| Description |
Translation (Rita Seng Mai & Keita Kurabe)
I am now going to tell the tale of "The Ogre Defeat by the Little Ones." Long ago, in a region, there was an old ogre so strong that no one could match him. Every day, be it animals or humans, one had to be sacrificed. Even without a sacrifice, he would catch and eat someone himself. And so, as time passed, because the ogre had eaten them, the animals and humans of that region disappeared. Only the small ones, the immature, and those deemed insignificant were left. Therefore, one day, these remaining beings, the dung beetle, bee, snakehead, crab, mud eel, and stone, held a meeting. They said this: "Now, let's do this!" "Mr. Stone, please watch the base of this ladder." "Mr. Mud eel, please stay on top of this ladder." "Mr. Crab, please stay inside this water jar." "Mr. Snakehead, please hide inside this hearth." "Mr. Bee, please wait in the ogre's room." Thus, the dung beetle led the meeting, "When the ogre, full and satisfied, enters his room," "I will fly with a 'Dee-Dee' sound," "and spread the gas of dung." "Then, he will become angry," "chase me, and strike everywhere around." "At that time, Mr. Bee, you must sting his face," the dung beetle said. Each of them took their roles, held the meeting, and waited. Then, after a while, the old ogre, full and ready to sleep, entered his room. When the ogre entered the room, the dung beetle flew in with a "Dee-Dee" sound, and spread the dung gas. Then, the ogre, enraged, chased the dung beetle, striking all around. While he was doing so, the bee stung his face. Then, the ogre, in his anger and pain, wanted to kill the dung beetle and bee by setting a fire, and he ran to the hearth. The snakehead hiding inside the hearth when the ogre squatted down by the hearth, jumped with a "Paruk ruk ruk" sound. It caused the ashes to enter the ogre's eyes, and he became blind. Thus, being unable to see, he tried to wash his eyes, and groped for the water jar, but when he thrust his hand into the jar, the crab inside the jar pinched his hand with all its might. Having his hand pinched in this way, he tried to throw the crab outside, and he ran outside. There he slipped on a mud eel lying on the ladder, fell down the ladder, and hit his head on the stone guarding the base of the stairs, resulting in his head splitting open and his death. In this way, the ogre, who had violently devoured everyone in the region, was defeated by these six smallest of beings, by their combined efforts.
Transcription (La Ring)
Ya tsun na maumwi gaw "Amyu Kaji Ni Sha Lawa Hpe Dang Kau Ai Lam" nga ai maumwi re. Moi kalang mi hta ginwang langai mi kaw grai n-gun ja ai, kadai mung n dang lu, kade mung hpa n di lu re ai sha lawa dingla langai mi nga ai da. Shani shagu dusat yam nga rai rai, masha rai rai, langai langai sa sa jaw ra ai da. N sa jaw yang mung shi hkrai grai rim sha wa wa re ai da. Dai hku rai nna, nhtoi na na rai wa ai shaloi gaw, dai sha lawa rim sha ai majaw, dai ginwang ting na dusat dumyeng hte masha ni gaw ma wa sai hte kaji kadun n kung n kang n tai n mai re ai ni sha ngam wa sai da. Dai majaw lani mi gaw dai ngam nga ai ni kaw na Kin Du Nan ma, Lagat ma, Nga Gam ma, Jahkan ma, Hkang Shan ma, Nlung Tawng ma gaw zuphpawng hpawng sai da. Shanhte gaw ndai hku tsun ma ai da. "Gai, anhte ndai hku di ga." "Nlung tawng, nang gaw ndai lakang pawt kaw sin u yaw." "Hkang Shan, nang gaw ndai lakang kaw nga taw nga u yaw." "Jahkan, nang gaw ndai hka yam kaw rawng nga u." "Nga Gam, nang gaw ndai wan mang kata kaw nga taw u yaw." "Lagat, nang gaw ndai Sha Lawa dingla a gawk kaw la nga u yaw," ngu nna Kindu Nan gaw woi bawngban nna she "Ngai gaw ndai Sha Lawa dingla sha hkru na shi na gawk de shang wa jang" "di di, ngu na pyen nna" "nye na hkyi nsa hte shamawng bun dat na." "Dai shaloi shi gaw pawt bu nna" "shara magup ngai hpe hkan gayet wa na ra ai." "Dai shaloi Lagat nang gaw shi a myi man kaw na dat ya u yaw," ngu nna shanhte yawng yawng lit ni shada garan la nna she bawngban da ai hte maren la nga sai da. Dai hku rai nna, jahkring nga yang kaja sha dai Sha Lawa dingla gaw sha hkru la nna wa yup na ngu nna shi na gawk de shang wa yang she Kingdu Nan gaw dai Sha Lawa shang wa ai hte she "Di Di," ngu pyen wa nna shi a hkyi nsa ni shamawng bun dat ai da. Dai shaloi dai Sha Lawa gaw pawt nna she Kindu Nan hpe hkan gayet akawk hkawm wa sai da. Dai hku hkan gayet hkawm wa ai shaloi Lagat gaw Sha Lawa dingla a myi man kaw bai na dat ya sai da. Dai shaloi Sha Lawa gaw pawt ai hte machyi ai hte rai nna Kindu Nan hte Lagat hpe wan nat sat kau na ngu nna she wan mang de bai htim sa wa yang dai wan mang kaw nga taw ai Nga Gam gaw dai Sha Lawa wan mang de gum sa wa ai shaloi she "Hparuk ruk ruk," ngu nna shamu dat yang wan mang kaw na dap ni gaw Sha Lawa dingla a myi kaw pak rai nna myi n mu mat sai da. Dai hku myi n mu mat ai majaw, myi kashin la na ngu nna hka yam de bai masawp tam sa wa nna hka yam kaw manaw dat ai ngu yang hka yam kata kaw rawng taw ai Jahkan gaw dai Sha Lawa dingla a lata kaw she aja wa bai matep kau dat ya sai da. Dai zawn lata matep da ya ai majaw Jahkan hpe shinggan de kabai kau dat na ngu nna lagat pru wa yang lakang baw kaw nga taw ai Hkang Shan a hkum kaw sa gabye manen gashawt la nna lakang kaw na kashawt hkrat mat wa ai hte le lakang pawt kaw la nga ai Nlung Tawng kaw she Sha Lawa dingla a baw ang ang wa hkrat ai hte baw abarep si mat ai da. Dai hku rai nna dai ginwang ting hta manu mana mazut nna yawng hpe rim sha sha re ai Sha Lawa dingla hpe dai kaji htum ai amyu kru hte e myit hkrum myit ra ai hte sat dang kau lu ma ai da.
Picture Story Version
https://doi.org/10.15026/0002000139 |
