| Description |
Transcription (Ja Seng Roi)
Myi htoi hte Jaiwa ngu ai gaw, Jaiwa ngu ai gaw ndai nat wa shang ai n re. Shi machye machyang hte htaw Nat ni hte ga shaga ai ngu ai she re, shi gaw. Shi gaw Nat wa shi n gup kaw dung ai n re. Nat e shi shaga ai. Shaga ai gaw shi gaw n dai jaiwa ngu ai ni gaw laika n nga tim moi na matsun ga yawng chye ni re. India mung na Be ga saya ngu ai wa, shan hte hpaji chye ai. Shi gaw Jaiwa ai ngu ai gaw Madai nat jaw ai yang she mai ai yaw. Kaga shara kaw Jaiwa n mai ai. Kaga shara kaw rai yang Dumsa ngu kau ai. Dumsa. Jaiwa ngu ai gaw n dai Madai nat hte she seng ai. Rai tim dai Jaiwa ngu ai ni gaw nat jaw prat na Dumsa ni yawng hta na chye grau ai ni re. Shi Professor ni re. Jaiwa ni gaw. Madai nat Manau galaw ai shani Jaiwa ai. Shing Manau n galaw ai sha Madai sha jaw ai lahkawng ya galaw ai.Dai gaw Madai jaw ai ngu ai. Dai shaloi Jaiwa ai shana tup. Raitim n dai ni loi gaw n loi ai. Manau galaw yang manga na tup matsun gawn ai sha re gaw htaw......mungkan ga shi a lamu ga n nan shalat ai lam, shinggyim masha n nan lat ai lam, hpun kawa yawng matsun gawn ai dai hpe Jaiwa ai ngu ai re. N dai wa gaw Nat jaw prat e chye htum re. Shi gaw jawng lung ai mung n re yaw.Laika ma n nga ai, raitim madat mi ma kawn le i madat, madat, madat rai na Jaiwa byin ai. Shi hpe gaw masha e mung grai hkungga ai lu,grai hkungga ai. Shan hte gaw n dai sari sadang ma rawng ai Majoi masu magaw ma n nga ai. Mani ma n mani ai. Mani tim n sen pru hkra, masha rau majoi ma n shaga ai n dai ni. Kaja wa mung n dai ni gaw we ri Re wa rent ni re. Grai sari rawng ai. Mayu maya ni n re, Re na n dai malu masha ma majoi mi n sha ai. Tsa lu ai,kani ma lu ai. Kani ma lu ai. Yawng n re le n kau mi,tsa gaw yawng lu ai. Rai tim tsa nang ai ni hpa ni n nga ai shan hte gaw. Masha kam ai le. Shi gaw masha hkying mi ram hta she langai mi nga ai amyu ni re gaw. Mi mang kaw na wo n dai Jaiwa ai shaloi makau kaw madat ai i Madat rai na aw Jaiwa shagu madat la madat la hpang gaw dai Jaiwa wa a mang shangun mang Sa Vent galaw. Dai kaw madat madat re kaw na she Jaiwa ni e ke n dai daw gaw nang Jaiwa yu u ngai madat nga na dai hku shakyang la ai nit. Asak mali shi e lahta de she lu ai. Lawu de gaw n hkum ai. N dai ni gaw kaja wa shakawn ram ai. Moi na nan hte ni kaw mung Kabya saya ni nga na rai nga. Dai zawn re, jawng n lung ting shi chyu chye wa. Dai majaw n dai Jaiwa ngu ai gaw dai Jinghpaw mung kan hta gaw dai chye htum re sai. Labau ni yawng chye ai. Labau ni htaw Kaji Kawa ni tsun hkrat wa ai chye. Rai n na shi e Myen hku nga Taba wa ngu ai shi e myit sha praw ai lam mung nga ai. Mung masa hku nga ting yawng chye shan hte. Shi prat na mung masa. Dai re, wo ra re, wo ra re yawng chye. Dai Jaiwa gaw Htiktan rai sai nat jaw prat e Myihtoi ngu ai gaw Tacha Myen hku reng nat sa pu ai she re gaw. Ngai gaw hpa Jaiwa ma n chyoi hpa n chyoi. N dai hku nga yang nat wa sa wa n na, nat wa e n gup shap la ya ai dai she re. Myihtoi gaw. Myihtoi gaw nau n loi ai. N kau mi kajam kalam reng grai nga. Tsa nang ai nga ai. Rai ting dai mung mani an tsun ai, n dai Gumrawng Gumtsa mung de, Gumlau de gaw Myihtoi grai nga ai. Poi ni manau poi ni galaw jang e ya maroi mali, manga kabring kabrawng ma re. Gumchying gumsa Pade darit de gaw n mai ai. N dai wa Myihtoi pru sai nga jang, Myihtoi n nan pru sai nga jang ginding ai ngu nga ai Myihtoi kaba ni. Ngai gaw n mu yu ai, ting shan hte tsun ai. N htu ni hpe ning di na mahkrai galaw n kap kap di n dai de kabye lung shangun ai. Di n she n di langai hpe mana maka hka shaprut tawn ai. N di kaba hpe. Wan hka prut taw sai. Le...buttom n di kata kaw, hkre lung tawn da n na dai manaw shaw la shangun ai. Dai rai hpa n ra ai nga. Reng she shanam [Jin] le shanam. E Jinger nga kun Finger nga kun, dai hpe galep galep di n n gup ma-um u. Ma-Um n na bai mahtoi yang gachyi byin ai,dai galaw shangun ai da. Rai ting ngai gaw n mu yu ai. Kam mung nau wa n kam ai. Rai tim ginding gaw ginding ai. N dai wa myihtoi rai sai ngu ai ngam ai myihtoi n sa ni grai ginding ai. Nang kaw shinggyim masha n dai salang ni myit su ai ni ma grai dumgre ai shi e, majoi gaw n lu ai. Ya na n dai myihtoi ni mung an hte gumchying gumsa Pade darit mung na ni gaw, sari dang n nga ai myihtoi gaw n nga ai. Majoi ma tsa nang n bak ai myihtoi ma n nga ai. N dai Gumrawng gumtsa hte Gumlau ni kaw gaw grai nga ai. Hkrit na zawn re. Nkam ngu yang mung rai min nga, kam gaw ngu rai min nga. Dai re majaw mi ngai tsun ai an hte e Gumrawng gumtsa, Gumchying gumsa,Gumlau ngu ai,n dai hpan masum kaw na n dai ni mat sai. N dai ni ma shada Tsiyung mu n nga ai. Labau hpe nang nang chye hku, ngai ngai chye hku. nau n nga. N dai ni gaw n mai ai,dai majaw n dai Gumchying gumsa ngu ai word e na mung n dai hku re yaw. Gumchying ngu ai gaw Myen hku re [ lung de ] Lu ye lo ma shi bu. I An hte Jinghpaw hku reng n gaw Gumchying ngu gaw grai ngang kang sai. Gumsa ngu gaw moi na n pawt nga rai malu. Gumchying gumsa ngu ai gaw grai kaja ai yawng ngang kang ai. Dai nan hte Hkawhkam ni Gumchying gumsa re le. Ja Pan E Karit ni. N dai me ji law kadai nga ni yawng Gumchying gumsa re le shan hte. Dai gumchying gumsa ngu dai rai sai. Gumlau ngu ai gaw dai Miwa mung na' Mo Si Dung' ' re ni gaw gumlau rai nga Gumlau mung re gaw Miwa ga. Hkawhkam ni hpe gasat gumlau ai Gumlau ngu dai rai sai.Rasha ni Miwa ni gumlau ai rai nga Ya dai nan hte Ja Pan n,i Byi Ti Sha ni, Ho Lan ni, n dai ni gaw gumchying gumsa rai nga. Re n na she ya,gumrawng gumtsa ngu ai gaw wo Igyip ni dai ni na Igyip ni zawn re ni, reng she, Hpi La Pai ni zawn re ni gaw gumrawang gumtsa rai nga ai le. Tammada gaw nga tim. Tammada gaw Hkawhkam daram n re n mu i. Bai lata bai lata, Mali ning. Dai Makaw zawn re Hta Wa Ra, Tammada galaw mayu yang masha ni bai hkin dit ai gaw. E dai zawn re. [ Myihtoi gaw ] Num da nga ai. Ya ngai matsing ai. Num nga ai. An hte ga makau kaw. Dai Wahkawk Hkawm ngu ai Nbau Bum Du jan kaw shi kaw shaga ai Nat wa gaw. E Hpawlam wa ngu re. Dai wa gaw ganing ren byin ai i nga yang she, Hka langai mi kaw ning Hka kabrang ai, na kabrang ai. Nang kaw madim jung da ai. N dai kaw yup ai hku rai nga Madim jung hpawt de Nga raw la na. Na yup. Shaloi she hkahku de marang grai htu wa. Marang grai htu wa n she hka tung na re chyoi,shi manang gaw wa ga ngu, wa ga law, wa ga. Dai n'ta hte hka lapran mai masum mali ram din sam ai. wa ga ngu n hkraw ai n dai wa. Ngai gaw hpawt de nga gun wa na. N dai wa gaw hkrit ai. Ya hka tung na rai sai. Htaw marang da grai gu sai nga n she wa hprang Shi n ta kaw du yu n gaw htaw n dai wa htaw myihtoi htoi taw sai. Masha ngai kaw. Ngai hka e hkrat si sai nga. Hka lim si le, shi gaw, dai hpaw lam wa ngu. Dai wa myihtoi htoi ai gaw ngai myihtoi masum mu ya sai. Shawng na wa gaw ngai n lep ai. Abawm Naw Tawng ngu ai wa myihtoi htoi ai yaw. N lep ai.Kajai ai nang ai. Hpang na wa gaw ngai lep ai. 50 e 48, 49, 50 e dai hkan htoi ai dai wa. Wa Hkawk Hkawn ngu ai num Tsaw bwa Kadaw kasha ma lu ai. Kasha la sha mang 3 lu ai dai kaw htoi ai. Shi gaw myihtoi htoi n dai rung shingra kaba, n'ta dingshawn shang Manau galaw ai rai jang myihtoi sai . Num sha rai tim htaw n dai dawdap de nat shara Myen ni tsun ai Nat Tsin ngu ai nat shara de sa dung n htoi ai. Kaga de n mai ai. Dai san seng ai shara kaw htoi ai. Shi a n dai nat n bat ngu ai shi hpe galoi mung san ya tsun ya masha ngai san ai. Dai shi galoi mung nga ai makau kaw. Dai ni mung sari sadang kaba ai ni rai ra ai. La ni re dai ni gaw. Shi gaw ya myihtoi dai myihtoi num dai kaw ngai ma sa, nye Wa rau. E 50 shi ning hta, Nu machyi majaw. Nu, machyi majaw sa ai. Shani ka-ang e sa ai. october ram hta. Sa yang gaw an Wa sa san ai. Sa san reng gaw shi tsun ai,nan n dai jaw mu, jaw mu. Shi gaw, nang kaw myihtoi htoi sa san ai law ngu jang, shi gaw le n pan dap num dap de nga ai le. Rai tim dai shi e Sub galaw ai la sha wa sa n she, wo lahkum kaw lahkum tawn, dai kaw lahpaw hkra, Shawg kaw lahpaw hkra. Shanam tawn ra. Nat n htu ngu nga, na Mahkuk da ngu, nat n htu le. Dai hkra. Shanam hkra, re gaw shi sa wa sai. Sa wa na dai lahkum kaw dung. Dai kaw na shanam hta sha, shi. Shanam maya, maya n na e minute wet daram minute mi du n du re yang gari sai, shi. Dai hku gari, gari re hpang, mani ngai tsun ai zawn shi dingsat ai ngu' Dachin so de ' nat dachin. Dai hpe loi su tsun dai kaw na gaw ga shaga sai. E ' nan hte nan na, na Kanu machyi ai gaw dai nat hpe dai jaw u. Wo ra nat hpe wo ra jaw u ngu wo shan hte nat gun ni hpe, U jaw u, Wa jaw u, Nga ju jaw u ngun shi tsun ai. Tsun dai tsun ngut ai hpang bai ning masha bai tai n , hpa baw tsun a ta? Gara hku htet a ta ? Le shi shara de bai wa, dai hku rai malu. Dai majaw an Myen ga tsun ga nga yang gaw, Yung ya hket, Mayung ya hket, dai hku re myihtoi ngu. Ngai dai ni du hkra, nat myihtoi ni hte seng n na gaw hpa n we hpan gwi ai. N teng ai ngu mung n lu ai, teng ai ngu mung n lu ai. Hpa majaw nga yang, n dai myihtoi tai ai ni gaw masu magaw rai na masha ni ma n re. Reng she bai na an hte shinggyim masha tai ai shaloi wa, n dai bawa hte, wo ra bawa ngu ai lam hpe an hte yati pyat tup hkrak n tsun lu ai. Tak ai gaw nga ai le i, nang mung nga na re. Wo ra n ga ngai si ai hpang, ba hpyit me, nya hpyit de, hpa baw byin na ganing rai na ngu ai gaw an hte mung myit taw nga, raitim hkrak n chye. Dai wa dai myihtoi ngu dai hku re. N kau chyaw, myi tsun ai gumlau ga hkan na ni chyaw masu ai grai nga ai. Tsa loi nang jang myihtoi rai n ngai law nga nga ai.Rai tim e da dai gaw, gumchying gumsa mung de gaw n ra ai. N dai kaja wa myihtoi ni dai majaw tsun mayu ai gaw, an shinggyim masha tai ai ahkying a ten hta, an n chye grai nga ai. Chye mayu tim n chye. Re ' myihtoi mung n teng ai ngu ma n mai, teng ai ngu ma n mai. Japan ni hta n nga i ? Nga ai law. Japan ni hta nga ai law. Rai tim yak gaw yak ai mau hpa re. Rai tim an hte kaw na myihtoi ni gaw masha kaja ni hkrai re. N dai masha e shinggyim a hkaw a hkang hpe grai hkung ga ai ni chyu re. Manang wa myit n pyaw ai baw hpa n galaw ai. Lusha tsa nang ai ma n nga ai. Jaiwa ni,Myihtoi, Hkinjawng n dai masum. hkinjawng ngu ai gaw Nga langai mi hte nat jaw sha ai shaloi, yawng shadu n na, n dai gaw nat e na, n dai gaw mayu ni hpe jaw ra, shayi ni hpe jaw ra, n dai gaw n ta madu ni na, n dai gaw shawa masha ni na, yawng myen ni pa n nga tsanit daja di ai. Nga 'langai mi nat hpe ju ya jang majoi n kadoi sha ai. Kadai hpe kadai jaw, kadai jaw, kadai yawng atsawm nga dai gaw Hkunjawng rai sai. Nat ni hpe, Dumsa wa hte twei gaw Hkinjawng wa gaw Dumsa wa rau rau re. Dumsa wa shi shi, gaw nat hpe ap maran taw nga ai kaw hpa ma n galaw ai.Hkinjawng wa she yawng galaw ai. Hkinjawng gaw shi gaw htaw nat ni rau dai n dumsa ai gaw. Dai nat jaw kau ai U ni wa shan ni hpe kadoi ai she re. Kadoi n na she yawng makai n na tinang makai di n she dumsa wa hpe ya ai gaw. Ya n she dumsa wa she nat ni hpe dumsa n jaw kau ai le. Hkunjawng ngu ai gaw dumsa wa e dumsa n na shagu hkungga Nga rai, Wa rai, Nat ni hpe ap ya, dai hpe ju ai, kadoi ai. Rai tim n dai achyan le Wa sat de na ju ai ni gaw le masha ni nga ai gaw. Le ra masha kaga ni, ju ai yawng kaning di ra ai. Atsawm di da n Hkinjawng wa hpe hkra di ya ai gaw. Hkinjawng wa hpe ya ai, majoi mi n kashun sha ai. Grai tsi kana nga ai. Rit kawp shi e, e Myen ga le Tsikan grai nga ai gaw. Majoi mi le galaw ni sha na kadoi sha n mai ai. Ju na, ju ang ai gaw ju, shadu ang ai gaw shadu di n she yawng atsawm di n dai hkinjawng ni hpe tawn ya ai. Dai hku re. Hkinjawng ni mung mayu maya masha n re law, sari sadang nga ra ai. Yawng galoi mung hkinjawng ai ni sha re. Dai ni ngai hkinjawng na hpawt ni ngai hkinjawng na n re. Shi, chye ai ni she re, Galoi mung hkinjawng ai. Hkinjawng ni chyawm me gaw dumsa ni hta na masha grau law ai, hkinjawng gaw. Rai timung grai n dai hkinjawng ni e galaw let hpa let n gup galem ai ni n galaw ai. Htaw ' tem sha ai kaw hkrak rai sha ai ni chyu rai ma. Sari sadang nga ai dai prat na ni. Majoi n re dai prat na ni. Dai majaw n dai Jinghpaw ni gaw masha n law tim n mat ai dai tsikan nga ai majaw. Dai hku re. Rai ya, Myihtoi rai, Dumsa rai, Jaiwa rai, ya Dumsa hte jaiwa ngu garan ra ai yaw. Jaiwa gaw htaw htik paing. Dumsa gaw Jaiwa lawu na she re. N dai Jaiwa wa gaw Dumsa gaw yawng chye ai. Jaiwa wa gaw,dumsa ai ngu yawng chye ai. Kadai nat hpe kaning ngu na yawng chye ai. Raiting n dai Dumsa ni gaw Jaiwa lu ai nga yang she nga ai. Dumsa mung shanhte a sint nga ai. Nga U loi dumsa ai gaw htiktan rai sai. Dumsu sha dumsa ai nga ai. Dumsu gaw, e ladat Step langai rai sai. N dai Wa kawn lawu de, U ni, Udi, gai tsu, Nga jahkraw ni nat hpe ap ai dumsa ni Wa a lawu de nga ai. Wa n dumsa lu U sha dumsa ai ni mung nga ai. Dumsa kaji ni. Wa dumsa, n dai Dumsu dumsa dat ai hte rau gaw ahtet tan de du wa sai. Shi na gaw n dai kaw na tsun ai. Le kan kata na pu lam le, laika buk zawn re. Nang kan kata e rawng ai. N dai kan ga dat yu, le pu kaw e laika buk zawn re lam, lam, lam re rawng ai. Dai rawng ai kawn na gaw dai dumsa gaw lahta de na rai sai, Rai tim Bainam e n sawn ai. Bainam ma rawng ai le shi gaw. Dai pu kaw le kata de lam, lam re n mu i. Dai dai pu lam ngu rai nga.Pulam rawng ai dumsa sai kawn na gaw Nwa Dumsu hpe ngu mayu ai re. Dumsu kawn lahta de. N dai Tsawbwa ga de Pade darit Du ni Up ai de gaw lani mi dumsu ju sha sai kaw na gaw n dai magyi ngai ya kau ra Du ni hpe. Ngai ya ra. Lahkra n ga na magyi. Nang kaw na lawk atsawm di Du ni hpe ya ra. Lani mi Nga shi ju sha tim langai sha ya ai. Dai hku re. yawng na n ya ai. Lani jan ne Dumsu ma ju na Nga ma ju nga jang kaba grau ai Nga kaw na ya ai. Dumsu langai sha rai tim ya ai..Wa re n ya ai.U n ya ra ai, dai hku re malu. Dai Pade darit Du ni le. Gumrawng gumtsa de gumlau de gaw n nga ai. Dai hku re. Dai kaw na gaw.
Dumsa gaw lawu na. Re n dai dumsa gaw grai law ai. Jaiwa gaw n law ai. N dai gaw Jaiwa,raitim Jaiwa wa gaw Dumsa ni yawng chye ai. N dai Dumsa ni hpe Jaiwa ngu n lu n mu i, N chye gaw. Jaiwa gaw yawng chye. Re ya nang n san ai ngai nga. Ning wawt ngu naw nga. Ningwawt n dai ni gaw myihtoi ni hte maren re. Raitim myihtoi ni ram wa n re. Shi ningwawt gaw ningwawt kaba hte kaji hte nga ai dai mung. Ningwawt kaji ngu ai ni gaw shaba ngu ai ninhte wawt ai, shaba lap hte wawt ai. N dai 6 shaya da ai. 6 N dai hpe rit makyit hpyan, n dai gaw shaba wawt ai ngu. N dai gaw le lawu madang ni re. Re n dai shaman ngu ai kawa hpe wan de gakang ai le. Wan de gakang hte she ' hpawng ' nga hte dawm la ai. Dawm la jang dai ga ai shara kaw na n dai mun ni pru wa ai.Ning, ning re le, dai hpe yu ai. Dai hpe shaman wawt ai ngu ai. N dai gaw " A Htet Tan" kaw ai rai sai. Myihtoi, myihtoi hte maren re shan hte gaw. N re, masha ngai machyi taw sai i nga yang shi n ta e sa na dai shaman wawt,wawt yu n shi tsun dan ai. Gara nat hpe hpa jaw ra, hpa jaw ra,hpa jaw ra shi tsun ai. Dai gaw ning wawt rai sai. Ning wawt ngu ai lahkawng re. Shaman wawt ai ngu ai gaw lahta tsang rai sai. Reng she Shaba ngu ai gaw,ngai pyi rai yu sai, moi mang yang. Asak shi manga,kru hta wo nam de u kadoi na reng.Ganang sa yang lu na n lu na. Dai tinang majoi galaw chyai ai le 6 re. Shaba lap ngu n dai ram re. Nam de tu ai le. Dai hpe ga-ang na 'Chyaw Yo' ngu ai hpe gawng kau n she nang n ga shing gan n ga gawng kau nang gawng kau n di nang n ga masum,nang n ga masum,dai kru hpe ning di da ai le. Yawng hpe manai kau n na she nang kaw lahkawng, hkawng di n na she bai hpyan dat yu yang n dai mali gaw nang kaw, hkang taw sai i.N dai lahkawng, nang kaw reng hpa baw byin ai, nang kaw reng hpa baw byin ai dai hku wawt ai rai lu. Shaba wawt ai gaw. Ning wawt ngu ai re dai. Myihtoi hte bung ai. Raitim myihtoi gaw nat ni shaga ai. N dai ni gaw nat ni n shaga ai,Raitim shi gaw tsun gaw tsun ai law, Oh sa wa rit, tsun rit, hpa re shi gaw chye hpa re n chyoi tsun ai majoi, a tsin ngu galaw ai n re. Grai tsun ai, shi Madun rit ma shi tsun ai le shan hte sha chye gaw. Dai re reng gaw ya,jaiwa rai,myihtoi rai, ningwawt rai, hkinjawng rai, e dan re. Dai hteng rai sa. Dai kawn kaga hpa ra, ya. |
