| Description |
Translation (Gun Mai & Keita Kurabe)
The story I'm about to tell is "Nang Bya Carrying the Thatch Grass." As everyone knows, Nang Bya is a great liar. He is always thinking about how to lie to his friends. One day, Nang Bya said to his friends, "Come on, let's go to the field and carry my thatch grass today." He invited them so. In the mountainous areas, thatch grass is carried in large bundles. If we Kachin people are invited to work, whether the person who invited us has arrived or not, the one who arrives first immediately starts working. Nang Bya came early, got inside a large bundle of thatch grass, and was hiding there. His friends, being invited by Nang Bya, carried the thatch grass in which Nang Bya was hiding, and returned to Nang Bya's house. At that moment, as they were about to reach the house, Nang Bya said, "Hey, friend, please put it down gently!" "Don't throw it!" "I am inside!" Hearing this, the friend, deceived by Nang Bya, became very angry. Very angry, he thought to himself, "Just you wait, Nang Bya!" "It will be your turn next time!" He thought to himself. So, one day, just as Nang Bya had done to him, he invited Nang Bya, intending to deceive him. "Hey, come on, let's carry my thatch grass today!" He went ahead, just like Nang Bya had deceived him, and hid inside a bundle of thatch grass. Then, Nang Bya said, "Hmm, this person is trying to make me carry it." He threw the spear he brought into a place where there were no bundles of thatch grass. And then he said, "Alright, let's try throwing it at that bundle of thatch grass!" Then, the friend who was hiding in the bundle of thatch grass said, "Hey, stop it! Stop it!" "I'm hiding inside!" Thus, Nang Bya avoided carrying his friend. Nang Bya is indeed a great liar. A very great liar indeed. The people of old told this story. Thank you.
Transcription (Lu Hkawng)
Ya hkai dan na maumwi gaw "Nang Bya Hkindu Gun Ai Lam" re. Nang Bya ngu ai gaw yawng chye sai hte maren galoi mung grai chye masu ai wa le i. Manang wa hpe gara hku na masu na ngu na sha myit taw ai wa re da. Lani mi hta ndai Nang Bya wa gaw shi manang wa hpe she "Saw, hkau e, dai ni gaw yi de nye hkindu sa gun ga law," ngu na saw ai da. Bum ga de gaw hkindu hpe kaba ba di shabawn na gun ma ai re. Anhte Jinghpaw ni gaw ga saw sai nga yang gaw madu ni du du n du du anhte gaw du sai hte bungli kaw du sai ngu ai hku na kalang ta bungli galaw hpang ai re. Ndai Nang Bya bai rai yang gaw shi gaw myi jau jau sa di hkindu shabawn gaw grai kaba ai majaw she hkindu shabawn kata kaw rawng di shi gaw hkindu kaw makoi rawng nga ai hku rai nga. Wora shi manang wa bai rai yang gaw ga saw sai ngu na she saw pyi naw saw sai re ngu na shi gaw Nang Bya wa rawng nga ai hkindu hpe gun rai na nta de wa sai da. Wa re shaloi gaw nta de du wa ni mahka rai yang she "E, hkau e, tau su sha jahkrat ya u yaw." "Majoi hkum kabai dat le lu." "Kata kaw ngai rawng ai," ngu tsun dat ai da. Tsun dat re shaloi gaw shi manang wa gaw Nang Bya masu ai katut ai majaw she grai ka-un ai da. Grai ka-un na grai pawt mayu na she shi myit kata kaw na sha gaw "E, ya nang mung katut sha na, hkau Nang Bya." "Nang ya nang mung katut na," ngu na myit kaw bang da ai da. Lani mi hta gaw dai manang wa gaw Nang Bya hpe shi hkrum wa ai majaw bai shi hkrum wa ai zawn Nang Bya hpe bai masu na matu saw ai da. "E, hkau e, saw, dai ni gaw nye hkindu sa gun ga," ngu ai hku rai nga. Shi mung Nang Bya na zawn sha myi Nang Bya wa shi hpe masu ai zawn sa na shi mung hkindu shabawn kata kaw shawng bai rawng nga ai da. Shaloi she Nang Bya gaw "Um, ndai wa gaw ngai hpe bai gun u ga ngu na rai nga ai," ngu na she shi gun sa wa ai nri hpe she hkindu shabawn n re ai hkan she wi wi di na hkren hkren re kabai dat ai da. Ngut na she shi gaw "E, ya hto ra hkindu shabawn kaw bai kabai chyam yu na re," ngu ai hku rai nga. Shaloi she dai hkindu shabawn kaba kaw rawng taw nga ai shi na manang wa gaw "E, hkum di law, hkum di law." "Ngai rawng nga ai law," ngu htan ai da. Shing rai Nang Bya gaw manang wa hpe shi na zawn sha n gun ra mat ai da. Dai majaw Nang Bya gaw mhara shagu hpe masu ai wa re. Masu ndum kaba re ngu na moi na masha kaba ni ndai hku hkai dan ai re law. Yawng hpe chyeju kaba sai. |
