eat the mushroom. The first people who came found the mushroom very large, so they cooked and ate only the cap of the mushroom, and it was very delicious. Later people who came found the cap gone, so they picked and ate only the stem of the mushroom, and it was very delicious. But what the people who ate the cap and those who ate the stem thought was... the people who ate the cap thought, "Hmm, if even the cap is this delicious," "how delicious must the stem be?" Similarly, the people who ate the stem thought, "Hmm, if even the stem is this delicious," "how delicious must the cap be?" They kept thinking such things. From constantly thinking such things, spirits that possess people were born.
Transcription (La Ring)
Ya hkai na maumwi gaw "Hkrai Gam Hkrai Naw" ngu ai maumwi a daw 1 re. Moi shawng de, Htawng Yang mare ngu ai kaw, gaida jan langai nga ai da. Mare dai gaw Mali hka kau kaw re ai hte, dai gaida jan mung Mali hka makau kaw htingbu yi manang n nga ai sha, shi hkrai sha yi galaw ai da. Dai zawn shi hkrai yi galaw nga yang dai Mali hka kaw nga ai baren gaw dai gaida jan a yi kaw na kahkum kumgyin pu ni sa chyu chyu re ai da. Gaida jan mung shi hkrai sha yi de sa sa rai yang gaw, baren ngu ai gaw shinggyim masha mung mai tai ai hte gaida jan hte hku hkau rai nna, kade n na yang gaw gaida jan gaw ma hkum rai mat ai da. Dai zawn ma hkum rai mat ai nna aten du ai shaloi gaw, dai gaida jan gaw abawng alang re ai la kasha lahkawng shangai ai da. Dai ma yan loi kaba wa ai shaloi gaw, mare na ni gaw "Na nwa gaw kadai rai?" "Na nwa gaw kadai rai?" ngu san yang dai ma yan gaw hpa n chye tsun rai yang gaw, mare masha ni gaw "Nan lahkawng gaw kawa n nga ai kasha yan re majaw" "Hkrai Gam Hkrai Naw" ngu shamying ya ai da. Dai zawn rai yang loi mi grau kaba wa nna chye myit wa ai shaloi gaw, dai yan gaw kaya mung kaya wa ai hte kanu hpe san ai da. "E, Nu e, masha ni gaw an hpe kawa kata kasha nga ma ai." "An a kawa hpe madun rit." "An a kawa hpe madun rit," ngu tsun ai da. Dai shaloi gaw, kanu gaw hpa baw tsun ai i nga yang, "E... kahkum kumgyin pu ai aten hta," "wo moi na nu a yi de sa yu mu," ngu dat ai da. Hkrai Gam hte Hkrai Naw mung kanu tsun ai hte maren kanu a yi de gade sa yu ai rai tim, shinggyim masha n mu ai sha, lapu baren langai mi dai kahkum kumgyin pu ten hta sa sa re ai hpe mu ai da. Dai shaloi gaw, kanu hpe bai wa tsun ai da. "Nu e, an gaw Wa hpe n mu ai." "Rai ti mung, baren langai mi gaw kahkum kumgyin pu ni wa chyu chyu re ai hpe gaw mu ai" ngu tsun yang, kanu gaw "E... dai baren gaw nan a kawa rai sai," ngu nna bai tsun dan ai da. Dai shaloi, Hkrai Gam hte Hkrai Naw yan gaw, "An a kawa gaw, hka la-ing de she nga ai rai jang gaw" "hpri sairu rau gyit na re," ngu nna shan gaw hpri sairu galaw na matu ningdup dup ai da. Dai zawn shani shana ningdup dup ai shaloi gaw, wo ra hka kata kaw nga taw ai baren wa gaw baw gara wa sai da. Dai zawn baw gara ai majaw, ningdup dup ai yan hpe sa jahkring shangun na matu ngu nna baren gaw chyahkan hpe dat dat ai da. Chyahkan mung ningdup dup nga ai yan nau kaw sa wa rai nna "Ndai kaw ningdup n dup na da," ngu wa tsun yang, dai yan nau gaw pawt ai hte "Chyahkan nang!" ngu nna lakap hte matep la nna wan kaw ju dat ai majaw chyahkan gaw dai ni du hkra hkyeng mat ai re da. Dai hku rai nna, Hkrai Gam hte Hkrai Naw gaw matut nna ningdup dup ai da. Chyahkan mung baren hpang de, "Dai yan nau ngai hpe wan de ju jahkat kau dat ai," ngu tsun dan yang, baren gaw katsu hpe bai "Nang bai sa tsun su." "Ngai na baw gara ai." "Ningdup n dup na matu wa tsun su," ngu tsun yang, katsu bai sa ai da. Katsu mung, "E... ndai kaw ningdup n dup na da." "Baren wa baw grai gara ai da," ngu wa tsun yang, Hkrai Gam hte Hkrai Naw gaw pawt ai hte dai katsu hpe mung lakap hte matep la nna wan gaw ju dat ai majaw katsu ni mung dai ni du hkra shadu yang hkyeng wa wa re ai re da. Dai zawn rai nna, kaga kadai hpe dat tim, Hkrai Gam hte Hkrai Naw ningdup dup ai gaw n hkring ai majaw, baren gaw shi nan pru wa ai da. Dai zawn baren wa pru wa ai shaloi gaw, Hkrai Gam hte Hkrai Naw gaw shan lahkawng dup da ai hpri sumri hte gyit sai da. Dai shaloi baren gaw tsun ai da. "Ma yan e, nan lahkawng a kawa gaw ngai re ai." "Ya kaw na nang lahkawng a mying gaw Hkrai Gam Hkrai Naw n rai sai." "Du Nau Gam hte Du Nau Naw ngu mahtang shamying na." "Ngai hpe gyit da mayu yang," "dai hka kau na hka kunggyi hpun kaw gyit da u." "Dai kaw rai yang, ngai n lawt lu ai," ngu tsun dan ai hte shan lahkawng mung dai kaw gyit da ai da. Dai zawn rai yang, ma yan mung Hkrai Gam hte Hkai Naw n rai sai sha, Du Nau Gam hte Du Nau Naw mahtang rai wa sai da. Dai zawn rai nna loi mi na ai shaloi gaw baren gaw, "E, ma yan e, ngai hpe dat dat mi." "Ngai nan hpe kumhpa masum jaw na," ngu tsun ai da. Hpa baw kumhpa masum jaw ai i nga yang, Kang Seng ndan nga na ma shaga ai, Bum Hkrang Kun Li nga na ma shaga ai ndan kaba langai ma, Ningtawng Nhtu ngu ai hpa baw hpe kahtam tim hprut hprut re lu ai nhtu ma, Ja Shingwoi ngu ai ja hte galaw da ai shingnoi kaji hpe ma jaw dat ai da. Dai zawn kumhpa masum jaw dat ai hte, baren hpe mung dat dat sai da. Dai yan nau gaw Du Nau Gam hte Du Nau Naw ngu ai mying mung lu sai hte dai mare kaw mung n kam nga sai majaw, shan gaw langa hpun hte wawn langai mi galaw la nna dai wawn kaw jawn let hka nam de yu hkrat wa sai da. Dai zawn shan nau wawn ntsa kaw jawn rai nna yawng nga yang, shan nau a kawa ngu na baren gaw shan nau hpe sa shakram ai ngu nna wawn ntsa de ra re nna le wa ai shaloi, kahpu wa gaw kajawng ai majaw, shi a nhtu hte kahtam hkrup kau dat ai da. Dai zawn kahtam dat ai shaloi dai lapu baren hpe mung kahtap hkrup ai sha n-ga, shan lahkawng a wawn hpe mung kahtam hkra nna lahkawng brang rai mat ai majaw, kahpu hte kanau gaw san san yawng mat wa ai da. Dai zawn yawng mat wa ai shaloi gaw, kahpu kaw gaw ja shingwoi hte nhtu lawm mat wa nna, kanau kaw gaw Kang Seng Ndan Bum Hkrang Kungli lawm mat wa ai da.
Ya hkai na maumwi gaw "Hkrai Gam Hkrai Naw" ngu ai maumwi a daw 2, hpang jahtum na daw re. Dai zawn shan nau kaga ga yawng mat wa ai shaloi gaw, kanau mahtang gaw Mali hka sinpraw maga de na Dinghta Wa Yang ngu ai shara de du mat nna, kahpu wa gaw le hka nam de yu mat wa ai gaw Mali zup makau du hkra du mat wa ai da. Dai zawn rai nna, kanau du mat wa ai shara, Dinghta Wa Yang kaw gaw, ma kasha ni hpe rim sha sha re ai galang kaba langai mi nga ai hte dai galang gaw hto mana maka tsaw ai hpun kaw tsip tsip rai nna nga ai da. Rai tim, tsip nau htat ai majaw, dai galang tsip hpe n mu mada ai da. Dai galang gaw ma kasha ni hpe hkan hta sha sha re ai majaw, dai kaw na mare masha ni gaw dai Du Nau Naw hpe mu ai shaloi "E, myit su wa e, nang gaw Bum Hkrang Kung Li ngu ai ndan lu ai re gaw," "ndai galang hpe gap sat kau ya mi," ngu tsun ai da. Shi mung galang hpe gap sat na ngu nna hkyen ai da. Rai ti mung, dai galang tsip nga ai hpun hpe gaw nai dum ru ngu ai, hpun ru kaba, dai hpun kaw lung manai nna she galang tsip hpe magap da ai majaw, gara kaw galang tsip nga ai hpe n chye mat ai da. Dai numru hpe lu kahtam di dat yang gaw si hkraw mat nna, galang tsip dawng wa na hpe myit lu tim, dai numru hpe kahtam di lu ai nhtu dai mare kaw n nga ai da. Dai majaw Du Nau Naw gaw kahpu nhtu kaba lu ai hpe myit dum nna, kahpu yawng yu mat wa ai hka nam maga de bai yawng yu mat wa ai da. Dai zawn yawng yu wa nna Mali hka mazup makau kaw du ai shaloi gaw, Mali hka wo ra hkran de wa she, woi num langai mi gaw ja shingwoi sha hpye rai nna chyahkan hta nna nga taw ai da Dai majaw shi gaw ja shingwoi nga yang gaw nye kahpu nga na re ngu nna dai woi num hpe "Hka gaw grai sung ai i, tang ai i?" ngu nna marawn san ai da. Dai shaloi woi num wa mung, "Sung sung tang tang, sung sung tang tang," ngu nna sha htai ai da. Gade lang bai san tim, "Sung sung tang tang, sung sung tang tang," ngu nna sha ahtan nga ai da. Dai majaw, Du Nau Naw gaw grai pawt mayu wa ai hte dai woi num hpe ndan hte gap sat kau dat ai da. Shi mung dai de rap sa wa nna, dai woi num hpye da ai ja shingwoi hpe mung hta hpye la rai nna, kahpu hpe matut tam rai yang gaw kahpu hte hkrum sai da. Dai zawn hkrum ai shaloi kahpu gaw "Nau e, nye a madu jan hpe n mu ai i?" ngu san ai da. Dai shaloi kanau gaw "Na a madu jan hpe gaw n mu ai." "Rai tim, woi num langai mi hpe gaw mu ai." "Dai hka sung ai i tang ai i ngu san yang" "sung sung tang tang, sung sung tang tang nga na sha htai taw ai majaw," "ngai gap sat kau sai," ngu nna tsun dan ai da. Dai shaloi kahpu gaw, "E, dai woi num gaw hpu a madu jan re," ngu nna tsun ai da. Rai tim kanau mung matut nna shi sa wa ai lam hpe matut tsun dan ai hte "E, hpu e, ngai hpe... nai dum ru kaba nga ai mare kaw, galang kaba langai ma ni hpe rim sha sha re nga ai." "Dai hpe gap sat lu na matu" "dai nai dum ru hpe nang na nhtu hte wa kahtam kau ya rit," ngu nna tsun ai da. Kahpu mung kanau tsun ai hpe myit hkrum ai hte shan lahkawng gaw dai myi na galang tsip nga ai shara de bai du lung wa ma ai da. Dai hpun kaw du ai hte kahpu gaw shi a nhtu kaba hte dai nai dum ru hpe kahtam di kau dat yang, dai nai dum ru mung si hkraw mat wa nna kalang tsip kaw na galang hpe mu mada sai hte kanau gaw shi a ndan hte galang hpe gap sat kau dat ai da. Dai zawn rai nna gap sat kau lu ai hpang e dai galang hkrat si ai shara kaw gaw mati kaba langai mi tu wa ai da. Dai hpe lai wa lai sa ai ni gaw di sha sha re ma ai da. Shawng lai wa ai ni gaw mati grai kaba ai majaw, mati lap hpe sha di la nna shadu sha ai wa grai mu ai da. Hpang e bai lai wa ai ni mung mati lap ma mat sai hte ngam nga ai mati pawt hpe sha di la nna shadu sha ai gaw grai mu ai da. Rai tim, dai zawn mati lap hte mati pawt hpe shadu sha ai ni gaw gara hku myit ma ai i nga yang, mati lap hpe di sha ai ni mung, "Aga... ndai mati lap pyi dai ram mu yang gaw" "mati pawt she rai yang gaw kade she mu na," ngu nna myit chyu myit ai da. Dai hte maren sha, mati pawt hpe lu sha ai ni mung "Aga... mati apawt ndai sha pyi dai ram she mu ai rai yang gaw" "mati lap she rai yang gaw kade wa she mu na wa..." ngu nna dai hku chyu myit chyu myit myit chyu myit re ai majaw, dai zawn re myit ai kaw na hpyi nat byin hpang wa ai re da. |
