| Description |
Translation (Seng Pan & Keita Kurabe)
The story I'm about to tell is "The Origin of the Poppy." Long ago, in a large town of a country, there lived the most beautiful woman in the world. Anyone who saw her even once fell in love with her immediately. Men from all over the world came to see her beauty. One day, men from nine countries arrived. Seeing her, they fell in love and proposed to her. Without exception, all proposed to her. She could not refuse the proposals from the men of the nine countries. Every man had power. She could not choose any of them. Since she could not refuse anyone, she was troubled. So, she said to them, "I can't reject any of you." "I like all of you." "Because you all have a place in my heart," "I can't marry any of you." "However, there is one thing I must tell you." "I can't become the bride of any of you." "You can't take me as your bride." "But, I will never forget you." "So please listen carefully to what I'm about to say." "I will soon die." "When you visit me again," "if you don't find me," "a flower will bloom where I am buried." "You can smell the fragrance of that flower" "to soothe your love for me," she left them with these words. Thus, after proposing to her, they returned to their countries. Later, the men from the nine countries who had proposed to her came to see her. When they arrived, they could not find her, only her family was there. When they asked her family, they said, "She has passed away." "Our daughter, whom you loved, has died." "There is her grave." They showed the place of her grave. The men grieved and did nothing but cry. They went there and cried almost every day. Then, one day, as she had said, a flower bloomed from her grave. The bud also opened. As she had said, "Please smell the fragrance of the flower." "It will have a very pleasant scent," the flower had a very pleasant scent. Because it had such a pleasant scent, the men from the nine countries came every year to smell the fragrance of the flower. Because the flower had such a pleasant scent, not only the men who loved her but more and more people came to smell the fragrance day by day. The flower had a very pleasant scent. As it grew larger, it produced sap. When the sap was produced, people scraped it off and smelled it. Because its scent was incomparably delightful, people scraped off the sap individually and sold it. Because it had such a pleasant scent, they scraped it off and sold it. Everyone smelled its fragrance, and the sap from the flower that bloomed from the grave spread all over the world. The flower that bloomed from the grave, you might ask, was the poppy. The poppy flower originated from where the beautiful woman was buried. The sap from the flower that spread all over the world became the opium that troubles the world today, as the people of old times have told. Whoever consumes opium, there is no one who does not fall into ruin. Those who mishandle opium not only lose all their wealth but also their health. Opium destroys many people. Even though it has a beautiful and pleasant scent, it brings ruin to people. It causes loss of wealth. It leads to the loss of nations. In order for us, the future generations, not to consume opium, the people of old times told this story. Thank you.
Transcription (Lu Awng)
Ya hkai dan na maumwi gaw "Kani Byin Pru Wa Ai Lam" re. Moi de mungdan langai na mare kaba langai kaw grai tsawm ai, mungkan hta tsawm dik htum ai ngu na mai tsun ai num sha langai mi nga ai da. Dai num sha hpe kalang mi sha tim mu lu ai ni yawng hte gaw mu dat ai hte grai ra mat ma ai da. Mungdan shagu kaw na la ni yawng gaw dai num sha tsawm ai hpe sha sa yu ma ai da. Dai majaw lani mi hta gaw mungdan jahku kaw na la ni gaw sa nna dai num sha hpe yu ai hte ra mat nna she sumtsaw ga sa tsun ma ai da. Num sha dai hpe yawng hkra marai langai mi pyi n ngam hkra sumtsaw ga tsun ma ai da. Num sha shi nan mung shi hpe sumtsaw ga tsun ai mungdan jahku kaw na la ni kaw langai hpe mung nyet kau na zawn re la n lawm ma ai da. yawng hkra kadai mung kadai atsam marai nga ai hkrai rai yang she shi gaw yawng hkra hte hpe lata la na zawn hkrai re majaw gara hpe mahtang nyet kau na ngu na shi gaw n lu myit ai majaw she myit ru mat ai da. Dai majaw num sha dai gaw la kasha ni yawng hpe tsun ai da. "E, nanhte yawng hta langai mi mung ngai nyet kau na n lawm ai." "Yawng hpe ngai grai yu ra ai." "Nanhte yawng gaw nye myit hte htep nga re majaw" "ngai gaw gara wa kaw wa na mung n chye mat sai." "Rai ti mung ya nanhte hpe tsun na ga, numhtet da na ga langai mi nga ai." "Nanhte langai mi kaw mung ya ngai n lu wa ai." "Nanhte mung ngai hpe n lu la ai." "Rai ti mung nanhte hpe ngai galoi rai tim tsaw ra nga na yaw." "Dai re majaw ngai htet da ai ga hpe atsawm sha madat la mu." "Ya ngai gade n na yang si wa sana re." "Ngai si mat wa na nanhte ni ngai hpang de bai sa gawan ai shani" "lama wa ngai hpe n mu yang" "ngai hpe lup da ai shara kaw nampan hpun langai mi tu wa na re." "Dai majaw nanhte dai nampan hpun na nampan pu hpe sa manam nna" "ngai hpe marit ai lam marit jahkoi la mu yaw," ngu nna tsun htet da ai da. Shing rai dai la kasha ni yawng gaw shi hpe sumtsaw ga ni tsun da na kadai mung kadai ti nang mungdan de wa mat ma ai da. Kaja wa sha hpang de dai num sha hpe shara shagu de na shi hpe tsaw ra ai mungdan jahku kaw na la kasha ni yawng hte gaw lani mi hta bai sa yu ai da. Sa re shaloi kaja wa sha num sha dai hpe n mu nna she shanhte nta masha ni hpe sha mu ai da. nta masha ni hpe san re shaloi gaw nta masha ni gaw "Si mat sai." "Nanhte ra ai anhte a kasha tsawm shayi gaw si mat sai." "Dai re majaw shi hpe lup da ai shara gaw wora kaw re," ngu nna she dai num sha wa na lup wa hpe sha sa madun ma ai da. Dai shaloi dai la ni gaw grai yawn nna she sa hkrap hkrap rai ma ai da. Shanhte galoi mung dai kaw sa yu na hkrap nga re shaloi she lani mi hta gaw dai lup wa kaw nampan hpun langai mi wa kaja wa sha num sha htet da ai, tsun da ai hte maren, tu wa ai da. Tu rai nna apu mung pu wa ai da. "Dai nampan hpe nanhte ni manam u." "Grai manam pyaw ai nampan rai na re," ngu tsun da ai hte maren dai nampan wa pu rai na grai manam pyaw ai da. Grai manam pyaw ai majaw she dai mungdan jahku kaw na la ni gaw shaning shagu sa na dai nampan pu hpe sa manam ma ai da. Nampan dai gaw grai manam pyaw ai majaw she shi hpe ra ai la dai ni sha n-ga, lani hte lani dai nampan hpe sa manam ai la ni gaw law she law wa ai da. Nampan dai hpe sa manam na manam pyaw ai majaw she hpang de gaw nampan dai gaw kaba pu tsawm wa re shaloi gaw naw pru wa ai da. Shi kaw naw pru wa ai shaloi dai naw ni hpe yawng hkra la dai ni gaw ahkut la kau na naw ni hpe sha manam nam re ai da. Shinggyim masha ni gaw dai manam pyaw ai nampan hpe she kaga hpa hte mung n lu galai kau re majaw she dai nampan hpe masha ni gaw langai hpang langai langai hpang langai ahkut la na dut sha ma ai da. Grai manam pyaw ai rai na ahkut na dut sha dut sha na yawng hkra manam hkrai manam na dai lup wa kaw na nampan na naw wa mungkan ting chyam na manam mat ma ai da. Dai ni dai kaw na pru wa ai dai naw nampan hpe hpa baw nga ai i nga yang "kani pan" ngu ma ai da. Ndai kani ngu ai gaw ndai grai tsawm ai num jan hpe lup da ai lup kaw na tu pru wa ai nampan kaw na naw re ai da. Naw kaw na mungkan shinggyim masha ni yawng hkra manam wa ai nampan kaw na pru wa ai naw gaw hpa baw rai mat ai i nga yang dai ni mungkan ting hpe zingri zingrat sha ai kani rai nga ai nga na moi na kaji kawoi ni ndai hku tsun dan ai re. Shinggyim masha ni kadai mung ndai kani hpe marawp lu ngut mat yang n hkrat sum ai masha kadai mung n nga ma ai da. Kani ndai hpe lu kajam shut ai ni gaw ja gumhpraw sut gan ni yawng hkra ma ai sha n-ga hkum gawng shingyang mung yawng hkra hkrat sum mat ai re. Ndai naw gaw shinggyim masha law law hpe sharun jahten ai re. Yu yang gaw manam pyaw ai, tsawm htap ai, lu pyaw sha pyaw nga tim dai ni shinggyim masha ni hpe hkrat sum shangun ai, ja gumhpraw lam hta hkrat sum shangun ai, amyu baw lam hta hkrat sum shangun ai kani re ngu ai hpe anhte ya ban prat na kashu kasha ni mung n marawp hkrup n sha hkrup na matu n lu hkrup na matu dai ni kaji kawa ni anhte hpe lai wa sai ten na maumwi hpe tsun hkai dan ai re. Yawng hpe grai chyeju kaba sai law. |
