| Description |
Transcription (Htu Bu)
Chye Chyang Mayu Ai La Langai A Lam. Moi shaloi da grai chye mayu ai, hpa nga yang hpa hpe, grai chye mayu ai la kasha langai nga ai da. Dai la kasha gaw shani shagu, lamu hpe yu na shi na asak 30 du wa du hkra yu ai hku nga lamu hpe. Lamu hpe yu na, n chye ai, n chye ai, n chye ai mauhpa ni hpe mau na shi na myit kaw, dai lamu na hpang ai shara hpe grai chye mayu ai da. Shana sin ai, shana sin ai, kaw na shana sin ai kata hta lamu hpe yu na, shagan hpe yu na chye mayu ai myit ni grau grau na law wa ai hku nga. Shi na prat kaw kalang mi ram, kalang mi ram, kalang mi ram, kalang mi ram lamu nga ai shara de sa mayu ai. Ngut na, sa mayu ai, sa yu na ngu na shi gaw, N-gu ni hte lajang ra ai ni, lajang ra ai ni hpe laning mi na matu lajang dat ai da. Dai hte shi na lam hpe shi hpang na hkawm dat ai. Asak 10 ning ram nga ai Ma langai hpe ma shi shaga mat ai. N'htu hpe, N'htu hpe hpye na, sha hpa N'gu ni, Hkainu ni hpe ma, shi la mat ai. Kade ram na na ram lam hkawm mat na ma n chye ai. N re yang ma, kade ram na hkra sa yang she du na ma n chye ai, hte n chye ai, dai hpe sha myit let myit let, shi gaw, hkawm mat wa ai. Dai hku hte sa let, shat sha ai ten du ai ten hta shat ni sha, shat ni shadu sha ngut na, wan hpe sat dat shagu dai wan sat da ai shara kaw, ru langai hpe hkai da dat ai. Tsun na nga yang gaw, dai bai wa yang lam n shut na rai na, rai nga. Dai hte, moi gaw Shapre hpun hkai da ai. Hpang de gaw Hkainu bai hkai da ai. Tauba si ni, Majap ni, Chyinghkrang ni, Shakau ni, Shakau hpraw, Shakau hkyeng, Shanam, Shanam, ngut jang, Shanam dai ni hpe, sha mai ai hpun ni hpe hkai da ai da. Hkai da shaloi, namsi namlap hpun ni yawng ma mat ai shaloi, yawng ma mat tim shi du mayu ai lamu na, lamu hpang ai shara dai n du ai. Yu let, yu let, n du hkraw ai, n du hkraw wa ai. Dai hte shi gaw myit n htum ai sha bai hkawm, matut na hkawm mat ai. Dai hku hte hkawm let, hkawm let, hkawm mat ai wa,10 ning ram na mat ai. Hpang e gara kaw, dai hte shan, hkawm shaning ram na mat tim shanhte na dai lamu ga hpang ai shara de gara hku ma n du hkraw ai da. Dai de shanhte ma hpang de bai wa ai. Shanhte hpang de bai wa ai ten hta, shanhte hkai da ai, Shapre hpun ni nga yang bum ting si taw ai da. Nai ni, Tauba si ni ma, nam ting si taw ai da. Nkau hpun ni nga yang tu ngut na, si ngut na, bai si mat na, bai hkrung taw ai da. Dai la wa mung, namsi namlap ni hpe, hkai ai lam hpe chye dat ai da. Chye mat ai. Hpa majaw wan dap makau kaw hkai yang, grau kaba lawan ai. Dai majaw dai kaw na, chye, li ni, namsi ni hpe, wan dap makau kaw sha lam na tawn da ai da. Wan dap makau kaw lam da ai li ni gaw ga kaw hkai dat yang, tu lawan ai ngu chye mat ai majaw, yawng wa dai hku hkai wa ai. Nnan hpang na le mat ai da. Lang mat ai hpri tawng wa, Lama mi ram galu ai dai hpri tawng hte li hpe htu na hkai mat ai. Dai majaw nta du ai hte nan dai hpri tawng wa, tawng mi sha ngam sai. Nau htu ai majaw gaw, shi na nau htu ai majaw, dai htu da ai maga de wa, pyet mat ai da. Shi hkawm mat ai, shi shaga mat ai Ma kasha ma asak 20 jan mat ai da. Shi gaw asak 20 ning jan mat ai da. Shi gaw asak 39 ning kaw hpang na sa mat ai majaw ya gaw shi gaw jahku shi 49 kata de du mat sai, shang mat sai hku nga. Lamu ga na hpang, lamu ga na nnan hpang ai shara de prat tup sa tim ma, prat tup tam tim ma shi, tam n mau ai. Raitim shanhte na, chye chyang mayu ai myit gaw grai manu dan mat ai. Grai manu dan mat ai. Dai, dai majaw, li ni, dai majaw, li ni hpe wan dap makau kaw hkai yang grau na kaba lawan ai ngu hpe anhte chye lu ai. |
