| Description |
Butau ngu ai la langai mi nga ai da. butau ngu dai gaw dai wa gaw mani hpa chyu galaw re, e dai ni gaw kanu ni kawa ni she le yi sa yu su, anhte dai ning hkyen sha na yi sa yu su, ngu na yi yu shangun yang she sa yu kau da na wa na she, aw yi kade kaba ra ai i nga, yi kade kaba ra ta? kade wa n kaba ra ai law, kanu kawa ni gaw kachyi mi lahpa re mi lu jang re sai ngu. Le nam de sa wa na she le nam kaw she lahpra lap lahpra ye kau na ning ta lahpan sha shatawn na wa sai da. Ya yi yu da sai i nga, yu da sai, kade kaba ai nga, nanhte tsun ai lahpa mi re nga, jinghpaw ga gaw ndai ta ning re jum ai dai hpe lahpa mi nga, lahpa mi nga tsun jang she lahpa mi yu da sai nga. Hpang shani kanu yen kawa hte sa hka gara kaw mi yi ngu she oh lahpra lap kaw she ning re lahpra mi nga ndai re sai le nga. Ga mana nang gaw yi lahpa mi ngu gaw grai wa n kaba ra ai ngu ga re, loi mi ram ai hku yi sa yu ngu yang ya dan re kaja wa ta lahpra hte sa sadawn i, yi dai kanu yen kawa gaw yu nna hkyen sai da, hkyen na nat kau re she bai yi wa sa galaw su yi wa sa galaw. Kade kaba ai yi wa galaw na mi, aw jahkan lakawp daram re mi re jang re sai nga, ngu mayu ai gaw kanu yen kawa gaw kaji sha re retim mung mai ai ngu hku re nga. Jahkan kawp daram re re jang re sai ngu. Dai yi wa kaw she dai yi kaw she le karaw de jahkan kwi la na she jahkan ju sha, jahkan shan gaw yawng sha kau na she ahpyi kawp sha ning di hpun du kaw ra di tawn, hpang shani kanu yen kawa yi wa galaw sai i nga, galaw sai, kade ram kaba ai galaw, nan tsun ai jahkan kawp ram re yang ram ai nga, galaw da sai ngu, sa wa sa wa yi kaw sa du, gara ya yi wa gara kaw galaw tawn sa ta? ngu jang le ra kaw chyu nga, dai shi madun ai de sa wa yu yang hpun du kaw she dai jahkan akawp shan gaw sha kau re jahkan akawp mara ndai re nga. Mana e nang gaw ga shadawn she tsun yang wa me, nan nan jahkan akawp she sa galaw i nga. Dai ngu re jang oh ra hkai hpa hpa hkai yang ya mani yi nat sai gaw mani yi nat sai re, nang le yi nat sai kaw hkai hkai na matu kama sa dawng su ngu. Kama dawng su ngu gaw yi nat kau ai hpang jinghpaw ga gaw yi nat kau ai hpang shani sa ai kaw kama dawng ai nga ai, dai she shi gaw sa na she kama wa yi kaw na wan hkru ai kama chyang ni wa dai hkan chya la chya la na ya mani yi kade hkru ai sa yu sai i nga, sa yu sai nga. Gai re yang nang yi sa ai gaw yi kade wa hkru sa nga, hkru n hkru sha gaw ndai nye man du hkra wan hkat mat sai ngu jang masu, kanu yen kawa hpe masu. Ndai gaw jinghpaw ni a ga shadawn ga shaga i ga shadawn re ai hku re nga. Ga shadawn, shat sha sai i nga yang ta magaw sai i nga dai gaw shat sha sani ngu, shat sha ning ning re ta magaw ai ngu gaw shat sha ai. Di kama dawng ai ngu mung mare nat kau sai yi kaw dai ni sa pru ai sa yu ai, dai e kama dawng ai nga. Bai oh poi shingra kaw sa na kumhpa sa shaw ai dai hpe gaw myi man shinggang ai da, jinghpaw gummoi ga le, (sagawet) myi man gang ai ngu gaw lama ma kumhpa jaw ai dai hpe tsun ai. Re yang she myi man ka ai bai ngu jang gaw gaya jahkrum ai, gaya jahkrum ai, nang ngai e ohra re, gaya jahkrum kau ai, lagut, ga shadawn u lagu sat sha ai, mi gaw tinang lu ai u re nga sat sha, sha lawm, hpang e gaw nang u lagu sat sha ai nga, ngai chyu nsha dai wa sha ai, oh ra wa sha ai nga, dai gaw manang e myi man shaka ai nga e dai baw gummoi ga i. Gummoi ga grai moi na ni gaw gummoi ga ga ai dai ma jinghpaw ga gaw gummoi ga nga nga ai, ndai manang hpe num yaw ai, anhte la ni num la ram na, la ni num la ram na num yaw jang tsawm ai dai hpe yu ai da. lai akyang dai hpe yu ai da. kalang mi na she la langai mi gaw, |
