Previous item Next item
Item details
Item ID
KK2-0082
(Collection Details)
Title Putao nat jaw (Anisims in Putao)
Description Transcription (La Ring)
E ji dwi mung moi gaw nat jaw rai nga. E hkying mi jahku tsa manga shi ning wo ra maga de gaw ji dwi ma nat jaw re. Rai yang gaw dai zawn re ten hta ji dwi gaw shi jan ning re a dawng gaw nat nga hkungri wutang ni hpa ga rai na shamawn wawt lu ai wa hpe hkungri hpabaw galaw na nga wutang ga na gaw, nga wutang la na gaw kadai ngu shamawn wawt ai wa lu ai wa she nga wutang ga rai dai hku na nga rai jaw ai. Rai yang gaw nang kaw e anhte Putao ga kaw e nat gundai nga gaw langai mi gaw ndai hkindu nat gaw mung nat ngu hku na tsun ma ai ya. Ya wora kaw nat jawng ngu ai dai kaw nga ai dai nat jawng ngu ai dai kaw gaw moi hkindu nat dai nga ai. Kawa jau kasha jau ngu na Sam nat re da law ndai wo ra Shan lan kadawng kaw e Sam dingla lahkawng she e dai kaw kawa kasha lahkawng si ai. Ndai hpe e kadai shawng mu ta nga jang Nroi Nhkang dung mu ai. Dai yan hpe nat tai nat shang nhtawm me ndai Nloi Nhkang dung gaw "E nan Putao ga kaw na nga dun wa" nga dun wa ai wa hpe she "E nan ngai hpe e lup mi law" nga. Ndai nloi nhkang masha hpe e. "Rai yang gaw ya an gaw lam kaw re majaw gara hku na nat nan hpe lup na i, nanhte hpe lup na i, ya ngai gaw hpa mung nnga nang kaw" ngu. Rai yang she "Hpami nga nga lup mi" nga jang she ndai Nroi nhkang ni gaw kaja wa nga sat nhtawm me ndai sam kawa hte kasha ndai hpe jaw, mang lup kau. Shan si sai si ai hpe e kadai mung nshabawn ai le i dai kaw nan si taw nga sai hpe ndai shan a nra gaw dai hku na wam wam dam dam rai na nga ai. Rai yang gaw ndai Nroi nhkang masha lahkawng yan she e shan wa she e dai yan a mang hpe atsawm sha di na lup makoi yang kau ai da. Dai shani kaw na gaw shan hpe gaw ndai nroi nhkang dung kaw mung jaw ai. Shan gaw shanhte ya wo ra moi gaw ja grai nga ai gaw wo ra nat jawng ngu gawk kaw. Ja grai pru ai shara re nat ja hpungkraw tu ai da. Moi anhte kaji ni jahta yang gaw dai kaw lai yang gaw samhtu nga le ra samhtu e hkali hpe gawt ai baw htu ai baw samhtu le ndai hpe waw nhtawm dai hpe shalut jang ja mu mu pye pye dai hku na bang ai nga gaw dai shaloi moi gaw ja grai nga ai. Dai kaw ndai dai kaw shi a hkungdat shatai kau ai. Ya dai jawng lahkawng nga ai langai gaw kawa jau langai gaw kasha jau ngu na nat jawng lahkawng nga ai shan wa kawa hte kasha a shara ngu nga ai. Ya sam ni ya gaw e Myen ni kadai rai sai kun shanhte dai kaw nat jawng shatai sai gaw. Ya gaw nat mung nnga sam sai le ya gaw. Moi gaw nga masha nmai sa ai e ndai hkan ga shaga sayang gaw masha si ai. Rai yang gaw nat ndai hpe gaw sam nat ndai hpe gaw kadai ni jaw "Jau hkup zau hkup jau" ngu na shaga ma ai. Dai kaw e Nung Lungmi ni ma jaw ai. Nung Lungmi ni ma jaw ai Jinghpaw ni nang Putao ga hkan nga manga ma hkra Jinghpaw ni dai hpe jaw ai law nat dai e. Rai na ngai gaw grai njaw dum raitim mung ya hpung tai ai hpang she ndai gintu nat ngu dai hpe mu lu ai. E Sam nat ngu ai hpe chye ai le. Rai yang gaw Sam ni mung mi anhte Jinghpaw ni hpe kawn hta ai masa hku kanoi mi rai kun ngu myit kalang lang dai hku na myit na grai nra ai nat tai nna. Sam ni gaw kabai kau sai nat anhte wa bai jaw kau majaw nat anhte kaw wa bai hpyi e anhte Jinghpaw ni shi hpe mang lup kau sai majaw le i e nseng n-ang ai masha hpe mang hpe anhte lup kau ai majaw anhte kaw wa mahtang shi gaw galoi raitim nat chyu hpyi ai ga rai nga shi. E hkindu nat ngu ai nga ai dai gaw mung nat ngu na shamying ma ai. Rai yang gaw aji mung ya anhte a nat gaw anat gun ngu ai nga ai, amyu langai hte langai htinggaw langai hte langai nat gun ni nga ma ai. Anhte a nat gaw "Aji Banang La" ngu ai rai nga "Nmai Banang La" ngu ai langai nga me. Ya anhte ji ni nat gun shatai ai gaw Banang La ndai gaw gara hku na anhte e nta gap na rai yang mung, gara de pru hkawm na rai yang mung shan hkwi hkawm na rai yang mung ndai wa hpe u langai mi jaw na tsa ni hte dai hku nna jaw nhtawm e shi hpe e hkawm sa hkawm wa yang grai awng dang ai. Ga shadawn moi gaw hpai daw ai gaw moi gaw "Ang Ja" e "Shawk Ka" daw ai moi gaw. Moi gaw Shawk Ka hte Ang Ja daw ai aten re. Dai ten hta dai hpe e Ji Banang La hpe e ndai u langai mi jaw nhtawm dumsa nhtawm shi kaw shaman na hpyi ai le. Shaloi gaw gara sa timung shan gap sa tim mung shan lu ai. Hpai daw sa tim mung hpai lu ai ngu dai hku na kam sham rai na jaw ai. E ndai Ji Banang La ngu ai ndai Ji Banang La ngu ndai hpe gaw moi tsap e kawa sha nna si ai re da. Tsap e kawa sha nna si ai ndai nat tai nna anhte hpe karum ai. E anhte hpe makawp maga ai anhte hpe e yu ai gawn ai nat gun kaba tai na nga ai. Amyu langai hte langai htinggaw langai hte langai nat gun ni nga ma ai. E dai zawn rai na dai anhte gaw Banang La ngu hpe anhte nat gun shatai rai na Balam nat ngu rai nga. Dai Balam nat ndai hpe nat gun shatai nhtawm anhte hpe anhte Nmai ni hpe makawp maga mada mara ai gaw ndai nat ndai re ngu. Hpabaw sha yang shi hpe malap yang anhte hkala nba law ai, shi hte matut mahkai rai yang gaw anhte hpe karum madi shadaw lu ai ngu ai lam ni dai hku na galaw ai. Dan na ya ndai nat gaw grai law ai law. Nat gaw mungkan ga e law dik rai sai langai hte langai amyu langai hte langai tinang zawn nawn nhtawm nat gun rai. Ndai nat ngu gaw kaja wa nga jang anhte gaw e htaw matsaw ningtsa na nat hpe sa jaw jau na hku re da law. Htaw ndai mahtum mahta matsaw ningtsa hpan Karai nat ni hpe jaw jau na hku re. Rai yang she ndai raitim mung anhte Jinghpaw anhte myu masha ni wa she tinang yi hkyen yang she mam ni mam lap hkyeng ai da law. Mam lap hkyeng rai bai yi shingnawm de na gaw langa lakung lali lap ni gaw bai hkraw wa "Aga hpa majaw grai tsit lali ai tsawm ai ndai ni wa gaw hpa majaw lap, mam lap ni hpa majaw hkraw wa ai i, ndai lakung lali lap ni hpa majaw hkraw wa ai i, e ndai hpe jahten ai nga na re" ngu na shawng nnan dai hpe mam lap ni nhkraw na matu lakung lali lap ni nhkraw na matu hkrit ai. Dai zawn rai re anhte kaw npru u ga nga na anhte shawng jaw hpang ai. Dai gaw shang nnan nat jaw hpang ai gaw lakung lali lap hpe shawng jaw hpang ai nga gaw hkrit ai myit. Htaw dai shani kaw na gaw htaw hpan Karai e mi gaw ndai htaw hpan Karai htaw ningtsa kaw na matsaw ningtsa na hpan Karai ni hpan ningsang mahtum mahta ni gaw "Nanhte lu ai sutgan shawng hta na ngai hpe shawng jaw mu yaw, ngai hpe shawng jau mu" ngu na tsun ai da. Rai yang she anhte wa gaw ndai htaw mahtum kaw pa hkungdawn re da law dai pyi gaw, hkungdawn wa ndai hkungdawn wa ndai kaw na ju yang she ndai shi hpe e mahtum mahta ni hpe e madin magau jaw na matu ngu na she myit yang wa anhte ni galaw dat ai wa gaw anhte shinggyim masha ni galaw dat ai wa gaw mam lap e hkraw mat wa ai lakung lali lap hkraw mat wa. "Umh ndai dai zawn nrai na matu" ngu dai e mahtang jaw kau. Dai majaw Karai Kasang gaw pawt htaw mahtum mahta Karai ni bai pawt rai na "Daini kaw na nanhte gaw jamjau jamhkau kawsi hpang gara shaja ai made nlu, shakut ai made mung npru" ngu na shaman chyeju a majaw anhte gaw ndai nat jaw shut ai ngu ga le i. Htaw matsaw ningtsa na mahtum mahta ni hpe jaw na malai kaga nre ai masha hpe jaw ai majaw anhte gaw shut ai sai ai. Jamjau jamhkau ai, nlu lu nlu sha ai e nga ma ai gaw. Nlu lu nlu sha ai nga dai majaw she anhte gaw ndai "Gumgun gumhpai nat jaw shut nmai ai" nga dai rai nga. Moi na Jinghpaw htung hta le i. "Nat jaw yang mung tinang gumgun gumhpai anhte hpe makawp ai maga ai nat hpe nanhte nmai shut ai. Ndai hpe shut jang gaw anhte gaw jamjau jamhkau machyi makaw pru wa na" nga dai majaw nat jaw ai lam gaw dai hku rai sa.
Origination date 2019-01-31
Origination date free form
Archive link https://catalog.paradisec.org.au/repository/KK2/0082
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Nmai Gam : speaker
DOI 10.26278/5fa2c6a03ee4c
Cite as Keita Kurabe (collector), Keita Kurabe (depositor), Nmai Gam (speaker), 2019. Putao nat jaw (Anisims in Putao). EAF+XML/MPEG/VND.WAV. KK2-0082 at catalog.paradisec.org.au. https://dx.doi.org/10.26278/5fa2c6a03ee4c
Content Files (3)
Filename Type File size Duration File access
KK2-0082-A.eaf application/eaf+xml 31.8 KB
KK2-0082-A.mp3 audio/mpeg 4.95 MB 00:05:24.526
KK2-0082-A.wav audio/vnd.wav 178 MB 00:05:24.512
3 files -- 183 MB -- --

Show 10 Show 50 Show all 3

Collection Information
Collection ID KK2
Collection title Kachin culture and history told in Jinghpaw
Description Recordings of Kachin culture and history in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, and Labang Tu La as part of community-based collaborative fieldwork in northern Myanmar between 2017 and 2020. A total of 263 stories with 263 ELAN files, 263 transcriptions, and 15 translations are currently available (September 20, 2021). Transcriptions were contributed by Gumtung Lu Awng, Sumdu Ja Seng Roi, Galang Lu Hkawng, Hpauhkum Htu Bu, and Keita Kurabe. Stories were translated by Nbanpa Rita Seng Mai, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

For Kachin oral literature, please refer to:
https://catalog.paradisec.org.au/collections/KK1

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Comments

Must be logged in to comment

No comments found