| Description |
Translation (Htoi San & Keita Kurabe)
Now I am telling a story about why we have to have friends. In our ancestors' time, animism was very strong, and there were many ways to honor spirits. Every family had its own duty to worship the spirits in a village. People lived their lives helping each other. However, there was a man who just went to watch others work but did not help on any occasions. He went there and just stayed for a while. He returned without helping. The villagers discussed themselves about him. "We need to do something about him." "Someday, he will need someone else's help." The villagers discussed what to do with this man. Then, one day, he placed a buffalo at the pillar to sacrifice it to the spirits. Since he couldn't do it alone, he invited the villagers. When he invited them like that, as previously discussed among themselves, they just went to his house, without helping at all, and returned just after watching. All the villagers did the same things as he did before. So even though he placed the buffalo at the pillar, he couldn't do anything by himself. At that time, he realized, "Ah, people need friends!" He had a change of heart. Therefore, we all must help our friends. If people invite us, we must join and help them. Like this man, if you don't help at all, when you can't do anything by yourself, you won't have friends to help you. You will face difficulties. That's why we need friends. We must be friendly with people.
Transcription (Lu Awng & Gun Mai)
Ya tsun na maumwi gaw "Manang Lu Ra Ai Lam" nga ai re. Moi na prat hta gaw nat jaw htung hking shagreng ai re majaw, mare masha ni gaw nat jaw ai lam amyu myu galaw, bungli amyu myu galaw rai nna shada da mung garum shingtau hkat rai na nga ma ai da. Rai timung la langai mi gaw dai zawn masha ni bungli galaw nga ai hkan sa yu rai nna hpa mung n garum ai sha bai wa mat, kaga nta de mung dai hku jahkring mi sha sa gan chya yu, hpa mung n shang galaw garum ai sha bai wa mat mat re ai da. Dai shaloi gaw mare masha ni gaw bawng ban sai da. "Ndai la hpe gaw nyan yu ra sai." "Lani mi na nhtoi hta shi mung lama mi gaw garum hpyi ra wa na re," ngu nna mare masha ni gaw gara hku galaw ga ngu nna jahkrup da sai da. Kaja sha, lani mi na ten hta gaw dai la wa gaw nga kanu dun tawn da rai nna nat jaw jaw na hku galaw wa sai da. Dai majaw shi gaw shi hkrai sha n chye galaw n dang galaw ai majaw, manang ni hpe saw ai da. Dai zawn saw dat ai shaloi gaw mare masha ni mung mi shanhte jahkrup da sai hte maren, dai la wa na nta de sa nna she hpa mung n galaw garum ai sha, sha sa yu da nna bai wa mat, kaga manang ni mung sha sa yu da nna bai wa mat rai nna galaw ma ai da. Dai majaw, nga kanu gaw dun tawn da tim, dai la wa gaw shi hkrai kaning n chye di nna dai hku byin taw ai shaloi she, "Aw... shinggyim masha ngu ai gaw manaw manang ngu ai gaw ra a hka!" ngu nna ngu nna myit malai lu ai da. Dai majaw, anhte kadai rai tim wuhpung wuhpawng langai hta gaw, manang ni galaw ai kaw galaw lawm, manang ni saw ai kaw sa shang lawm, ra ai hta yu nna shang lawm galaw garum chye ra ai da. Dai la wa zawn sha, hpa n chye shang lawm galaw ai rai yang, tinang hkrai n byin n tai wa ai aten hta manang ni n shang lawm garum yang tinang hta yak wa ai baw re da. Dai majaw, anhte shinggyim masha ni gaw manang ngu ai gaw lu ra ai hte manaw manang hte hku hkau kanawn mazum chye ra ai da.
Picture Story Version
https://doi.org/10.15026/0002000070 |
