| Description |
Translation (Seng Pan & Keita Kurabe)
I'm talking about a story of Nang Bya, who taught people how to lie. Nang Bya is a very good liar. The people who have been lied to do not even realize that they have been lied to. Only afterwards do they say, "Oh, this was a lie?" They realize it later. So the villagers wanted to lie as well as Nang Bya. They wanted Nang Bya to teach them how to lie. So one man asked Nang Bya first, "Hey, Nang Bya, teach me how to lie." Then Nang Bya said, "No." "I don't know how to lie." But the man said again and again, "Tell me, tell me!" So Nang Bya said, "I don't know how to lie." "But if you ask me so much, I'll tell you." "But I don't have time to teach you now." "I have to do my work at home." "If my wife finds out that I'm telling you lies, she'll be furious." "So I have to do my work first." The man wanted to know how to lie. "Then I'll help you with your work." "I'll help you!" he said. Then Nang Bya said, "Now I have to carry the bamboo." The man said, "All right! I'll carry it!" He carried it to the end. Then Nang Bya said, "If you finish carrying the bamboo today" "I can tell you how to lie tomorrow." But the next day, he didn't tell him. Even after many days, he didn't tell him. So the man got angry. "Nang Bya, you said you would teach me how to lie!" "I carried the bamboo for you!" "I helped you with all the work!" "You still won't teach me?" He got angry. Nang Bya said, "What? Because you asked me to teach you how to lie" "I already taught it to you!" "I lied to you when I told you that I would tell you a lie tomorrow!" "I lied to you to help me carry the bamboo!" "I told you how to lie!" he said. In this way, he lied to others who came to ask him how to lie. He did the same to everyone. "Now I have to do that first!" "I have to do this!" "I have to cut the grass!" "I have to build the house!" That's how he lied to people. People did not realize that they had been lied to. Only later did they realize that they had been lied to. Another man asked one day, "Teach me how to lie!" Then Nang Bya said, as he had done to others, "I don't have time right now." "I have to build a weir." "I'll teach you when I have finished building it." And the man said, "Let's build it together." "It will go quicker if we do it together." "OK!" Nang Bya said. They built the weir together. When we Kachin people build a weir, we put a log where the water flow is strong and we support it with two branches. Nang Bya made the man hold a large log at a place where the flow was steep. "Don't let go of it!" "If you let it go, the weir will be distorted." "If it is distorted, the fish won't get in." "So hold it steady!" "I'm going to look for the branches." "Hold it steady!" "I'm going out there." He went out. The man thought he would be taught how to lie. He held the log firmly in place. But no matter how long it took Nang Bya did not come back. So the man got very angry. "He made me carry the log all day long!" He got very angry. He left the place. At night he went to look for Nang Bya. Then he found Nang Bya drinking tea as if nothing had happened. He was playing with cowries. When he saw it, the man got angry and came into and said, "Nang Bya! I'll kill you!" "You have kept me waiting all day today!" "I've been hungry all day!" "I was really shaking!" And Nang Bya said, "So? You asked me how to lie!" "I wasn't keen on it either," "but you asked me to teach you!" "I just taught you how to lie!" He said.
Transcription (La Ring)
Ya hkai na maumwi gaw "Nang Bya Masu Sharin Ai Lam" re. Nang Bya ngu ai wa gaw grai masu chye ai wa rai tim shi masu nga ai ten hta masha ni kadai mung masu ai n shadu sha, ngut ai hpang she, "Aw... ndai wa masu ai she rai nga," nga nna chye la la re ma ai da. Dai majaw dai kaw na mare masha ni mung Nang Bya wa zawn masu mayu wa ai hte masu sharin la mayu wa ai da. Dai majaw la langai mi shawng Nang Bya hpe she "E hkau Nang Bya e, ngai hpe masu sharin ya rit," ngu ai da. Dai shaloi Nang Bya gaw "N re law." "Ngai gaw masu n chye ai law," ngu bai tsun ai da. Tim, wora La wa mung "Sharin ya rit law, sharin ya rit law," sha ngu taw yang she Nang Bya gaw "Ngai gaw n chye ai law." "Rai tim, nang she sharin ya rit nga yang mung sharin ya na le." "Rai tim ngai nang hpe masu sharin na matu ya ngai n rau ai." "Ngai nta kaw bungli grai naw galaw ra ai." "Nang hpe masu sharin nga ai lam hpe nye madu jan chye yang mung pawt na ra ai." "Dai majaw ngai bungli naw galaw ra ai," ngu tsun ai da. Wora la wa mung grai sharin la mayu ai majaw she, "Nang na bungli hpe ngai rau galaw ga." "Ngai garum na," ngu tsun ai da. Dai shaloi Nang Bya gaw "Ya ngai kawa hpai ra ai" ngu yang, wora la wa mung "Hka! ngai hte hpai ga," ngu na she ngut hkra hpai kau ya ai da. Dai shaloi Nang Bya gaw "Dai ni ndai kawa hpai kau ngut yang gaw," "nang hpe ngai hpawt ni lu sharin ya sai," ngu ai da. Rai tim, hpang shani rai tim n sharin ya, kade ya rai tim n sharin ya ai da. Dai majaw, wora la wa gaw pawt sai da. Dai majaw she, "Hkau Nang Bya, nang ngai hpe masu sharin ya na nga na," "ngai nang hpe kawa mung hpai garum sai le." "Bungli ni mung yawng shangut garum sai le." "Nang ya mung ngai hpe n sharin ya ai i," ngu na pawt let she Nang Bya hpe tsun ai da. Dai shaloi she Nang Bya gaw "Goi, nang she ngai hpe masu sharin ya rit nga na," "ngai nang hpe masu sharin sai le." "Nang hpe ngai hpawt ni masu sharin ya na." "Ngai hpe kawa shawng hpai garum rit ngu ai gaw" "nang hpe masu sharin ai ga rai sai le," ngu tsun ai da. Dai zawn sha, masu sharin la mayu ai kaga langai hpe mung dai hku, kaga langai hpe mung dai hku rai na she, "Ya ngai wora naw galaw ra ai." "Dai naw galaw ra ai." "Hkindu naw dan ra ai." "Nta naw gap ra ai." Dai hku ngu na sha masu su re ai da. Wora ni mung masu sha ai mung n shadu, hpang e she masu sha ai chye chye re ai da. Lani mi mung, kaga la langai mi bai "Ngai hpe masu sharin rit lo," ngu na tsun ai da. Dai shaloi Nang Bya gaw kaga ni hpe zawn sha she, "E, ngai n rau ai." "Madim naw galaw ra ai." "Madim galaw ngut yang she sharin ya na," ngu tsun ai da. Wora la wa mung "Ngai rau galaw ga." "Rai yang lawan ngut na ra ai," ngu na tsun yang she "Mai ai," ngu na madim galaw ai da. Anhte Wunpawng myu sha ni gaw madim galaw yang, hka hpungla grai ja ai kaw hpun tawng langai mi shawng gren di jahkrat dat na she, dai kaw she labra ni bai madi madi re ai re. Nang Bya gaw wora la wa hpe she hpun tawng kaba langai hpe hka hpungla grai ja ai kaw she hpai da shangun ai da. "Ndai hkum tat yaw." "Tat dat yang madim nhkyeng mat na." "Madim nhkyeng mat yang gaw nga n shang ai." "Dai majaw ndai hpe tek da u yaw." "Ya ngai ndai kaw madi na matu labra naw wa tam la dat na." "Naw tek da u yaw." "Ya ngai dai kaw sha re," ngu na pru mat wa ai da. Wora la wa mung, masu sharin lu na re ngu na she, dai hpun tawng hpe tek chyu chyu tek nga ai da. Rai tim, kade na tim, Nang Bya gaw n du wa ai da. Dai majaw shi gaw grai pawt sai da. "Nang gaw ngai hpe dai ni tup ndai tek da shangun na masu da i," ngu na grai pawt ai hte she wa rai nna shana maga de Nang Bya hpe tam hkawm ai da. Dai shaloi Nang Bya gaw hpahka sha lu, n ra n ra sha rai nna, shawun sha wa taw di nga taw ai da. Dai mu ai shaloi wora la wa gaw pawt di shang wa na she, "Nang Bya wa, nang hpe ngai sat kau na." "Nang i dai ni tup ngai hpe masu nna ba shangun ai." "Ngai dai ni tup kaw si na," "she gari ai re," ngu na tsun ai da. Dai shaloi Nang Bya gaw "Taw, nang she ngai hpe masu sharin rit." "Ngai pyi n kam ai kaw" "nang masu sharin rit nga ai majaw," "ngai masu sharin ai ga rai nga le," ngu nna bai tsun dat ai da.
PDF
https://doi.org/10.15026/0002000097 |
