| Description |
Translation (Rita Seng Mai)
The story I'm going to tell you is how banana plants and fruits started existing on this earth. Once upon a time, there lived a widow and her child in a village. They were poor. The daughter of the widow was in love with a man from the other village. They wanted to get married, but the man's parents didn't give their blessings upon them. Then, the man lived with the girl and her widow mother. The man worked as a woodcutter. He had to climb many mountains to cut down the trees. One evening, it was raining heavily while he was about to go back home after cutting some trees down. Unfortunately, he was dead since the tree fell over him on his way back home. His wife was left pregnant. After a few months, she gave birth to a baby girl. Unfortunately, the baby girl turned blind when she was only two months old. But the mother didn't know about it. She thought her baby was sleeping, so she put her baby on a wooden bedstead while she was cooking. There was a high mountain near their village. It was so high that even men couldn't climb it. The mother put her two-month-old baby on a bamboo bedstead at the base of that high mountain. At that time, an eagle was flying towards the baby. It carried the baby with its beak. No one saw the baby was being taken by the eagle. Then, the mother who was doing the work remembered her baby and murmured, "My baby must be awake." And she turned back and looked at her baby. But there was no baby. She was shocked and looked around the place. Then, she saw the baby in the eagle's beak at the top of the mountain. She was shouting, "Help! Help! My baby is being taken by the eagle! I need to get my baby back." Some people heard her and said, "Oh lady, you can't get your baby. No man can climb this mountain." She was desperate and said, "I have to save my baby. His father is dead too. I have only him. Whenever I feel miserable, my baby is my only companion." The villagers told her, "There is no way you can save your baby. Even the men can't climb this mountain since it is too steep and high." She was crying hard and decided to save her baby from the eagle. So, she started climbing the mountain. The villagers felt pity for her and murmured, "This woman will die after falling down from this mountain. Her baby is eaten by the eagle. Such a pitiful mother and baby!" But the woman thought to herself, "It's okay for me even if I die. I only want my baby to be alive." She tried hard and kept climbing the mountain. She kept climbing and climbing it. She made it to get to the top of the mountain in the end. When she got to its top, the eagle was about to eat her baby. She threw a stone towards the eagle. Then, it was frightened and flew away. She quickly picked her baby up. She was scared when she thought of climbing down the mountain because it was too dangerous. But she knew that both of them would die if they stayed on the mountain. So, she tried to climb down. The villagers witnessed everything and praised her. They threw a rope at her and shouted, "Grab this rope! Use it and climb down." She used the rope and climbed down while holding her baby. Unfortunately, she failed to hold the rope in the middle and both of them fell from the mountain. The baby girl was successfully caught by the villagers. So, she was alive. But her mother died. The baby girl was raised by her grandmother. A few years later, she became a grown-up girl and very beautiful. Many boys in the village loved her and tried hard to get her love. But she didn't like anyone back. Then, the boys told her, "You are going to be a spinster." The girl smiled and replied politely, "It's okay." She spent her days just taking care of her grandmother and collecting woods from the forest. She usually went to the forest and searched for some fruits and woods for them. Her grandmother became blind when she was getting older. So, the girl went into the forest by herself. She always took a basket to put the woods and some food to eat whenever she went into the forest. One day, while she was collecting some woods, she noticed that a boy who was sitting on a tree was looking at her. She was scared, but she acted like she was not afraid. She did all of her work as usual and went back home. After three days, the boy searched lots of woods and gave them to her. But he didn't talk to her. He didn't do any harm to her. The girl fed him some food since he helped her collect the woods. One day, she thought, "This boy helps me a lot. He is so nice to me. I will cook a delicious curry for him and show my gratitude to him." She told her grandmother about him and cooked a delicious chicken curry for him. After that, she wrapped it up and went into the forest. When she arrived there, she saw the boy and told him, "I am really thankful to you because you helped me collect woods. So, I cook this delicious chicken curry for you." He finally made a sound and said, "I don't eat meat. I can't! I only eat vegetables." She wanted to know why he didn't eat meat, so she asked him, "Why don't you eat meat?" He replied, "The reason why I live in this forest is to look after all the villagers who live at the mountain base one day." The girl didn't understand what he was talking about. She was falling for him since he helped her a lot. He loved her too, but he tried not to confess his love. He said, "I can't love you. I have collected lots of wood for you today. I will go back now." She asked him, "Where are you going back? Can you tell me?" He said, "I am sorry, I can't. I have to go back now. They are calling me." She begged him not to go and said, "There are many boys and men who like me. But I don't love them back. I love only you." And she grabbed his hand. But the boy determined to go back. Then, she quickly put all of her things on the ground and tried to hold his hand. She didn't let him go. She firmly held his hand and begged him, "Don't go, please. Let's live with me forever." He said, "I can't. I have to go back." But she insisted on holding his hand. Unluckily, the boy's hand was broken. His arm was not attached to the body since the girl pulled his hand hard. The boy ran away and disappeared. The girl held his broken hand tight. Human hands become rotten a few days after they are not attached to the body. The girl felt attached to the boy and didn't want to bury the hand. So, she dug a hole in the ground and put the boy's hand upside down. She put the elbow into the ground and put the fingers up. A few months later, there grew a banana plant at that place. The plant was like a human's hand. The leaves were growing like a human's palm. And the fruits looked like fingers. The banana plant started growing when the girl put the boy's hand into the ground. Then, banana plants start existing on the earth.
Transcription (La Ring)
Ya ngai hkai dan na maumwi gaw moi moi prat kaw na ndai langu hpun ngu ai langu si ngu ai gara hku byin wa ai ngu hpe tsun dan na re. Moi shawng e da mare langai mi kaw she da e ndai gaida shan nu nga ai da. Gaida shan nu nga rai yang she da ndai kanu hte sha nga ai. Kanu matsan shayan rai shan nu ni gaw matsan ai da. Dai hku rai na nga ai shaloi ndai gaida kasha ndai wa gaw da wo laga shanhte mare hte mare naw nga ai kaw na laga mare de na la hte ra hkat ai da. Ra hkat rai yang she la na maga ni gaw kanu kawa ni myit nhkrum ai da raitim mung shan lahkawng gaw nau ra hkat na she la wa gaw ndai num gaida shan nu kaw dama shang ai hku na shang na dai kaw nga mat ai da. Dai kaw nga rai yang she lani mi gaw la dai e ndai hpun hta ai bungli hpe galaw ai da. Hpun hta bungli hpe galaw rai yang shi gaw bum ni gai lung ai da. Lani mi shi dai hpun hta sa ai shaloi shi e jan du ai da shana de jan du na wa ai shaloi she lamu marang ni grai htu na nbung laru ni grai bung na shi wa ai lam kaw shi hpe hpun daw na kamyet sat kau ai da. Kamyet sat kau ai shaloi mi shi la da ai num dai kaw gaw ma hkum hte nga ta ai da. Ma hkum hte nga ta re yang she da dai ma hkum hte nga taw ai me shi nu mung gumgai mat rai shan nu lahkawng gaw dai hku na nga re shaloi ahkying aten na wa ai hte maren num dai mung ma nga shangai ai da. Shangai na num sha shangai ai da. Num sha shangai yang num sha dai gaw da shata lahkawng re ai hte she ndai shi nu gaw da myi nmu sai da. Dai hku na sha dung taw sai majaw dai ma kanu dai wa gaw shi gaw bungli galaw taw ai da. Nta kaw shi gaw shat gawk bungli ni galaw taw na she "Ma yup ai" ngu na she shi gaw ma hpe she shi bungli galaw ai makau kaw she pinra langai ra da ai. Dai pinra kaw ma hpe e shayup da ai da. Ma hpe shayup da rai yang she shanhte na mare na shanhte na mare kaw na yu dat yang dai kaw e bum grai tsaw ai nlung ni hte rai taw ai dai hku re bum langai nga ai da. Dai bum kaw gaw ala ni pyi naw nlu lung ai da. Grai lung yak ai da dai bum dai kaw nga ai da. Dai bum dai kaw shanhte ning di yu yang pyi naw grai tsaw ai majaw kadai pyi naw nlung gwi ma ai da. Dai shaloi she da dai wa shi bungli galaw na ma hpe dai makau kaw shayup da ai da. Shayup da ai shaloi she dai bum de na sa wa ai langji nga hpan le langji nga dai hpan le u kaba law ai dai hpan sa wa ai da. Dai hpan sa wa na she ma dai hpe wa shi wa shi na n-gup hte shi hpai mat wa ai da. Ma dai shata lahkawng sha naw rai shi yang ma nga sha naw rai shi yang hpai mat wa ai da. Hpai mat wa ai shaloi she kadai mung nmu dat shi ai da. Nmu dat shi jang she shi gaw ndai kanu gaw bungli galaw nga let she "E nye kasha rawt sai kun" ngu na yu dat yang kasha nnga taw na mau na shi dai bum maga de jahkring shi kayin dat ai shaloi she htaw bum ntsa de du taw sai da. Bum ntsa de hpai taw ai hpe mu ai da shi kasha hpe dai langji u dai hpai taw ai hpe mu ai da. Mu ai majaw shi gaw "Ngai hpe naw hkye la mu lo nye kasha hpe dai hku na bum de na u woi mat sai" ngu da. "Bum de na u woi mat sai dai majaw nye kasha hpe gaw lu hkra la ra ai majaw" ngu yang masha ni ning hku tsun ai da nkau mi gaw "E ning e ndai ma hpe nang lu na nrai sai nang kabai kau ra sai" ngu tsun ai da. "Hpa majaw nga jang ndai bum de gaw anhte mare kaw na wa ja wa ngan ni kadai pyi kadai nlu lung ai shara re" ngu tsun ai da. Shi gaw "Nmai ai ngai nye kasha hpe grai tsawra ai kawa mung nnga sai ndai gaw kawa na kawa hte mung bung ai majaw kawa na matu ngu na kawa hpe dum yang shi hpe yu chyai na matu nye kasha hpe ngai bau na matu ndai langai sha nga ai" ngu dai hku tsun ai da. Masha ni gaw "Hkum lung sa na kasha hpe nang lu na ma nrai sai ndai kaw na wa ja wa ngan ni pyi kadai mung ndai bum kaw nlu lung ai e ndai ma hpe nang nlu la sai rai ga rai nga ai" ngu tim shi gaw nhkraw ai da. Grai hkrap na she "Nye kasha hpe ngai lu hkra la ra ai" ngu na she shi gaw dai bum de lung mat wa ai da. Lung mat rai yang lung hkrai lung lung hkrai lung rai yang she da shi gaw lu gaw lu lung masha ni pyi gaw shi hpe dai bum gaw ning rai magyeng na tsaw lung mat wa ai majaw masha ni pyi gaw "Ndai num gaw ndai bum kaw di hkrat si sai ndai shan nu gaw kasha hpe mung langji u e sha kau kanu mung ndai bum kaw na di hkrat si sana re" ngu na dai hku tsun ai da. Dai hku tsun tim mung da dai num dai gaw kasha hpe myit ai marang e "Ngai si yang si ngai hpa byin yang byin nye kasha asak hkrung jang rai sai" ngu na dai bum kaw lung mat wa ai da. Lung mat wa rai mahkyit hkrai mahkyit lung mahkyit hkrai mahkyit lung rai yang she gau ngwi gau ngwi shi gaw dai bum kaw du mat wa ai da. Dai bum kaw du mat yang she langji dai gaw shi kasha hpe sha maw sai da. Sha maw ai hte shi gaw nlung langai hta la na kabai dat ai shaloi she dai u dai gaw langji u dai gaw hprawng mat wa ai da. Hprawng mat wa re shaloi gaw shi gaw shi kasha hpe bai pawn ai da. Shi kasha hpe pawn na shi gaw yu wa na matu grai tsang mat sai grai tsaw ai bum re ai da. Grai tsaw ai bum re jang she yu wa na matu grai yak ai re da. Raitim mung shi gaw naw lu yu wa ai "An nu lahkawng ndai kaw nga yang gaw an nu lahkawng yan si mat na ra ai" ngu na she shi gaw wo mare masha ni gaw "Ndai ram pyi lu lung sai num ndai gaw grai byin ai" ngu na she bai yu wa ai da. Yu wa ai shaloi ndai daw mi kaw du ai hte ndai masha ni gaw sumri kabai dat ya ai da. "Ndai sumri kaw jum na yu wa mu" ngu na kabai dat yang she sumri dai hpe kanu gaw lu jum sai da. Lu jum na di ai wa shi sumri wa wo de nngam na e di hkrat mat wa ai shaloi ma hpe ma mung hkrat kanu mung hkrat re shaloi ma hpe gaw wora ni masha ni mare na masha ni lu pawn la na she kanu gaw dai kaw hkrat si mat ai da. Rai yang gaw ma dai gaw kawoi dwi hte sha kaba wa ai da. Dai hku na bau mare masha ni ma yu karum na kaba wa kaba wa rai yang ma dai gaw shi lani mi asak aprat ram na kaba wa ai shaloi grai tsawm ai num langai e shayi sha langai mi byin wa ai da. Grai tsawm yang gaw dai mare na la ni mung grai ra ai da. Laga mare na la ni mung shi hpe grai ra ai da grai ra ai da raitim mung shi gaw kadai hpe ma nra ai da. Masha ni shi hpe kade ra tim shi gaw kadai hpe ma nra ai da. Masha ni gaw shi hpe tsun ai da "E nang jan na yaw anhte ni grai ra tim nang nra ai gaw" ngu tim shi gaw nra ai sha ngu ai da. Rai na shi gaw kadwi hpe sha bau nna she shani shagu shi gaw nam langai mi de sa nna dai nam de hpun sa hta ai da. Namsi namsaw si mai si maw ding re sa tam ai da. Sa tam re shaloi shi gaw sa tam sa tam shi hkrai sa mat mat re da. Rai jang she kadwi gaw myi nmu ai re nga jang she shi hkrai sa mat mat rai yang lani mi na ahkying aten hta da shi dai kaw hpun hta ai da. Hpun hta na shi gaw shat ni ma gun sha ai da. Gun sha na shat shingnoi ni htingga ni gaw dai hpun pawt kaba law ai dai kaw shadung da na she shi gaw dai kaw hpun hta masawm na dai kaw dung nga yang ala langai mi gaw shi hpe yu taw taw re da. Htaw grai tsan ai hpun langai mi kaw na shi hpe zim rai na yu taw taw re da. Shi gaw grai mau ai da hkrit ma hkrit rai na raitim shi ga nshaga ai da. Shi hpun hta ngut na shi shat sha ngut jang wa mat. Hpang shani mung dai hku rai jang she masum lang ngu na shaloi she ala dai she shi hta da ai hpun ni she tam ai da tam nna hpun grai law hkra hkra num dai hpe jaw jaw re da. Aga ma kalang mi pyi naw nshaga ai da num dai hpe e shi gaw hpa ma zingri zingrat ma nrai ai da hpa ma ndi ai da. Dai majaw shi gaw hpun hta nna shi hpe jaw jaw re majaw shi gaw dai shi kaw gun sa ai shat ni hpe bai jaw sha ai da. Shat ni bai jaw sha rai yang she da lani mi gaw shi gaw "La ndai gaw nam kaw nga ai la ndai gaw ngai hpe grai karum ai ngai hpe hpa dingbai dingna ma najaw ai. Dai majaw ngai daini gaw shi hpe chyeju dum ai hte ngai u sat sa na shi hpe sa jaw sha na re" ngu na myit ai da. Shi gaw kadwi hpe tsun nna u langai mi sat nna si htu grai mu hkra shadu gun makai gun na she dai kaw hpun pawt kaw bai sa tawn da na hpun bai hta taw ai shaloi la dai bai sa wa ai da. Sa wa yang she "Ngai i nang ngai hpe hpun hta karum ai dai majaw ngai grai chyeju kaba sai yaw. Dai majaw ngai nang hpe daini chyeju dum ai hte nang hpe ngai ndai u shan shat mai hte shat jaw sha mayu ai" ngu na jaw sha yang la dai gaw dai shaloi ga shaga wa ai da "Ngai shan nmai sha ai ngu" tsun ai da. "Ngai shan nmai sha ai ngai shan ni hpe ma gam ai. Shan nsha ai ngai gaw ndai namlaw namlap ni sha sha ai. Ndai hkan na namlaw namlap ni namsi namsaw ni tam sha na nga ai" ngu tsun ai da. Namsi namsaw ni tam sha na nga ai ngu jang she "Hpa na nsha ai rai" ngu jang she "Ngai gaw da lani mi hta ndai bum kaw i ndai bum kaw nga ai ngu gaw lani mi hta ngai ndai bum grai tsaw ai kaw na ndai mare kaw nga ai ma hkra hpe lu yu na matu re ai" ngu da. Num dai gaw hpa nchye na ai da raitim num dai gaw shi hpe hkrai karum shani shagu karum hkrai karum hpun ni hta karum rai jang gaw la dai gaw grai ma tsawm ai da. Rai jang num dai gaw myit shang sha mat ai da. Num wa myit shang sha mat na she e la wa hpe grai ra wa ai da la wa mung shi hpe gaw ra wa ai da raitim mung la wa gaw "Ngai nang hpe nmai ra ai ngai daini gaw nang hpe hpun ni ma grai law hta da ya sai. Daini gaw ngai na wa ten du mat sai" ngu na tsun ai da. "Ndai kaw na ngai hkawm ra sai ngai wa ten du sai" nga yang num wa gaw tsun ai da "Nang gara de wa na ngai hpe tsun dan u" ngu jang she "Nmai tsun dan ai raitim mung ngai wa ra sai ngai hpe shaga sai ngai wa ra sai" ngu jang she "Ngai nang hpe i kaja sha ngai hpe la ni grai ra ai raitim ngai kadai hpe nra ai nang hpe sha ra wa sai" ngu na shi na lata hpe hkan gang ai da. La wa gaw "Ngai wa sana" ngu hpun de gayin mat wa ai hte num dai gaw kalang ta shi a shat makai tawn da kau nna she la wa na ta hkan gang ai da. Ndan re ai kaw jum hkrai jum na gang da ai da. Gang da na she "Hkum hkawm mat law hkum wa mat ngai nang hte rau nga na" ngu num wa tsun ai da raitim mung la dai wa gaw "Nmai ai ngai ya wa ra sai" ngu na la dai mung wa na ngu da num dai mung "Nmai ai law" ai ngu gang hkrai gang taw ai shaloi she dai hku gang taw yang la dai wa wa sana ngu yang she nau gang na ndai shi na nchyang kaw na lata ndai hte daw mi num wa kaw shi gang ai kaw daw kau da ai da. Daw mat ai da wora la wa gaw mat mat ai da. Mat mat rai yang she e num dai gaw shi hpe nau e ta hpe jum chyai jum chyai da. Dai hku chyu jum chyai rai she shi gaw ta dai gaw e anhte shinggyim masha ta ngu gaw dai hku yat manam wa le i nau na jang manam wa le i raitim shi gaw shi gaw nau nja ai re nga yang la dai hpe shi nau ra na she shi na nta shawng kaw da ga kaw htu na she dai shi na nta shi na lata dai hpe nchyang dum ding re hpe gaw ga de bang na she ndai ta latsa ni hpe gaw ndai hku na ntsa de di na lup da ai da. Dai hku lup da ai shaloi she grai na wa ai da loimi na wa rai yang dai kaw na wa langu hpun nu pru wa ai da. Langu hpun nu pru wa re kaw na she alap ni lap wa lap wa rai na ndai ndai anhte na ta latsa ding re ni hta alap lap wa na she nding re kaw na i ndai hku na tsun ga nga jang shi na laswi lasa ni gaw dai kaw na gaw langu si si wa ai da. Dai shani kaw na dai num wa dai la na ta gang na wa hkai da ai shani kaw na langu si langu hpun ngu ai nga wa ai re ai da. |
