| Description |
Translation (Tu Awng & Keita Kurabe)
What I'm about to tell is about the proverb, "It is hard for those who do not have, but harder for those who do not know." Long ago, in the Hka Hku region, there lived a group of Hkun Ru men known for their lies. They were people who joked with friends. One morning, in front of a house, a group of Hkun Ru young men, four, five, six in number, came to play and were chatting. One of the men was looking down at the ground the whole time. What he was looking at appeared like a dropping of a hen sitting with raised feathers, dull and covered with dust. It looked like a chicken dropping, but was round and seemed artificial, so the man picked it up to look. Upon picking it up, he said, "Hmm, this seems like a chicken dropping but is very heavy." "What could it be?" "It looks like a chicken dropping," he said. Another man said, "Alright, let me hold it." He took it to weigh in his hand. Weighing it in his hand, he said, "Surely, chicken droppings can't be this heavy?" "Dried chicken droppings aren't this heavy," he said. Yet another man said, "Let me hold it this time." "This is a bullet used by hunters to shoot their prey." "The smell of ammunition still lingers." Another man then said, "Alright, pass it to me," and took his turn to hold it. In this manner, they passed it around. At that time, one man said, "This is a bullet that fell from a hunter's bag." "A bullet, a bullet." "A bullet to shoot prey." Another man said, "Alright, let me hold it." After holding it, he said, "It's nothing special." "This is just a chicken dropping." "Nothing more." He threw it away with a thud. In truth, it was a lump of gold. They had never seen gold before. Having never seen gold and only having seen chicken droppings, they did not recognize the gold as gold. They had the fortune to find gold. However, they did not have the fortune to eat from it. Hence, there is a Kachin proverb that says, "It is hard for those who do not have," "But harder for those who do not know," as the proverb goes. Investigating whatever it may be is important. Otherwise, one is prone to lose it. This is how the old people spoke of it as a proverb. Thank you.
Transcription (Lu Hkawng)
Ya hkai dan na maumwi gaw "N Lu Ai Wa Yak Ai, N Chye Ai Wa Grau Yak Ai," ngu ai ga malai re. Moi shawng de ndai hka hku mung daw maga de gaw Hkun Ru la ni gaw grai masu chye ma ai da. Manang hpe mung grai shatu ma ai da Lahpawt mi na gaw nta langai ndaw hta e Hkun Ru la shabrang mali manga kru wa hkawm dam wam hkawm na tsun chyai nga ma ai da. La langai mi rai yang gaw ga de sha gum na yu taw nga ai da. Dai shi mu ai rai gaw hpa re ta nga yang U hpum kanu na hkyi zawn re na amut re numhpu grai kap ai mi mu ai da. Dai majaw shi gaw U hkyi rai sam ai ngu yang nau wa mi din, da sang galaw ai zawn gaw rai na shi gaw dai hpe hta lang yu ai da. Shi hta lang yu na gaw "Um, ndai gaw u hkyi zawn gaw re wa mi grai li nga ai le." "Hpa baw wa re kun?" "U hkyi rai sam ai," ngu tsun ai da. Langai mi bai rai yang mung "Hka, ngai bai lang yu ga," ngu na langai mi bai lang yu ai da. Lang na hpai yu re yang gaw bai dingnak yu na rai yang gaw "Kaja wa u hkyi ndai ram li ai gaw n nga ai law i." "U hkyi jahkraw she nga ndai ram gaw n li ai law," ngu na dai wa gaw bai tsun hkat ma ai da. Langai mi hpang langai mi bai rai yang gaw "Ngai bai yu yu ga," nga na tsun ai shaloi gaw "Ndai mi gaw mukhkyu ai mukhkyu la ni shan nga gap na matu din tawn da ai machyu she re nga goi." "Wo wan tsi bat pyi naw wai wai she naw manam nga ai," nga tsun ai da. Langai mi bai "Hka, rai yang gaw la dat yu mu," ngu na she langai mi bai lang. Dai hku dinglen dinglen re na lang yu ma ai da. Dai shaloi langai mi gaw "Ndai gaw mukhkyu la ni a nhpye kaw na hkrat mat ai machyu rai nga le." "Machyu re, machyu." "Shan ni gap ai baw machyu rai nga le," ngu tsun ai da. Hpang langai mi bai rai yang gaw "Hka, ngai bai lang yu ga," ngu bai lang yu re ai da. Shaloi gaw "Hpa n re law." "Ndai mi gaw u kanu u hpum hkyi she re law." "Hpa n re goi," ngu na bak nga hkra kabai kau dat ai da. Kaja wa nga yang dai gaw ja tawng she re ai da. Ja ngu ai mung shanhte nau n mu yu. Shanhte gaw n mu yu ai majaw u kanu na u hkyi ngu sha, dai sha mu yu ai re majaw ja hpe mung ja n shadu ma ai da. Shanhte gaw gam gaw kaja sai. Lu sha na gam wa shanhte hta n rawng mat ma ai da. Dai majaw Jinghpaw ni ga malai tsun ai. "N lu ai wa she yak ai." "N chye ai wa she grau yak ai,” nga na ga malai tsun ma ai re. Hpa mi rai ti mung ndai sawk sagawn yu ai ngu gaw anhte hta nga ra na re. Shing n rai yang gaw sum wa chye ai ngu ai hpe moi na masha kaba ni ndai zawn ga malai hte hkai dan ai re law. Yawng hpe grai chyeju kaba sai law. |
