| Description |
Translation (Rita Seng Mai & Keita Kurabe)
I'm going to tell you the story of a rice thief who atoned for his sins by becoming a mother buffalo. Once upon a time, there was a lazy man in a village who never worked. He had no rice, so he always stole rice from other people's granaries. One day, he died. His soul became a mother buffalo and had to atone for his sins. He came to atone for his sins at the houses of the people whose rice he had stolen. He atoned for his sins as a mother buffalo, but one day he grew old and died. The owner of the house put the head of the buffalo at the granary ladder. One day, another man came to the house to steal rice. When he tried to climb up the granary, he accidentally stepped on the buffalo head. The buffalo head that he stepped on spoke to him. "Brother, why have you come to this granary?" The thief replied, "I was hungry, so I came here to steal rice." The buffalo head said, "Don't steal rice!" "Once I was hungry and stole rice too." "But after I died, I became a mother buffalo and had to pay for my sins for the rest of my life." "Don't steal rice!" it replied. When the thief heard the words of the buffalo head, he left without stealing the rice. That's the end of the story.
Transcription (Lu Awng)
Ya ngai hkai na maumwi gaw "La langai mi mam lagu sha ai majaw nga kanu tai nna hka wa ra mat ai lam" re. Moi shawng de mare kahtawng langai mi hta, la langai gaw bungli gaw n kam galaw, lagawn gaw lagawn rai nna shat gaw hpa n sha re ai majaw, masha ni a mam dum hkan na mam ni chyu hkan lagu sha sha re ai da. Dai hku mam lagu sha sha rai nna, lani mi gaw dai la wa gaw si mat wa ai da. Dai hku si mat wa ai shaloi, shi a numla gaw nga kanu tai nna she hka sa wa taw sai da. Shi mam sa lagu sha sha re ai nta madu ni kaw nga kanu tai nna hka sa wa nga ai re da. Dai hku hka sa wa let she, lani mi hta gaw dai nga kanu mung asak kaba wa rai nna bai si mat wa sai da. Nga kanu si mat yang she, dai nga kanu a madu ni gaw nga kanu a baw hpe mam dum de lung wa yang kabye bye re ai shara kaw tawn da sai da. Dai hku tawn da rai nna nga ai shaloi, lani mi hta la langai mi gaw dai nta kaw mam sa lagu sha na matu sa wa yang she dai mam dum kaw lung na ngu nna kabye dat ai shaloi, dai nga baw kaw wa kabye hkrup dat ai da. Dai hku nga baw kaw kabye hkrup dat yang she, dai nga baw kaw na ga shaga wa ai da. "E hkau e, nang hpa rai na dai masha ni a mam dum de sa wa nga nni" ngu san dat yang she dai la wa gaw "Ngai kawsi nna shat hpa n sha ai majaw, ndai mam sa lagu sha na ngu sa wa ai re” ngu htai ai da. Dai shaloi nga baw kaw na gaw "Hkum lagu law, hkau e." "Ngai pyi naw shat hpa n sha nna mam lagu sha ai ngu yang" "ngai si ai hpang e nga kanu tai nna prat tup jam jau jam hkau hte hka wa ra ai re." "Hkum lagu law" ngu bai nhtang tsun dat ai da. Dai shaloi, dai la wa mung kaja wa sha dai nga baw kaw na ga shaga wa ai hpe na jang she mam n lagu gun ai sha nhtang wa mat ai da. Maumwi gaw ndai kaw htum sai.
PDF
https://doi.org/10.15026/0002000107 |
