| Description |
Translation (Rita Seng Mai & Keita Kurabe)
The story I am telling now is "Nambya plays the flute even when he is dead." When Nang Bya was still alive, he used to say to the villagers, "I can play the flute even when I'm dead." He bragged about it. So the villagers waited for Nang Bya to die. "Let's see if he can really play the flute when he is dead!" They waited for it. And so, after a while, Nang Bya was about to die. At that time, What did Nang Bya ask his family to do? "Catch some bees and put them in a bamboo tube." "Close it so they can't get out." "When I die, let me cross my legs." "Put my hands near my mouth like I'm playing the flute." "Put it in my mouth, too." "After that," "call the villagers." He asked his family to do so. Then, after a while, Nang Bya died. His family did as Nang Bya asked. They made him cross his legs. They made him hold a bamboo tube filled with bees like a flute. After that, they called the villagers. "Villagers, neighbors, come here!" "Our beloved father, Nang Bya, is dead!" They called the villagers. Many people came there not because they were sorrowful. Many people came to see if he could play the flute when he died, as Nang Bya had boasted. When people came, Nang Bya was lying as if he was playing the flute. And the bees in the bamboo tube were buzzing noisily. So the villagers said, "Oh, so it was true that Nang Bya could play the flute even when he was dead!" They were surprised.
Transcription (Lu Awng & Gun Mai)
Ya hkai na maumwi gaw "Nang Bya Si Tim Sumpyi Dum Chye Ai Lam" nga ai re. Nang Bya wa gaw asak naw hkrung ai ten, mare masha ni hpe tsun ai da. "Ngai gaw si tim pyi naw sumpyi chye dum ai wa re yaw," ngu na mare ting hta shakawng hkawm ai da. Dai majaw mare masha ni gaw, Nang Bya wa si na ten hpe la sai da. "Nang Bya wa si tim, sumpyi chye dum ai nga ai gaw she yu yu ga," ngu nna la ma ai da. Dai hku rai nna kade n na yang gaw Nang Bya gaw si hkyen wa sai da. Dai hku si hkyen wa ai shaloi Nang Bya gaw shi nta masha ni hpe hpa baw htet da ai i nga yang, "Kawa ndum langai kaw lagat rim bang da u." "Le n mai hkra pat da u." "Ngai si mat yang nye lagaw hpe hkalai le di nna," "ngai na lata hpe gaw mi na lagat bang da ai kawa ndum hpe sumpyi dum ai zawn jum da nna," "n-gup kaw mung bang da di u yaw." "Dai hku di ngut jang she" "mare masha ni hpe shaga dat u yaw," ngu nna htet da ai da. Kaja sha kade n na ai hte Nang Bya gaw si mat wa sai da. Nta masha ni mung, Nang Bya htet da ai hte maren lagaw sha hkalai le di nna lagat bang da ai kawa ndum hte sumpyi dum taw ai zawn galaw da ya ai da. Ngut yang she mare masha ni hpe shaga ai da. "E... mare masha ni e, htingbu ni e, du rit law." "Anhte dinghku kawa Nang Bya si mat wa sai law," ngu nna shaga dat ai da. Dai shaloi mare masha ni gaw, Nang Bya si mat ai majaw yawn di na sa ai gaw pyi nau n law ai da. Shi tsun da ai hte maren, si tim pyi sumpyi chye dum ai wa re ngu tsun da ai teng n teng ngu nna sa yu ai she grau law ai da. Dai hku sa yu ai shaloi gaw, kaja wa sha, Nang Bya gaw sumpyi dum taw ai zawn rai nna nga taw ai sha n-ga, dai kawa ndum kaw na lagat mung she "Wuuu, wuuu..." ngu nna ngoi taw ai da. Dai majaw mare masha ni gaw "Aw... Nang Bya wa gaw si tim pyi sumpyi chye dum ai wa re ngu ai gaw, teng a hka!" ngu nna yawng mau mat ma ai da.
Picture book version
https://doi.org/10.15026/0002000063 |
