| Description |
Translation (Seng Pan & Keita Kurabe)
The story I'll tell is "Why Tigers Became Spotted". Once, tigers were not spotted as they are now. They were white. How did they become spotted? Once, a tiger and Hkanghtang Mang Bya were travelling together. Hkanghtang Mang Bya tricked the tiger and ran away. The tiger, enraged, sought to kill Hkanghtang Mang Bya and went after him. One day, he was able to catch Hkanghtang Mang Bya. Then, Hkanghtang Mang Bya said, "Brother Tiger, don't kill me yet." "If you kill me," "You will lose out." "You will lose out a lot." "Please, don't kill me yet." "I have a drum." "Beat it." "It's a drum that extends life." "Since I'm about to die," "there's no point if I beat it." "So you should beat it." "I'll tell you where it is." He said. The tiger, forgetting he'd been tricked before, believed what Hkanghtang Mang Bya said. "Really?" "If that's the case, tell me where it is." "If you let me beat it," "I'll spare your life." "Let me beat it." He said. Hkanghtang Mang Bya said, "Of course, Brother Tiger!" And what did he make the tiger beat? He led the tiger to a beehive in a tree and said, "This is the drum." "Beat this." He said. When the tiger beat it, bees came out of the hive and stung the tiger all over. While the tiger was being stung by the bees, Hkanghtang Mang Bya ran away again. Because of the bee stings, the tiger's face and body swelled. He was in great pain and extremely angry. The tiger chased Hkanghtang Mang Bya again, caught him, and planned to kill him. But Hkanghtang Mang Bya said, "Hey, Brother Tiger, please don't kill me." "I won't lie again this time." "I'll let you sit on a valuable chair." "It's a golden chair." "If you sit on it," "all the animals in the forest will consider you the king." "Since I'm dying," "sitting on it means nothing to me." "I want you to sit on it." Upon hearing this, the tiger believed his words again. Hkanghtang Mang Bya said like that and took the tiger to a cow dung on a thorny tree and said, "This is the chair." "When you sit," "don't sit slowly." "To become a king," "you must sit with all your might." When the tiger sat on the cow dung with all his might, thorns in the dung stuck into his buttocks, causing him great pain. When he jumped into the water, due to the stings from the bees and the thorns, the tiger became spotted. And it has remained to this day.
Transcription (Lu Awng & Gun Mai)
Ya hkai na maumwi gaw "Sharaw Teng Teng Pang Pang Byin Mat Ai Lam" nga ai re. Moi gaw sharaw ni gaw ya na zawn teng teng pang pang n re ai da. Ahpraw re ai nsam hte rai ma ai da. Gara hku na ya na zawn teng teng pang pang byin mat ai i nga yang gaw - Moi shawng de Sharaw hte Hkanghtang Mang Bya gaw rau hkawm ai shaloi Hkanghtang Mang Bya gaw Sharaw hpe masu sha nna hprawng mat wa ai da. Dai shaloi Sharaw gaw grai pawt sai hte Hkanghtang Mang Bya hpe sat sha kau nna ngu na hkan tam ai shaloi gaw kaja sha lani mi gaw Hkanghtang Mang Bya hpe lu rim la ai da. Dai shaloi Hkanghtang Mang Bya gaw Sharaw hpe she, "E hkau sharaw e, ngai hpe hkum sat shi law." "Ngai hpe sat yang," "nang grai sum mat na." "Grai sum mat na." "Ngai hpe hkum sat shi." "Ya ngai chying bau langai mi dum taw ai." "Dai chying bau hpe dum dat yang," "asak galu ai baw atsam hpe jaw lu ai chying bau re." "Ya ngai gaw si sana wa re majaw," "ngai dum tim hpa lachyum n nga sai." "Dai majaw nang mahtang dum la dat u." "Ngai madun na," ngu nna tsun ai da. Sharaw gaw shawng e sha masu sha hkrum da ai hpe mung bai malap kau na she, Hkanghtang Mang Bya tsun ai hpe bai kam nna, "Re i?" "Rai yang gaw ngai hpe madun rit." "Ngai hpe dum shangun na rai yang" "ngai nang hpe mung n sat sana." "Ngai hpe dum shangun rit," ngu nna tsun ai da. Hkanghtang Mang Bya mung "She mai law, Hkau Sharaw e," ngu nna she, hpa baw dum shangun ai i nga yang, hpun langai mi kaw nga taw ai lagat tsip de she woi sa nna she, "Ndai bau re." "Ndai hpe dum dat u," ngu tsun nna Sharaw mung dum dat ai ngu yang, lagat tsip kaw na lagat ni pru wa nna she Sharaw hpe hkum ting na da ya ai da. Dai hku Sharaw hpe lagat ni hkum ting na taw ai shaloi, Hkanghtang Mang Bya mung bai hprawng mat wa ai da. Sharaw mung lagat na da ai majaw myi man ni, hkum ni yawng yawng bum mat nna grai machyi taw ai rai tim, grai pawt ai hte Hkanghtang Mang Bya hpe kalang bai hkan shachyut la nna lu rim la ai hte sat sha kau sana hkyen ai da. Dai shaloi Hkanghtang Mang Bya gaw "E... Hkau Sharaw e, ngai hpe hkum sat rit." "ndai lang gaw ngai n masu sai law." "Ngai nang hpe grai manu dan ai dung lahkum langai mi kaw dung shangun na." "Dai dung lahkum gaw ja dung lahkum re ai hte" "dai kaw dung dat yang," "nang hpe ndai nam kaw na dusat du myeng yawng a hkawhkam tai wa lu shangun ai dung lahkum re." "Ngai gaw ya si wa sana re majaw" "dung tim hpa lachyum n nga sai." "Nang hpe mahtang dung shangun mayu ai" ngu nna tsun yang Sharaw gaw bai kam ai da. Hkanghtang Mang Bya gaw dai hku tsun nna she Sharaw hpe ju hpun ntsa kaw nga taw ai nga hkyi sumpum de bai woi sa nna she, "Ndai dung lahkum re." "Ndai kaw dung yang," "yet sha hkum dung yaw." "Hkaw hkam tai wa na matu" "aja wa dung dat ra ai," ngu tsun yang, Sharaw mung kaja wa sha dai nga hkyi sumpum ntsa kaw she aja wa dung dat ai ngu yang, nga hkyi kata kaw na ju ni gaw Sharaw na maidang kaw ju mat na grai machyi ai hte hka de sa shang rawng dat ai ngu yang, mi lagat na da ai hkang mada, ju ju ai hkang mada yawng pawng rai nna shi hkum ting gaw Teng Teng Pang Pang rai nna byin mat ai gaw dai ni du hkra re da.
Picture Story Version
https://doi.org/10.15026/0002000064 |
