| Description |
Translation (Rita Seng Mai & Keita Kurabe)
I'm going to tell you a story about "The fairy and the orphan." Once upon a time, there was an orphan boy at a rich's house. The rich man's children were bullying that orphan boy. They let him look after sheep, goats and cows. The orphan boy had to sleep in a shed too. While the orphan boy was looking after the animals, the rich children came there and beat him with a stick. Then, the father of the fairies from the sky looked at them. "Look at that!" "The orphan has been bullied." "Go and save him!" he said to his daughters. He said to his eldest daughter, "My daughter, you go there." "Save him." His daughter said, "No, I don't want to!" "It's a too complicated place." "I don't feel comfortable there." "I don't want to go to the earth." Then, the father said to his second daughter, "Then, you go there." But she said, "No, I don't want to!" The father asked each daughter. "The third girl, you go," but she said "No." He said to the fourth daughter but she said, "No." He said to the fifth daughter but she said, "No." Then, the seventh youngest daughter said, "I will go there, father." The seventh girl went down to the earth. Then, at dusk the fairy showed up beside the boy while he was looking after the cows. She was sparkling and shining so brightly. The boy couldn't even look at her. The fairy stood near him and said, "Don't be afraid." "I am coming here to save you." But she was so beautiful, so radiant, that the orphan was frightened and ran away. When he ran away, the fairy made the way dark while he was running. She followed him. When she was near him, he ran away again. Then, the fairy made the boy pierced by a spike. The boy couldn't run anymore. She was able to catch up with him. And she said, "My father ordered me to save you." "To help you from the rich man," "please take me to the rich man's house." Then, the orphan boy said, "A beautiful fairy like you shouldn't follow me." "I sleep with animals." She said, "It's okay." "I will follow you." "No matter where you go, I will follow you." "Just take me with you." So, the boy took her to the rich man's house. He took her to the cowshed where he slept. That night, the cowshed where the fairy was shone brightly. When the rich man saw it, he said, "Hey, there is a very beautiful girl." "You are my guest." "Please come up to my house." The fairy said, "It's okay." "I will stay only here." "Don't worry." The rich family treated her to delicious meals. They put the orphan's food in a dog dish, and they treated the fairy with nice plates. The fairy gave her food to the orphan and let him eat delicious meals. That night, she stayed in the cowshed. The next morning, she talked to the rich man. She said to the rich man, "Can you give the orphan boy to me?" The rich man said, "Why should I?" "I can't!" "I look after him since his parents died." "I even held their funeral by costing much money." "So, he needs to do work by staying at my house." "He can't leave my house!" Then, the fairy said, "I will give the debt instead of him." "Just give me the list of how much I should pay back." The rich man wrote down the list one by one. "This is all." Then, the fairy said, "I will repay this." "Tomorrow, I will take the orphan boy with me." And when everyone went to bed at night, she went up to the sky and she told her sisters what she needed to pay the debt of the boy. Each of her sisters brought materials needed for sewing clothe and handloom weaving materials to the earth. That night, they made everything on the list that had to be paid back. When they finished, the sisters returned to the sky. Only the youngest girl remained on earth. In the morning, when the rich man woke up, she gave him the cloths, footwear, and everything else, just as it was on the list. Then, she said, "Well, I will take the orphan boy with me." She took him out of that house. She said to him, "Where was your parents' house?" The orphan boy said, "On the edge of the village." He took her to the edge of the village. The fairy said to the boy, "Close your eyes for a moment." While the boy closed his eyes, she created a house and a garden with her power. And she said, "This is the house where we are going to live from now on." They lived together there and got one son. When the son grew up a little, the fairy said, "Now, our son is grown up, so you are not alone anymore." "I will have to go back to my father." But her son would not let her go and cried. So, she tore a bit of her longyi and made a scarf. She wrapped it around her son's neck. She said, "Don't follow me," and went back to her place. After some years later, their son grew up. The father, the orphan, became very ill. The son asked, "Who is my mother?" The father always replied, "Your mother is dead." He never told him who she was. But when his son asked again and again, the father said, "If you want to know who your mother is" "ask that rich old man." And the father died. So the son went to the rich old man and asked him. "If you want to know who your mother is" "there is a lake four or five mountains over from here." "There will be seven fairies who will come to the lake to bathe." "The youngest is your mother." The son wanted to see his mother. He got his bow and arrow and other things ready. He went to the lake where his mother would come to bathe. He watched it from behind a bush. After some time, the fairies were there and took a shower. And when they were about to return to the sky, the son suddenly grabbed the youngest fairy and held her tight. He said, "Mom, Mom, Mom." He never let her go. The fairy said to him, "Who are you to call me mother?" "Where do you come from?" The son showed her the scarf around his neck. He said, "I heard that this was given to me by my mother." The fairy remembered when she saw it. She knew that her son came there because the rich man told him about it. She gave him four bamboo tubes. She said to him, "From now on, don't come to me. Okay?" "I am a fairy. You can't come to me." "Of these four bamboo tubes, give one to a rich man." "One of them you will take home and scatter what is inside." "The other two, scatter them on your way back without looking back." They were bamboo tubes containing seeds. The son did as his mother told him. He went home, scattering the seeds in the forest on his way home. When he finished scattering the seeds, he looked back. He saw that the path he had walked on was covered with plants. The forest was so covered with vegetation that he could not see where he had come from. When he returned to the village in that way, he gave one of the bamboo tubes to the rich old man. The old man opened it to see what was in it. When he opened it, the seeds popped and he died. The son took the rest of the bamboo tubes home. When he scattered the seeds inside the tube, various livestock came out. Many plants and trees grew that produced food. Thus, thanks to his mother, the son became wealthy.
Transcription (Lu Awng)
Ya hkai na maumwi a gabaw gaw Nat Shayi Sha hte Jahkrai Ma nga ai re. Moi shawng de, sahte langai wa a nta hta jahkrai ma langai mi nga ai da. Dai jahkrai ma hpe gaw Sahte kasha ni grai zingri sha, grai roi sha ma ai da. Nga, sagu, bainam, dumsu ni rem shangun nna yup yang mung dai dumsu ulawng hkan e sha shayup ma ai da. Dai Sahte kasha ni gaw, jahkrai ma nga rem ai hkan mung hkan nang na, ju shingna ni hte hkan gayet ai mung galaw ai da. Dai zawn jahkrai ma hpe dang sha roi sha ai lam hpe htaw lamu kaw na Nat shayi sha ni a kawa ngu na wa gaw mu ai shaloi, "E, mungkan ga de she yu yu mu." "Jahkrai ma langai mi matsan shayen byin nga ai le." "Naw sa hkye la yu mu," ngu nna tsun ai da. Matut nna dai nat shayi sha ni a Kawa gaw "Ma Kaw nang sa yu su." "Jahkrai ma hpe wa hkye la su," ngu tsun yang, kasha Ma Kaw gaw "Ngai n kam ai, Wa." "Mungkan ga de grai shuk ai." "N pyaw ai." "Ngai n kam sa ai," ngu tsun ai da. Bai kasha Ma Lu hpe, "Ma Lu, nang sa su yaw," ngu bai tsun yang mung, kasha Ma Lu mung "N kam ai," bai ngu htai ai da. Dai hku nna kasha ni langai hpang langai hpe san ai da. "Ma Roi, nang sa u yaw," ngu yang mung, "N kam ai," nga. Ma Htu hpe san yang mung "N kam ai," nga. Ma Hka hpe ngu yang mung "N kam ai," nga. Hpang jahtum kaji htum shayi sha ngu na, nambat sanit shayi sha rai nga ai, Ma Pri mahtang she "Ngai sa na, Wa," ngu tsun ai da. Dai hku ngu na dai Ma Pri ngu na Nat shayi sha gaw mungkan ga de yu mat wa ai da. Dai hku rai nna, jan du wa ai shaloi, jahkrai ma nga rem taw ai makau kaw, dai nat shayi sha gaw sa tsap dat ai da. Dai hku sat sap shaloi grai tsawm kabrim ai majaw, jahkrai ma gaw dai Nat shayi sha hpe pyi n mai yu ai da. Dai Nat shayi sha gaw jahkrai ma hpang de sit sa nna she, "Ngai hpe hkum hkrit u." "Ngai nang hpe hkye la na matu ngu nna sa ai she re ai," ngu tsun ai da. Rai tim, dai jahkrai ma gaw nat shayi sha, grai mung tsawm, grai mung kabrim ai majaw, hkrit kajawng ai the hprawng mat wa ai da. Dai zawn hprawng mat wa ai shaloi, nat shayi sha gaw dai jahkrai ma hprawng ai lam hpe nsin sin kau ya ai nna bai hkan shachyut dep la ai da. Dai nat shayi sha bai hkan shachyut dep yang jahkrai ma mung bai matut hprawng ai da. Dai shaloi gaw nat shayi sha gaw jahkrai ma hpe lagaw kaw ju achyaw ju la shangun dat ai da. Dai majaw jahkrai ma gaw matut n lu hprawng mat sai hte nat shayi sha gaw atsawm sha sa dep la ai da. Dai shaloi nat shayi sha gaw jahkrai ma hpe tsun ai da. "Nang hpe sa hkye la na matu nye wa shangun dat ai re." "Nang hpe Sahte ni zingri ai kaw na hkye la na matu" "dai sahte ni a nta de ngai hpe woi wa rit," ngu tsun ai da. Dai shaloi jahkrai ma gaw "E, nang daram tsawm ai wa ngai kaw n mai wa ai gaw e." "Ngai gaw dusat ni hte yup ai gaw," ngu tsun ai da. Nat shayi sha gaw "Hpa nra ai." "Ngai hkan nang na." "Nang gara kaw nga yang, ngai gara kaw hkan na." "Sha woi wa rit," ngu tsun ai hte sahte ni a nta de woi wa ai da. Kaja nan sha jahkrai ma gaw shi nga ai sahte ni a dumsu ulawng de woi shang wa ai da. Dai shana gaw dumsu ulawng gaw nat shayi sha sa nga ai majaw grai kabrim taw ai da. Dai hpe sahte ni mu ai shaloi gaw "E, ndai kaw grai tsawm ai mahkawn langai mi she sa nga taw nga ai." "Manam she rai nga." "Nang de nhku de lung wa rit," ngu nna she shaga ai da. Rai tim nat shayi sha gaw "N ra ai." "Ngai ndai kaw she nga na re." "N ra ai," ngu tsun ai da. Dai hku rai nna, sahte ni gaw shat bai sa jaw sha ai da. Jahkrai ma hpe gaw gwi ban kaw bang ya nna, nat shayi sha hpe gaw ban kaja kaw bang ya nna jaw sha ai da. Dai shaloi nat shayi sha gaw, jahkrai ma hpe jaw ai ban hpe gaw shi la sha kau nna, shi hpe jaw ai ban kaja hpe gaw jahkrai ma hpe jaw kau, dai hku di ai da. Matut na dai shana dai kaw yup sai hte hpang jahpawt gaw nat shayi sha gaw sahte wa hte shaga sai da. Nat shayi sha gaw sahte wa hpe "Ndai jahkrai ma hpe ngai hpe jaw dat u," ngu tsun ai da. Dai shaloi sahte dingla wa gaw "Hpa na jaw dat na ma?" "N mai ai." "Ndai jahkrai ma gaw shi kanu kawa si ai shaloi" "ngai ja gumhpraw ni grai ma hkam nna makoi mayang galaw ya ai majaw" "shi dai hka wa ra ai." "Dai majaw shi gaw nye a nta kaw na n mai pru wa ai," ngu tsun ai da. Dai shaloi nat shayi sha gaw "Ngai wa da ya na." "Kade ang ai jahpan jaw rit," ngu tsun ai shaloi, sahte dingla wa gaw jahpan langai hpang langai ka nna she "Dai hte re," ngu nna nat shayi sha hpe madun ai da. Shaloi nat shayi sha gaw "Ngai ndai hka ni hpe dai ni jang jang wa na yaw." "Hpawt de gaw jahkrai ma hpe woi mat wa na," ngu tsun ai da. Dai hku rai nna, dai shana yawng yup nga ai shaloi, nat shayi sha gaw lamu de pyen lung wa nna kana ni yawng hpe dai wa ra ai jahpan wa tsun dan nna sumpan arai ni, da lang rai ni yawng hte hpawn shaga hkrat wa ai hte dai shana jang dai sahte wa a matu wa ra ai jahpan kaw na arung arai jahpan ni yawng hpe sa galaw da ai da. Dai hku galaw ngut ai hpang nat shayi sha a kana ni gaw lamu de bai lung mat wa nna, dai nat shayi sha kaji htum sha nga taw ai hte jahpawt sahte wa rawt wa yang, shi na jahpan hte maren, nba yan kade, hkyep din kade, gara arung arai gaw kade ngu nna yawng wa ya na she, "Ya ngai jahkrai ma hpe woi wa sana yaw," ngu nna woi mat wa ai da. Dai hku dai nta kaw na woi pru mat wa nna, nat shayi sha gaw jahkrai ma hpe "Nan nu wa ni a nta gaw gara kaw rai?" ngu san yang, jahkrai ma gaw "Oh.. mare htum pa kaw re," ngu nna mare htum pa de woi sa wa ai da. Dai shaloi, nat shayi sha gaw jahkrai ma hpe "Myi grip kahkring grip dat u," ngu tsun nna jahkrai ma myi grip jahkring mi grip da ai laman, kalang ta, nta kaja ni, sun wang kaja ni lajang la nna, "Gai ya an lahkawng ndai kaw nga na re yaw," ngu nna rau nga ai da. Dai hku shan lahkawng rau nga nna, kasha langai mi lu ai da. Ma loi mi kaba wa ai shaloi gaw nat shayi sha gaw "Gai ya gaw ma mung kaba wa sai hte nang mung manang lu sai." "Ngai gaw nye wa nta de bai wa ra ai majaw, ngai wa sana," ngu tsun ai da. Rai tim, dai ma gaw kanu hpe grai kanan ai hte grai hkrap ai majaw, nat shayi sha gaw shi na labu loi mi je la nna she kachyi galaw nna kasha hpe gali kau da ya ai hte "Hkum kanan sa yaw," ngu tsun nna wa mat wa ai da. Dai hku rai nna aten ni na mat wa ai hpang, dai ma mung kaba wa sai. Wa ngu na jahkrai ma mung hkam n kaja ai hte si wa hkyen sai da. Dai shaloi kasha gaw "Nye nu kadai rai?" ngu san tim, "Na nu si mat sai," sha ngu na tsun tsun re ai da. Kadai re ngu na ma galoi n tsun dan ai da. Rai tim, kasha gaw atet chyu atet ai shaloi gaw kawa gaw "Na nu kadai re, na nu gara kaw re chye mayu yang," "oh ra sahte dingla hpe sa san la u" ngu tsun dat nna Kawa mung si mat wa ai da. Dai majaw dai kasha mung sahte dingla hpe sa san ai shaloi gaw "Na nu hpe dai ram chye mayu yang," "oh ra mu n mu re ai bum mali manga din ai kaw na bum kaw na hka nawng langai kaw" "nat shayi sha marai sanit hka shin yu wa na ra ai." "Dai kaw na kaji htum ai gaw na nu re yaw," ngu tsun dan ai da. Dai hku rai nna shi mung shi nu hpe mu mayu ai majaw, ndan pala ni, arung arai ni jahkum lang nna shi kanu ni hka wa shin na hka nawng kaw du hkra sa nna, sumwup kaw na yu taw ai da. Dai shaloi kaja sha nat shayi sha ni hka wa shin ai hte bai pyi lung wa hkyen ai shaloi, shi gaw kaji htum nat shayi sha hpe kalang ta sa tek la nna she "Nu, nu, nu," ngu tsun dat ai da. Shi mung kachyi pyi n tat sai da. Dai shaloi nat shayi sha gaw "Ngai hpe Nu nga ai gaw, nang kadai rai?" "Gara kaw na rai?" ngu nna san dat yang she, dai kasha gaw shi na du kaw gali da ai labu chyen kachyi madun nna, "Ndai Nu nang jaw kau da ai re nga na tsun ai," ngu tsun dat ai da. Dai shaloi nat shayi sha mung dum dat sai hte "Dai rai yang gaw ndai gaw sahte dingla wa sha lu tsun dan ai lam rai sai," ngu myit dum dat ai hte ndum mali kumhpa jaw dat ai da. Matut nna ma shi kasha hpe tsun dat ai gaw "Ya kaw na galoi ma hkum sa sa yaw." "Anu gaw nat shayi sha she re majaw, nang n mai sa ai." "Ndai ndum mali kaw na langai gaw sahte dingla hpe jaw u." "Langai hpe gaw na nta kaw wa gat dat u." "Ngam ai lahkawng hpe gaw nam kaw ya nang wa ai shaloi hpang de kachyi mi pyi n gayin yu ai sha gat mat wa u yaw," ngu tsun ai da. Dai ndum mali gaw nli tum rawng ai ndum ni re ai da. Kasha mung ndai nli tum rawng ai ndum ni hpe kanu matsun ai hte maren wa ai lam kaw nam kaw gat mat wa nna wa mat ai da. Oh shi gat ngut nna hpang de bai yu ai shaloi gaw, dai mi sa wa ai lam mung n mu mat sai da. Nam gaw hpun ni, sumwum ni, ju ni hkrai tu mat nna, mi na shara gara de re ai pyi gara hku yu tim n chye mat ai da. Dai hku na shi oh mare de du wa ai shaloi gaw dai sahte dingla wa hpe langai wa jaw dat ai da. Dai sahte dingla wa mung hpa tum kun ngu nna hpaw dat ai hte kalang ta dai atum kapaw pru nna dai sahte dingla wa mung si mat ai da. Dai la kasha mung ngam ai ndum hpe shi nta de la wa nna nta kaw bai wa gat dat ai shaloi gaw du sat yam nga hkum sumpa tu pru wa ai hte malu masha hpun ni nampu nampan ni yawng tu pru wa ai da. Dai zawn rai nna dai ma gaw kanu nat shayi sha garum ya ai majaw shi gaw grai lu su mat wa ai da.
|
