Previous item Next item
Item details
Item ID
KK1-0933
(Collection Details)
Title Kaji langai la lam (The hidden small child)
Description Transcription (La Ring)
Ya ngai tsun na lam gaw ma kaji langai a lam re. Moi shawng de mare langai mi hta dinggai yan dingla nga ai da. Dai dinggai yan dingla gaw hkungran ai gaw hkun ning sumshi ning mali shi ning manga shi ning matsat shi ning raitim ma gaw nlu hkraw ai da. Dai majaw dinggai yan dingla gaw grai myit htum ai hku na dinggai wa gaw tsun ai da "An hkawng lama na machyi makaw hkrum na nnga mat jang an hkawng na ndai hpe kadai galaw ya na" ngu na shi gaw grai myit ru ai da. Raitim mung da shan hkawng gaw ma nlu ai da. Ma nlu wa rai shan hkawng gaw myit ru taw shaloi da shan hkawng lu wa ai ma gaw da shi gaw ma lu lani mi hta gaw da shi gaw da shi madawn ni madawn ai da. Madawn ni madawn rai na shi gaw da e shi shanhte na moi prat gaw da ma gun n-gun hpe ya na hku tsi jaw gawk ni nnga ai majaw da ndai hku ni nre ai da. Shanhte ma gun sai um ma gun sai na-um na sin byin sai nga jang gaw da shanhte na nta kaw na tsawm dik htum ai nampan gaw pu wa wa re ai da. Dai shaloi shi shanhte galoi pyi npu ga ai nampan dai langai mi gaw da pu wa ai da. Pu wa ai shaloi "Shi ma gun sai" ngu ma shi chye ai da. Shi da kaba wa magang gang shi na ndai kan kaba wa magang gang da nampan dai mung da kachyi mi kachyi mi i jat jat jat rai na kaba wa ai da. Kachyi mi pu jat wa ai da dai hpe gaw shi grai pyaw sai da. Raitim mung da gun ai da ma nkau kau ni hpe gaw da shata jahku sha gun ai da raitim da ma kasha dai hpe gaw shata shi lahkawng gun ai da. Shata shi lahkawng gun rai na she madu wa gaw tsun ai da "Nang shata shi lahkawng ting gun ai ya nang shangai na ma gaw kaba law ai ma she nrai a dawng" ngu tsun ai da. Raitim mung da shi bai shangai ai ma gaw da anhte na ndai yungnu daram sha law ai ma rai taw nga ai da. Dai majaw i dai shanhte na mare kaw gaw da ndai salang wa gaw tsun ai da "Anhte na mare gaw moi ji woi ji wa prat kaw na arawng sadang hte hpring tsup ai mare re majaw gaw ndai mare kaw na i kaji ai ma ni shangai ai ngu gaw gaya jahpa re majaw gaw anhte ni ma dai hku nmai ai. Dai majaw anhte ni mung ndai ma shangai ai yang ning re kaji kaji re ma ni hpe gaw sat kau ra ai kadai lu ai rai" ngu tsun ai da i. Shaloi dai madu wa gaw i "Anhte anhte nta mung gaya jahpa lama na an la wa an htinggaw wa ning re kaji sha law ma lu ai nga mare ting chye mat jang anhte ni gaya hkrum na nga le sat kau ga" ngu tsun ai da. "E hkum di i ndai gaw anhte na ndai gaw anhte na i ma re majaw gaw ndai hku nmai ai" ngu tsun ai da. Dai shaloi i shanhte gaw ndai hku tsun ai da e madu jan gaw makoi da na ndai hku bau bau bau shat ni hpa ni jaw sha ai da dai hku ni bau bau rai. Raitim shi kaba ai gaw da ndai kaba ai shaloi gaw da ndai ta yungnu daram sha law ai da. Ta yungnu ram sha law ai timung da shanhte gaw da ndai hku sha bau maka da ai da. Ndai hku sha bau maka da yang she hpang e gaw da ndai ma ndai ma ndai hpe gaw da kawa gaw grai nju ai da. Kanu gaw da ndai shi na madu wa hta nga jang moi latsa ning daram pawng wa ai madu wa hta nga yang da ya she shangai ai ma ndai hpe grau tsawra taw ai da. Grau tsawra taw majaw da dai shi gaw mau ai da. Mau ai majaw i shi gaw ndai hku tsun ai da. "Ma ma nang i ma anhte ndai kaw zuphpawng nga ai. Ndai kaw hkaw hkam shayi hpe madun ai hkaw hkam shayi hpe madun na hkaw hkam shayi dai ra ai ma e ra ai la hpe gaw shi la na re e dai kaw ma mung shang lawm u" ngu tsun ai da. Ma dai gaw la kasha re ai da la sha re majaw da shi hpe gaw da shi na mying hpe gaw da Sut Ngai Awng ngu shamying da jaw ai da. Dai Sut Ngai Awng gaw da kaji timung da n-gun grai ja ai da. Shi nu shi wa ni pyi nlu galaw ai nlu gun hpai ai bungli hpe shi lu galaw ai da. Shanhte na ndai mare hta gaw da nta langai mi kaw na hpundu kaba ba law ai langai mi dai hku i shata shagu shata shagu jaw ra ai jaw ra ai nga lit nga ai da. Dai hku lit nga rai yang she i shan nu ni gaw galoi mung jaw ai da galoi mung jaw ai raitim mung da maji ta hte e maji ta shaloi da dai hpundu hpe shanhte ni gaw nlu jaw ai da. Nlu jaw yang i na shanhte ni hpa na nlu jaw i nga yang she hpundu chyawm me lu sai raitim mung kran na n-gun wa nnga taw ai da. Dai majaw da ma dai gaw grai Sut Ngai Awng gaw da grai kaji timung da dai hpun hpe kran ya ai da. Kran ya na she dai hpe sa jaw ai da. Sa jaw yang she dai tsun ai da "Hpawtni gaw anhte na hkaw hkam shayi gaw shi ra ai la hpe lata la na majaw ndai kaw na i yawng hkra sa wa ya rit ngu saw shaga dat ai law" ngu na tsun ai da. Dai hpe na ai Sut Ngai Awng gaw nkam lawm ai da hpa na i nga yang gaw masha ni gaw kaba law na shi hpe lam hkawm na kabye kau na shi hkrit ai da. Dai majaw da tsun ai da kanu gaw tsun ai da "Ma e ma nang sa u" ngu yang "Anu ma gaw kaji ai lama na ma hpe shi ra yang pyi ma hte shi gara hku hkungran na" ngu i "Hkungran poi kaw ma gaw gara hku di na" ngu tsun ai da. "Ma e sa u law lama na ma nang la kasha rai taw na ma nang nsa jang nu hpe sat na rai nga le" ngu tsun jang she sa sa re da. Palawng nlu ai da ma dai gaw palawng nlu rai jang she kanu gaw da shi hpe tsun ai da "Ma annu ni rem da ai u nga ai hpa ntsang ra ai" ngu na u mun hpe baw baw baw baw u mun ni hte shi hpe palawng galaw ya ai da. Lak lak lai lai hte tsawm tsawm htap htap hte dai hku palawng galaw ya ai da. Dai hpe jahpun let sa wa sai da. Sa wa shaloi she i e dai shaloi gaw da ndan kaba nga ai da. Ndan kaba law ai dai ndan hpe hpai ra ai re da. Kadai kaning re n-gun ni kade ram nga ai e dai ni pyi nlu hpai ai da. Nlu hpai na she da dai la kaji sha law ai wa e shi na mying ma lawm ai da. Shi hpe gaw i kachyi mi asak ma kaba sai majaw shi hpe nsat sai da. E dai kaw na dai kaw na dai hkaw hkam ndai ndai gaw shawng na hkaw hkam da hpang kaw na hkaw hkam ma dai gaw da e hkyen ni jau hkyen ni grai byin ai ma re ai da. "Dai ma dai pyi nlu hpai ai ngu yang dai mare masha ni gaw hkum tsun nu" ngu yang nlu hpai ai da i dai hpe. Dai rai "Ndai poi hpe ngalaw sai" ngu na dai hku tsun kau ai shaloi shi gaw hpabaw tsun ai i nga yang "Dai hku hkum tsun ndai hku ntsun ai sha e ndai hpe anhte ni hku na gai ya ten hku na Sut Ngai Awng hpang jahtum re ai. Sut Ngai Awng nlu hpai yang gaw ndai hpe ndai lamang hpe ndai kaw jahtum dat ai" ngu tsun dat ai shaloi dai hku tsun ai da. Dai rai nrai shi shaloi shi hpe san ai gaw i e masha ma nmu tim microphone i moi na baw nsen shaja ai baw jak hte tsun ai da "Lama na Sut Ngai Awng nga ai la kasha langai wa grai ntsawm na kaji sha law ai ma rai taw yang nanhte ni ndai e hkaw hkam shayi nang gara hku nga na rai" ngu yang "Gara hku mi nga nga ndai ram e ndai ram ting n-gun atsam hte hpring tsup ai la sha hpe gaw kaning raitim ngai gaw la na" ngu tsun ai shaloi ndai Sut Ngai Awng hku na i grai shi hku na i "Ndai ndan hpe ngai hpai ga" ngu na dai shi hpai na shaloi n-gun grai shaja ai da. "Yahhh" ngu hpai dat ai wa shi na matu nga jang da hpa nlung tawng langai hpe hpai ai zawn zawn pyi nnga ai da atsang aw aw sha rai jang she mau taw masai da. Sut Ngai Awng gaw kaji sha law ndan gaw kaba law re majaw nmu taw ai da shi na shi wa nbung kaw pyen taw ai zawn rai taw ai da. "Maw ya ndai kadai hpai taw ta" nga yang shi gaw "Sut Ngai Awng hpai taw ai re" ngu tsun ai da. Dai shaoi da dai Sut Ngai Awng hpe da ndai hkaw hkam shayi gaw la kau ai da. Dai shaloi da hkaw hkam shayi la kau ai shaloi dai ndaw kaw na i hpang de na dai hkaw hkam shadang ni gaw grai nju ai da yaw. "Ning re kaji sha law ai wa Sut Ngai Awng ning re ma wa ngai ra ai hkaw hkam shayi hpe la kau ai i" nga na grai pawt ai da. Pawt na dai tsun ai hku nga "Nanhte mare gaw nhpa na wa she kaji sha law ai ma hpe pyi nanhte nhpa na ndai hku di sat kau ra ai hpe nanhte hpa na nsat ai rai" ngu tsun ai da. "Anhte ma nchye ai Sut Ngai Awng gaw ndai kaw e shi gaw hkaw hkam shayi hte la hkat rai na la hkat ra ai majaw la hkat ai she re hpa nra ai" ngu tsun ai da. Hkaw hkam shayi ma shi na shi dai hku i gaya shi gaw la na nga timung la na nga timung kaji ai hpe la na nga timung shi na hku maga hku "Grai lu su grai tsawm ai hkaw hkam shayi wa kaji sha law ai la rau la hkat ai" ngu hpe gaya na gaya ai majaw shi na shi shi na moi shi tsun da ai gaw da "Ngai gaw lauban ai la hpe she la na" ngu tsun da ai re da. Raitim mung ya shi la da shi gaw shi na ga sadi ngu wa i shi gaw i tsun ga nga yang e wora baw le tsun ga nga yang ga sadi ngu hpe grai dung ai re da. Ga sadi grai dung ai majaw shi gaw la kau ai da. La kau tim shi gaw grai gaya ai majaw da e tsun ga nga yang e tsing si tsi ni lu na si mat ai da. Si mat re shaoi dai hkaw hkam dai kaw na dai gaw da shanhte na mare hta gaw da ya ndai anhte na prat hta gaw nga yang da num sha sha ma mai gun ai raitim mung da shanhte na prat hta gaw da num la kadai tim ma mai gun ai baw prat re ai da. Dai majaw da kaji sha law ai wa ma gun ai da. Ma gun na ma gun timung da shangai wa ai la gaw da shi zawn re nkaji ai da kaba wa ai da tim shangai ai shaloi gaw kaji sha law timung da kaba kaba kaba rai na anhte na masha zawn zawn kaba ai da. Um dai hku kaba na da shi gaw da lani mi hta da shi gaw da hka sa ai da. Hka sa rai na shi gaw dai e woi ni hpe mu ai da. Woi ni hpe mu na woi ni hpe tsun ai da "Ndai hka gaw ndai hka gaw i sung ai rai" ngu tsun ai da. Shanhte gaw woi ngu gaw masha ga nchye na ai masha ngu gaw woi ga nchye na ai raitim mung masha dai gaw tinang chye ai ga hte tsun ai da "Ndai hka ndai i sung ai rai ngai rap na ngai wora ga de ngai bungli nga ai majaw ngai hpe karum ya rit" ngu tsun ai da. Dai woi ni mung chye na ai hte chye na woi ni gaw hka hte sung nsung nga hpe chye na ai da. Dai majaw da "Aw masha ndai gaw hka ndai sung nsung ai hpe san taw nga re hka" ngu hku na shi dai hku myit la na timung "Hka ndai gaw nsung ai" ngu ma nchye tsun ai "Sung ai" ngu ma nchye tsun ai da. Dai hku ga hpe shanhte woi ni gaw hprut hprut nchye tsun ai majaw "Sung sung tang tang magyi ka-ang e sung ma sun ai tang ma tang ai magyi ka-ang ram sha re" e dai daram hpe tsun ai da. Dai daram hpe tsun ai shaloi gaw i shi gaw i ndai hku tsun ai da "E woi ni ndai hka i sung ai rai ngai hpe naw karum la rit. Nanhte ni e masha myit rawng yang gaw i ngai hpe naw karum la rit. Ngai gaw ahkyak ai ya ndai hkying shi daram htu mat jang ngai gaw nmai sai" ngu tsun ai da i "E nye wa kaw mung ngai naw wa ra ai majaw ngai hpe naw karum la rit" ngu jang "Wo wo ngu na sung sung tang tang magyi ka-ang" ngu da. "Atsawm di bai tsun yu mu law nanhte ga chye shaga ai ngai hpe atsawm di naw karum la mi law" nga tim "Sung sung tang tang magyi ka-ang" dai sha bai tsun taw ai da. Mali manga lang kahtap tim dai sha tsun jang she pawt mayu wa sai da. Pawt mayu na she e shi rap chyam yu ai da. Woi dai hpe mung sat kau sai da. Sat kau na shi mung rap chyam yu rap chyam yu rai lu sai da. Lu na she shi gaw shi na kasha gaw i wo de du jang da wo de du jang i shi gaw dai woi dat hpe sat kau majaw shu tai mat ai da. Shu tai mat ai shaloi i shi sa la na dai wa gaw hkaw hkam shayi bai re ai da. Hkaw hkam shayi bai rai shi rai jang gaw shu rai na dai mung nhkap la sai da. Kadai mung nra sharawng sai nra sharawng ai majaw shi gaw grai gaya ai raitim mung da shi hpe nang hku tsun ai da. Dai hkaw hkam shayi na kawa hpe tsun ai da "E na na kasha hkaw hkam shayi hte jaw sha na gaw ngai re nye na kawa gaw Ja Ngai Awng re majaw ngai gaw na na kasha hpe la na gaw ngai re" ngu jang "Nang wa i ngai na kasha hpe la na nmai byin ai nmai byin ai" ngu tsun ai. "Mai byin ai law nmasu sha ai ngai gaw na na e na na kasha hpe la na ngai re" ngu tsun yang shi gaw nkam ai da. Nkam rai yang shi gaw tsun wa sai da shi nang hku tsun da "E nang lama na na na kasha hte ngai hpe njaw sha yang ngai gaw marawn na" ngu tsun ai da. "Marawn na" ngu tsun yang she "Marawn u le nang shu langai sha marawn ai ngai hpabaw byin na" ngu yang shu gaw marawn ai da. Shi ni marawn marawn marawn marawn ni wa jang gaw da marang htu wa ai da. Marang htu wa jang gaw da marang htu wa jang gaw da nmai ai da. Nmai ai majaw da ndai shanhte ni ndai shanhte ndai hkaw hkam ndai ja wora gaw da shanhte gaw ndai ja nga timung shanhte gaw i hkum pup rau galaw da ai grau law ai majaw shanhte gaw hkum pup rau galaw da ai grau law ai majaw da ndai byawng hkrat wa ai majaw shanhte gaw e shu ni mahkawn ni hkawn jang gaw marang ni htu wa ai. Dai majaw "Hkum hkawn hkum hkawn jaw sha na jaw sha na" ngu tsun tim e shi hpe bai nlung hte bai kabai ai da. Nlung rau bai kabai yang she "Aw nang ngai hpe nlung tawng rau kabai ai i nang nlung tawng rau kabai jang ngai gaw bai hkrap na" ngu tsun ai da. "Hkrap u nang hkrap ai ngai hpa nbyin ai" ngu hkrap hkrap hkrap rai yang gaw shi hkrap yang hka grai law wa ai majaw dai dai hkaw hkam mare hpe galip kau na hkrit wa ai majaw "Hkum hkrap hkum hkrap jaw sha na" ngu na jaw sha kau dat ai da. Jaw sha na ngu na jaw sha kau dat ai da. Ya gaw da ya anhte na ndai prat hta nga yang da e masha hte masha hpe sha atsawm di shaga ai. Masha hte masha nga tim pyi gaida yan nu hte lauban ni nga yang nshaga ai. Ya anhte mung re ya anhte mung re maw hpyi ni hpe nga jang anhte ni matsat ai. Anhte muk sha taw ai akw maw hpyi ni muk sa hpyi jang "Ala ya ngai muk sha taw ai pyi grai matsat mat sai" ngu na kabai jaw kau da ai. Gumhpraw ni ma tinang hku na anhte jawng hkan e jawng hkan e jawng shang wa na chyinghka kaw ndai ta ntu ni lagaw ntu ai ni dai hku nga taw taw re. Dai hku nga taw jang anhte ni gaw grai matsat mat sai. "Yi ya jawng gan hkring muk mari sha ten nga jang pyi ala jahkring mi gan hkring sa la ai aten kaw muk sha na pyi grai matsat mat ai raitim mung ndai maumwi gaw e masha tim dusat dumyeng timung e dai hku mai la hkat ai. Shanhte na moi gaw shanhte na dai hku htung nan nan re bai na she kanu na tsawra myit gaw tinang na kasha kade ram kaji taw tim e "Gaya jahpa law ndai mung dan ting chye mat jang ngai hpe ndai hku tsun na" nga hpe i dai hku nmyit ai sha bau maka la ai ngu na ndai maumwi hpe ndai shara kaw jahtum dat ai.
Origination date 2017-02-13
Origination date free form
Archive link https://catalog.paradisec.org.au/repository/KK1/0933
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
L. Lu Lu Awng : speaker
DOI 10.4225/72/5989e6f6af073
Cite as Keita Kurabe (collector), Keita Kurabe (depositor), L. Lu Lu Awng (speaker), 2017. Kaji langai la lam (The hidden small child). EAF+XML/MPEG/VND.WAV. KK1-0933 at catalog.paradisec.org.au. https://dx.doi.org/10.4225/72/5989e6f6af073
Content Files (3)
Filename Type File size Duration File access
KK1-0933-A.eaf application/eaf+xml 51.1 KB
KK1-0933-A.mp3 audio/mpeg 11.8 MB 00:12:52.779
KK1-0933-A.wav audio/vnd.wav 425 MB 00:12:52.759
3 files -- 437 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,449translations are currently available (December 28, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found