| Description |
Translation (Rita Seng Mai & Keita Kurabe)
"The Story of How a Tree Became a Witness" Once upon a time, there was an old man and an orphan with no parents in a village. The orphan worked hard. Even though he was alone without parents, he worked hard. Day by day, his money accumulated, and he became wealthy. Having saved money, one day, he wanted to travel for two or three months. At that time, he thought about where to leave his saved money. Then, there was a big tree, not far from the village. He met the old man at the base of this tree. And, he asked the old man to look after his money during his journey. "Hey, dear old man," "You don't go anywhere, do you?" "I am about to go on a journey now." "While I am traveling," "I want to entrust you with the money I have saved." "I will come back to retrieve it." He entrusted his money to the old man. After leaving the money, the young man set off on his journey. Thus, he went on his journey, and about three months passed. After about three months, when he returned to the village, he said to the old man to whom he had entrusted his money, "I have come to retrieve the money I left with you." "Please give it back to me," he said. Then, the old man pretended to be very surprised. Pretending to be surprised, he said, "No." "I don't know." "Who, where, when did you entrust it to?" "Whom did you entrust it to?" "Who?" "Who are you?" "I haven't taken any money." "You must be mistaken," he denied. The young man said, "No." "I entrusted it to you because I was going on a journey." "It's my money." Even saying so, the old man continued to deny. As he continued to deny, the young man, unable to do anything, said, "Well, then," "Let's go to someone who can solve our problem," he said. Then, the old man thought, "Ah," "I shall testify that his story is not true," he thought. The old man said, "Then," "Let's go." "I must prove it's not me." "Let's go," he said. The old man said, "No matter how you say it," "it's not me." Not only saying so, but also thinking in his heart that he could deny the young man's story, he followed. When he followed, there was a judge, not far from the village. They went to the man capable of judging disputes. Then, they explained the situation. Upon arriving there, they told what had happened. The young man said, "I was about to go on a journey for two or three months." "I left my money with this old man." "When I came back," "and asked this old man for it," "he wouldn't give it back." "When I ask for the money," "this old man denies it," he said so. Then, the judge said to them, "When you entrusted him with the money" "where did you do it?" The young man said, "We did it at the base of a tree." "We met at the base of the tree," "and did it there." The owner of the money, the young man, told the judge. Then, at that moment, the old man said, "No, I didn't take it," he continued to deny. Then, the judge said, "Then," "bring the tree that was standing" when you entrusted this old man with the money," he said. "Bring that tree here." The old man thought to himself, "That tree can't do anything." "There's no way the tree is coming." "I win." "It's just a tree." "There's no way a tree can speak." The old man thought so in his heart and was not worried. The young man told the judge, "Judge, the tree cannot speak." "Nor can it move." "Nor come walking here." "Even if I call it" "it will not come," he said. Then, the judge said, "No." "Even if the tree did not speak before" "it should be able to speak now." "Just say that I have called for it," and sent him to summon the tree. The young man went to the tree. After a while had passed since the young man had left, the judge suddenly asked the old man, "Could it be that the young man has not yet reached the tree?" Upon hearing this, the old man unwittingly confessed, "That tree is very far away." "He won't arrive just yet," he answered. Therefore, the judge said, "Ah, you said you did not keep the money." "Why do you know how far away that tree is?" "Your own mouth has testified." "You have testified that you were entrusted with the money," he said. "This tree has testified that you were entrusted with the money." As he was saying this, the young man returned. He said, "I have summoned the tree." the judge said, "Before you came back," "the tree has testified." "Therefore, the money you entrusted will be returned to you." He had the old man bring the money. Realizing his lie was exposed, the old man handed over the money. Thus, the old man returned the money to the young man. The story ends here. Thank you.
Transcription (Lu Awng)
"Hpun langai mi sakse hkam ai lam" hkai dan na re. Moi shawng de da ndai mare kahtawng langai mi kaw e dingla langai mi hte kanu kawa n lu ai jahkrai ma nga ai da. Dai ma gaw bungli grai shakut ai ma re da. Shi kanu kawa hte n re shi hkrai sha rai ti mung bungli grai shakut ai majaw lani hte lani ja gumhpraw ni grai lu wa nna grai lu su wa ai da. Ja gumhpraw grai lu wa rai nna shi gaw lani mi hta shi gaw shara ra de shata lahkawng masum daram jahkring mi bu hkawm mayu ai da. Shaloi shi gaw shi lu ai ja gumhpraw hpe e gara kaw tawn da na kun ngu myit ai da. Myit nga re shaloi gaw shanhte na mare ka-ang kaw na nau n tsan ai, mare hte kachyi mi sha re ai shara kaw hpun langai mi, hpun kaba langai mi tu ai da. Dai hpun pawt kaw na dingla hte sa hkrum ai da. da. Hkrum rai na she dai dingla hpe shi na ja gumhpraw ni hpe shi hkawm ai laman hta yu ya na matu ap da ai da. "E, jinghku dingla e" "Nang gaw kara de n sa ai re gaw." "Ya ngai hkrun lam hkawm na rai na" "ndai ngai hkawm ai nhtoi lapran kaw e" "ngai lu da ai ja gumhpraw ni hpe nang kaw naw ap da mayu ai." "Ngai wa jang she bai wa la na," ngu na ap da ai da. Shi hpun pawt kaw na gumhpraw lu ap da ai shani kaw na dai la shabrang wa gaw hkrun lam hkawm mat wa sai da. Dai hku bu hkawm wa rai na shata masum ram na wa ai da. Shata masum na na bai wa re shaloi gaw shi gumhpraw ap da ai dingla hpe she "Myi ngai ap da ai ja gumhpraw hpe e ngai bai la sana." "Ngai hpe bai jaw rit," ngu tsun ai da. Dai hku ngu jang she dingla wa gaw grai mau masu su ai da. Grai mau masu su rai na she "N mu ai lu." "N chye ai lu." "Nang kadai gara kaw galoi ma?" "Kadai hpe ap da wa sata e?" "Kadai wa ta?" "Kaning re wa rai sata, nang gaw," "Nang ngai hpe n ap da ai." "Nang masha shut ai she rai na re lu," ngu na grai ndang ai da. La kasha wa gaw "N re ai le." "Ngai hkawm na rai na nang hpe ap da ai re." "Nye ja gumhpraw ni re," ngu dai hku tsun ti mung dingla wa gaw ningdang hkrai ningdang ai da. Ningdang hkrai ningdang rai re yang she dai la wa gaw gara hku n chye di na she "E, dai hku nga yang gaw" "an hpe ndai manghkan ndai hparan chye ai wa de sa ga," ngu tsun ai da. Dai shaloi she shan lahkawng gaw... dai dingla wa mung "Re ai. Shi n re ai." "Kaja wa n re ai lam tsun na re," ngu na tsun rai na dai dingla wa mung e "Re." "Sa ga." "Ngai n re ai lam hpe hparan kau ra ai." "Sa na re," ngu na she tsun ai da. Bai na dai dingla wa gaw "Nang gara hku mi woi hparan ai rai ti mung" "Ngai mi n re ai gaw," ngu na dai hku tsun ai sha n-ga na myit kaw na mung mai ningdang la ai ngu na myit na hkan nang sai da. Hkan nang re shaloi wora shara na, kahtawng hte kade n tsan ai kaw na mare langai mi kaw na tara agyi, tara chye daw dan ya ai, chye hparan ai la langai mi kaw e shan du mat wa sai da. Dai kaw du rai na she shan lahkawng gaw ndai lam ni hpe tsun dan ai da. Ndai la kasha wa gaw dai kaw du rai na she shan gaw ndai lam ni hpe tsun dan ai da. La kasha wa gaw "Ngai shata lahkawng masum hkawm na ngu na" "ndai dingla wa kaw ngai na ja gumhpraw ni sa ap da ai." "Shing rai na ngai bai wa ai shaloi" "ndai dingla kaw hpyi yang" "shi gaw n jaw ai," ngu na "dai hku mabyin hpe bai hpyi yang" "ndai dingla wa gaw ningdang kau ai," ngu na dai hku tsun dan ai da. Dai shaloi wa she ndai tara agyi ngu na wa gaw shan hpe tsun ai da. "Nan lahkawng ap hkat ai shaloi gaw" "kaning re shara kaw ap hkat ai rai?" ngu na san yang she ndai la shabrang wa gaw "Hpun pawt langai mi kaw re," ngu tsun dan ai da. "Hpun pawt langai mi kaw e an lahkawng hkrum re na tsap na" "ap hkat ai re," ngu na ndai gumhpraw madu shabrang wa gaw tara agyi hpe tsun dan ai da. Dai hku tsun rai jang she dai hku tsun rai jang she dingla wa gaw "E, shi hpe n ap ai," ngu ai hku na na ningdang hkrai ningdang na tsun ai da. Rai ti mung ndai tara agyi wa gaw ndai hku tsun dat ai da. "E, dai hku nga yang gaw" "nang ndai dingla hpe e gumhpraw ap ya ai, ap hkat ai shaloi" "nang tsap ai makau kaw tu ai hpun dai hpe sa shaga wa rit deng," ngu dat ai da. "Hpun dai hpe sa shaga wa rit," ngu yang she e ndai dingla wa na myit hta gaw "Hpun ndai gaw hpa chye ai mung n re." "Sa wa lu na mung n re me gaw." "Ngai dang sai." "Hpun she re." "Hpa mung tsun na n re," ngu na shi myit hta gaw dai hku myit na hpa mung n tsang na nga ai da. Ndai gumhpraw ap da ai la kasha wa mung tara agyi wa hpe she "E, tara agyi wa e, ya ndai hpun ndai gaw ga chye shaga ai mung n rai." "Htawt wa htawt sa ai mung n rai." "Hkawm sa hkawm wa lu ai mung n rai re yang gaw" "ngai shaga tim" "shi sa wa lu na n re," ngu na tsun ai da. Dai shaloi e dai tara agyi wa gaw "N re ai." "Myi n chye shaga tim" "ya chye shaga na ra ai." "Ngai shaga ai sha ngu na shana tsun dat su," ngu na bai sa shangun dat ai da. La shabrang wa bai sa mat wa rai jang she ndai la kasha sa mat ai loi mi na re shaloi she ndai tara agyi wa gaw ndai dingla wa hpe she akajawng sha san dat ai da. "Ya dai shabrang ma wa garai n du wa na kun i?" ngu na tsun dat ai hte she wora dingla wa mung n dum shami she "Dai hpun gaw myi de hto tsawm ra tsan ai kaw she re gaw." "Ya kalang ta n du wa na re," ngu na htai dat ai da. Dai re majaw gaw tara agyi la wa gaw "Aw, nang e gumhpraw rai n ap ai nga tsun na" "ya hpa rai hpun dai kade daram tsan n tsan nang gara hku na chye ai rai?" ngu na "Nang na n-gup nan nan dai kaw sakse hkam ai re." "Nang hpe ap ai lam nang sakse hkam taw nga nit dai," ngu na tsun dat ai da. "Nan lahkawng ap ai hpe ndai hpun gaw sakse rai taw nga sai," ngu na tsun taw nga yang she shabrang wa mung bai hprawt rai na du wa ai da. Shabrang wa mung bai "Sa shaga da sai," ngu na wa tsun ai hte she "Nang pyi garai n du shi yang e" "hpun dai gaw nang kaw sa wa ai sakse hkam taw nga sai." "Dai majaw nang ap da ai ja gumhpraw hpe nang bai lu la na re yaw," ngu na ja gumhpraw ni hpe bai la ya ai da. Dingla dai wa mung shi masu shut ai hpe chye mat ai re majaw she shabrang wa na ja gumhpraw ni hpe bai shaw ya ai da. Shing rai na dingla wa kaw na gumhpraw ni hpe bai shabrang wa hpe bai ap ya ai da. Maumwi gaw ndai kaw htum sai re. Yawng hpe grai chyeju kaba sai law. |
