| Description |
Translation (Rita Seng Mai)
Once upon a time, there was a boy named Shan Tang. He kept thinking about why he was poor. He always thought about it while lying in bed. Then he got an idea, "Now I know why. I remember that an old grandpa who knows how to read palms lives in the nine mountains." He had a thought. The next morning, he got up early and went there. After three days and nights, he arrived at a place where a man grew pears. He arrived and became a guest there. The old man asked him, "My grandson, where are you going?" He answered, "I am going to see the old grandpa beyond the nine mountains to have my future read." The old man who grew pears said to him, "Then ask that old man for me, too. Ask him why my pear trees aren't bearing fruit although they have plenty of leaves." The boy said, "Okay, I will ask him about it." Then he continued his journey. He arrived at a village. There was a house that had a beautiful lady there. He stayed as a guest at the old man's house, who had a daughter. The old man asked him, "Boy, where are you going? Where will you go?" He said, "Grandpa, my fortune is getting worse. There's an old grandpa living beyond the nine mountains who knows how to read palms. I am going to him to ask about my future." The old man said to him, "Then I want to request one thing. My daughter is already eighteen years old, but she doesn't speak a word. Please ask him why she doesn't speak at all." Shan Tang said, "Okay." Then he continued his journey. After walking for seven days and nights, he arrived at a big river. There was a huge turtle there. The boy wanted to cross to the other side of the river, but he couldn't because the water was rising. He found a female turtle. The turtle asked him, "Where are you going?" He answered, "I want to know about my future, so I am going to the old man who knows how to read palm." The turtle said, "I think because of this thing on my back, I don't know why I can't fly. I want to know the reason. I want to fly in the sky. Please ask him why I can't fly. I will send you to the other side of the river." Shan Tang rode on the turtle's back and crossed the river. He continued his journey and soon arrived at the nine mountains. An old man with a long beard was sitting there. When he arrived there, the old man asked him, "Why are you here? This is a place where no one comes. Why do you come to me?" Shan Tang said, "Grandpa, I came here to ask you why I've been so poor my whole life." The old man said to him, "You can ask me only three questions." The boy thought to himself, "Should I ask about myself, or should I ask about what they asked me to?" The old man said, "I don't want to listen to many words. Just ask me three questions." Then he thought, "I'll just ask what they asked me to ask." He decided not to ask about himself. He asked, "Grandpa, why do the pear trees grow so many leaves but never bear fruit?" The old man answered, "It is because there is a gold pot under the tree. That's why it doesn't bear fruits." The boy kept it in mind. Then he asked him, "Grandpa, there is a lady who is already eighteen years old and hasn't spoken a single word since she was born. Why is that?" The old man answered, "When she finds a man she truly loves, she will speak at that time." Then the boy asked him, "Grandpa, why doesn't the turtle fly into the sky?" The old man said, "There are two rubies in the turtle's neck. If she can spit them out, she will be able to fly." The boy went back the way he came. He arrived at the turtle first. The turtle asked him, "Did you ask him what I told you to ask?" He said, "Yes, I did." She said, "What did he say?" He said, "There are two rubies in your neck. If you can spit one of them out, you will be able to fly." The turtle thought about spitting out both rubies, not just one. She gave him the two rubies that were stuck in her neck. Shan Tang got both rubies. The turtle got wings and could fly. Then he continued on his way home. He arrived at the house of the man whose eighteen-year-old daughter had never spoken. When the girl saw him, she said, "Shan Tang is back." The father was surprised to hear his daughter speak. He asked Shan Tang, "Did you ask what I told you to?" Shan Tang said, "Yes, I did. Your daughter will speak when she meets the person she loves." The old man said, "She will speak when she meets the man she loves. That's you. My daughter hasn't spoken a word in her life. She speaks when she sees you. You two are a match made in heaven. Be with my daughter." He arranged the wedding for them. Shan Tang got a wife. After that, they set off on their journey home. They arrived at the man who owned the pear trees. The man asked him, "Did you ask what I requested you to ask?" Shan Tang said, "Yes, I did." The man said, "What did he say?" Shan Tang said, "Grandpa, the reason your pear tree doesn't bear any fruit is that there is a gold pot buried beneath it." The old man was bad and didn't want to give that gold to Shan Tang, so he said, "I see." They just went back home. The man who owned the pear trees thought to himself, "He said there is a gold pot beneath this tree. I will dig it out." When he dug beneath the tree, he found two gold pots. He was happy with the thought, "I am rich!" When he opened it, there were small snakes inside it. He was so shocked. He was mean-hearted, so he put the lid back on the pot and placed it in Shan Tang and his wife's room, with the intent to harm them. When Shan Tang and his wife came back, they saw a pot there. They were curious and opened it. Then they discovered that it was filled with gold. The old man was secretly watching them. He told them, "When I opened it, there were only snakes inside. But when you open it, there's only gold!" Shan Tang told him, "It's because you are mean! That old grandpa told you to share it with me, but you don't believe me and don't want to give me anything." The old man regretted his action.
Transcription (Lu Awng)
Kalang mi hta da ndai shan tang ngu ai wa nga ai da. Shi gaw shi hpa majaw matsan ai i, hpa majaw nlu su hkraw ai lam hpe shi grai sumru ai da. Shana de tup yup ra kaw galeng na she sumru ai da. Sumru re shaloi she ngai myit lu sai, ya ngai chye sai. Oh ra bum 9 re ai bum kaw bum 9 re shara kaw ndai lata maka chye yu ai jidwi dingla langai nga ai lam hpe ngai dum dat sai ngu na dai hku ngu myit lu ai da. Myit lu re shaloi she sa sai da. Sa, koi hpang jahpawt nga yang shi grai jau rawt mat wa ai da. Rawt mat rai sa sai da. Sa re shaloi she shi sa ai lam kaw she 3 ya 3 na ngu na shara langai kaw she ndai magaw si sun galaw ai sun galaw sha ai dingla langai nga ai. Dai shara kaw du mat wa ai da. Dai shaloi she dai dingla kaw she wa hkring ai. Shi wa hkring re shaloi she dai dingla gaw shi hpe e ngai shu e nang gara de sa ai wa re rai ngu tsun ai da. Ngai gaw nye prat gam maka hpe ngai sa san na ngu na ngai oh ra bum 9 din ai de na jidwi dingla kaw sa na re ngu da. Dai she dai dingla magaw sun galaw ai dingla wa mung e dai hku nga yang gaw jidwi a ndai magaw si hpun mung hpa majaw hpun gaw wum she wum na asi hpa rai nsi hkraw ai kun, dai lam hpe sa san wa ya rit yaw ngu htet dat ai da. Re na she shi gaw mai ai ngu na she shi gaw dai shara kaw na bai rawt mat ai da. Rawt mat re shaloi she ndai kahtawng langai kaw bai du sai da. Dai shara kaw ai du na she dai kasha mahkawn grai tsawm ai mahkawn lu ai da. Dai mahkawn lu ai dai dingla wa na nta kaw bai wa hkring ang ai da. Bai wa hkring ang shaloi she dai dingla gaw shi hpe e ashu e nang gara de sa ai rai. Nang gara de hkawm ai wa re rai ngu tsun ai shaloi she e jidwi e ngai gaw ngai na prat hpe ngai na prat gam maka nrawt jat hkraw ai majaw ngai ndai oh ra bum 9 din ai dai kaw dai lata maka yu ai jidwi dingla nga ai. Dai wa kaw ngai dai sa san na ngu na ngai sa wa ai ra re ngu tsun ai da. Dai jang she dingla dai wa mung dai hku nga yang gaw nang hpe ma jidwi ga hkaw langai mi sha pyi htet dat mayu ai. Ndai jidwi a kasha num sha ndai wa asak 18 ning re sai retim shi shangai ai shani kaw na ga hkaw mi ma shi n shaga ai. Dai majaw hpa majaw ga n shaga ai kun dai hpe san wa ya rit yaw ngu htet dat ai da. Dai shaloi shan tang wa gaw mai ai ngu na she bai hkawm mat sai da, ndai bai hkawm re shaloi she 7 ya 7 na du ai dai shana gaw nsi grai sin mat na she shi ndai a she ndai hka kaba langai nga ai da. Hka kaba langai nga ai dai shara kaw she du ai da. Du re jang she ndai taubyen kaba law dai wa kaw wa du ai da. Dai shaloi hka mung grai kaba taw na shi gaw oh ra hkran de nlu rap mat wa ai da. Nlu rap mat wa re jang she ndai taubyen kanu hpe mu ai da. Dai taubyen wa gaw e nang gara de sa ai rai ngu tsun ai shaloi she e ngai gaw nye a prat ndai hpe nye a lam hpe ngai chye mayu ai majaw ngai ndai bum 9 din ai de na dingla langai ta maka chye yu ai dingla dai wa kaw sa ai re ngu tsun dan ai da. Dai shaloi she ndai taubyen wa mung e ngai mung ndai ngai na shingma kaw ndai kap taw ai majaw rai sam ai. Ngai hpa majaw wa nlu pyen hkraw ai kun, dai hpe e chye mayu ai. Dai majaw ngai gaw lamu de pyen mayu ai. Dai majaw ngai hpa majaw n mai pyen ai lam hpe san wa ya rit yaw. Nang hpe ngai oh ra hkran de sa da na ngu tsun ai da. Taubyen dai hku ngu tsun jang ndai shan tang gaw dai taubyen na shingma kaw jawn na she hka ohra hkran de she sharap da ya ai da. Sharap da ya ai shaloi dai shan tang gaw hkawm hkawm re shaloi she shi dai bum 9 ngu na shara kaw du sai da. Dai she n hka mun galu re dingla dung nga ai da. Dai dingla kaw she wa du re shaloi she dai dingla gaw nang hpa majaw ngai nga ai shara kaw du sa ai rai. Ngai nga ai shara kaw gaw masha kadai pyi nsa ai shara re. Nang gaw hpa majaw ngai kaw du sa ai rai ngu tsun ai. Dai shaloi dai shan tang wa gaw e ngai gaw jidwi e ngai na prat hta ndai ram ram matsan ai gaw hpa majaw matsan ai i ngu san na ngu na sa ai ngu da. Dai hku nga yang gaw ngai hpe san na lam ga hkaw 3 sha mai san ai yaw ngu tsun ai da. Dai shaloi shi gaw ngai na lam hpe san yang mai na i? oh ra ni htet dat ai ga hkaw hpe sha san yang mai na i ngu na shi gaw myit ai da. Dai shaloi she dai dingla wa gaw ga law law ma ngai n kam madat ai ngu tsun ai da. Ga hkaw 3 sha mai san ai ngu tsun ai shaloi aw retim ngai manang ni hkan shangun ai hpe sha ngai san na re. Shi na lam hpe gaw ngai nkam san sai ngu myit kau ai da. Myit na she shi jidwi e ndai magaw si hpun wa mi alap sha wum na asi hpa rai nsi ai rai ngu na san ai da. Dai shaloi she dai gaw magaw si hpun a ndai a pawt kaw e ja di bu lungseng ndai ni rawng ai majaw shi gaw asi n si ai re ngu dai dingla gaw tsun dan ai da. Dai hpe shi matsing lang ai da. Dai hku nga yang gaw jidwi ndai mahkawn asak 18 ning re sai shi shangai wa ai kaw na ga hkaw mi ma n shaga ai da. Dai gaw hpa baw a majaw rai nga san ai da. Shaloi gaw dai jan gaw shi e grai yu tsawra ai shi yu ra ai la shabrang hpe mu jang shi shaga wa na ra ai ngu tsun dan ai da. Dai shaloi she dai hku nga yang gaw ndai taubyen gaw lamu de hpa majaw n pyen ai rai ngu tsun ai da. Dai she taubyen shi na yu hkraw kaw ndai (Padamyar) dai baw atawng 2 rawng ai. Dai majaw shi dai hpe shi prat kau ai re yang gaw shi lu pyen sai ngu na tsun da. Dai hte shi gaw wa sai da. Wa re shaloi she taubyen wa kaw shawng du ai da. Taubyen wa hpe she taubyen wa gaw nang ngai san wa ya ai ga san san wa sai i ngu tsun ai da. San wa ya sai ngu tsun, gara hku nga dat ai ngu jang nang na yu hkraw kaw ndai padamyar tawng dai tawng 2 rawng ai da. Nang dai hpe tawng mi sha mahtwi kau dat yang gaw nang lu pyen sai da ngu tsun ai da. Dai yang dai tau byen gaw tawng mi sha nre tawng 2 pyi mahtwi jaw na ngu na she taubyen gaw a gying shi yu hkraw kaw na dai shi na yu hkraw kaw dau taw ai dai padamyar tawng dai bai jaw ai da. Dai shaloi dai shantang gaw dai ma lu sai da. Dai ma lu re dai taubyen gaw singkaw tu na she lu pyen mat wa ai da. Dai shani kaw na she shi gaw bai wa re yang she ndai asak 18 ning lu ai du tim ga nchye shaga ai dai yen wa kaw du re jang she dai num sha mahkawn wa she dai shan tam shi hpe mu dat ai hte wa she wa shan tang wa sai ngu na tsun dat ai da. Kalang ta dai hku ngu tsun dat jang she shi kawa gaw kalang ta kajawng mau mat wa ai da. Re she shi kawa gaw nang ngai san dat ai ga san wa ya ai i ngu san ai da. Dai shan tang gaw san wa ya ai. Jidwi na kasha ga n chye shaga ai lam gaw shi yu ra ai shi ra ai shi tsawra ai shabrang hpe mu jang shi shaga wa na re da ngu tsun ai da. Shaloi gaw dai dingla gaw e shi tsawra hkrup ai shabrang hpe mu yang shaga wa na ngu gaw nang re sai ga re nga ai. Shi kasha prat ting ga pyi nchye shaga ai re, nang hpe mu dat ai hte nye kasha ga shaga wa ai. Dai gaw nang hte gam maka rum ai re nga ai. Nang nan la sa nu ngu na shi hpe kalang ta dai kaw hkungran jaw ai da. Hkan jaw re shaloi dai shan tang wa gaw dai num sha mahkawn lu mat wa ai da. Lu mat na shan 2 gaw dai shara kaw na bai rawt mat wa ai da. Shi woi mat wa re shaloi she ndai magaw si hpun lu ai dingla wa kaw bai du ai da. Dai magaw si hpun lu ai dingla wa hpe she dai wa gaw ngai san wa ya ai sa wa ya sai i ngu tsun dan ai da. San wa ya ai ngu da. Kaning nga ai ngu jang jidwi nang na magaw hpun magaw si n si ai lam gaw dai magaw si pawt kaw ja di bu rawng ai majaw re da ngu tsun dan ai da. Re yang she dai magaw si lu ai dai wa gaw myit n kaja ai majaw she shi gaw shan tang hpe she n kam jaw ai majaw she shi gaw e re sai ngu tsun ai da. Dai she dai shan 2 mung wa mat sai da, wa mat re shaloi dai magaw si hpun lu ai la dai wa gaw um nye na ndai hpun kaw ja di bu rawng ai she nga ai maw ngai htu yu ga ngu na she shi htu ai da, htu yang kaja nan di bu 2 rawng taw ai da. Rawng taw jang she shi gaw kei ngai lusu sai ngai ngu na she shi gaw grai myit n kaja ai majaw shi gaw hpaw dat re shaloi she lapu kasha ni she grai rawng taw ai da. Grai rawng taw jang she shi gaw kajawng ai hku nga, kajawng jang she shi gaw myit nkaja ai myit rawng ai da. Re yang ndai shan tang yen la hpe lapu kasha ni a chye sat kau u ga ngu na she magap htep di na she dai oh ra yen la na gawk kaw she dai di bu dai wa sa kabai bang da ya ai da. Sa kabai bang da ya re shaloi she shan tang yen la wa yang she i ndai dibu gaw gara kaw na re kun a ngu na she hpaw dat yang she kei ja hkrai hkrai re taw da, shan 2 hpaw yu yang ja hkrai hkrai re taw yang she oh ra dingla wa gaw sa lagu yu ai da. Sa lagu yu ai shaloi she har ngai hpaw ai shaloi gaw lapu hkrai hkrai re wa ya shan 2 hpaw yang gaw ja hkrai hkrai wa byin taw ai i ngu na she tsun ai da. Dai shaloi oh ra shan tang nga wa gaw dai gaw nang myit n kaja ai majaw re nga ai. Ndai gaw mi oh ra jidwi dingla tsun dat ai gaw ngai hpe ma garan ya na matu tsun dat ai she re. Nang ngai hpe n kam garan ya myit n kaja ai majaw byin ai lam re ngu na myit n kaja ai la wa hpe shi dai hku ngu na tsun ai da. Re na dai la wa gaw shi grai myit malai kaba lu mat wa ai da. |
