| Description |
Translation (Rita Seng Mai & Keita Kurabe)
I am going to tell you about "Nhkum Tu Yau and the Wild Boar." Once upon a time, there was a great diviner called Ningwa Pung Hkoi. Today, divination is done by looking at the bursting of the Kahtan bamboo, or by tearing and tying the vaginant leaves. In Ningwa Pung Hkoi's time, divination was done with round stones. If he divined with it, everything he divined was right. Then one day, a great hunter Nhkum Tu Yau hunted a wild boar. When he hunted it, he wanted to test Ningwa Pung Hkoi because he was very famous. To test him, he cut off one ear of the dead boar. And he put some leaves on the boar. Then, without showing him the boar's ear, he asked Ningwa Pung Hkoi, "Come on, Great diviner Ningwa Pung Hkoi!" "Today I could shoot a boar." "Can we eat it?" "Or not?" "Please devine it for me!" Ningwa Pung Hkoi tried divining with his round stones. What kind of divination results did he get? "The result of the divination was..." "The boar will not be there." "Nhkum Tu Yau will be sad." "I got those results." What it meant is, "The boar has resurrected and fled." "Nhkum Tu Yau will be upset." When Nhkum Tu Yau heard this, he said, "Your divining is totally wrong!" "The boar has died!" "Look at this!" He showed him the boar's ear. Ningwa Pung Hkoi was so embarrassed that he threw his stones hard to the ground. The stones were broken into pieces. Some hit the Kahtan bamboo. Some hit vaginant leaves. That is why today's divination is done with the Kahtan bamboo and vaginant leaves. After that, Nhkum Tu Yau called his friends and told them, "Let's go and eat the boar I got today!" He took them to the forest. When they arrived there, the boar he had shot and covered with leaves was gone. The boar had run away. What happened was that... the leaves he had covered the boar with were a reviving herb. The boar was revived. And it ran away. Since then, we don't use stones for divining. The Kahtan bamboo and vaginant leaves, where the pieces of the stones hit, are used for divination today.
I will continue the story of Nhkum Tu Yau and the Wild Boar. Nhkum Tu Yau took his friends to the forest to eat the wild boar he shot. However, the leaves he covered the boar with were reviving herbs. So the boar had revived and escaped. Since it had escaped, Nhkum Tu Yau said, "Hmmm, I accurately shot it." "It's probably still out there somewhere." He went around looking for the boar. When he looked around for it, he ended up in the heavenly land, where the people of the Sun lived. When he met them, Nhkum Tu Yau asked, "Have you seen Mai Byit here?" "Mai Byit" means preys that were hit by bullets. The ones that were hit by bullets but not killed. The ones that we still have to pursue. When asked, the people of the Sun said, "Ah, you are the culprit who hurt our boar!" They captured Nhkum Tu Yau. The boar he shot was in fact a spirit. He was thus captured. He was taken to the heavenly chiefs. They put him before a judge. The chiefs deliberated and said, "Don't kill Nhkum Tu Yau!" "He is a human being!" "May he live and prosper on earth!" "Give him a girl!" Not only did they not kill him, they gave him a girl. With her, they gave him a piglet too. "Raise this piglet!" "When we visit you on earth" "let's eat it!" They gave him a piglet too. At that time, The people of the Sun continued, "You Nhkum clans are the clans that have touched the herbs of revival." "So, from now on, whoever you touch or grasp" "even those who are sick" "May they be healed!" They blessed him like that. So, today, we Kachin people believe that "When the Nhkum peole massage you, you will be healed." Why? Because they are believed to be the clan that have grabbed the reviving herb. Then Nhkum Tu Yau, who was given a girl and a piglet from the heavenly land, went back to earth and lived happily with them.
I continue with our previous story on Nhkum Tu Yau and the Wild Boar. As I told you last time, Nhkum Tu Yau took the girl and the piglet given to him by the heavenly spirits and they lived back on earth. One day, near Nhkum Tu Yau's house, a cockroach and a buffalo met and talked. Above the two animals talking, there was a dove on the roof. The buffalo was very fat and beautiful. So the cockroach asked it, "What makes you so fat and beautiful?" "What do you eat?" The buffalo replied, "I eat the forest grass called Kaseng Kala." The buffalo replied. Then it asked the cockroach, "Mr Cockroach, what makes you shine so brightly?" "What do you eat?" The cockroach replied, "It's because I eat pig fat." "It makes me shine so brightly." The dove on the roof heard them talking like this. It immediately flew to the heavenly land and reported it to the heavenly spirits. "Nhkum Tu Yau killed and ate the pig you gave him!" It made such an appeal. When they heard this, the heavenly spirits said, "No way... we promised to eat the pig when we visited them on earth!" "It's not right for them to eat alone!" They called Nhkum Tu Yau and his wife back to the heavenly land. Then the daughter of the heavenly spirits, the heavenly girl, said, "My parents, we didn't eat it." "It's still alive." "We are raising it." The heavenly spirits said, "Then who lied to us?" They investigated. First, they asked a mountain imperial pigeon. How did they ask it? "Mr mountain imperial pigeon, isn't it you?" It replied, "It was not me who reported to you." Next, they asked the dove, "Mr dove, isn't it you?" The dove replied, "It was me." "It was me who reported it to you." "I heard the cockroach and the buffalo talking." "The cockroach said it had a beautiful color " "because it had eaten the pig fat." "I thought they had eaten the pig you gave them." "So I reported it to you." It said like that. Nhkum Tu Yau and his wife were right that the pig was still alive. So they were released. They were sent back to earth again. At that time, the heavenly spirits asked them, "Go back to earth" "and raise the pig well." "We will visit you." "Build an altar for us." "Set up four posts for it" "and make a platform." "Build there a ladder too." "Offer things to us there." They asked them like that. So when we offer things to spirits, the spirits of heaven and the spirits of the sun, we build an alter with four posts. It originates from this story.
Transcription (La Ring)
Ya tsun na maumwi gaw "Nhkum Tu Yau hte Wa Ndu" ngu ai maumwi re. Moi shawng de Ningwa Pung Hkoi ngu ai ningwawt Kaba langai mi nga ai. Ningwawt wawt ai ngu ai gaw ya prat hta gaw kahtan kawa kapaw ai, bai nna shaba lap hpe e ashin nna makyit na wawt ai Moi Ningwa Pung Hkoi a prat hta gaw machyu lungdin hte wawt ai. Shi dai hte ningwawt wawt ai shaloi gaw yawng jaw ai chyu re da. Rai jang she lani mi hta gaw, Nhkum Tu Yau ngu ai sinat hte shan gyam sha ai Muk Hkyu Kaba wa gaw Wa Ndu langai lu gap ai da. Dai hku lu gap re shaloi gaw, shi gaw Ningwa Pung Hkoi gaw grai mying gumhkawng ai majaw, shi na ga teng n teng hpe chyam yu mayu ai da. Dai hku chyam yu mayu ai majaw, si taw sai Wa Ndu kaw na na maga mi gadoi di la nna she, Wa Ndu hpe gaw nam kaw namlap hte magap tawn kau da ai da. Shi gaw ndai shi kadoi wa ai na hpe gaw Ningwa Pung Hkoi hpe n madun ai sha she, san ai da. "Gai Ning Wawt Kaba Ningwa Pung Hkoi e," "dai ni ngai wa ndu langai mi gap ai wa," "anhte lu sha na re kun," "n lu sha na kun," "wawt yu u," ngu tsun ai da. Dai shaloi Ningwa Pung Hkoi mung dai shi na machyu lungdin hte ningwawt wawt dat yu ai shaloi gaw gara hku na wawt lu ai i nga yang gaw, "E dai ni wawt dai gaw" "Tsanang gam wa ndu prawn a," "Nhkum Tu Yau yawn a," "nga ai mahtai lu ai," ngu tsun ai da. Lachyum gaw "Wa Ndu gaw si ai kaw na bai hkrung nna hprawng mat wa sai." "Nhkum Tu Yau gaw myit n pyaw ai hte yawn na re ai," ngu ai lachyum re da. Dai hku tsun ai shaloi gaw Nhkum Tu Yau gaw "E... nang na ningwawt gaw hpoi sai." "Wa Ndu gaw si sai gaw." "Nang yu u," ngu nna Wa Ndu na na madun dan ai da. Dai shaloi Ningwa Pung Hkoi wa gaw grai kaya mat sai hte shi na machyu lungdin hpe abyen kabai kau ai shaloi gaw dai machyu lungdin gaw ga mat ai hte dai kaw na hkyep ni gaw kahtan kawa kaw hkra, shaba lap kaw wa hkra re ai da. Dai majaw, dai ni na aten hta gaw dai machyu lungdin wa hkra ai kahtan kawa hte shaba lap ni hpe lang ai re da. Dai hku byin ai hpang, Nhkum Tu Yau gaw manang ni hpe shaga la nna she, "Ngai mani gap sat da ai Wa Ndu wa hpya sha saga," ngu nna she nam de woi sa ai da. Dai hku woi sa ai shaloi gaw shi gap sat nna namlap rau magap taw da ai Wa Ndu gaw dai kaw n nga taw sai sha Wa Ndu gaw hprawg mat wa sai da. Hpa majaw dai hku byin ai i nga yang, shi dai Wa Ndu hpe magap hkrup ai namlap gaw tsi hkrung tsi nan lap rai taw ai majaw, Wa Ndu gaw si ai kaw na bai hkrung wa nna hprawng mat wa ai re da. Dai kaw nna gaw ningwawt wawt ai machyu lungdin mung n nga mat sai hte dai machyu lungdin hkyep ni wa hkra ai kahtan kawa hte shaba lap ni hte sha ningwawt wawt ai re da.
Ya matut nna "Nhkum Tu Yau hte Wa Ndu A Lam" hpe bai matut tsun na re. Nhkum Tu Yau gaw manang ni hte rau shi gap dat da ai wa ndu hpe wa hpya sha na matu nam de woi sa yu ai shaloi gaw, shi wa ndu hpe magap kau da ai namlap gaw tsi hkrung tsi nan lap rai taw ai majaw wa ndu gaw hprawng mat wa ai. Dai zawn hprawng mat wa ai shaloi gaw, Nhkum Tu Yau gaw "Um... ngai dai ram gap hkra da sai dusat she re gaw." "Shara mi kaw gaw ndai wa ndu nga nga na re," ngu nna hkan tam hkawm mat ai da. Dai hku tam hkawm mat ai shaloi gaw wo jan sha ni nga ai nat ga de du hkra tam hkawm du mat wa ai da. Dai hku jan sha ni hte hkrum ai shaloi gaw Nhkum Tu Yau gaw "Nang de wa ndu mai byit langai n mu ai i?" ngu san ai da. Mai byit ngu ai gaw sanat hte gap hkra da sai dusat langai ngai, Gap gaw gap hkra da rai tim n lu rim la shi ai dusat naw shachyut la ra ai dusat hpe tsun ai re. Dai hku ngu san yang she jan sha ni gaw "Aw... anhte na wa gap jahpye ai gaw nang she rai nga i!" ngu na she Nhkum Tu Yau hpe rim la kau ai da. Nhkum Tu Yau gap hkrup dat ai wa ndu gaw nat wa rai taw ai hku rai nga. Shi hpe dai hku rim la nna she jan salang ni hpang de woi wa nna daw dan je yang na matu ap dat ai da. Dai shaloi jan salang ni gaw atsawm sha bai myit yu nna she, "E... ndai Nhkum Tu Yau hpe gaw sat gaw hkum sat kau mu!" "Shinggyim masha she re gaw." "Mungkan ga de nga nna mayat maya na nga u ga!" "Shayi sha langai chyawm jaw dat u!" ngu nna she Nhkum Tu Yau hpe n sat ai sha n-ga, shayi sha langai mi bai jaw dat ai da. Dai hku shayi sha langai hte rau wa kasha langai mi hpe mung jaw ai da. "Nanhte rem u yaw!" "Hpang e anhte nanhte hpang de sa gawan ai shaloi" "sat sha na re," ngu nna she wa kasha langai mi mung shalawm na jaw dat ai da. Dai hku jaw let sha, jan sha ni gaw hpa baw ma matut tsun ai i nga yang "E... nanhte Nhkum amyu ni gaw tsi hkrung tsi nan jum yu sai amyu re." "Dai majaw, htawm hpang e nanhte masawp ai ni magra ai ni" "gayaw ai gashin ai zawn re ai machyi makaw re ni" "mai tsai wa na re" ngu nna shaman ga mung tsun dat ya ai da. Dai majaw dai ni anhte Jinghpaw ni kaw "Nhkum amyu ni manat yang gaw mai ai," ngu ai makam nga ai. Hpa majaw i nga yang shanhte gaw tsi hkrung tsi nan jum yu sai amyu re ngu nna kam ai majaw re da. Dai majaw Nhkum Tu Yau gaw jan ga kaw na jaw dat ai shayi sha langai mi ma, wa kasha ma hte rau wo mungkan ga de bai yu wa rai nna wa nga nga ai da.
Ya ndai lang mung "Nhkum Tu Yau hte Wa Ndu maumwi" hpe matut nna hkai na re. Lai wa sai daw hta tsun ai hte maren, Nhkum Tu Yau gaw jan ga kaw nna jan sha ni jaw dat ai jan shayi sha langai hte wa kasha hpe la rai nna mungkan ga de wa nga nga ai da. Lani mi hta gaw dai Nhkum Tu Yau a nta makau kaw shalip langai mi hte nga langai mi hkrum shaga taw nga ma ai da. Dai yan hkrum shaga ai ntsa kaw, hto numgaw kaw gaw hkru du langai mi mung nga taw ai da. Nga dai gaw grai hpum tsawm ai da. Dai majaw shalip gaw nga dai hpe san ai da. "Nang gaw dai ram ram hpum tsawm ai gaw" "hpa baw sha na hpum tsawm nta?" ngu san ai da. Dai shaloi dai nga gaw "Kaseng Kala ngu ai nam kaw tu ai dusat ni sha ai baw sha na hpum tsawm ai re," ngu nna bai htai ai da. Dai hku htai ngut yang nga gaw shalip hpe bai san ai da. "Shalip e, nang gaw dai ram ram pri ten tu tsawm ai gaw" "hpa majaw rai?" ngu nna san ai da. "Ngai gaw wa la sau tung sha ai majaw" "ndai zawn pri ten tu tsawm ai re," ngu nna htai ai da. Dai zawn shan lahkawng shaga hkat ai hpe hto numgaw kaw dung nga ai u hkru du gaw na la nna she kalang ta jan ga de sa mat wa nna jan sha ni hpe wa tsun dan ai da. "E... nanhte Nhkum Tu Yau hpe jaw dat ai wa gaw shanhte sat sha kau masai," ngu nna sa shawk ai da. Dai na ai shaloi gaw jan sha ni gaw "Ga... anhte du yang she sat sha ga, ngu nna htet da ai wa." "Ya shanhte sha sat sha kau sai nga yang gaw n mai sai," ngu nna Nhkum Tu Yau hte shanhte a kasha hpe bai wa shaga la nna san ai da. Dai shaloi shanhte a kasha jan shayi sha gaw "E... Nu ni Wa ni e, an lahkawng wa dai n sat sha shi ga ai." "Naw nga ai." "Naw rem da ga ai," ngu nna bai htai ai da. Dai shaloi jan sha ni gaw "Dai hku nga yang gaw, anhte hpe kadai masu ai ta?" ngu nna she sagawn bang mat wa ai da. Shawng nnan hku na u gum hpe shawng san ai da. Dai u gum hpe gara hku san ai i nga yang, "Ning ja jum nam nga u gum e, nang n re i?" ngu san yang, U gum gaw "Nanhte hpe tsun ai ngai n re," ngu nna bai htai ai da. Dai hpang u hkru hpe bai san ai da. "Ning ja bu nam nga u hkru, nang nre ai i?" ngu san ai shaloi gaw dai u hkru gaw "Ngai rai nngai ai." "Nanhte hpe tsun ai gaw ngai rai nngai." "Ngai gaw shalip hte nga shaga hkat ai kaw" "Shalip gaw wa la sau tung sha nna" "pri ten tu tsawm ai re, ngu tsun ai majaw" "nanhte jaw dat ai wa shanhte sat sha kau sai rai na re, ngu nna" "tak la nna tsun dan ai re," ngu nna htai ai da. Dai hku nga na ai shaloi gaw jan sha ni gaw shanhte jaw dat ai wa naw rem da ai teng ai re majaw yawng hpe mara dat ya nna she Nhkum Tu Yau hte shanhte a kasha hpe mung mungkan ga de bai dat dat ai da. Rai tim, ga bai htet dat ai da. "Nan mungkan ga de bai yu wa nna" "dai wa hpe atsawm rem da u." "Anhte du sa wa ai shaloi," "nan nat hkungri galaw u." "Dai kaw shadaw mali jung nna," "pinra galaw rai nna" "dai kaw lakang mung htan u." "Dai hku di nna anhte hpe jaw jau mu," ngu nna htet dat ai da. Dai majaw, nat jaw ai ten, lamu nat, jan nat ni hpe jaw jau ai rai yang, shadaw 4 jung rai nna jaw jau ai lam galaw ai gaw dai kaw na hpang wa ai re da. |
