| Description |
Translation (Rita Seng Mai & Keita Kurabe)
This story is about a strong man. Once upon a time, there was a married couple. The wife was pregnant. She gave birth to a son. On that day, her husband was not at home. He had gone out. As soon as he was born, the baby started to speak. "Mom, rice, please give me rice!" "Mom, I want to eat it!" The mother said, "Oh! This child must be something special!" "As soon as he was born" "he asks for rice!" "He hasn't even sucked on my breast yet!" But she gave food to him as her son asked. When he finished his meal, he asked, "How about Dad?" "Where's Dad?" When asked, his mother said, "He's down by the river cutting wood to make a paddy mortar." It is a mortar used for pounding rice. Each village in the mountains has a water fetching station. It is located in the valley down the mountains. We Kachins live in the mountains. So we have to go down the mountain to get to the river. Then the son said, "I'm going to visit my father." And he went out. He went out and when he got to his father, he asked, "Dad, what are you doing?" "I'm cutting wood for a mortar." "I'm cutting wood." The son waited for his father to finish making the mortar. When the father finished it, the son carried the mortar by himself. We use the mortar for pounding rice. Kachin mortars are very large. The wood for the mortar was very large. The son carried that heavy mortar alone. All by himself. The son, who had just been born, carried it all by himself. His father was surprised. "No way, he's only just been born!" "He is so strong!" He was surprised. And so they lived. Soon, the name of the boy was spread around the villages. The chiefs heard that news and thought, "Umm, this child will usurp our positions." But without reason the chiefs couldn't kill him as they wanted. So they thought of an idea how to handle that boy. And they said, "Come, mighty one, you are so strong!" "Go to the land of witches and get a bushel of gold back!" A bushel is a unit about the size of a large basket. It is a large basket that can hold a lot of grains. They asked the strong boy, "Go get the gold back!" And they sent him. They asked him to go and get back the gold that they lent before. The strong boy accepted to do that. "Okay, I'll go." He started to prepare for the journey. But he asked the chiefs, "Let two or three people accompany me." The chiefs said, "Fine!" They gave him attendants. Together with them, the strong boy set off on his journey. On their way, when they arrived in the forest, they met a man. He was cutting wood. He was cutting wood not with a sword. He was cutting it with his shins. The strong boy asked, "Hey brother, brother cutting wood!" "Do you know the way to the land of witches?" When asked, the man cutting the tree didn't care. He didn't answer anything. Since he did not answer, the strong boy grabbed him with his hand. He grabbed him with all his strength. It hurt so much. It hurt to death. "Brother, let me go! Let go of me!" "I'll tell you the way!" "I'll show you the way!" He showed him the way. Then the strong boy and his fellows continued their journey. After they had walked for some time, they saw another man who was fishing in the ocean, using an elephant as a bait. We, humans, fish with worms. How big was the man? He was fishing with an elephant. They ask the man as well. The strong boy asked, "Hey, brother, tell us the way to the land of witches!" The man was also with not respect. He did not think anything of the strong boy. He did not answer anything. Then, like the man before him, the strong boy grabbed his leg with his hand. When he grabbed him, the man said, "Brother! Brother! I'm going to die!" "It hurts so much!" "I'll tell you how to go there!" "Let me go!" When he said so, the strong boy let him go. The man showed them the way. "This way!" "Go straight!" They continued their journey again. On their way, when they reached a very far place, a man was straddling the sea. They saw a man straddling the sea. We Kachins describe being so big as straddling the sea. One foot stepping on the shore. Another foot steping on that side across the sea. We call it "straddling the sea." They found a man straddling the sea like that. When he saw him, the strong boy asked him like the two men he had met before. But the man did not answer. As if nothing had happened. He said nothing. So the strong boy grabbed him again and asked forcefully, "Will you tell me or not?" The man said, "Yes, yes, brother, I'll tell you! I'll tell you!" "I'll tell you the way to the land of witches!" He showed him the way. Finally, the strong boy and his fellows reached at the land of witches, just as the man had showed. They reached the land of witches. The strong boy also had wisdom. Since he had wisdom, he stayed outside the land of witches, and secretly observed. He let his fellows go first. "Go first!" "Try to enter the land of witches!" He let them go first. He let his fellows go first. When they entered the land of witches, they met an old witch. When they met her, she fed some kind of medicine to them. When they took it, they turned into pigs. The strong boy waited for his fellow. But they did not come back. So he followed them into the land of witches. When he entered the land, he met the old witch. When he met her, he asked, "Grandma, didn't my friends come here?" "Didn't you see them?" The old witch said, "They didn't come!" "I didn't see them!" "No one came here!" But the strong boy suspected her. "Hmm, if they entered this land," "they should have got to this old woman first." "It seems unlikely that she haven't seen them!" He suspected her, but said nothing. Then the old witch tried to turn him into a pig, just like his fellows. She gave him the medicine. When she gave it to him, he pretended to take it. Instead, he took the medicine he had brought himself. He hid the medicine the old witch gave him. When the old witch saw that nothing happened to the boy, she said, "Come on, grandson, let's have dinner with me!" "Blow the fire!" She devised another plan. She said, "Blow the fire!" She made the strong boy blow fire with the green stinkbug tree. When you blow fire with that tree, your eyes will tingle. The tree hurts your eyes. She said to him, "My grandson, the green stinkbug tree hurts your eyes." "When you blow fire" "close your eyes tightly!" "If you blow fire without closing your eyes" "you'll get sparks in your eyes!" "It hurts very much!" She said to him. But the strong boy was clever. Without closing his eyes, he blew the fire with all his might. The old witch thought he had closed his eyes and blown fire. So she tried to hit him with a big hammer. When he saw this, the strong boy grabbed the hammer. He grabbed it with all his might. Then he asked her, the old witch, "Where are my friends?" The old witch was in pain. "They've all turned into pigs!" she said. "Quickly turn them into human!" The force of his grip was too painful. "Give this medicine to them!' "When they take it" "they will return to humans!" The strong boy did as the old witch said and gave the medicine to them. They were able to turn back into human beings. Then the strong boy did not release her and said, "We came here to get the gold back!" "You must give back our villagers a bushel of gold!" "That is why we have come to you!" "Give us that gold!" Then the old witch offered him a bushel of gold. When she offered the gold, the strong boy gave the old witch the medicine to turn into a pig. So she turned into a pig. The strong boy and his fellows returned to their village with that gold. They went back to their village. The people of the past told the story of the strong man in this way. Thank you very much.
Transcription (Lu Awng & Ja Seng Roi)
Ya hkai dan na maumwi gaw "N-gun ja wa" a lam re. Moi shawng de madu jan hte la langai mi nga ai da. Shan gaw ndai madu jan gaw hkum gawng li ai hpang, gade nna yang ma langai shi hkrai shangai ai da. Ma shangai ai shani gaw kawa n nga ai da. Kawa gaw hkawm sam ai gaw. Re jang she ma dai wa gaw kan kaw na shangai pru ai hte she kalang ta "Nu, shat, shat jaw rit," ngu ai da. "Nu, shat sha na," ngu yang she Kanu wa gaw "Aga, ma ndai gaw laklai lai ai wa." "Kaning rai na me, ya she kan kaw na le wa ai wa" "Shat wa ahpyi wa ai gaw!" "Chyu pyi n chye chyu shi ai wa!" ngu ai da. Rai tim, kanu gaw kasha hpyi ai majaw jaw sha dat sai da. Dai hku shat jaw sha ngut ai hpang rai jang she dai ma wa gaw "Wa gaw?" "Nu, wa gaw teng?" ngu bai san ai da. Dai hku san rai jang she, kanu mung "Le hka shawn lam de, nhtum daw taw ai," ngu ai da. Nhtum ngu ai gaw mam htu ai shaloi lang ai nhtum hpe tsun ai ga. Bum ga de gaw mare kahtawng langai mi kaw hka shawn ngu, Hka ja lu ai shara gaw loi mi le ra bum hkaraw lawu de rai na hku rai nga. Anhte Jinghpaw ni gaw kawng tsaw ai kaw nga ai. Dai majaw hka shawn gaw le lawu de re. E dai hku rai jang she dai ma wa gaw, "Ngai wa hpang de sa na re," ngu na sa wa rai jang gaw le wa sai da. Dai ma wa le wa na she kawa hpang de sa na du rai jang she "Wa, nang hpa galaw taw?" ngu san yang she, kawa mung "Nhtum daw taw ai," ngu ai da. "Nhtum daw taw ai law," ngu yang she Shi gaw shi wa nhtum daw ngut ai du hkra la rai na she nhtum daw ngut ai hte she dai nhtum hpe she nta de shi hkrai hpai na wa mat ai da. Nhtum ngu ai gaw mam htu ai shaloi lang ai. Jinghpaw ni na nhtum gaw grai kaba ai majaw she dai tawk wa ai nhtum mung grai kaba ai da. Dai hpe she dai ma wa gaw nta de shi hkrai hpai wa ai da. Shi langai hkrai. Ya she shangai ai ma wa shi langai sha hpai wa ai majaw she kawa mung mau sai da. "Aga, ya she shangai ai ma wa me!" "N-gun dai ram ram ja ai wa gaw!" ngu mau ai da. Dai hku nga rai jang she, dai ma gaw lani hte lani mying grai gumhkawng wa na she dai shanhte mare makau grup-yin kaw na ni, salang ni gaw "Um, ma ndai gaw anhte du salang arawng aya kashun na wa she re," ngu na she... Rai ti mung mungkan ga kaw gaw htung tara n nga ai sha, majoi mi mara kata masha langai hpe sat kau ai gaw bai n mai re majaw she dai mare du gyi salang ni gaw hpaji daw sai da. Hpaji daw rai yang she san sai da. "Gai, n-gun ja wa e, nang dai ram n-gun ja ai gaw" "Anhte hpyi hpai ga de ja tang mi hka ji la ra ai," ngu ai da. Tang mi ngu ai gaw shingnoi kaba mi, N-gu bye 16 ram shang rawng ai shingnoi tang mi rai na hku rai nga. Dai hka hpe she dai masha kaba ni gaw n-gun ja ai ma hpe she "Dai hka hpe sa ji su," ngu na shagun dat ai da. Hka ji ai ngu ai gaw moi hkoi shap la da ai hpe bai sa hpyi la ai hpe anhte Jinghpaw ni gaw hka ji ai ngu tsun ai re. Rai yang gaw dai ma mung n ningdang sai da. "Mai sa, sa ji na," ngu na rawt sa wa na hkyen sai da. Rai ti mung dai n-gun ja wa gaw dai du gyi salang ni hpe hpa bai hpyi shawn ai i nga yang she "Ngai hte rau sa na matu manang 1, 2 dang shalawm ya dat rit," ngu tsun ai da. Shaloi she dai mare masha ni mung "Mai sa," ngu na she bang dat ya sai da. Bang dat ya ai hte she dai ma, n-gun grai ja ai ma ndai gaw hka ji sa sai da. Shing rai jang she, hkrun lam hkawm rai hto nam kaw du rai yang she la langai mi hte she hkrum sai da. Dai wa gaw nam dan taw ai da. Nam hpe she nhtu ni hte n re ai sha she shi lagaw shinglang hte she "Wut Wut Wut" ngu na she nam dan taw ai da. Rai yang she dai ma wa gaw "E, hkau e, hkau e, nam dan taw ai hkau wa e" "ndai hpyi hpai mung ga de sa ai lam n chye ai i?" ngu san ai da. Dai hku san rai yang she dai nam dan taw ai la wa gaw hpa zawn n nawn na she hpa mung n tsun dan ai da. N tsun dan rai yang she n-gun ja wa gaw kalang ta aja wa shi lata lakap hte she tep di na dai lagaw shinglang hpe she tek di dat ai da. Shaloi she wora la wa gaw grai machyi wa na si wa magang she rai wa yang she "E, hkau e, dat ya u law, dat ya u law!" "Ngai tsun dan na!" "Ngai lam tsun dan na!" ngu na lam matsun dat ya ai da. Shing rai na dai n-gun ja wa hte shi manang ni gaw bai hkawm sai da. Hkawm na sa rai jang she kade n na yang she hto grai kaba ai la langai mi wa she panglai kaw magwi hte she nga myek kaw nga myek taw ai da. Anhte shinggyim masha ni gaw nga hpe gaw kajin jai kasha hte she myek ai wa. Dai la wa gaw gade kaba ai ngu gaw, magwi hte she nga myek taw ai da. Rai jang she dai la wa hpe mung san yu na ngu na she n-gun ja wa gaw bai san sai da. "E, hkau e, ndai hpyi hpai ga de sa ai lam ngai hpe naw matsun dan rit law," ngu yang she dai la wa mung myi na la zawn sha nyeng n garu ai le i. Nyeng n garu ai ngu ai gaw hpa zawn n nawn ai hpe tsun ai ga. Hpa zawn n nawn na hku rai nga. Rai jang she dai la wa hpe mung myi na la zawn sha shi lata lakap hte she shinglang kaw bai tep di dat ya sai da. Dai hku tep di dat yang she dai la wa mung bai "E, hkau e, hkau e, ngai si wa magang sai law!" "Grai machyi ai law!" "Ngai matsun dat ya na law!" "Naw dat ya rit law!" ngu bai tsun ai da. Dai hku tsun ai hte she kaja wa dai la wa mung bai dat dat ya ai hte she matsun dan ya ai da. "Ndai lam hku re." "Ading di sa wa u," ngu bai matsun dat ya sai da. Shi matsun dat ai hku na bai kalang bai hkawm sa wa sai da law. Dai n-gun ja wa ni gaw hkawm na sa rai jang she tsawm ra mi tsan ai shara de bai du rai jang gaw la langai mi wa she panglai hka hpe she lagaw lahkawng hte shingkrang na nga ai, nga taw nga ai la hte she bai hkrum sai da. Jinghpaw ni gaw "Panglai Hka Shingkrang hkra" ngu tsun ai re. Tsun dan mayu ai gaw lagaw langai mi hpe gaw hka kin-gau ndai de kabye da na lagaw langai mi gaw hto panglai lai di wo ra maga de kabye tawn da na shingkrang da ai hpe tsun ai ga. "Hka panglai hka shingkrang ai," ngu tsun ai re. Shaloi she dai la wa gaw dai hku lagaw lahkawng hte she panglai hpe shingkrang da ai hpe bai n-gun ja wa gaw mu sai da. Mu ai shaloi she kalang bai san sai da. Dai la wa hpe mung myi na la lahkawng zawn sha Dai la wa mung n hkraw ai da. Hpa zawn n nawn na sha dai hku nga rai jang gaw kalang bai n-gun ja wa gaw shi na lata lakap hte she tep, "Tsun na i n tsun na i?" ngu yang she dai la wa mung "E, e, e law, e law, hkau e, tsun dan na law, tsun dan na law!" "Hpyi hpai ga de sa ai lam hpe tsun dan na law!" ngu tsun rai na matsun dat ai da. Shing rai jang gaw hpang jahtum gaw shanhte gaw dai la wa matsun dat ai hte maren, kaja wa hpyi hpai ga de du sai da. Shing rai dai hpyi hpai ga de du yang gaw ndai n-gun ja wa gaw nyan rawng ai hku rai nga. Nyan rawng na she hpyi hpai mung na ndai shinggan maga de she nga lagu lagyim yu rai na she myi shi hte rau hkan wa ai manang ni hpe gaw shawng "Sa su!" ngu na "Hpyi hpai mung ga kata de shang yu su!" ngu na shawng dat dat ai da. Dai hku dat dat rai yang she dai hpyi hpai mung mare kata de du rai jang gaw dai kaw hpyi hpai gumgai langai kaw shawng du ai da. Dai hpyi hpai gumgai kaw du rai jang she dai hpyi hpai dinggai wa gaw n-gun ja ai wa a manang ni hpe she tsi ntsin amyu mi jaw lu dat ai da. Dai tsi lu dat ai hte she n-gun ja wa na manang ni yawng gaw kalang ta wa tai mat ai da. Shing rai jang she n-gun ja wa gaw bai la yu sai da. La yu tim n le wa yang she shi mung bai kalang ta dai hpyi hpai mung kata de bai shang yu sai da. Dai n-gun ja wa gaw hpyi hpai mung kata de shang du re shaloi gaw dai hpyi hpai dinggai hte hkrum sai da. Hpyi hpai dinggai hte hkrum rai jang gaw shi gaw san ai da. "Dwi, ndai de la kasha 2, 3, ngai na manang lai wa ai n mu ai i?" "Dwi, ndai, nang n hkrum dat ai i?" ngu san yu yang she dai hpyi hpai dinggai wa mung "N sa ai law." "N mu dat ai." "Dai hku kadai lai ai mung n mu ai," ngu tsun ai da. Shaloi rai jang dai n-gun ja wa gaw nau nhten sai da. "Ga, ndai hpyi hpai mung kata de she shang ai nga yang gaw" "dai dinggai kaw shawng du na re wa," ngu she "N mu dat ai gaw nau n mai byin ai," ngu na nhten sai da. Nhten ti mung shi gaw hpa n tsun ai da. Shaloi she dai hpyi hpai dinggai gaw shi hpe mung myi shi manang ni zawn sha bai wa shatai kau mayu na she tsi ntsin jaw lu ai da. Tsi ntsin bai jaw lu yang gaw dai n-gun ja wa gaw hpyi hpai dinggai jaw dat ai ntsin hpe she lu masu rai na she kaga shi gun wa ai ntsin hpe she lu masu di na shi gaw makoi kau ai da. Shing rai jang she hpyi hpai dinggai wa gaw dai n-gun ja wa hpa n byin mat ai hpe mu rai jang she "E, shu e, an dwi shat shadu sha ga i?" "Nang gaw wan wut u yaw," ngu bai nyan shaw sai da. "Wan wut u," ngu na dai hku nyan shaw rai jang gaw dai hpyi hpai dinggai wa gaw n-gun ja wa hpe she chyingma hpun hte wan wut shangun ai da. Chyingma hpun gaw wan wut yang grai kahprek ai hku rai nga. Shaloi she dai hpyi hpai dinggai wa gaw chyingma hpun grai kahprek ai majaw she n-gun ja wa hpe she "E, shu e, chyingma hpun gaw grai kahprek ai re lu." "Nang wan wut yang" "myi di chyip di na wut u yaw!" ngu ai da. "Myi di chyip na n wut yang" "na myi de wan shing-yam shang na ra ai." "Grai kahprek ai," ngu tsun ai da. Dai hku tsun rai jang she n-gun ja wa mung grai zen ai le i. Rai jang she shi gaw myi mung n di rai na she wan hpe aja wa wut dat ai hte she dai hpyi hpai dinggai wa gaw n-gun ja wa myi di na wan wut ai shadu na she sumdu kaba langai mi hte she shi hpe agying di na abyen na ngu shachyen dat ai hpe mu dat ai hte she n-gun ja wa gaw kalang ta dai hpyi hpai dinggai hte sumdu hpe magra shi n-gun hte she kalang ta magra, matep dat ai da. Matep da dat na she san sai da. Dai hpyi hpai dinggai hpe "Nang nye manang ni hpe gara kaw tawn da kau ya ai?" ngu na san yang she shaloi she dai hpyi hpai dinggai wa gaw machyi na she "Yawng wa byin mat sai re," ngu tsun ai. "Ndai jang dai wa byin mat ai ngai na manang yawng hpe alawan masha shatai ya" ngu tsun ai da. Shaloi she dai hpyi hpai dinggai wa gaw shi hpe matep da ai nau machyi ai majaw she "Ndai tsi jaw dat rit." "Ya ngai makyem da ai ndai tsi bai jaw dat ai hte" "na manang ni yawng masha bai tai wa na ra ai," ngu tsun dat ai. Shing rai jang she n-gun ja wa gaw kaja wa sha dai hpyi hpai dinggai bai matsun dat ai tsi ntsin hpe she shi manang ni hpe jaw dat ai hte she n-gun ja wa na shi manang ni yawng gaw shinggyim masha bai tai mat wa sai da. Tai mat wa ai hte she n-gun ja wa gaw hpyi hpai dinggai hpe n dat shi ai sha bai tsun ai da. "Anhte ni nang kaw hka ji sa ai re." "Anhte ni mare masha ni hpe nang ja tang mi hka jaw ra ai nga ai majaw" "nang kaw sa hpyi ai re." "Dai ja tang mi ya jaw rit!" ngu na hpyi ai da. Shaloi she dai hpyi hpai dinggai wa mung ja tang mi bai shaw ya dat ai da. Shaw ya dat ai hpang she dai n-gun ja wa gaw hpyi hpai dinggai wa shi hpe lu na matu jaw dat ai wa tai mat ai tsi ntsin hpe she hpyi hpai dinggai hpe she bai garim na jaw dat ai hte she hpyi hpai dinggai wa gaw wa tai mat ai da. Shing rai na n-gun ja wa hte shi manang ni yawng gaw ndai hpyi hpai dinggai kaw na hka ji na hpyi na lu ai ja tang mi hpe gun rai na shanhte mare buga de bai nhtang wa mat ma ai da. Moi na masha kaba ni gaw n-gun ja ai wa a lam hpe ya na zawn hkai dan ai re. Yawng hpe grai chyeju kaba sai law. |
