| Description |
Translation (Seng Pan & Keita Kurabe)
The story I am telling now is about a man who was taken by a witch. Once upon a time, there was a family that had only one son. When his parents grew old the son cultivated a field in the forest to support his family. One day, when he went to the field he met a witch on the way. The witch liked him so much that she took him into the deep forest. And on the top of a large tree where no one could climb she built a big house and fed him. The witch built a household with the man. She did not let him go anywhere. Food was gathered by the witch because she did not want him to go back to his home. The man lived with the witch every day. The witch fed the man. Because he did not eat salt he became hairy all over. When they had a child only the witch went out. She made him live on the tree. One day, when the witch went to look for food, the man said to her, "I want to weave a rope, my wife." "Go and find me some bamboo splits so that I can make the rope." The witch loved her husband. She did as he asked and gathered bamboo splits every day. The man wove the bamboo splits. He wove them to go down to the ground. Every day he wove the bamboo splits that the witch had gathered. No matter how much he wove, it did not reach the length to reach the bottom of the tree. When the witch said, "I have a lot of bamboo splits now," he told her to go and find more. He wove the bamboo splits every day. When he wove that way one day, the rope was woven until it reached the ground. As soon as it reached the ground while the witch went to look for food clinging to the rope he ran down to the ground and ran away. When the witch realized that he had fled down the tree, carrying the child on her back, she ran after him. He was afraid that she would catch up with him. He fled across the river. After he crossed the river the witch came to the riverbank. But she could not cross the river, so she said, "Come back!" "Come back to us!" She cried out to the man. But he never came back. He went to the other shore. When the witch realized that he was not coming back she tore the child in half and threw it into the river for her husband. The villagers found the man on the riverbank. They were surprised and ran away. Because the man was hairy all over. The villagers thought he was a ghost. So they ran away in surprise. The man said, "I am not a ghost!" "I am a human being!" "I was in the forest because I was taken by a witch." "I couldn't eat salt." "So my whole body became hairy." He explained to them. The villagers took pity on him. They took him back to their village. Back in the village, he ate salt every day. So the hairs on his body disappeared. So the old people said, "If you do not eat salt, you become hairy." That is how they told this story. Thank you very much.
Transcription (Lu Awng)
Ya hkai dan na lam gaw "Sanam num shapoi la ai lam" re. Moi shawng de da, dinghku langai mi hta, la sha shingtai langai sha lu ai da. Dai la sha gaw kanu kawa ni asak kaba mat ai majaw nam de sa, yi ni hkyen rai na dai kanu yen kawa hpe bau ai da. Lani mi hta gaw yi de sa re shaloi, lam kaw she sanam num langai mi hte hkrum ai da. Dai sanam num wa gaw dai la sha wa hpe yu ra rai na hto nam lashing kata de shapoi woi la mat ai da. Ngut na hpun kaba langai ntsa, masha gadai mung n lu lung, n lu dep, n lu du ai shara kaw nta kaba langai mi shachyaw gap na dai la wa hpe woi nga ai da. Shing rai na dai kaw sha sanam num gaw dai la sha hpe dinghku woi de la kau ai da. La kasha wa hpe gaw gara de mung n sa shangun ai da. Ngut na shani shagu shan lahkawng sha na lu sha ni hpe gaw dai sanam num sha tam jaw sha ai da. Hpa majaw i nga yang, dai la sha wa nta de bai tam hprawng mat wa na hpe dai sanam num gaw grai tsang ai da. Da la sha wa mung lani hte lani dai sanam num kaw sha nga dai sanam num tam jaw ai sha sha rai sha n-ga na jum mung n lu sha ai majaw she hkum ni, lagaw lata ni yawng hkan mun ni mun galu ni tu wa ai da. Shing rai sha n-ga na she kasha langai lu wa ai ten du hkra rai tim sanam num sha shat tam jaw sha na she hpun ntsa kaw sha nga shangun ai da. Lani mi hta gaw, dai sanam num wa lu sha sha hpa tam hkawm maw ai shaloi dai la wa gaw sanam num hpe tsun ai da. "Ngai ri ri mayu ai law, num nang e." "Ngai hpe ri ri na matu, ngai ri ri na matu, pali tam gaw wa ya rit," ngu htet ai da. Sanam num mung madu wa hpe tsawra ai majaw dai la wa htet ai hte maran shani shagu pali ni tam gawng wa ya ai da. Shaloi dai la wa gaw pali ni rit na she, hto hpun npu de lu yu na matu pali ni hpe hkri ai da. Shani shagu sanam num la wa ya ai ri pali ni hpe she shit rai na hkri ai da. Gade hkri ti mung hpun npu de n du hkraw ai da. Rai na she sanam num bai rai yang gaw "“Pali law na sai," ngu ti mung, dai la wa gaw "Naw tam gawng la wa ya rit," ngu sha atsun na shani shagu hkri ai da. Dai hku hkri yang she lani mi hta gaw dai pali hkri da ai wa ga hpun npu de du mat sai da. Du mat ai hte maren dai la wa gaw sanam num shat tam sha sa ai hte dai hpun npu de pali sumri hpe noi na hprawng yu mat wa ai da. Sanam num gaw dai la wa hpun npu de yu na hprawng mat wa ai hpe mu dat ai hte she kahsa hpe mung ba rai na dai la wa hpang de shachyut hkan nang sai da. Dai la wa mung sanam num dep na tsang rai na n lu lu hkra hka ni hpe mung rap rai na hprawng ai da. Shaloi she, sanam num wa gaw la wa hka rap ngut ai hte she dai ma hpe ba na hka makau de bai du wa ai da. Rai ti mung, dai sanam num wa gaw hka htora hkan de n mai rap nang ai majaw she la wa hpe "Bai wa rit law." "An nu hpang de bai wa rit law," ngu dai la wa hpe marawn jahtau ai da. Rai ti mung la wa gaw n wa ai sha n-ga na hka htora hkran de sha nga mat ai da. Shaloi dai sanam num wa gaw la wa n wa ai chye na she, shi kasha hpe she kalang ta brang rai gang je na she chyen mi hpe shi madu wa na matu hka de kabai bang dat ya ai da. Shing rai, dai la wa hka makau kaw nga taw ai hpe she mare masha ni gaw mu na yu kajawng mat na hprawng mat wa ai da. Dai la wa kaw, hpa majaw nga yang, dai la wa kaw hkum ting mun ni tu mat na she nat shadu taw na hku rai nga, mare masha ni gaw. Dai majaw yu kajawng na hprawng mat wa ai da. Shaloi dai la wa gaw "Ngai nat n re ai," ngu "Ngai masha she re." "Sanam num ngai hpe hto nam lashing kata de shapoi la na woi la mat ai majaw" "jum n lu sha na ngai na" "ngai na hkum ting kaw mun ni mun galu ni tu wa ai re," ngu bai tsun dan re shaloi gaw mare masha ni yawng mung dai la wa hpe matsan dum rai na mare de bai woi wa ma ai da. Mare de du na shani shagu jum lu sha ai ten kaw na dai la wa a hkum kaw tu ai amu ni yawng mung bai mat mat ai da. Dai majaw moi na masha kaba ni gaw "Anhte shinggyim masha ni jum n lu sha yang hkum hkrang hkan mun galu tu wa ai," nga na ndai zawn hkai dan ai re. Yawng hpe grai chyeju kaba sai law. |
