Previous item Next item
Item details
Item ID
KK1-2370
(Collection Details)
Title Jayut hte ninghpe jan (Jayut and Ninghpe jan)
Description Transcription (La Ring)
Ya ngai hkai na maumwi gaw mungding maumwi rai nga ai. Anhte Jinghpaw Wunpawng amyu sha ni a mungding maumwi re. Ndai gaw gabaw gaw Ja Yut hte Ning Hpe jan ngu ai rai nga ai. Moi... shawng de kahtawng, kahtawng langai mi kaw sahte wa nga ai. Dai sahte wa a madu jan gaw Ja Yut rai nga ai. Shan shan la kaw e ma langai lu ai num kasha ma langai lu ai. Dai kaw na she lani mi gaw ndai shanhte mare makau kaw e shanhte mare makau na e mare du ni gaw ndai sahte wa hpe anhte Jinghpaw htunghkying nga ai hte maren ndai shanhte moi na ni gaw ndai grau nna e mying kaba ai ni hpe mying kaba ai ni gaw kaba ai shada dai hku na e numwawn numla jaw sha hkat ma ai da. Dai shaloi gaw dai kahtawng kaw na e Du salang langai mi gaw dai sahte wa kaw sa nna e shi a kasha langai mi kasha hpe jaw sha ai da. E kasha dai gaw myi mung le le rai na myi man mung machyit marut re rai na hkum hkrang mung manu mana ntsawm ai num re ai. Grai myit masin mung grai nkaja ai e myit rawng ai num re nga na hkai ma ai. Bai na ndai shi na madu jan Ja Yut gaw manu mana myit su ai, e myit su ai hte shi gaw e ndai Jinghpaw htunghkying ri da maka ni mung manu mana chye ai nba da ai ri da ai maka ka ai magam bungli ni hpe shing na dai hku galaw ai. Manu mana tsawm ma manu mana tsawm htap ai e num re ai. Dai lani mi gaw dai hku na dai Ning Hpe jan ngu ai dai wo ra kahtawng kaw na e salang wa a kasha hpe e shi gaw la hkrup rai yang she dai lani mi hta gaw ndai sahte jan gaw hka shin ngut ai hte shi gaw kara masit na nga na pasi hte kara masit taw nga ai da. Shaloi gaw shanhte gaw lu su sahte ai re majaw gaw dai sahte jan gaw ndai ja pasi hte kara masit ai hpe mu ai majaw dai Ning Hpe jan gaw dai pasi hpe ra ai majaw "E.. na e nang na kara hpe ngai masit ya na" ngu tim "E.. kanau e nra ai" ngai nan nan masit na ngu tim mung ya ya ..ya ya dai hku na ngai masit ya na ngu grai tsun ai majaw "Ga.. dan jang gaw masit ya rit le" ngu na masit shangun ai da. Masit ai shaloi gaw shi gaw ndai pasi hpe tat dat masu na le hku de jahkrat kau ai nta hku kaw ga de jahkrat kau ai da. Shaloi gaw "E na e nang sa hta u ngai gaw npu de dai hku gum gaw nngut ai nang sa hta u" ngu da shaloi gaw dai sahte wa a madu jan Nang Yut gaw "E ngai gaw dai nhta tim mung langai naw nga ai dai hte naw masit la na" ngu tim mung "Nre law sa hta u law dai hte she masit ga" ngu na grai tsun ai majaw ndai Nang Yut gaw myit galu kaba hte npu de sa na dai shi na ja pasi hpe hta na matu yu mat wa re shaloi gaw shi gaw ndai Ning Hpe jan gaw mi kaw na shi hpe maw taw nga ai. Shaloi gaw shi mi kaw na shadu tawn da ai hka hpumlum hte nta ntsa kaw na dai hpe Ja Yut hpe jaw kau ai. Jaw yang she ndai gaw manu mana kahtet nna hpye nna ndai hku na nta ntsa de lung re shaloi gaw kade tsi timung e madu wa ni kade tsi tim mung e tsi sara bum tsi sara ni tsi tim mung nmai nna si mat wa ai da dai Ja Yut wa gaw. Shaloi gaw dai kasha gaw naw nga ai. Kawa gaw grai nja ai dai Ja Yut hpe e shi na madu jan hpe grai ra ai majaw shi gaw grai nja timmung kaning ndi nna si mat wa ai majaw e dai hku sha nga nga mat ai. Shaloi gaw dai Ja Yut gaw shi na numla gaw hpabaw byin ai i nga yang u du byin ai. U tu byin re she dai u du gaw shani shagu dai nta makau hkan na hpun hkan e dai hkan e sa nna tut du du... tut du du nga na u du dai wa gaw dai hku shaga. Rai yang she dai Ning Hpe jan wa gaw dai mi Ja Yut na e rida maka ni hpe nba ni da pasi ni hpe galaw nba da rida maka ni hpe galaw re shaloi gaw dai e shi gaw rida maka hpe atsawm nchye na she ndai raitim mung ndai u hkru du gaw u du gaw dai hku na "E maka ka u tut du du tut du du maka ka u tut du du da u da u" ngu na tsun ai hpe dai Ning Hpe jan gaw chye mat wa ai. "Aw.. ndai gaw Nang Yut she re, ndai hpe gaw gara hku di bai sat na i" nga nna e myit taw nga ai. Shaloi gaw dai shi na ndai Ja Yut dai u hkrudu gaw dai shi na kasha hpe gaw dai hku na hkrum shaga ga re ai. Dai ma ma chye mat wa ai e kanu re lam hpe chye mat wa re yang she e dai Ning Hpe jan gaw dai madu wa hpe tsun ai. E hpa raitim mung u hkru du machyi masu nna "U hkrudu shan sha mayu ai u hkrudu gap ya rit, u du gap ya rit" ngu na tsun ai da. Shaloi gaw dai madu wa gaw u du hpe shi na madu jan re mung nchye na e gap nna she e dai shan hpe shadu jaw ai. Shadu jaw rai yang gaw dai mi na shi na kasha ma hpe gaw shan mung njaw na ntsin hkrai hkrai jaw ai da. Raitim mung shan jaw tim dai ma gaw nsha ai, ntsin jaw timung hku kata de dai hku ru kau ru kau rai kanu re chye na dai hku galaw ai da. Dan na she ndai u hkrudu hpe dai hku sat kau yang gaw shi gaw numla gaw hpabaw bai byin ai i nga yang gaw taubyen bai byin ai. Shi gaw taubyen bai byin rai yang she e hka ndai mare a sinpraw maga de na hka la-ing kaw nga ai lam hpe ndai ma wa gaw dai kaw mi rai nsi shi shaloi kaw na "Ngai si yang gaw taubyen tai na re dai kaw nga na re" ngu nna ma hpe gaw tsun da ai re majaw gaw ma gaw shani shagu dai hka sinpraw maga de hka la-ing kaw sa nna e kanu hte hkrum shaga hkrum shaga rai. Rai yang gaw wa maga de gaw grai manu mana myi man tsawm nna ma wa gaw wa wa shani shagu dai de sa sa re hpe ndai Ning Hpe jan gaw bai mu dai bai chye na she dai shi na salung sala ma ni hpe e dai de sa lagyim yu shangun re shaloi gaw dai kaw e taubyen hte ga shaga taw nga ai hpe mu nna shi na salung sala lagyim yu ai dai ni gaw dai Ning Hpe jan hpe bai tsun. Tsun yang gaw Ning Hpe jan gaw bai machyi masu sai. Machyi masu na she e madu wa hpe tsun ai. Shat mung nsha hpa mung nsha na machyi nna machyi masu na dai hku nga yang she madu wa gaw "E.. mi na Nang Yut mung dai hku na si mat wa re shaloi gaw ya nang bai si yang gaw" ngu na dai hpe gaw manu mana di tsi ni tsi bai nna "Nnang hpabaw sha mayu ai tsun rit" ngu yang gaw wo ra Ning Hpe jan gaw "Taubyen shan sha mayu ai" ngu na tsun ai da. "E taubyen shan sha mayu ai" ngu tsun yang she "Taubyen gaw gara kaw nga" ngu yang she "Htaw.. sinpraw maga de na hka la-ing kaw taubyen rawng ai lam hpe na ai ngai ma sha mayu ai majaw ndai ngai na salung sala mayam ma ni hpe dai de sa yu shangun jang dai kaw nga ai lam na lu ai" ngu na sahte wa hpe e madu wa hpe bai tsun ai shaloi gaw dai mung e "Hpa raitim mung e dai hka a-ing kaw na taubyen hpe lu hkra hkwi mu" ngu na ndai salung sala ni hpe tsun. E mayam ni hpe tsun yang gaw dai wa gaw shi na kasha bai na, na rai na she kanu hpe jau jau bai wa tsun. "Anu e nang dai hka la-ing kaw na yen u kaga de makoi nga u" ngu na tsun ai shaloi gaw dai ma wa gaw dai hku tsun ai hte dai kanu mung taubyen mung kaga de yen. Yen ai hpang gaw dai hka nawng ting htawk tim mung taubyen nmu rai yang gaw hpang e gaw bai "E dai kaw na gaw nrawng yang gaw "Lawu na hka la-ing kaw bai htawk yu mu" ngu. Dai shaloi mung kasha wa sa tsun na e kasha wa sa tsun, tsun na she e kanu gaw bai hprawng mat. Dai hpe mung hka nawng dai hpe mung salung sala mayam ni gaw bai htawk, htawk yang mung nmu re masum ya nga re shani gaw "Anu e nang hpe ya dai maga na hka la-ing kaw htawk na nga ai nang bai yen u" ngu yang kanu gaw "Ma e hpa nra ai anu ma ndai e ndai ya na ndai taubyen rai na nga yang grai nga npyaw ai grai jamjau ai" ngu na "Rim hkam sana re" ngu na kasha hpe tsun ai da. Dai shaloi gaw kasha gaw grai hkrap nna wa mat wa. E shaloi gaw salung sala ni bai sa na hka nawng htawk ai shaloi gaw dai taubyen hpe lu rim ai. Lu rim nna dai hpe e shan bai shadu, shan shadu re shaloi gaw dai ma gaw nsha kanu re hpe chye na ntsin, shan pyi njaw ai shi hpe gaw rai na ntsin ni jaw. Dai ntsin gaw shi mung dai kanu na shan ntsin re majaw la gaw la na hkaw kau hkaw kau di ai da. Shaloi gaw dai kaw na gaw kasha mung kasha hpe mung ntsun dan na shi gaw e htaw mare langai kaw na shan dwi e kadwi hte kashu sha nga ai, dai kadwi yan kashu gaw yi galaw ai. Shani shagu yi sa yi wa rai na yi galaw sha na nga ai shaloi gaw e dai kadwi yan kashu a nta kaw shani shagu shat ni shadu da ya wa shat ni shadu da ya hpa yawng nta kaw ra nrawng hkra di tawng da ya ya di ai. "Ahh.. ndai gaw kadai re i" htingbu ni hkan e san tim mung ndai kaw kadai sa ai i anhte na shat ni gaw yawng yawng shadu da ai, wa shat ni yawng shadu da ai e hpa mung ra nrawng hkra wan ni mung yawng wut da ya ya re ai. Anhte yi kaw na wa ai shaloi gaw yawng dai hku hkrai nga ai kadai sa ai mu ai i" ngu yang "E kadai sa ai mung nmu ai law" ngu ai da. Dai hku shadu ya ya re ai majaw dai jahkrai ma wa gaw e kashu wa gaw "Hpa raitim mung ndai hpe gaw lagu yu ra ai kadai re kun" ngu na yi sa masu nna kadwi gaw yi sa mat wa shi mung yi sa masu nna bai nhtang wa nna she chyinghka la da ai dai makau kaw e shi gaw lagyim na yu taw nga ai da. Nta nhku kaw dai hku yu taw nga ai shaloi gaw e ndai wa hkum wa hkum hkum sam dai kaw na gala na pru wa wa pru ai da num kasha langai mi manu mana tsawm ai num kasha langai mi pru wa na e dai shat ni shadu e hpa ni shadu e wa shat ni shadu rai na dun ni ye na atsawm di na dai hku tawn da ai da. Dai hku galaw nga ai hpe dai kashu wa gaw jahkrai kasha dai wa gaw mu nna she "Ya ngai shachyut yang dai wa hkum de shang na re" ngu na she dai wa hkum hpe shawng yawng gala ga kau na e dai num kasha hpe rim ai da. Rim ai shaloi gaw san ai da "Nang gaw kadai i, nang gaw gara kaw na i" ngu na san ai. San ai shaloi gaw dai num kasha gaw "Ngai gaw e htaw ra mare kaw na sahte wa a madu jan rai nngai madu jan Nang Yut rai nngai" ngu na tsun ai da. Shaloi gaw dai jahkrai kasha wa gaw e kadwi hte rau sa nna sahte wa hpe sa ap ya ai da dai num kasha hpe. Sa ap ai shaloi gaw ndai Nang Yut gaw mi shi byin lai mat wa ai hkrudu byin ai lam ni ndai e taubyen byin ai lam ni yawng ya hpang jahtum ndai wa hkum kaw rawng ra ai aten ni yawng dai hku madu wa hpe wa tsun ai da. Wa tsun ai shaloi gaw madu wa mung manu mana kabu nna e "E rai sai nang bai wa ai grai kabu ai" ngu na nga ai shaloi gaw dai Ning Hpe jan gaw Ning Hpe jan hpe gaw ndai madu wa mung nra mat wa shi gaw myit nkaja ai nga nra mat wa shaloi gaw "Gai nan lahkawng gaw langai gaw si ra ai, nan lahkawng gaw shada da kahtam hkat nna shada da si hkat ra ai" ngu na madu wa gaw dai hku tsun. Tsun ai shaloi gaw ndai Nang Yut wa gaw myit kaja ai myit hte "E dai hku gaw kahtam gaw nhkat ga shada da kahtam hkat nna gaw nsi ga, moi na zawn zawn rau nga ga" ngu na tsun ai da. Shaloi gaw dai Ning Hpe jan gaw "E hpa raitim mung kahtam, kahtam hkat ga kahtam sat hkat ga dai shaloi she langai si yang she an lahkawng gaw e dai hku na nga pyaw na re" ngu na dai Ning Hpe jan gaw dai hku tsun ai da. Shaloi gaw dai e kaning nchye di na Nang Yut mung "E mai ai le kahtam hkat ga nga jang gaw" ngu na tsun ai shaloi gaw ndai madu wa sahte wa ngu na dai gaw nhtu langai hpra galaw ya ai da. Dai nhtu gaw Nang Yut hpe mahtang gaw hpri nhtu galaw ya ai. Hpri nhtu grai manu mana ja ai hpri nhtu galaw ya ai. Bai na ndai Ning Hpe jan hpe gaw ndai machyu shi gaw e kahtam yang mung ndai ai shi gaw daw ma mai ai machyu nlung machyu hte e nhtu dup ya ai da. Dai nhtu dup ya ai shaloi shan lahkawng shada kahtam hkat garai nkahtam hkat shi yang dai nhtu langai hpra e dai hku garan jaw ai shaloi gaw dai Ning Hpe jan gaw shi na nhtu gaw machyu nghtu re ka-aw yang grai li ai baw re hpe chye ai. Nang maga na nhtu gaw nhtu kaja re chye nna she shi gaw grai myit ndik na marawn she marawn marawn na she shi gaw ndai sinda kapaw na si mat ai da dai Ning Hpe jan gaw. Bai nna ndai sahte wa hte ndai Nang Yut hkan sha ni gaw dai kaw na gaw rau rau grai ngwi pyaw ai hku na nga mat ai nga na hkai ai hku re. Grai chyeju kaba sai.
Origination date 2019-01-31
Origination date free form
Archive link https://catalog.paradisec.org.au/repository/KK1/2370
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Jat Sinwa : speaker
DOI 10.26278/5fa178a8a8119
Cite as Keita Kurabe (collector), Keita Kurabe (depositor), Jat Sinwa (speaker), 2019. Jayut hte ninghpe jan (Jayut and Ninghpe jan). EAF+XML/MPEG/VND.WAV. KK1-2370 at catalog.paradisec.org.au. https://dx.doi.org/10.26278/5fa178a8a8119
Content Files (3)
Filename Type File size Duration File access
KK1-2370-A.eaf application/eaf+xml 44.5 KB
KK1-2370-A.mp3 audio/mpeg 16.7 MB 00:18:16.890
KK1-2370-A.wav audio/vnd.wav 603 MB 00:18:16.859
3 files -- 619 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,449translations are currently available (December 28, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found