Previous item Next item
Item details
Item ID
KK1-0398
(Collection Details)
Title Jahkai kasha hte la law kasha ni hka de nga tingraw ja sha ai lam (The bullies and the river)
Description Transcription (La Ring)
Ya ngai bai hkai matut na maumwi gaw jahkrai kasha hte lalaw kasha ni hka de nga tingraw ja sha ai lam maumwi hpe hkai na. Moi shawng de kahtawng langai mi hta lalaw kasha ni hte jahkrai kasha ni rau rau sha kahtawng langai mi kaw nga nga ma ai da. Dai shaloi jahkrai kasha hpe lalaw ma ni hku na "Hkau jahkrai kasha e hka de nga tingraw ja sa saga" ngu na saw la ai nga ma ai. Dai shaloi jahkrai kasha mung "Mai ai le hka de tingraw ja sa na" nga di shanhte jahkrai kasha hte e lalaw kasha ni gaw myit hkrum mang rum rai na hka de nga tingraw ja sa ma ai da. Hka de du nna nga tingraw ja na ten hta gaw lalaw ma ni gaw nga tingraw ja htuk ai shara shagu hta "Ndai kaw mung ngai ja nang kaw mung ngai ja wora kaw mung ngai ja" nga di lalaw kasha ni hkrai hka de nga tingraw ja htuk ai shara ni hta yawng lalaw kasha ni hkrai ja na hku rai jang gaw jahkrai kasha gaw gara kaw nja nna shi a tingraw hpe hkarang ntsa de lamu de mahka shayawn nna jun da sai da. Jun da na she shanhte gaw rau rau sha tingraw ja ngut na wa sai. Wa rai hpang jahpawt du yang gaw "Jahkrai sha e mani anhte ja ai tingraw hpe sa yu saga" ngu yang e jahkrai sha gaw "E ngai gaw tingraw ja shara nmu nna hka kau hkarang de she lamu maga de mahka shayawn nna jun da sai re majaw gaw nga nshang na re ai ngai gaw nsa nang na" nga yang e lalaw kasha ni gaw jahkrai kasha hpe e "E na a jun da ai de nga nshang tim anhte ja ai de nga shang jang nang hpe mung jaw sha na" nga ai majaw sa nang sai da. Sa nang yang gaw kaja wa shi jun da ai tingraw hpe ru yu ai shaloi gaw nlung lungdin ateng san ai kasha langai mi rawng nga ai da. Jahkrai sha lamu de mahka shayawn na jun da ai karaw hta gaw lungdin kasha langai rawng nga ai. Dai hpe jahkrai kasha gaw "Nang lungdin gaw kaning rai rawng nga ai i" ngu nna hka la-ing loi sung ai de bai kabai bang da sai da. Rai yang gaw nga gaw kaja wa hka de tingraw ja ai lalaw kasha ni a tingraw hta shang ai nga hpe gaw jahkrai sha hpe mung e nga jaw sha sai da. Hpang jahpawt mung "Saw law jahkrai sha e bai sa yu ga" nga bai saw ai raitim mung jahkrai sha gaw "E nsa sai nanhte chye sa mu" nga bai tsun ai. Dai shaloi gaw lalaw ma ni gaw "Nre mani hpawt na zawn zawn anhte nga shang jang nang hpe mung jaw na re sa ga" nga na kaja bai sa ai. Sa du ai hte maren jahkrai ma mung shi a tingraw hpe baw nna ru yu ai shaloi mi na lungdin kasha bai rawng nga ai da. Dai zawn rai di masum hpawt mali hpawt nga ai jahpawt manap gaw jahkrai kasha gaw "Nye a tingraw hpe lamu de shayawn di jun da ai wa mi hpa majaw lungdin kasha nang chyu chyu rawng nga ai rai kun hpa byin ai lungdin rai kun" ngu di mau nna nchye ai majaw shi gaw la wa na htaw nta de shan dwi a ginshang sumpa de zut di makoi kau da ai da. Dai rai makoi da ai hpang gaw shan dwi gaw wo nam de yi hkyen sa ai. Yi hkyen sa na wa na du wa yu yu yang gaw e shat shingkrang kadwi a shat shingkrang ma kashu a shat shingkrang ma shat shingkrang hkawng hkawng hkawng hkawng noi da ai wa lahkawng hpawt masum hpawt masum ya daram nga ai da. Dai shaloi kadwi gaw lalaw ni nta de sa nna "E lalaw ni e anhte an shu a nta de manam nshang ai i daini gaw" ngu san ai shaloi she "E nan kashu nta manam hkum shang u ga le anhte nta pyi nshang yang" nga tsun ai da. Dai shaloi gaw jahkrai sha hte kadwi gaw shani shagu shat shadu da jaw jaw re nga ai majaw gaw grai mau nna lani mi hta gaw jahkrai kasha gaw "Kadai re kun" ngu ai chye na matu chyinghka jut kaw yi sa wa masu nna chyinghka jut kaw makoi gyem nna la nga ai shaloi shani ka-ang jan shang maga de she shang bang tawn da ai kinshang htingpa hta bang tawn da ai lungdin dai wa magap "Hpuk" nga rai di le di she grai tsawm ai mahkawn tsawm tai nna she wan wut dun ye man myit ta kashin n-gu ni hte rai di shat shadu di nga. Dan rai taw shaloi she jahkrai sha gaw "Ah ga nang she rai nga ai an dwi a nta kaw shat shadu di nga nga re" ngu na kamu di kap. Re yang gaw dai num kasha gaw kaning nga tsun ai i nga jang "E jahkrai sha e ngai hpe gaw nu ni wa ni htaw mahtum mahta mung kaw na jahkrai kasha hte kadwi grai jamjau ai grai matsan ai, dai kaw e wa bau nga nu jahkrai kasha kaw wa nu ngu matsun dat ai majaw nang kaw e wa na matu na karaw jun da ai kaw nlung tai di shang shang ai nang kabai kau ai. Raitim ngai bai wa rawng rawng re ai ya ngai gaw htaw mahtum mahta mung kaw na nu ni wa ni nang kaw e wa na matu matsun dat na yu wa ai rai nngai" ngu jang "E dai rai yang gaw rai sa" ngu yang e num dai gaw mana maka tsawm ai num re nga yang gaw jahkrai sha gaw grai tsawra sai da. Num dai hte nga na tsawra sai re majaw gaw kadwi yi hkyen sa de mung nsa nang sai num mahkawn dai hte chyu chyu rau sha ning nga ai. Dai shaloi gaw num mahkawn gaw jahkrai kasha hpe gaw "Jahkrai kasha e ngai hte chyu nga yang gaw anhte gaw hpa lu hpa sha na rai i htaw na kadwi jam jau ai yi hkyen sa nang su" ngu tsun sai da. Dai shaloi gaw jahkrai kasha gaw "E ngai dwi hpang de yi hkyen sa yang gaw nang hprawng wa na hpe ngai grai hkrit ai" ngu ai da. Dai shaloi gaw dai mahkawn dai gaw kaning di i nga jang she hkang kawp langai mi kaw she shi a myi man raw sumla soi nna "Maw ndai lang sa nna htaw nang yi hkyen na makau kaw noi tawn u. Nang yi hkyen shagu praw praw di yang e ndai nlut wa dingsa ndai nmat wa dingsa ngai hpa nhprawng na re, ndai mat jang chyawm gaw lagat wa rit ngai hpe masha ni hprawn la ai rai na re" ngu tsun ai da. Rai na yi hkyen hkyen hkyen rai yang gaw shawng daw de gaw dai noi tawn da ai sumla nmat ai majaw shi gaw shani shagu yi hkyen jan du jang she wa wa rai. Lani mi hta gaw htaw jan pa rai ndu yang she praw di yu yang she dai shi a madu jan e soi ya dat ai hkang kawp na sumla wa me tawm. Rai jang "Ah ga ya sumla mat wa sai shaloi gaw wa rit she nga ai gaw" ngu lagat wa yu yang gaw kasha kanu wa nnga mat sa. Gumra hkang hkang hkrai rai mat wa rai yang gaw gara hku byin ai i ngu yang she dai kasha kanu dai gaw htaw kanu mungdan kaw na jahkrat ya ai num mahkawn re majaw grai tsawm ai, yawng e ra ai mu mamu e ra ai re majaw gaw wo maigan mungdan kaw na hkaw hkam kaba langai mi gaw mungdan kawan hkawm ai aten hta dai mahkawn hpe mu hkrup ai majaw gaw kalang ta shanhte a gumra hta rim htaw woi la mat sai da. Rim htaw woi la mat rai jang gaw e shi gaw gara maga de s ahkan tam na nchye sai. Nchye re majaw she mau di nga yang gaw moi shawng de e shi u hkam hkam sha hkai rai yang e shi a u jahpu ni di sha ya ai ji nu hte u hka gaw jahkrai sha wa hkrap chyu hkrap nga ai hpe mu mada ai da. Mu mada jang "E jahkrai sha hparai hkrap nga nta" ngu yang she "E nye madu jan grai tsawm ai num langai lu ai wa daini gaw masha ni hprawn la ya sai gara maga hprawn la ai ngai nchye ai le gumra hkang hkrai mu sai" ngu ai da. "E hpa hkum tsang u anhte hkan sagawn ya na" nga di u hka hte ji nu gaw jahkrai sha hpe "Nang moi nang hkam tawn da ai u jahpu ni anhte hpe jaw sha di sha sai majaw nang hpe chyeju dum ai chyeju bai htang na" nga di tsun nna u hka gaw "Mai sa" nga na she shara shagu de pyen hkawm jang e mung ga shara shagu hproi jang she htaw hkaw hkam wa gaw jahkrai sha a gainu hprawn la nna lu wa ai gainu dai hpe she "Manau dum na hkungran poi galaw na" nga di wan wut di poi galaw nga ai hpe u hka mu da sai da. U hka dai e mu da ai majaw gaw bai wa na "E ngai mu da sai sa saga" nga na u hka ni ji nu ni jahkrai sha ni gaw rau rau sha sa wa ai. U hka gaw wo ran rai pyen mat wa "Aak aak" nga dai u hka yawng ai kaw yawng nang yawng nang rai yang gaw dai kaw du sa. Du yang gaw num dai gaw "Ngai gaw nu ni wa ni jaw ai gaw jahkrai kasha kaw she rai ya nang e hprawn la na na a jan tai na ngai gaw nmai ai nbyin ai" nga ai myit hte ga hkaw mi mung nshaga di ning majoi mi mau chyu mau nga. "Shaga u law" ngu tim shaga nhkraw "Sha ga law" ngu tim sha lu mung nhkraw di majoi mi mau nga re ten e jahkrai sha hprawt. Rai yang she shanhte poi galaw na ngu di manau naura ni galaw tawn ai de jahkrai sha du yang she ka ai ni gaw ka let la rai kri di nga ai pa "Jahkrai sha du ai du ai" nga jang e num dai wa le yu jang she kwi mani di haw haw di grai a ai da. Dai shaloi gaw "Aga nang gaw anhte ni shaga ga ngu tim nshaga hpa ma gahkaw mi mung ntsun ya jahkrai ma du yang gaw nang gaw ding rai a mani she kri nga ai gaw hpa majaw dai zawn re i" ngu di san yu yang e jahkrai sha gaw "Ndai gaw nye num re e ngai hpe gaw shi tsun ai htaw lamu mungdan kaw na mahtum mahta du ni kaw na an dwi grai matsan ai majaw gaw an dwi hpe bau na matu jahkrat ya ai ngai a gainu re" ngu tsun yang "Re i" nga yang "Re" nga. "Deng gaw na a gainu rai jang gaw nang hpe anhte ni san jep ai lam ni nga na. Ndai san jep ai lam ni hta nang awng dang jang gaw nang na gainu lu la na re" ngu nna hkaw hkam wa a ndai muu-mat ngu ga le ndai hkaw hkam wa a hpaji chye ai salang ni e dai hku ngu ya ai da. Dai hku ngu ya jang gaw shi mung "Mai sa" ngu rai jang shat ban mali hkaw hkam wa sha ai mi, hkaw hkawm shawng na hkaw hkam num e sha ai mi, hkaw hkam wa sha ai mi hkaw hkam wa a shadang sha sha ai mi shat ban mali tawn da ai da. Shat ban mali tawn da na she "Gai na a gainu jan sha ai shat ban ndai re ngu ai nang chye jang gaw na a gainu lu la na" ngu ai da. E dai yu yu yang yawng shat ban gaw maren sha san ai majaw gaw jahkrai kasha gaw nchye ai le. Nchye rai jang she tsam mari yu yu di nga yang she ji nu wa bri bri rai pa rai dan ai da. "Ndai re" ngu jang e bai rai taw shing rai awng sa. Dai kaw na kalang mi bai gara hku di ai i nga yang she num sha dai e moi na shi na num sha hte maren ren ren ren san tsawm ai num mahkawn mali shi hte rau rai yang mali hpe she shakum hku grai chying ai kaw na hku kaw she ning di hkret taw na shawn di tawn ai da. "Gai na gainu jan a layung ndai re ngu gra di lu jang gaw nang hpe gaw na gainu ya na" ngu da. Raitim layung wa maren ren ren rai tsawm ai hkrai rai jang she shi nchye ai da. Nchye jang she mi she hpe chyeju bai htang na ngu di tsun ai ji nu wa pa rai dan ai da. Rai yang "Ndai re" ngu na gra di yang kaja wa gainu jan rai re majaw gaw ndai shara lahkawng hta e san jep rai yang awng ai re majaw gaw shi gaw shi a gainu hpe ma bai la lu. Rai na hkaw hkam wa "E mung e nang hpe ngai matsan dum ai ngai dinghku sharawt ya na" ngu na gumra mali hte ja gumhpraw sutgan hte e reng ai baw arung arai ni mali htaw wa shangun yang dai num lamu na hkrat ai num kasha hte jahkrai sha gaw dai shani kaw na grai lu su di nga mu nga mai na nga wa ai nga ai maumwi re. Ndai maumwi gaw tinang hpe akyu jaw yu sai ni hpe gaw akyu bai htang ai akyu chye dum ai maumwi re. Maumwi ndai gaw ndai kaw htum sai re law. Grai chyeju kaba sai.
Origination date 2017-02-02
Origination date free form
Archive link https://catalog.paradisec.org.au/repository/KK1/0398
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
L. Tu Awng : speaker
DOI 10.4225/72/598894ee9e97d
Cite as Keita Kurabe (collector), Keita Kurabe (depositor), L. Tu Awng (speaker), 2017. Jahkai kasha hte la law kasha ni hka de nga tingraw ja sha ai lam (The bullies and the river). EAF+XML/MPEG/VND.WAV. KK1-0398 at catalog.paradisec.org.au. https://dx.doi.org/10.4225/72/598894ee9e97d
Content Files (3)
Filename Type File size Duration File access
KK1-0398-A.eaf application/eaf+xml 45.4 KB
KK1-0398-A.mp3 audio/mpeg 12.7 MB 00:13:53.437
KK1-0398-A.wav audio/vnd.wav 458 MB 00:13:53.407
3 files -- 471 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found