Item details
Item ID
KK2-0156
Title Jinghpaw ga shagawp (Jinghpaw poems)
Description Transcription (La Ring)
E Jinghpaw ga shagawp nambat langai, e nambat ni gaw ka nra law i. "Dinghta aga rai nlat sumsing ngu ai rai nprat, shawng pra ai gaw hpan ning sang salat ai gaw chye ning chyang, mungkan ga hpe e hpan shalat shinggyim masha hpe shaprat, dusat dumyeng hkum sumhpa lu na sha na hpan da ya, hkum tsup kup hkra hpajang da pyaw ngawn la ai dinghta ga, moi chyaloi nhkoi prat wa ladaw ginhtawng du hkra kaba, jiwoi jiwa prat maga, jiwoi jiwa prat maga jinat hkring htawng hkrat prat dingsa, myu htum maga pawng yawng sha Karai aji jan yu kahpra, sindai masin wan hkut mya nyep myi prwi si dang latsa, tsawra lahku bawn ba la mungga nhtoi de woi wa, goi ya goi ya jaw prat ningnan du shang wa sa". "Chyurum annau yawng wa ning htoi hkrun lam kagat amya prat dep mungkan she chyam bra, mungga chyeju yawng hkam la mungkan chyam hkra machya chya, amyu sha dawng hkawn she hkrem da pu gang sin nau pa pa, hpaji hparat hkum sumhpa sut su nga mai lam ma hkra, chyeju shakawn hkum dumhprut chyung mungga lam hta hkum shut, woi awn du gyi salang htingbu wa kaw hkum hkan nang, mayun kumhpa mung hkum sha asawng kumhpa mung hkum la, Jinghpaw Wunpawng htum mat hkra makoi magap roi rip nga, hku hkau kanawn nan nmai Lusifa wa nan shi nan rai, hkinjawng myihtoi anhte rai up hkang du mung anhte tai, hku kata na jahkan hpa an nau ni a gam maka, mung masa lam gaw tat chyu tat hpyen yen tsinyam gaw jat she jat, hpyen majan gaw nzim salum kata gaw kaju galim, sut masa hpaji nchye pyaw hpa hta gaw gawngkya, ningbaw nkau mi a myit masa nga lagaw hkang na shu dek hpa, ramma ni a myu tsaw mung tsaw yungwi mahkawn hta sha sumraw, yawng gaw chyum jawng chyum jawng nta sut gan gaw mawng she mawng, bai gup ai gaw Facebook janmau buga du yang gaw mau chyu mau, chye lu ai gaw Isreala labau da tatut hta gaw Wunpawng labau hta, Wunpawng gaw law she law myu tsaw jet gaw taw she taw, ningmu gaw grai she mu ta tut hta gaw nbyin lu, amyu hpe gaw grai she tsaw pru ai ga chyawm gaw Myen raw, tsun ai gaw sai jet jasam man e gaw nyet, shanut mat sai gam maka galoi mi she bran lu na, myit yu mang yu shawng lam gam maka lu, masha shada sharin nmai yawng hpe dang di lu ai kadai, shakut magang dumhprut magang sharai magang kahprai magang, myit yang mang galaw yang dang dung ai wa kangu sa ai wa du sa ai wa du, hpaji chye ai wa ningbaw angawk ai wa n-gup baw law, ga shatu sut su hka shatu hku hku, masin machyu manang nlu ladi machyu shan hkying nsha lu, ga tsun galaw bau dum bau waw, lu su ai wa ntsa de nga matsan ai wa hpe yam sha, maroi gaw ni masin gaw nsi kaning ndi, shara kaja lu ai wa dung lahkum ntat hka hkrat ai wa kashun pawt manat, ga tsun sut ga hkum sha shut kalang lum, hka hpyi nchye hka mat nai ju nchye nai hkat, e lagat hpe shinglang gang wan nhtaw bye wan hkyi mang, manang jaw nja sha nma, shara yit de di namdu yi kaw si, hkoi yang lam koi masha kasha rem sinda lahpye, wa nmat jaw sau kahte ma shatu gaya hta gwi shatu man mata, ga tsan ai gaw na nra tsan ai gaw wa, nhtu kaja lawan wa wan kaja lawan sha, dinghku kanu anum nta kanu daw hpum wan kanu hpumjum, num nmahtap ra lau shaloi nkaja kai hti sau, num lata dubawng lu ngau lata shingnawm du, num ra la si lamu ra ga madi, la ga kalang dat lawze lagaw kalang hkat, wawn yawn ai wa hpang gara jawng lang ai wa jan ja, kanu dup nga rai lu shinglang laju tu matsan chyaren gare manyen lungbyen kabye, hpaji byeng ya hpe ningpawt hpara lam hta gaw sharawt, mungkan lahkam dep hkra anhte yawng shakut sa wa, nkaja ai hpe kau da kaja ai hpe hta la, kahtawng mi du maw mi mu, matsan ai nga nna nhkrap lu su ai nga nna nkadap, hpai laya wa hpai da da chyaru nang ai wa ru nya nya, prat nyet hkum byin sa hku nyet gan shala, chyai ai ga kaga hkai ai gaw shaba, yi hkyen shut laning num la shut prat ting, mawdaw lam hkan yang hpunggaw daw masha num shut jang galaw, nga shingdim ai wa hka wat yup gan ai wa hpyet madat, mu marang e wan ga sharaw marang e shan sha, nau tin yang kataw nau sau yang byawng, hpaga la ntin wa hkum si nmyin, tinang shadu tsa tinang nang tinang hkrai myit tinang hkrai bungwang, jum dat shalai nmu ga dat shalai nhpu, dinghta myit manoi numshe shang na oi". "Ngrin ai hpe dum ngang ai kaw lashum, ginru lat ginsa hkrat ginru nring ginsa nchying, matsut matsat shanut shanat magri magra ju shingna, ru di kata ru wam wam hkring dat kata e dam, htaw htawt le htawt kanang mung hprawt du ai kaw mi nga mu ai mi sha aten shalai prat shawoi du ladi du lada shingnyip kawa, kaning ndi nlung jahkri majoi nga majoi bra, ru di labau nsawn shachyaw ru bam ru be law she law, tinang tam tinang wam, arawng mala wan yam shama, gumra nkaja sumri ma du nkaja mung bya, det kasha gumrawng kadaw nawng bawng jawng, tinang dum tinang ka myit yu ai lam hpa nnga, ngalen shara mungkan pinra shinggyim nga sat nga sa mau mahka, tsinyam tsindam hkrum darung hku u mung lu ndum, du si du galai matsan ai ni mayam tai, lu su na hkrai myit yubak hpe kadai nhkrit, myit malai gaw hpang e lu sinwa u mai goi hpang e du, shut ai hpe sharai myit masin hpe galai, gam maka gaw myit nsu myit dum shagu masin hta ju, daini na ramma myit jasat hkang galai na ningbaw shamat, ningbaw kaja myitsu ai wa kanang na lu na, tinggyeng myit ai wa hpe ningbaw lata nhprang sut gan yawng shama, ningbaw nkaja amyu mat na myu sai majoi jahtaw aw myu sai majoi jahtaw hpyi mung waw nra mung daw, hpaji janmau gup ai gaw law shaw law ningbaw kaja lata yang masha taw, up hkang masa nkaja four ya (kani hpraw) law she law wa, ningbaw ramma lu len sha len nga sharin nngut shadu nhkut, dut ai ni nhpaw n-ya Jinghpaw Wunpawng myu sha, myit ru ai gaw kanu kawa ya tai ai gaw kasha, myu htum na maka kaning di sana". E htawng hkrat ai mung nhkrit nlu lu nlu sha na chyu myit, e pat jasan ni gaw pat jasan ni galaw ai mung masan nsa kani sun gaw hkyen ya, hpyen wa e galaw ai ladat Jinghpaw Wunpawng myu shamat, hpyen wa a ga madat mayam hkamau sha ai bai nam, mayam nan gam aw mayam nan yam ning grau ning gam, Jinghpaw Wunpawng myu sha ni a gam maka hpyen wa e roi sha, katsi majan hte gasat anhte myu sha ni hpe shamat, anhte myu sha ni nlaw nla ayai aya myit hkrum lam nnga dumbri dumbra, sut su nhprang ntsa kaw nga maigan wa e htu shaw sha, mi e gaw mu sha gaw nlu, lu su ai ni kaw bungli sa nhtoi la hka la daini tam daini sha, lu ai wa hpe e jat jaw matsan ai wa kaman maw, mayat maya lam mung shayawm ra kasha lahkawng masum lu yang jahkring da, bai bau ngut ai sharin ngut ai nga amyu yawm mat wa na, num lahkawng la nmai shangai ai mung num kasha hkrai, myit yu ra sai. "La shingtai nga nmai laja nambraw kahprai, laika hpaji chye ai mung law ningbaw kaja lata ai mung ntaw, dip da ai kaw na mung lawt nkaja ai hpe mung adawt, mung up du ni mung anhte tai rung shagu mung anhte hkrai, myit hkrum mang ra nangshoi nangsha hkum nga, mau hkrai mau nga nmai ai ta tut mung galaw ra sai, myi nmu ai wa lam kaga sa na nna ai wa ga kaga shaga, kawsi yang gari nau hkru yang machyi, shu mahti sai npru nlung mahti nlu, shat sha gaw jat lam nda e gaw kagat, guli gukang si hkrung si htan ntsang, e laika tsang shi ndu kan bau bungli nlu, lu sha gaw ra hpa gaw nnga, hpyi lu hpyi sha gaya kata' e la myit htum si num myit htum mani, dingla u gut gu ram prat bai pra mayu, baw hpraw gumgai kara chyang tsi tsa mahkawn tai, ma prat bai htang daw hkrawng lahkawng lang, moi gaw ram ya gaw bai nam, nta madu kashung dap gawp bakrin, manam kashung nta rin, njaw yang nsha nshaga yang nsa, nmasu yang hpa nshaga nlagu yang hpa nsha, num wa mahka ngyi ba jan du mahka jan ja, shabrang hten ai gaw gara rawng kani mahkawn hten ai gaw nba gang zupnyi, ma hkrat ai hpang lakang htan hpyen wai ai hpang n-gang dan, hpyen tai ai manang kading ri ga ai ninghpang, manang ngu yang ndang num shalaw hku taw, ngawn yang tat hkrit yang sat, sarawun wa a kasha baw hpye ndup wa ai nhtu ye, hkinjawng hkang gwi galai wa hkang gwi shabrai, ma shangun salang nang gwi gyit ginrawng tang, sawn ai kaw pru myit ai kaw du, du magam majoi nkabun mu nu ningsang majoi nkangun, Myitkyina myo kaba mali hpung chyin ahpawt nga myu baw sang nga shara, dam la ai layang pa, myu hkum sumhpa lagut lagu mung law wa, hkagin gayang zawn sa sa wa wa sa sa, tam lu tam sha nrau nhtau nang grau ngai grau kabring kabrawng shada shingjawng ting gyeng myit si na mung nhkrit, madu jan hpe mung rap kaga num kaw kap, madu wa hpe jahka kaga la hpe ra, nga ndum prat jahtum aprat asak hpe manu nshadan mungkan pyaw lam hkrai hkan mungkan pinra majoi nga kau da.
Origination date 2020-01-09
Origination date free form
Archive link https://catalog.paradisec.org.au/repository/KK2/0156
URL
Collector
Keita Kurabe
Countries To view related information on a country, click its name
Language as given Jinghpaw
Subject language(s) To view related information on a language, click its name
Content language(s) To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Njawng La Doi : speaker
DOI 10.26278/5fa2c7d0520b1
Cite as Keita Kurabe (collector), Keita Kurabe (depositor), Njawng La Doi (speaker), 2020. Jinghpaw ga shagawp (Jinghpaw poems). EAF+XML/MPEG/VND.WAV. KK2-0156 at catalog.paradisec.org.au. https://dx.doi.org/10.26278/5fa2c7d0520b1
Content Files (3)
Filename Type File size Duration File access
KK2-0156-A.eaf application/eaf+xml 48.2 KB
KK2-0156-A.mp3 audio/mpeg 14 MB 00:15:17.690
KK2-0156-A.wav audio/vnd.wav 504 MB 00:15:17.673
3 files -- 518 MB -- --

Show 10 Show 50 Show all 3

Collection Information
Collection ID KK2
Collection title Kachin culture and history told in Jinghpaw
Description Recordings of Kachin culture and history in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, and Labang Tu La as part of community-based collaborative fieldwork in northern Myanmar between 2017 and 2020. A total of 263 stories with 263 ELAN files, 263 transcriptions, and 15 translations are currently available (September 20, 2021). Transcriptions were contributed by Gumtung Lu Awng, Sumdu Ja Seng Roi, Galang Lu Hkawng, Hpauhkum Htu Bu, and Keita Kurabe. Stories were translated by Nbanpa Rita Seng Mai, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

For Kachin oral literature, please refer to:
https://catalog.paradisec.org.au/collections/KK1

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries To view related information on a country, click its name
Languages To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Comments

Must be logged in to comment


No comments found