| Description |
Translation (Keita Kurabe)
I am going to tell you a story about a stone dragon. Once upon a time, there was a stream on a mountain in the village of Machanbaw, Putao. One day, a woman came to the stream with her child. She came to the stream to wash her clothes. When she arrived at the stream she wrapped the child in a cloth and she laid it down behind her washing. She laid the child down and washed the clothes. The stream was on top of a hill. Then, a big dragon came up from the valley. It ate the child who was lying there. She saw a dragon pass by where she was washing the clothes. When she turned around, she saw that the child was gone. She immediately understood the situation. She knew that the dragon had swallowed the child. She was sad and angry. She pounded her chest in anger and cursed the spirit of thunder, shouting "Spirit of Thunder! This dragon has eaten my child!" "Listen to me!" "Bring this dragon to justice!" Immediately, the thunder began to rumble. The sky became cloudy like a strong storm. The spirit of thunder came and threw lightning at the dragon. The dragon that had just come up from the valley and eaten the child after eating the child, it was about to return to the stream from the hill. That's when the lightning struck the dragon's head. So, the head went into the stream. Its body was on the hill. It became a stone and remains in Machanbaw village to this day. It is said that the stream has now dried up. Thank you very much.
Transcription (Lu Awng)
Ya hkai dan na maumwi gaw "Nlung baren a lam" re. Moi shawng de Putao Machyang Baw mare kaw hto bum ntsa kaw hka shi langai mi nga ai da. Lani mi na nhtoi hta num langai mi gaw shi na kasha hpe ba rai nna dai hto kawng ntsa kaw na hka shi dai kaw rai hkrut hka shin sa ai da. Dai hka shi kaw du ai shaloi gaw num dai gaw shi na kasha hpe nbat hte kayawp rai nna shi rai hkrut na shingdu kaw nbat hte atsawm sha kayawp na nlung ntsa kaw tawn let shayup da ai da. Dai hku shi gaw kasha hpe shingdu yawn da rai nna rai hkrut nga ai da. Dai hka shi gaw hto kawng ntsa kaw rai na hku rai nga. Rai jang she hto hkaraw de na lapu baren kaba langai mi gaw lung wa nna dai hpang kaw shayup da ai shi kasha hpe sha kau ya ai da. Shaloi gaw dai num wa gaw lapu baren kaba dai wa shi hka rai hkrut taw ai shaloi lai mat wa ai zawn sha shi gaw dum dat ai da. Rai di na hpang de kayin yu re shaloi gaw shi kasha n nga mat sai da. Ndai yang gaw num dai gaw kalang ta chye dat sai da. Shi kasha hpe dai lapu baren kaba wa kalang ta lai nna kalang ta mayu sha kau ya ai re ngu hpe chye na shi gaw kalang ta grai yawn pawt na lahtum na she shi gaw sinda she lahtum na she shi gaw kalang ta mu nat hpe marawn jahtau shaga na matan ai da. "Mu nat e, nye kasha hpe ndai lapu baren kaba wa gaw sha kau ya sai." "Chye ya rit law. Na ya rit law." "Ndai lapu baren kaba ndai hpe je yang ya rit law," ngu marawn jahtau dat ai hte kalang ta kaja wa ndai lamu ntsa de wa mu ni gung rai di na she Agying lamu marang kaba na zawn lamu ni mung rai di na kalang ta mu nat wa sa rai di na ndai lapu baren kaba wa hpe achye dat ai da. Dai lapu baren gaw dai kawng kaw na hka shi, myi gaw shi hto hkaraw kaw na lung wa na she ma hpe sha ngut rai na dai kawng kaw na shi gaw ma sha ngut ai shaloi kawng kaw na hka shi de bai yu wa na hkyen ai rai nga. Shaloi ndai mu gaw shi baw kaw achye dat yang she shi na baw gaw dai kawng kaw na hka shi kata de hkum daw hteng gaw kawng ntsa kaw ra re na dai ni du hkra nga na nlung byin mat ai hku re. Dai aten kaw na dai hka shi hkyet mat ai nga na hkai dan ai re. Chyeju kaba sai law.
|
