| Description |
Translation (Htoi San & Keita Kurabe)
The story I'm going to tell is "The Twins Named by Spirits". Once upon a time, there was a man who traveled around the world. One day, while he was traveling, he couldn't find a place to stay, and night fell, he arrived at a graveyard. The man had heard that in such times, it was not appropriate to stay in an empty house, and that it was safer to stay in a graveyard. So in a grave, he said, "The possessor, please let me stay in your place as a shelter for tonight!" Then he rested and slept there. That night, the spirits in the graveyard went out, and learned that twins were born in the village. They returned to the graveyard, and told the spirit where the man was staying, "Friend, twins have been born in the village." "Let's go naming them!" They invited him. But he responded, "You guys go!" "I have a guest tonight." "You just name them" "and tell me later what you named them!" He replied that way. Then all the other spirits left him and went to the village. They entered the house where the twins were born. One of the twins was a girl, and the other was a boy. So the spirits named the boy, "When he is of age to hunt" "May he be bitten by a tiger and die!" They named the girl, "When she is of age to pound rice" "May a buffalo horn hanging on the pillar fall" "and pierce her head causing her to die!" After the spirits named them like that, they went back to their graveyard, and told the names to the spirit of the grave where the man was staying. The man in the grave heard what they said. The next morning, he went down to the village, and indeed found the house where the twins had been born. He told the people in the house what he had heard. However, they did not pay any heed to the man's words, and lived on without doing anything. Thus, when the twins grew up, just as the spirits had named them, when the girl came of age to pound rice, a buffalo horn fell from the pillar, and she died. Because of that, the father, in order to prevent the boy from meeting the fate named by the spirits, to make the given name disappear, went out to hunt, caught a tiger, and tied it to the pillar. He called many villagers, to make the name given by the spirits to the boy disappear, he had the boy jump over the tiger seven times. When he made him jump over, the boy jumped over the tiger's head, and on the seventh time, he stepped on the tiger's fang, and he died. Even though they tried to make the names given by the spirits disappear, because the spirits had already named them, it ended up as the spirits had named. That's why we, the Kachin people, name newborn babies as fast as possible. This is to prevent the spirits from naming them first.
Transcription (Lu Awng & Gun Mai)
Ya hkai na maumwi gaw "Nat Ni Shamying Ai Ma Marun A Lam" re. Moi shawng de la langai mi gaw mungkan shinggrup na bu hkawm ai da. Lani mi hta gaw hkrun lam hkawm nga yang manam shara n nga ai kaw nsin sin mat ai hte lup wa kawng langai kaw du mat ai da. Shi mung nta hpungkraw hkan yup ai gaw grau pyi hkrit ra ai, lup wa kawng kaw yup ai gaw pyi n hkrit ra ai nga nna na ga ai ngu na dai lup wa kawng kaw "E madu e, dai na ndai kaw naw shingbyi na ahkang jaw rit," ngu tsun nna lup wa langai mi kaw dai shana yup la ai da. Dai la wa dai hku yup nga yang, dai lup wa kawng kaw nga ai nat ni gaw yan hkawm na she mare de ma marum lu taw ai hpe chye la ma ai da. Dai majaw dai nat ni gaw lup wa kawng de bai wa nna wora la wa wa hkring yup la taw ai lup wa madu nat hpe "E Hkau, le mare de ma marum lu da ma ai." "Mying shamying na matu sa ga," ngu nna wa saw ma ai da. Dai shaloi dai wa lup madu nat gaw "E, nanhte sa mu." "Ngai gaw dai na manam lu ai." "Mying shamying na rai yang mung nanhte shamying nna" "ngai hpe gaw gara hku shamying da ai hpe sha wa tsun dan mi," ngu nna bai nhtang tsun dat ai majaw wora nat ni gaw mare de sa mat wa ai da. Mare de du ai shaloi, dai nat ni gaw ma marum lu tawn da ai nta kata de shang nna wa yu yang, ma marun kaw na ma langai gaw num kasha, ma langai gaw la kasha re ai hpe mu ma ai da. Dai majaw nat ni gaw la kasha hpe gaw "Jaugawng gawng ram wa ai aten hta" "sharaw e gawa nna si u ga," ngu shamying ya nna, num kasha hpe gaw "Mam htu chye ai aten hta mam htu nga ai shaloi" "n-gaw shadaw kaw gyit shakap tawn da ai nga nrung di hkrat wa nna" "pung ding kaw achyaw si u ga," ngu shamying ya ai da. Nat ni gaw dai hku shamying da nna shanhte na lup wa kawng de bai wa nna wora la wa yup hkring la ai lup madu hpe shanhte shamying da sai mying a lam hpe bai wa tsun dan ai da. Dai hku wa tsun dan ai hpe dai kaw yup hkring la nga ai la wa mung na la nna hpang jahpawt rawt ai hte shi gaw mare de sa mat wa yang, kaja sha ma marun shangai da ai nta wa mu ai hte shi na ai lam ni wa tsun dan ai da. Rai tim, dai nta madu ni gaw kaga hpa mi ahkyak n la ai sha matut nna nga ai da. Dai hku rai nna kaba wa yang, nat ni shamying da ngut sai mying re majaw, num kasha wa gaw mam htu ram wa ai aten n-gaw shadaw kaw gyit shakap da ai nga nrung di hkrat bun na si mat ai da. Dai hku byin ai majaw, kawa gaw la kasha hpe mung nat ni shamying da ai hku n byin u ga ngu nna, mying dai prai mat u ga ngu nna, kawa gaw jaugawng gawng sa nna sharaw langai la wa ai hte n-daw kaw shamyan tawn da ai da. Masha law law hpe mung shaga la nna shi a kasha la kasha hpe nat ni shamying da ai mying prai mat hkra ngu nna sharaw hpe sanit lang shingkawt shangun ai da. Dai hku shingkawt ai shaloi, baw maga de shingkawt ai majaw sanit lang ngu na hta sharaw a wa kaw kabye ju la nna si mat ai da. Nat ni shamying da ai prai hkra ngu shakut tim, nat ni shamying da ngut sai majaw, shamying da ai hte maren byin mat ai da. Dai majaw anhte wunpawng myu sha ni gaw ma shangai yang, lawan dik ai hku na mying shamying la ai gaw nat ni n shamying shi yang shawng shamying la na matu re da.
Picture Story Version
https://doi.org/10.15026/0002000056 |
