| Description |
Transcription (La Ring)
Ndai nta kaw nga le i u rem ai hte seng na u di di ai u rem ai hte seng na mai tsun dan na kun? Mai tsun dan ai ndai gaw tsun na nga yang gaw tinang na atsam hte tinang shakut nna Myen hku tsun yang gaw yu-yu-tar-tar galaw sha ai baw ta-ma-ar-zi-wa hte Jinghpaw hku nga yang gaw tinang nta ma sin let hkamja ai udi gaw kadai mung sha ai majaw le asak kaba ni yawng ma ni yawng sha ai majaw shi gaw ache-hkan lu sha i tsun na nga yang gaw e dai hku Jinghpaw hku tsun na nga yang gaw ya gaw kadai mung udi grai lang wa sai re majaw gaw wo ashe Miwa de na Miwa di ni hpe hkrit ai majaw tinang na u tinang rem rai na tinang sha, tinang dut tinang sha kan bau magam bungli nta sin let galaw ai kan bau magam bungli langai re dai majaw u rem ai. U rem ai hpe mai tsun dan na i gara hku u di di ai du hkra? U rem ai hpe gaw nnan e gaw ndai gaw anhte gaw layer amyu rai nga udi di ai baw shan sha sha ai gaw boiler. Shan sha sha ai gaw boiler u ndai gaw layer u udi di ai baw. Ndai hpe gaw htaw u ndai gaw udi sha ai baw gaw layer u hpan re. Ndai u hpe gaw anhte gara hku nnan hpang na gara hku rem ai i nga jang gaw htaw u company ni nga ai ndai kaw u ning re baw layer company Myen mung kaw hkum hkra nga ai. Taungyi myu, ndai Kay Ti myu CP myu ngu na u ni hkum hkra nga ai kaw na anhte gaw manu tsaw htum dik gaw CP company kaw na u, u hkai. U hkai langai hpe hkying mi kru tsa jaw ra ai. Dai hpe wangleng hte Mandalay kaw na htet la wanleng hte du wa ai. Kalang jak kaw na shakraw dat ai shanhte temperature hte shakraw dat ai hte nang kaw du. Nang kaw du jang she hka lu ai nang kaw du jang she shanhte na hpa langai kaw kru shi matsat, kru shi matsat rawng ai dai hpa hte du wa ai dai kaw na anhte gaw nang kaw wan u hpum kanu zawn sha gawk hpe wan lum lum di da na dai kaw temperature 31 langai rai ra ai. Kahtet shadang temperature 31 kaw bang dai shaloi kalang ta du ai hte glucose jaw na kawk kaw u ni hpe tsing nna dai hku bang da. Wan alum jaw ai le i. Rai na du ai hte dai hku shanhte bran mat ai shaloi shanhte hpe kaji nga ten hta jahkrit ya ra ai. Shing nrai jang shanhte gaw yup na dai hku jung mat ai ni ma lawm ai. Dai majaw wo jahkrit, nang jahkrit na shat gaw hkying hkum lahkawng hta kalang kalang n-gun tsi ma hka ma dai hku galai ya. Shat ni ma jaw dai hku na mali shi manga ya dai hku naw tawn ra ai. Dai kaw na singkaw kung, bat lahkawng nga hte gaw ndai nten masen sen re dai hpe kadoi ya, ngut ai hte bat masum nga hte gaw tsi htu ai. Ndai kaw kaw lay-lein-ka-koi tsi nga ndai du manai ana nbyin na matu si hte singkaw kaw kyauk ana nga blawk pawt nga tsi dai htu ya. Dai ngut ai hpang NDIV nga ai ka-koi tsi bat mali nga hte dai ntsin hka kaw jaw lu ai. Ngut jang IBD nga hpe bat manga kaw kalang bai jaw. Dai IBD hte IBND nga dai tsi hpe gaw bat hkru bat sanit du hkra gali galai di na dai hku jaw mat ai. Jaw mat na mali shi manga ya nga hte shanhte hpe dai dat kau sai u hpum kanu kaw na dat ai zawn dat kau nna ndai hku mali shi manga ya jan hkra dai shanhte na shat ma nam bat nga ai 501-S2 nga gaw bat mi kaw jaw ai, 501-S1 nga hpe bat mi kaw jaw, S2 nga hpe bat lahkawng kaw jaw rai na dai S2 hpe mali shi manga ya laman du hkra jaw ai. Dai mali shi manga ya hpring sai nga hte 5O2 (Five O Two) nga dai ya jaw taw ai dai hpe jaw ai. Dai hpe jaw na she shanhte gaw shata manga nga jang di di sai. Shata manga du wa mahka bat lahkawng daram nga jang 5O3 nga dai u shat hpe bai jaw ai. Di di sana le shi na u di di na hormones ni ma dai shat kaw lawm sai. Dai hpe jaw ai dai jaw ai hte gaw gaungwi gaungwi di di wa sai. Lani mi langai ngai di ai laning mi du hkra di ai shanhte na average gaw. U hkying mi nga jang jahku tsa jan di jang gaw grai kaja sai ga re. Malawng gaw matsat tsa jan sha di ai. Gawn gaw grai gawn ra ai, hka san ra ai ngut na she shat ni ma ndai kaja ai shat ni sha shanhte ra ai. San seng lam gaw ahkyak re, nsan seng jang rem ai ni mung shi na sama na majaw le hkamja lam nnga wa ai. U lawng hpe makau kaw magap ai gaw hpabaw kun? U lawng hpe magap ai gaw shinggan na nbung nshang na matu ngut jang kahtet jang gaw dai ni loimi nang hku ka-aw ya ra ai. Lanam ta rai yang ma marang katsin yang shanhte ma ndai waw waw ai ni jahkru ai ni byin chye ai u ni ma. Jan grai kahtet ai shata hta gaw shat nau nmai jaw ai. Shanhte ma ndai bawnu lasa sai lasa di na si chye ai. Shanhte bawnu sai lasa di chye ai u ni ma dai majaw dai ten hta gaw ka ge hka katsi ntsin hka san dai hku gayin jaw ra ai dai hku motor hte shakri na gayin jaw ra ai. Dai shanhte hka lu ai ndai nipple baw hkan e ma jan kalang ta hkra jang kahtet jang shanhte hka nlu ai. Kahtet ai hka nlu ai katsi ai sha lu ai. Rai yang gaw dai shanhte byep ai hkyi hpe jasan jaseng ai gaw gara hku galaw ai kun i? Shanhte byep ai hkyi gaw law wa jang ndai dai kaw akaung ni nga ai le i dai hpe sat kau na dai kaw mam hpi ka-up na makau de bum mahkyit bum di kau ai. Rai na dai hpe e namhpun sa mari ai ni gaw la kau sa htaw la mat ai. Lanam ta nga jang gaw mahkawng da ra ai dai shaloi gaw tsi law law gat ra ai. Lanam hta hkoi ai nga hte nshung shang sai nga hte hkai sun hkai na ni gaw dai sa mari sai. Dai shaloi gaw hte she shaja ra sai dai shaloi gaw. Dai hku hkraw ai nga jang gaw hkaisun galaw ai ni gaw kalang ta la kau ai le i, nhkraw ai madi taw ai nga jang gaw anhte naw jahkraw ra ai. Shinggan de jan hkra ai de da jang gaw jahkring sha hkraw ai. Lawan hkraw na matu htaw mam jak kaw na mam hpyi hte gayau na tawn da yang kalang ta hkraw ai. Dai hku seng kau ai. Nkau mi ni gaw npu kaw nawng htu nna nga hpe jaw sha kau ai le. Dai majaw dai hku dai baw rem ai nga ni ma loimi yu nna sadi nna sha ra ai. Ndai u hkyi gaw shanam hkai ai kaw grai kaja ai, numri pan hkai ai kaw grai kaja ai, ndai dragon fruit hkai ai kaw grai kaja ai, ju kap ai kiss me nampan ding re hkan e u hkyi gaw grai kaja ai. Um ya ndai No (1) lahta tsang jawng kaw na ni gaw numri pan hkaisun galaw ai gaw ndai uhkyi hte sha hkai ai. Shaning shagu nang kaw na buk latsa latsa la ai. Jawng kaw hkai ai dai hku. Udi di ai u hte ndi ai u gara hku shai hkat ai? Udi di ai u gaw galoi mung jawban ni ahkyeng re ai, udi ndi ai ni gaw myi grau ai n-gup tawk da ai nra ai, jawban kaji ai. Ngut na amun grai tsawm ai kade na tim amun tsawm taw ai dai ni gaw di ndi ai. Nkau mi na u lagaw ma grai htoi htoi re ni ma dai ni ma di ndi ai. Jahtum nchye lata ai nga jang pa naw shanhte di di ai u na lam hpe yu dat jang chye sai. Udi rawng ai ni gaw galoi mung di na shanhte na udi di ai lam gaw madi taw nga le. Udi ndi ni gaw amun ni hkrai hpring na grai tsawm taw ai dai ni gaw di ndi ai. Dai ni hpe gaw shaw kau shaw kau um. Udi di ngut mat ai hpang gara hku bai byin ai? Aw di ngut mat ai hpang i? Di ngut mat ai hpang shanhte ni ndi wa sai nga jang gaw lani mi din di ai lahkawng ya din ni di ai dai hku rai wa jang gaw udi hkrat ai hpe yu na chye sai. "Ndai wa gaw ndi wa sai aten re" nga jang gaw shi hpe san san rawng da na u shan manu hte bai dut kau ai. U shan manu nga tim anhte gaw joi hte nshen sai u hkum nawng hku na dut kau ai. Udi di ai ndi ai hpe u myi man hpe yu na chye ai i ginghka la ai i? U myi man hte ma ginghka ai nambat langai gaw udi di ai lam hpe yu na ginghka ai grau te-cha ai le i dai majaw. Dai gaw grau yu ai hte chye ai. Lama na u masum nga yang udi masum le ra ai i dai hpe bai tsun dan ya ri? U masum nga jang udi masum le ra ai lahkawng sha le ai langai sha le ai nga yang gaw shana maga du hkra la ra ai. Shi gaw jahpawt daw di ai kun shani di ai kun rai na kalang lang gaw jahpawt shawng di ai ni mung nga ai. Rai na tinang gaw nchye hta kau na shana de she bai di yang gara wa di ndi nchye mat sai nga yang gaw jahpawt kaw na shana de hkying mali du hkra la ra ai. Dai lapran gaw di yang di dai hkying mali hpang daw nga jang gaw ndi sai shanhte. Dai ndi ai wa gaw sha ai mung lu sha sha ai mung kachyi ai majaw dai majaw. Dai udi hpe kadai hpe dut ai kun? Udi hpe gaw sha ai ni hpe shawng nambat langai dut ai. Nkau mi gaw sip na dut ai ni ma nga ai nta seng hkan, seng kaji hkan. Jahpawt gat de gaw nau ndut sai gat kaw gaw grai gayau ai majaw. Fresh byin ai udi hte fresh nbyin ai udi ni grai gayau ai, lawu ga na shang ai Miwa mung na shang ai udi ni hte nang sun na udi ni hte gayau kau na dut ai ni grai nga ai majaw gat de gaw nsa ai. Wo hotel hkan sa ai hpalap seng hkan sa ai ndai lu sha wo kaw na Kokoro nga i lu sha seng e shanhte ni hpe jaw ai. Ngut di na udi nlu dut ai ten nga yang gaw dai hku sharin hpawng hkan ma alu jaw ai, ngut na she nta masha ni na shangai nhtoi hpa nya du sai nga jang gaw jahkrai bau jawng de ma jaw myi nmu jawng de ma jaw dai hku. Tinang kaw bum taw na malai gaw akyu rawng hkra le i dai hku yak ai hkak ai ni hpe jaw kau ai. Ngut na grai kaba ai udi ni nga yang gaw manu hte dut tim mung n-ging ai le i. Dan re ni hpe gaw hpung sara ni hpe jaw asak kaba ai dinggai dingla ni hpe jaw ai. Dai grai kaba ni gaw kata kaw marun le lahkawng rawng ai atum lahkawng rawng ai. Dai ni gaw dut tim mung n-ging ai le i kumhpa jaw ai akyu lu ai she grau kaja ai. Sha kau ma ni ra yang rai ai ni hpe jaw kau. Jinghku ni hpe garan ya udi dut ai gaw dai hku. U shat na lam tsun ngut sai kun i? U shat na lam u shat kaw gaw hkainu lawm ai, shingrun lawm ai numhkaw grai shamun ai lawm ai. Ngut na nga hpyi lawm ai ngut na she nlung ma lawm ra ai nlung kachyi mi lawm ai ngut na ndai hkoi kawp ni lawm ai. Dai kaw she shanhte na u kaji hte u ram hte udi di mahka hte seng ai shanhte na hormones tsi ma lawm ai. Dai ni gayau da ai buk buri buk langai kaw gaw u shat joi sumshi rawng ai. U hkying mi nga yang gaw ndai kaji ten hta gaw buk mi hpe manga ya ram sha ai gau ngwi gau ngwi shanhte grau sha wa ai. Kade du hkra sha wa i nga yang buk masum du hkra sha wa ai hkying mi nga jang. Buk masum du hkra sha ai shanhte na joi hte i u langai kade ram kade ram sha wa ai ngu ai joi shatsaw shatsaw na jaw sha mat wa ai dai hku. Dai kaw na hkying mi nga tim hkying mi nhkrung ai le i. Nkau mi gaw si mat shi aten hte aten nkau mi gaw ndai n-gup kadoi ai shaloi si ai nga ai, udi di na mahka hta kajawng nna si ai mung nga ai. Dai majaw jahku tsa jan nga jang gaw buk lahkawng chyen gaw jaw ra ai. Buk lahkawng chyen gaw yawm dik jaw ra ai. U shat hpe gaw kadai galaw ai kun? U shat hpe gaw shanhte company ni na galaw ai nga ai, ndai mare gyupyin na rem lu rem sha chye ai ni gaw law law rem ai ni gaw tinang tinang u shat mahkawng nna galaw ai ma nga ai. Anhte gaw nta kaw sha dangdi dangdep ai daram galaw ai re majaw jak rung kaw galaw da ai ni kaw na sha la ai. Anhte la ai jak gaw jak kaw na u shat gaw ndai Jinghpaw mung na hkainu ni hte sha galaw ai. Shanhte ni dai hku mari mahkawng da na galaw ai. CP company na gaw shanhte maigan na maigan na hpe la na galaw ai. Ndai ya anhte jaw ai gaw nang Jinghpaw mung na dai kaw na hpe la mahkawng na jaw ai. Dai majaw manu ma rawt dat tsaw dat rawt dat tsaw dat nman ai. Wo ra shinggan maigan de na la ai u shat ni gaw dollar manu hta hkan nna tsaw dat yu dat tsaw dat yu dat dai hku. Maning gaw grai tsaw mat ai maning na laman gaw u shat mali lang manu rawt ai. Mali lang manu rawt na dai ning gaw kalang sha yawm ai. Nambat masum lung ai daram gaw naw nga taw nga. Moi gaw mun lahkawng jan sha re ya gaw mun masum kaw manga tsa sha yawm ai. Kalang rawt jang hkying mi hkying mi rai mat ai le i dai hku u shat gaw dai hku re. Ndai bungli galoi kaw na galaw hpang ai kun? Ndai bungli galaw hpang ai gaw hkying lahkawng shi manga, hkying lahkawng shi manga ndai anhte amoi bin sin (pension) la ai shaloi "Bungli hpa nnga na ra ai nga na u rem ga" nga na she galaw hpang wa ai. Dai hpang shi mung amu law amu law ya gaw shi mung nnga sai. Dai jang matut galaw mat ra ai bungli langai hpe galaw sai kaw na gaw matut galaw mat ra ai kaja ai hku nrai jang hpang da ai hte arang hte laning hkawng ning sha galaw yang mung u lawng gap ai manu hte ma shi gaw masum ning rem ai hpang she gau ngwi gau ngwi arang pru nna she amyat lu wa ai. Dai shawng e gaw rang hkrai rang ai. Nnan e gaw ulawng gap ulawng gap ai hpang ndai hku gap jang gaw masha n-gun grai ma ai nga jang madang grau tsaw ai hku kalang bai galai. Kawa re majaw manga ning hta jan jang gaw tsam ma tsam wa ai le i dai hku galai ya ra ai. hkying hkawng shi manga shi kru shi sanit shi matsat nga yang manga ning rai sai nkau mi pyi naw kachyi mi upgrade bai galaw ra sai dai hku. |
