| Description |
Translation (Keita Kurabe)
I'm going to tell you a story about a caterpillar boy. Once upon a time, there was a caterpillar boy. He fell in love with a human girl. He was a caterpillar during the daytime. Only at night can he assume human form. Like a human young man, he dressed in a turban and wore beautiful longy and was in love with a human girl. Only at night he changed into his human form and always went to visit the human girl. One night, a festival was to be held at the home of the village elder. The women of the village discussed going to gather banana leaves to wrap the food for the festival. "Tomorrow, we will go and collect banana leaves." The girlfriend of the caterpillar boy also invited her boyfriend, "I'm going to pick up banana leaves tomorrow, so come with me." The next day, the village youths went out to pick banana leaves. The caterpillar's girlfriend was waiting for her boyfriend to come. She thought he was a human boy. Because she thought the caterpillar boy was a human, she waited, picking up banana leaves, wondering, "When will he come? When will he come?" But no matter how long she waited, he did not appear. She did not know that her boyfriend was a caterpillar. She thought to herself, "Hmm, it's not true that he loves me." "I invited him to pick up banana leaves with me, but he wouldn't come." "He's a liar." She thought of her boyfriend that way. "Hmmm, come to me tonight." "I will never speak a word to you." She was angry. As a matter of fact, to the place where she was gathering banana leaves he had come in the form of a caterpillar from the beginning. He had already come to the forest in the form of a caterpillar. He came to the place where she was gathering banana leaves. He was chewing small pieces of leaves from the top of the tree and dropping them to her. When she moved to another place, he also chewed off the leaves and dropped them to her. He was helping her that way. That night. When the young people who had gone to pick up the banana leaves gathered, the caterpillar boy said to his girlfriend, "Hmmm, I am very tired because I collected so many leaves today." Hearing this, she said, "Where have you been gathering leaves?" "I've been looking for you all day." "You were nowhere to be found." "Where have you been gathering leaves?" She said to him like that. And what did the caterpillar boy say to her? "I was dropping leaves for you where you were gathering them." Hearing this, she remembered, "Hmmm, maybe my guy is not human." Because when she spent all day picking up leaves, indeed, as he said, no matter where she gathered leaves, small leaves fell and she could not carry them. Even when she moved to another place, small leaves fell. She moved to another place, and still small leaves fell, she recalled. She realized, "Hmmm, he is not human." From then on, she began to avoid him. And when she was avoiding him in that way, at night, when she was sleeping, the caterpillar boy realized that she had discovered his true identity. He realized that she had found out who he was and been avoiding him. Then, at night, while she was sleeping, the caterpillar boy scrambled up her pillow and he bit her chest and never let her go. This is a story told by old people about a caterpillar boy and a human girl. Thank you very much.
Transcription (Lu Awng)
Ya hkai dan na maumwi gaw "Sumbra shabrang a lam" re. Moi shawng de sumbra shabrang langai mi nga ai da. Shi gaw shinggyim num sha langai mi hte sumtsaw tsaw ai da. Shi gaw shani rai jang gaw sumbra tai re na she shana bai rai rai jang gaw masha tai na masha shabrang ni na zawn sha grai tsawm htap hkra bunghkaw ni hkaw, labu ni atsawm sha bu di na she num hte sumtsaw tsaw ai hku rai nga. Galoi ma shana rai jang gaw dai hku na shi sumtsaw jan shinggyim num sha kaw sa chyai chyai re ai da. Rai jang she lana mi hta rai yang gaw ndai mare kaw mare salang kaba na nta kaw poi nga ai. Dai majaw mare kaw na num mahkawn ni hte hpaw mi ni yawng gaw lahpaw htat sa na hku langai hte langai tsun ma ai da. "Hpawt de gaw lahpaw htat sa ga i," ngu tsun ai da. Shing rai jang she dai num mahkawn wa mung shi sumtsaw, sumbra shabrang hpe she "Hpawt ni gaw lahpaw htat na re majaw alu sha sa wa u yaw," ngu na tsun ai da. Rai jang she mare kaw na ni gaw hpang shani gaw lahpaw htat sa sai da. Lahpaw htat sa rai jang she shi sumtsaw num jan wa gaw sumbra shabrang wa hpe la ai hku rai nga. Shi gaw masha shadu ai. Masha shinggyim la sha la ngu hku na sha sumbra shabrang hpe chye da ai re majaw she "Ya sa wa ai kun, ya sa wa ai kun," ngu na lahpaw htat ai kaw la ai da. Gade la ti mung sumbra shabrang wa gaw n sa wa na hku rai nga. Shi gaw myi kaw na ma sumbra re n chye ai majaw re i. Shi gaw myit ai da. "Hmmm, nye sumtsaw gaw ngai hpe tsaw ra ai ngu gaw alaga sha re." "Ngai lahpaw htat ai de sa wa rit oi, ngu shaga ai pyi n sa ai." "Majoi masu re," ngu na she num mahkawn wa gaw sumbra shabrang hpe dai hku na myit la ai da. Dai hku na myit na she shi gaw "Umm, dai na de gaw shabrang ndai wa sa wa yu u ga." "Shi sa wa yang gaw ngai kachyi pyi n shaga sai," ngu na myit na she shi gaw pawt di nga taw ai da. Mahkawn jan wa lahpaw htat ai shara kaw gaw dai sumbra wa gaw shi gaw myi kaw na sumbra rai re yang she dai nam kaw shi gaw myi kaw na du taw ngut chyalu rai na hku rai nga. Dai yang she hpun kaw na she num, shi mahkawn jan wa htat ai lahpaw shara, lahpaw htat ai shara maga de du rai jang gaw lahpaw kasha ni hpe sumbra re majaw shi n-gup hte lahpaw kasha ni hpe mahkret na di na jahkrat ya ai. Dai num sha wa bai shara mi de bai sit re yang mung lahpaw namlap kasha ni hpe bai mahkret na bai jahkrat ya ai. Dai hku galaw ai da. Shana du sai da. Shana du re shaloi she, ndai, shanhte ni mahkawn shabrang ni ma hkra bai hkrum re shaloi gaw dai sumbra shabrang wa gaw tsun ai da. "Ummm, dai ni ngai lahpaw grai htat kau na grai ba ai," ngu tsun ai da. Dai hku tsun rai jang she shi mahkawn num wa re yang gaw bai hpa bai tsun ai i nga yang "Gara kaw na lahpaw htat htat" "Dai ni tup nang hpe ngai hkan tam ai." "Gara kaw mung n mu ai." "Gara hkan ni wa mi lahpaw hkan htat taw ai ma?" ngu na she shi num mahkawn wa gaw dai sumbra shabrang hpe tsun ai da. Dai hku tsun rai jang she dai sumbra shabrang wa gaw bai shi num sha hpe hpa bai tsun ai i nga yang "Nang htat ai shara kaw lahpaw kasha ni ngai di ya ai re le," ngu tsun ai da. Dai hku tsun rai jang she shi na num sha wa gaw dum dat sai da. "Hmmm, ndai rai yang gaw ngai na shabrang wa gaw masha n rai na re," ngu dum dat ai da. Hpa majaw nga yang shani tup shi lahpaw htat re shaloi she lahpaw htat ai shi myi tsun ai hte maren i shi lahpaw htat ai shara shagu kaw wa lahpaw kasha ni wa run she run hkrat, run she run hkrat, lang gaw n mai. shi shara mi de bai htawt yang lahpaw kasha ni bai run hkrat Kaga shara de bai htawt yang lahpaw kasha bai run hkrat re hpe shi gaw bai dum dat di na she kalang ta "Hmmm, la ndai gaw masha n re," ngu chye na she dai kaw na she dai num, mahkawn wa gaw shi sumtsaw re ai sumbra shabrang hpe she koi she koi yen hkawm ai da. Dai hku koi she koi yen hkawm re nga rai yang she shana dai mahkawn, num mahkawn wa yup re ten shaloi she sumbra wa mung sumbra shabrang mung chye ai da. Shi num mahkawn wa shi hpe dai chye ai kaw na koi hkrai koi yen ai hpe chye re yang she shi num mahkawn wa shana yup re na yup ra yup taw re shaloi she yup ai bunghkum kaw na she sumbra shabrang dai wa lung wa re di na she dai num mahkawn na sinda kaw mahkret gawa dat na she n dat mat ai da. Ndai gaw moi na masha kaba ni ndai sumbra shabrang hte shinggyim num sha na lam hpe maubyin hku na dai hku hkai dan ai re. Yawng hpe chyeju kaba sai law. |
