Previous item Next item
Item details
Item ID
KK1-1557
(Collection Details)
Title Hkai Naw yan Hkai Gam (Hkai Naw and Hkai Gam)
Description Moi shawng de hkai naw yan hkai gam ngu ai shang nau nga ma ai shang nau gaw grai kaji ai kaw na kanu kawa n lu mat re na yat yat hkat hkat ngoi nawm ai namsi namsaw sha di sha bai rai jang i ndai dusat gap sat na sha tam sha hkawm kan bau bungli galaw re na nga nga ai kalang mi na gaw kahpu gaw kanau hpe an nau gaw ndai hku sha rai yang gaw an nau a myu mung htum galu kaba lam mung n lu re na re majaw an nau gaw mare baw de lung wa yu ga jahku lungse wa du jang she e hpa mung masan masa a chye na re dai majaw jahku lungse de lung wa yu ga ngu jahku lungse de lung mat wa ai da. Jahku lungse de du re yang gaw dai makau e lagat hpun kaba re tu nga la dai lagat hpun kaba tu ai dai kaw gaw shang nau gaw ni ngu sai da an nau gaw ndai lagat hpun ndai kaw nang mung na nhtu shaw u ngai mung nye nhtu ngai shaw na ngu na shang nau langai kahpu a nhtu mung dai kaw kahtam tsak tawn kanau a nhtu mung dai kaw kahtam tsak tawn re na kahpu gaw ni ngu sai da. Ndai an nau a nhtu ndai gaw n hkan sha jan gaw nye nhtu nhkan sha yang ngai yu rat hkrum na chye na na nhtu n hkan sha yang nang yurat ai chye na dai majaw tam na hkye la hkat ga ngu na she gadi tawn ma ai da. Shing rai gadi tawn re na shang gaw langai mi gaw sinpraw maka hpran langai gaw sinna maga hpran mat wa yang gaw kahpu gaw brangtai langai mi hte sa hkrum brangtai dai hte jinghku hku re na brangtai dai ye woi re na hkawm mat wa re dai mungdan hta grai arawng sadang hpring zup ai um zahte kasha hkawhkam kasha langai mi aw hkawhkam langai mi nga ai. Shi hta shayi sha grai tsawm langai mung nga ai dai hkawhkam shayi sha tsawm ai shingni gaw asin re ai gawt kaw e rai ti pi gaw dai shi shang dung dat jang dai nhtoi dai shi kaw na pru ai gaw dai gawt ting htoi mat lu ai nhtoi atsam mung rawng ai grai tsawm ai shayi sha dai majaw shi yup nga ai ten hta shi shi gawt gaw galoi mung asan sha re na a htoi taw nga nga re da. Dai majaw dai shanhte a hkawhkam wang hte bum jahku din ai kaw bum kaba langai mi nga ai. Dai kaw gaw grai kaba ai lapu kaba langai mi dai bum dai hpe e hkawan yan pi shin grup lu ai e lapu kaba langai mi nga ai dai lapu kaba gaw dai bum hpe shin grup na htaw bum bawdin e shi baw ni di na wa mara htawng da grup grup rin rin de mada chyai yu rai jang she dai hkawhkam wa a nta gawt langai gaw galoi mung htoi nga ai chyu she mu ai dai majaw dai lapu gaw dai hpa rai htoi nga ai kun ngu na grai chye mayu rai na she shi gaw ndai masha gale la re na she hkawhkam wang de sa wa sai da. Hkawhkam wang de sa wa re she hkawhkam kasha dai wa kaja hkawhkam shayi sha dai wa kaja tsawm shi kaw na ni ja pru ai ahtoi htoi gaw raw gala she gala re sa mu tsawm mung kaja tsawm re sa mu rai jang gaw shi gaw bai wa sai da shi bum na bai wa myit yu sai ngai hkawhkam kasha ndai hpe kani re la na i ngai grai ra sai lo hkawhkam kasha ndai hpe ngai grai ra sai ngai kaning di la na i ngu na hpaji amyu myu daw amyu myu daw taw re she num kasha hku bai kayin la sai da. Num shi hkum hpe num kasha hku bai gale la rai na she dai hkawhkam wang kaw e dai um bungli galaw na matu nta bungli shangu ma hku na she sa nga na hku bai myit yu sai da. Kaja wa dai hku galaw na sa nga na she hkawhkam kasha dai she hkawhkam kasha dai hpe um lajan na hkawhkam kasha hpe shat hpai jaw na hka shin ya na buhpun palawng hkrut ya na hkawhkam kasha de a gawt hpe e mawn sumri ya na jasan jaseng ya na gaw shi e sha ang dat masai da. Kaja kabu da shi gaw kaja kabu rai tim shi gaw shana mat mat re da yaw sha na mat na shi gaw lapu bai tai mat le sha na gaw jahpawt gaw masha bai tai na dai kaw bungli bai sa galaw law da. Rai na she shi gaw nya sai da nya sai da a dai hkawhkam kasha dai hpe kaning ngu nya na i ngu she oh nam maling kaw sa hkawm chyai ga nam maling kaw e grai dai hkawhkam kasha ni gaw ndai kawa ahkaw ahkan sha n lu yang gaw kade pi n lu sa ai da. Dai majaw na wa kaw ahkaw ahkan hpyi u oh nam maling kaw grai tsawm htap ai nam pan ni mung grai nga ai um wa madai pan amyu hkum tsum hpa nga ai bai nawng kaw mung ndai nam pan pu amyu myu pu ai nawng kaba ni nga ai dai nawng ni gaw grai san tsawm ai nawng ni re ngu na shaleng ngu shaleng tim kalang mi shing leng na wa hpe ahkan hpyi su ngu jang mung kawa gaw ahkan n jaw da e nhtoi tsawm ra na ahkan hpyi lani mi na gaw aw kawa wa nang sa mayu yang gaw sa u le ngu na wa ahkanjaw kau dat sai da. A hkan jaw kau dat re yang she kaja wa shi gaw dai bum jahku tim din ai gaw kade mi tsan ai re gaw bum jahku din ai gaw dai bum jahku din ai kaw she woi dum mat wa woi du mat wa re she lagaw mung grai machyi sai lo ngu e hkawhkam kasha gaw hka hkawm mung n hkawm ga mawn rai na gaw hkawhkawm shayi sha chyawm lagaw mung grai machyi sai law naw hkring la ga lo ngu she shaloi she dai shi gaw naw hkring la ga lo ngu na hkring la ai kaw yup pyaw mat wa sai da. Yup pyaw mat wa jang she dai lapu kaba dai wa she dai bum dai ye she ni di hkawang shing grup na she dai hkawhkam shayi sha hpe gaw htaw bum pung din re she hkra di na she shi lahpren kaw she shi baw sha mi hkra re na she dai lapu dai mung dai kaw wa yup pyaw nga a num kasha dai mung dai kaw wa yup pyaw mat wa shi hprang rai yu yang gaw lapu kaba wa dang re shing grup ah nu ye hkrit sai da luu hkrit re she dai lapu dai she hkum shaga hkum shaga jahkring sha re jahkring she re hkum shaga ngu nang she shaga yu u oh ran re na oh ran re na jahkrit dat rai jang gaw shaga mung n lu shaga re wa dung nga yang she dai hkai gam gaw brangtai hte jinghku hku na she dai hku hkawm re wa mu jang she dai lapu kaba dai wa ni re shing grup ai dai sa mu dai sa mu na she htaw bum pundin ye gaw grai tsawm ai num kasha dung nga na she lapu hte ni re na dung ai wa sa mu da yaw de sa yu yu kade yaw yu yang mung shamu mung n shamu re hkawhkam shayi sha mung dai shaloi gaw n yup sai dai shaloi aw lapu gaw yup taw nga la yaw. Rai yang hkawhkam shayi sha gaw shaloi gaw n yup sa n yup re she yu dat yu yang she le kaw masha hkawm ai mi mu she masha hpe ni re din si hte masha he dinsin jang she masha dai gaw dai lapu mahkrit re nirip lung she dai shi a manang brangtai kasha she htaw lung wa yu su rai brang tai gaw lapu ni re yet yet re lung wa goi tsat lung wa dai hkawhkam shayi sha du she kani ngu na ta ngu jang she um shi a kachyi na kachyi langai mi gali dat ya re na she oh hkawhkam wang de sa su shing rai na ngai hpe e sa hkye la rit ngu na nu yan wa hpe wa tsun ya rit ngai gaw hkawhkam shayi sha rai n ngai oh hkawhkam wang de du hkra wa na a ndai nu yang wa jaw ai kachyi ndai hpe wa madung u shaloi jan shang chye na ra ai ngai gaw lapu kaba ndai zawn shapoi la na nan kaw nga nga n ngai ngu na wa tsun ya rit ngai naw sa hkye la rit ngu wa tsun ya rit ngu da. Shaloi she e hkawhkam wa gaw myit ru sai da lu shang na pi mat mat ai myit ru ai hte ya htam lapu e shapoi ai nga grau bai myit ru rai na she um shi na ndai salung sala ni hpe she dai bum jahku kaw nga ai lapu sa sat kawn mu shaloi nye kasha sa woi wa ya marit ngu jang she dai shi a hpyen ma ni sa yang dai lapu kaba sa mu na hkrit na numla sa shabraw na nlu sa woi kade lang shangu tim mung nlu sa woi kade lang shangu tim mung nlu sa woi re shi gaw shiga shabra re sai gaw ndai nye kasha hpe lapu kaba dai hpe sat kau na a lu woi la ai woi ya ai wa hpe gaw dai hkawhkam shayi sha mung jaw sha na a ngu na she shi ga shapoi sai da. Re gaw aw dai shi ga dai gaw brangtai dai bai na wa brangtai dai na wa na she dai hkai gam hpe bai wa tsun dan rai jang dai hkai gam gaw ndai ndan gap ai le i dai kanu yan kawa sali uli ngu na ndan hte nhtu la ai nhtu gaw oh lagat hpun e kahtam da sai re rai tim shi gaw ndan naw nga dai ndan gap grai chye da shing na dai shaloi she hkawhkam wa ngai lu di ai ngu na she sa tsun shangu ngai woi wa ya na ngu sa tsun shangu she kaja wa shing ngu sa tsun re yang she ngai woi wa ya na ngai lu hkye la ai ngu sa tsun jang gaw hkawhkam wa gaw teng na n ngai i ngu teng ai teng sha hkye la na lu hkye la ngu sa tsun re na shing ngu na wa wa hkam la di na she bai dai lapu nga ai de bai sa wa re yang shaloi gaw lapu mung rawt dat na she dai hkawhkam jan de she ni di na hkawhkam jan a shabi kaw she shi baw sha mung hka re ni re na she dap taw nga la sai da yaw. Rai jang she e shi gaw ndai ndan pala grai gap kun kran lata grai din ai re nga she dai lapu dai hpe she wat abaw e sattt nga ti gap um arai kau dat jang she wat lapu dai dai gaw e buk e bat e e dum buk ayai si wa a rai jang she dai shi gaw lapu dungbuk bat mi re yang bat mi e goi tsat mat wa dai brangtai hte shang brangtai mung woi bat goi tsat woi brangtai gara hku gumhtawng yang gara hku gumhtawng brangtai gara hku gumhtawng yang gumhtawng re na she hkawhkam kasha wa du dai shaloi gaw lapu kaw but balang ji mat na dai kaw raw rap si mat jang she hkawhkam kasha hpe woi yu wa, Re na, shing re na hkawhkam wang de woi wa rai yang gaw kaja wa dai brangtai kasha mung lawm dai la wa mung rai kasha mung woi wa ya rai jang gaw aw aw ndai gaw teng teng ndai brangtai mi e an hkap mu ai brangtai nan rai sai ndai gaw teng mang ai nan rai sai ngu na she dai brangtai woi wa ai dai la hte dai hkawhkam jan hpe hkungran ya re na shang gaw dai hkawhkam wang e nga taw nga jang she myit dum dat sai da e aw aw ngai gaw ya nde de nga pyaw mat ya nye kanau hpe mung ndum kau ya nye kanau hpe e lagat hpun e yu hkat ga yaw ngu na sadi jaw tawn ai wa ngu na dai bai myit dum dat sai da yaw. Shing rai dai bai myit dum dat re na she hkawhkam kasha ye she nang naw nga magan u ngai ya kade n na ai lahkawng masum ya sha rai jang ngai bai wa na ngai oh nye kanau nga ai de naw sa na nye kanau hpe e ngai ga sadi jaw da ai ngai um bat mi sha ngu ai wa ya ngai shata num ra pi rai mat sai nye kanau kam kaja nga ai kun yurat hkrum nga ai kun naw sa yu na naw sa wa na ngu jang she e ngai mung hkan sa na ngu she e nang gaw hkum hkan sa law ngu e hkan sa na n nga ngu kaja wa hkan sa na ngu ai hte mare wa hkan mat wa yang gaw kanau ye gaw ndai balu ma langai mi wa she balu langai mi ye she e htaw shi hte nga ga ngu na hkap shing leng tawn ai shi hte n lu nga jang she balu dai ye sat na she le hpun pawt e sat galeng tawn ai sa mu ma da yaw. E dai dai gaw dai kahpu pi n mu aw kahpu gaw dai lagat hpun e shawng wa du jang she kanau yurat hkrum ai nhkan sha taw nga ai mu na she tam mat mat jang she dai kanau gaw dai hpun kaba pawt ye she si taw nga ai mu sai da yaw dai si taw ai mu re gaw brangtai gaw um ndai gaw ngai chye tsi ai ngai chye tsi ai ngu she lawang gat u tsi lawang sa la su ngu she kanau ye tsi ai ngu abaw ye gaw baw kahtam di ya da abaw ye gaw oh myi mang ye gaw shingdu maga hprau um shing re na she nhti nhtang ndai baw de myi mang wa galai na she tsi shakap re brangtai la wa tsi shakap kau yang wa hka kanau gaw baw n re de wa tu mat baw n re de tu mat re jang she e ndai gaw n rai ai she rai sai ngu she kaning bai di na i ngu jang she dai hkawhkam jan gaw bai hpaji jaw ai. Kalang naw kahtam sat u kalang naw kahtam sat na dai brangtai e tsi naw sa la shangu su ngu na she kaja wa dai lang gaw dai hkawhkam jan she bai sala shangu na brang tai gaw kaja wa dai tsi hkrung tsi nan um tsi mai hkrung wa ai baw tsi bai sa la wa ai da. Shi gaw myit hpe e azim sha tawn da na she ndai gaw masha myi mang myi mang gaw ndai maga yawn ai ndai gaw ahkum maga re ngu atsawm sha saw sumru yu na atsawm sha galeng taw na re na rai sai ngu jang tsi dai kap di sha kap na jahkrung la re na she kani re na yurat hkrum ai lam ni tsun hkat re na she shi gaw ya hkawhkam wang de wa nga lu sai ngu hkawhkam wang bai wa nga ga ngu na she kanau ye bai tsun re gaw kanau gaw hpu e ngai gaw nanhte pi n grin ndan ai wa ya ngai gaw hpa manang langai mi mung nlu saw la nang gaw dai brangtai lu saw la ngai gaw manang nlu saw la nang gaw rat mung lu ngai gaw hpa mung nlu re gaw ngai gaw yau sai nam maling de she naw rai mat n na nngai ngu she kahpu gaw kaja n hkraw hkraw re nang nam maling de rai mat wa yan gaw galoi bai du wa bai pru wa na ta ngu jang nang zawn re na num mung lu re ten e bai pru wa na n ngai e ngu na she shi gaw nam maling de bai da mat wa. Dai hkawhkam kasha aw nam maling de sa mat yang brangtai bai hkan mat wa ai da. Brangtai mung hkan mat wa rai na she dai nam maling de sa mat wa re na brangtai mung hkan mat wa re she kahpu yang dai hkawhkam jan gaw dai hkawhkam wang de wa re na gaw kade na yang mung kanau n wa kade na yang mung kanau n wa rai na ndai gaw gara hku wa rai mat sai i ngu na e rai yang she grai na jang she brangtai bai du wa brangtai bai sa wa ya gaw gara hku rai sai ta ngu jang e e ya gaw shi mung oh kaw mi na shi hpe grai ra ai nga num dai ye bai hkap woi la kau na dai kaw grai pyaw na nga mat sai nang shi hpe hkum myit sa nang mung nan kaw nga pyaw mat nu um ngu na dai sha ni kaw na she dai hkai gam gaw dai hkawhkam wang e nga mat hkai naw gaw nam maling e nga mat re na dai shani kaw na shang gaw hka bra mat mat ai da. Shing rai na ndai anhte hkai naw ngu na gaw anhte jinghpaw myu sha pi rai yang rai na da anhte gaw nam maling sha machyu ja re na hkai gam gaw ndai hkawhkam amyu tai mat wa hkai naw gaw anhte matsan mayen nam masha tai mat wa re hkai naw yan hkai gam dai hku hka mat ai da. Mau mwi gaw nan kaw htum sai.
Origination date 2017-02-24
Origination date free form
Archive link https://catalog.paradisec.org.au/repository/KK1/1557
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
S. Merry : speaker
DOI 10.4225/72/598c8376d80d3
Cite as Keita Kurabe (collector), Keita Kurabe (depositor), S. Merry (speaker), 2017. Hkai Naw yan Hkai Gam (Hkai Naw and Hkai Gam). EAF+XML/MPEG/VND.WAV. KK1-1557 at catalog.paradisec.org.au. https://dx.doi.org/10.4225/72/598c8376d80d3
Content Files (3)
Filename Type File size Duration File access
KK1-1557-A.eaf application/eaf+xml 133 KB
KK1-1557-A.mp3 audio/mpeg 15.5 MB 00:16:58.830
KK1-1557-A.wav audio/vnd.wav 560 MB 00:16:58.809
3 files -- 576 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found