| Description |
Translation (Rita Seng Mai & Keita Kurabe)
The story I'm about to tell is "The Beauty and the Three Young Men." Once upon a time, there were three close friends in a village. They were all in love with the same woman. Each of them possessed a mysterious tool. One of them had a "Golden Fan." Another had a "Peeping Mirror," a type of telescope that could see from afar. The other had "Four Wheels," a tool that could swiftly reach from afar. One day, the three young men left the beautiful woman behind to go on a trading journey. After some time on their journey, they began to miss their beloved beauty. Therefore, the man with the Peeping Mirror looked at their village through it. He saw that the beautiful woman had fallen terribly ill. So, he told his two friends, "Hey, friends, our beauty is suffering from a terrible illness." "Let's return to the village quickly!" The man with Four Wheels then spun the wheels rapidly, hurrying back home with friends, and quickly returned to the village. Upon arriving at the village, they found that their beautiful woman had already passed away. She had indeed died. At that moment, the man with the Golden Fan began to fan her, and the woman came back to life. Afterwards, since all three men loved her, they discussed who was the most worthy to marry her. The man with the Peeping Mirror spoke first. "I am the one most worthy to marry her." "If I hadn't looked through my mirror," "we wouldn't have known about her illness," "and by the time we returned, it would have been too late." "Therefore, I am the most worthy to marry her." When he said this, the man with Four Wheels said, "No, that's not the case." "We could meet the revived beauty again" "because I hurried back with you using my Four Wheels." "She had stopped breathing once," "but it wasn't too late." "Had we arrived after her burial," "even the Golden Fan couldn't have revived her." "Therefore, I am the most worthy to marry her." Then, the man with the Golden Fan said, "Ah, what you both say is certainly true." "But, if I hadn't fanned her with my Golden Fan," "She wouldn't have come back to life." "Since I revived her by fanning," "I have the closest connection to her." "I am the most worthy to marry her." Thus, a dispute arose, but since they were close, they did not resort to violence, and instead called upon elders to decide who was the most worthy to marry the beauty. Then, the elders, after some thought, said, "It is true that you discovered the woman's illness" "thanks to the man with the Peeping Mirror." "It is also true that you could return quickly" "thanks to the man with Four Wheels." "But who could marry the corpse of a dead beauty?" "Therefore, the man with the Golden Fan, who revived the beauty," "is the most worthy to marry her." They advised. The other two men accepted what the elders said, and agreed that the man with the Golden Fan should marry the woman.
Transcription (Lu Awng)
Ya tsun na maumwi "Tsawm Shingni hte Shabrang Masum" nga ai re. Moi shawng de kahtawng langai mi kaw grai hkau hkat ai manang shabrang masum nga ai da. Dai shabrang masum gaw num kasha langai hpe sha jawm tsaw ra ai da. Dai shabrang masum kaw gaw langai hte langai kaw laklai ai arai ni lu ma ai da. Shabrang langai mi kaw gaw "Ja layit" ngu ai nga ai. Langai mi kaw gaw "Mu mada htau mawng" ngu ai man pyaung baw, grai tsan ai shara kaw na hpe tim mu lu ai baw rai langai mi lu ai. Shabrang langai mi gaw "Ga shagyin" ngu ai grai tsan ai shara de rai tim jahkring sha lu du mat ai baw arai lu ai da. Lani mi gaw dai shabrang masum gaw num kasha tsawm shingni hpe tawn kau da nna hpaga ga rawt mat ai da. Dai zawn hpaga ga hkawm mat nna loi na ai shaloi gaw shanhte na tsaw ra jan tsawm shingni hpe marit wa sai da. Dai majaw, ndai mu mada htau mawng lu ai wa gaw dai shi na mu mada htau mawng rau shanhte na mare de yu dat yang shanhte na tsawm shingni jan wa gaw grai machyi sawng taw ai hpe mu dat ai da. Dai majaw manang yan hpe "E, manang yan e, anhte na sumtsaw jan tsawm shingni gaw grai machyi sawng taw nga ai." "Mare de lawan she nhtang wa saga," ngu tsun dan dat yang dai ga shagyin lu ai shabrang wa gaw shi na ga shagyin ai hte lawan wan shagyin nna woi wa ai majaw hkrun lam kaw aten na na n ra ai sha mare de grai lawan ai hku lu du mat ai da. Dai hku grai lawan ai hku du mat ai rai tim, shanhte na manang jan tsawm shingni a nsa n dep mat sai da. Dai shayi sha tsawm shingni gaw si taw nga sai da. Dai shaloi gaw, wora ja layit lu ai shabrang wa gaw shi na ja layit hte she yit yit yit rai yang, dai tsawm shingni gaw si ai kaw na bai bran wa nna asak bai hkrung wa ai da. Dai shaloi, shanhte masum hte gaw dai tsawm shingni hpe ra ai re majaw kadai mahtang la ging ai hpe tsun hkat ma ai. Shawng nnan, mu mada htau mawng lu ai wa gaw, "Ngai she Tsawm Shingni hpe la ging ai." "Lama na ngai she mu mada htau mawng rau n mu dat yang," "anhte shi machyi ai hpe pyi n chye nna" "anhte bai wa ai shaloi gaw shi si mat nna ga pyi tai nga na sai." "Dai majaw ngai she shi hpe la ging ai," ngu tsun ai da. Manang wa dai hku tsun yang, ga shagyin ai wa mung, "Nang dai hku hkum tsun." "Ya na zawn Tsawm Shingni hpe asak hkrung ai hte bai mu lu ai gaw" "ngai ga shagyin nna lawan bai lu woi wa ai majaw" "nsa n dep mat ai rai tim pyi" "nau n hprang hkrat ai sha aten dep lu du wa ai re." "Lup kau ai hpang she lu du wa yang gaw" "ja layit hte yit tim pyi bai hkrung wa na n rai sai." "Dai majaw ngai she Tsawm Shingni hpe lu la ging ai," ngu bai tsun ai da. Dai shaloi, ja layit lu ai wa mung, "E... manang nan lahkawng dai hku tsun ai gaw jaw sai." "Rai tim, ngai ja layit hte she n yit jahkrung dat yang" "Tsawm Shingni gaw bai hkrung wa na n rai sai." "Ngai bai yit jahkrung dat na bai hkrung wa ai re majaw" "ngai hte she seng sai." "Ngai she lu la ging ai," ngu bai tsun ai da. Dai hku dangrang hkat tim, shanhte masum gaw grai hkau ai manang ni re ai majaw sat hkat nat ai hku gaw n galaw ai sha salang ni hpe shaga la nna kadai mahtang Tsawm Shingni hpe la ging ai hpe dawdan shangun ai da. Dai shaloi shalang ni gaw bawngban la nna she tsun ai da. "Mu mada htau mawng gun ai wa mu mada ai majaw" "Tsawm Shingni machyi taw ai hpe mu ai nga mung jaw ai." "Ga shagyin ai shabrang wa a majaw" "lawan lu du wa ai nga mung jaw ai." "Rai tim si mat taw sai Tsawm Shingni a moi mang hpe gaw kadai mung hkungran la na n re." "Dai majaw asak jahkrung ya ai ja layit gun ai wa mahtang" "Tsawm Shingni hpe hkungran la u ga," ngu nna dawdan ya ai da. Manang yan mung salang ni dawdan ya ai hpe hkap la ai hte shan yan a ja layit lang ai manang wa Tsawm Shingni hpe hkungran la na hpe myit hkrum ya ai da.
Picture Story Version
https://doi.org/10.15026/0002000138 |
