Previous item Next item
Item details
Item ID
KK2-0131
(Collection Details)
Title Htingnai bu ga na aga a lam (Htingnai dialect)
Description Transcription (La Ring)
E ya ndai anhte Htingnai ga hte ndai Htingnai ginwang kaw na Jinghpaw ga hte ndai kaga shara de na ga hte seng nna ga ngu ai gaw ndai e hka hku de na nsen gaw e hte e anhte hka hku de na Jinghpaw ni shaga ai nsen hte anhte ndai Htingnai de na shaga ai ni loi loi shai ai. Rai na bai Manmaw grau shai ai gaw Manmaw wo ra Sammung e wora maga de na Jinghpaw ni shaga ai nsen hte anhte ndai Htingnai kaw na shaga ai nsen ni loi loi shai ai hku re. Rai na ndai wo ra Manmaw, Sammung wo ra maga de na ni gaw ndai Miwa ga hte loi mi ni ai majaw miwa nsen loi mi law lawm ai. hte Sammung de nga ai majaw shanhte gaw Sam nsen dai ni loi mi lawm ai. Shanhte gaw ndai masha mying shamying tim shanhte gaw tinang a amyu mying pyi nshamying ai hku re. Shanhte gaw e La hpe shamying yang mung Hkun Hpung, Hkun Htun nga ai baw shanhte gaw Sam mying she Sam ni a Zau sinwa mying ni la shamying ai hku re. Anhte ndai Hkahku hte anhte ndai Htingnai masha ni gaw anhte Jinghpaw ginru ginsa moi kaw na e anhte Jinghpaw ni a htunghkying nga ai hte maren Zau sinwa mying nmai mying ai ni Zau sinwa mying nmying ai hku re. Ya anhte zau sinwa mying mying ai ngu ai ni gaw Du lamu ga lu ai Du ni e Magam ni she Zau mying mying ai hku re. Dai majaw ndai Sammung de na Manmaw a lawu maga de Sammung wo ra maga de na ni gaw Miwa hte Sam hte law gayau gaya nga mat ai majaw shanhte gaw ndai masha mying shamying ai mung Sam mying law mying ai hku re. Anhte Jinghpaw gaw ya dai ni ngai gaw du nrai jang Zau nrai jang gaw anang abang Zau sinwa mying nmying ai. Dai majaw ngai gaw Lanang Naw Ja ngu ai re, ngai gaw mali, Mali Naw JI ngu ai re nye mying gaw. Dai majaw anhte Mali la ni gaw anhte Jinghpaw ni gaw Mali ni Wunli ni dai ni gaw Zau sinwa mying nmying ai hku re. Zau sinwa mying mying ai ni gaw Du Magam ni she mying ai. E Lahtaw du ni gaw Zau Tu Zau Seng Zau Dan nga Zau Ding nga dai baw anhte Jinghpaw ni gaw ndai Du ni she Zau mying mying ai. Anhte Du nre ni gaw yu yu (yu maya) mying sha shamying ai hku re. Ya Sammung de na ni gaw dai majaw e masha mying shamying timung e ma shangai tim ma daidaw timung shanhte gaw Sam mying Hkun Htun nga baw Hkun Hpung nga re ni sam mying hte she dai daw ai hku re. Shamying ai hku re. Dai majaw anhte ndai Sammung hte anhte Hkahku Htingnai nbung ai hku re. Hkahku hte anhte Htingnai ni gaw loi bung ai. Anhte ni gaw Du mMgam nre ni gaw Zau sinwa mying nmying ai. Sammung wo ra de na ni gaw Du gaw gara mi re, Magam gaw gara mi re nchyoi yawng Zau hkrai hkrai sinwa hkrai hkrai anang abang hkrai hkrai mying shamying ai hku re. Anhte ni gaw dai hku nshamying ai. Mying ngu ni gaw nchyan nnan byin wa chye ai. Anhte yu yu (yu maya) masha ni gaw Du nre ni dai Zau sinwa mying sa mying yang gaw nchyan nnan machyi makaw liwaw hpundaw byin wa ai. Machyi kaba hkrum wa ai re ai majaw anhte Jinghpaw ni gaw Du nrai yang gaw anang abang, num ni gaw anang abang mying nshamying ai. La ni gaw Zau sinwa mying nmying ai. Dai re majaw anhte ni gaw Du Magam ni sha anhte Hkahku ni hte anhte Htingnai ni gaw Du Magam ni sha Zau sinwa mying mying ai. Num ni mung anang abang mying shamying ai. Anhte yu yu masha ni gaw yu yu mying sha shamying ai hku re. E nbung ai hku re dai re majaw gaw Manmaw hte Sammung hte anhte ndai de na ni nbung ai. Ya chyawm me gaw ndai Myitkyina shara magup hkan e ndai Danai grau nna nbung ai Danai wo ra maga de na ni moi gaw Poilaw ga ngu ai re moi na prat gaw ndai English prat hta gaw wo ra de mayam shaw tawn ai shara re majaw gaw Poilaw ga ngu ai. Ya dai ni chyawm me gaw e ya gaw yawng masha gayau mat sai re majaw gaw ga mung gayau mat sai. Ga mung Danai de na ni a ga hte anhte nang hkan na ni ga yawng gayau gaya rai mat ai hku re. Ya gaw shanglawt prat hta e yawng shara magup masha gayau, nga gayau mat ai majaw ya gaw ga mung gayau mat sai. Moi gaw ga nhkrum ai ga nbung ai e wo ra Danai de na ni a ga hte Hkahku ni a ga nbung ai. Danai de na ni gaw ndai Gala mung jarit hte ni ai majaw Gala nsen lawm ai. E wo ra de na ni gaw India hte ni ai majaw ndai Danai wo ra maga de Hugawng Taung Kyar lan ngu ai Myen asuya ni gaw Myen ni gaw moi kaw na Hugawng Taung Kyar lan ngu ai. Dai de gaw India hte ni ai numbat lahkawng majan second world war hta e ndai Myen mung e ndai Japan majan byin wa ai aten hta ndai num bat lahkawng majan hta ndai India hku na ndai Ledo lam ndai lam kaba mawdaw lam ndai Amerian ni hpaw hpang wa nna hpaw shang wa nna ndai hku Gala ni hte Gala ga kaw na matut mahkai nna ndai hku na e majan shangut majan gasat dang ai re majaw gaw wo ra de gaw India hte Gala hte ni ai majaw ndai Danai wo ra maga de na ni gaw moi gaw e ndai Poilaw ga ngu ai India Gala ga nsen lawm ai. Gala nsen lawm ai ndai Manmaw maga de gaw Miwa hte ni ai majaw e Sammung Miwa ndai de na ni gaw Sammung Manmaw wo ra de na ni gaw Miwa nsen la lawm ai. Shanhte gaw Miwa hte ni a Sam hte ni ai Sam hte gayau ai Miwa hte gayau ai. Dai majaw wo ra de na Jinghpaw ni gaw e Miwa nsen hte Sam nsen law malawng lawm ai hku re. Anhte Hkahku hte ndai anhte Htingnai ni gaw anhte Jinghpaw ga yu yu ndai ya anhte ni shaga ndai gaw anhte Jinghpaw ga madung rai sai ga re. E ndai gaw e laika ga mung nre ndai gaw e anhte ndai mi kaw nna ga hkrat wa ai ga re. Ndai gaw Jinghpaw ga nan rai sai e laika ga laika ga mung nre. Laika ga gaw law malawng shaga gaw wo ra Sammung de na ni shaga ai gaw laika ga law ai e Myen hku nga yang gaw tsa, tsa sagar law ai hku re. E ya anhte ndai de na ni gaw tsa sagar nau nlaw ai laika ga nau nlaw ai hku re anhte ndai Htingnai hte Hkahku ni shaga ai gaw loi bung ai. Hkahku ni gaw nsen nbung ai shanhte ni gaw shanhte Hkahku ni a nsen gaw akya sha nga nna shaga ai. Shanhte na nsen gaw myu mi re. E raitim ndai lachyum chyawm me gaw bung ai langai mi sha re. Shatmai ntsin ngu hpe shatmai ntsin ngu hpe shanhte gaw jahku nga Hkahku ni gaw dai hku nga ai re. Dai re majaw anhte shaga ai nsen ni mung nbung ai. Miwa hte ni yang Miwa nsen lawm wa ai. Gala hte ni jang gala nsen lawm wa ai Sam hte ni yang sam hte Sam nsen lawm wa re ai hku re. Dai majaw Miwa ga de nga ai anhte Jinghpaw ni gaw Miwa nsen hkrai she law pru taw ai. E mahkawn hkawn tim Miwa nsen hte hkrai she law mahkawn taw ai hku re. Dai majaw anhte ga shaga ai mung anhte Jinghpaw hkrai raitim mung e ginra hte ginra shaga ai nbung ai. Anhte Monyin ndai kaw pyi naw gaw ndai Htingnai ginwang kaw pyi naw gaw ndai Gahkyeng hkran, Kagwi hka a wo jan pru maga hte e Mali hka hte Kagwi hka lapran kaw na Gahkrenh hkran wo ra de na ni na shaga ai gaw Gara ga ngu ai re. Shanhte na ga gaw nsen amyu mi hku shaga ai hku re. E anhte Jinghpaw ga hkrai raitim chye gaw chye na ai raitim nsen nyem tsaw nbung ai hku re. Dai majaw wo ra de na ni gaw Gara ga, Gahkyeng hkran wo ra de gaw Gara ga Gara nsen lawm ai. Anhte ndai Htingnai hte Hkahku ni gaw e anhte Jinghpaw nsen madung nsen ngu baw hku ang ai hku re. Nsen ga shaga nsen pyi nbung ai hku re ginra hte ginra gaw e dai hku re ga shaga nsen hte seng na gaw ndai hte rai sai. Htingnai ni sharaw hpe gara hku tsun ai kun? Sharaw ngu ai gaw sharaw ngu ai gaw ndai yawng ma hkra hpe sharaw rai sai. Sharaw uksu (hpan or hpung) kaw shi gaw Rawng Ba ngu ai Ba Noi ngu ai ndai gaw sharaw kaba rai sai. Ndai gaw shi sharaw nra pyi mana maka manu dan ai. Sharaw nra ndai Ba Noi nra rai yang gaw ya sen tsa lam dan ai. Sen lahkawng masum tsa dan ai sharaw nra. Ndai gaw sharaw kaba rai sai. Dai gaw Ba Noi ngu ai re anhte Jinghpaw ni gaw. Rai nna Rawng Teng ngu ai nga ai. Rawng Chyang ngu ai nga ai. Sharaw kaw uksu amyu masum mali nga ai. Nambat langai gaw sharaw kaba gaw Ba Noi, dai kaw na Rawng Teng, Rawng Chyang, Nba sharaw. Nba sharaw ngu gaw kaji ai. Dai gaw Hkan hta tar tar gwi ram gwi ram pyi ai nre ai dai gaw Nba sharaw ngu ai. Sharaw uksu kaw lawm ai hku re. E sharaw kaja ngu na gaw Ba Noi ngu ai anhte Jinghpaw ni gaw Rum Hkyeng Ba Noi ngu ai rai sai e ndai gaw sharaw kaja sharaw kaba rai sai. E ndai gaw shi a nra pyi mana maka manu dan ai. Dai gyau shadu sha yang e mana maka n-gun ja ai. Nra grai ja ai lasaw ndai lasa lasa ni grai n-gun ja ai hku re. Sharaw nra hkrai raitim nbung ai ndai Rawng Teng ni Rawng Chyang ni e ndai baw nra ni gaw nkaja ai n-gun tsi ntai ai. Ndai Ba Noi sha re sharaw Num Hkyeng Ba Noi ngu ai ndai sha re sharaw nra kaja ai gaw n-gun tsi kaba gaw dai sha re manu dan ai. Dai majaw sharaw gaw amyu masum mali nga ai hku re sharaw uksu kaw. Sharaw nga yang gaw yawng rai sai hkyawm mat sai. Raitim sharaw kaja ngu na gaw ndai Ba Noi kaba ndai rai sai. Dai Rawng Teng ni gaw sharaw gaw sharaw re raitim shanhte gaw ndai Ba Noi ram Rum Hkyeng Ba Noi ram manu ndan ai. Ngam ai sharaw ni gaw sharaw hkrai raitim mung re manu ndan ai hku re. Manu dan ai gaw ndai Rum Hkyeng Ba Noi ngu ai sharaw kaba e ndai sha re manu dan ai. Hkahku ni gaw sharaw hpe sharawng i? Sharawng i? Sharaw sha re law. Hpraw ai hpe hprawng ai hpraw ai, hkyeng ai. Baw hpe nbawng, baw, bawng Hkahku ga rai yang Hkahku ga ni Hkahku ni gaw i baw, bawng. Htingnai ni gaw baw e baw sha baw re. Myitkyina ga hte bung ai. E ndai Hkahku hte ndai Htingnai gaw ga shaga yang nsen sha nbung ai. E lachyum gaw bung ai re. Ya wo ra Sammung de na ni gaw Sam ga law ai. Sam nsen hte Miwa nsen law ai wo ra maga de na ni gaw. Zi e Jinghpaw hkrai raitim shanhte gaw ndai Zi loi law ai hku re. E Zi Maru Lashi loi law ai. E dai majaw shanhte gaw ga nsen hkum mat ai gayau mat ai nbung ai. Anhte ndai de na ni gaw Zi ga ma nchye Maru ga ma nchye Lashi ga ma nchye Jinghpaw ga dai sha chyoi ai.
Origination date 2019-12-27
Origination date free form
Archive link https://catalog.paradisec.org.au/repository/KK2/0131
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Lanang Naw Ja : speaker
DOI 10.26278/5fa2c7675baa8
Cite as Keita Kurabe (collector), Keita Kurabe (depositor), Lanang Naw Ja (speaker), 2019. Htingnai bu ga na aga a lam (Htingnai dialect). EAF+XML/MPEG/VND.WAV. KK2-0131 at catalog.paradisec.org.au. https://dx.doi.org/10.26278/5fa2c7675baa8
Content Files (3)
Filename Type File size Duration File access
KK2-0131-A.eaf application/eaf+xml 45.6 KB
KK2-0131-A.mp3 audio/mpeg 12.1 MB 00:13:14.809
KK2-0131-A.wav audio/vnd.wav 437 MB 00:13:14.791
3 files -- 449 MB -- --

Show 10 Show 50 Show all 3

Collection Information
Collection ID KK2
Collection title Kachin culture and history told in Jinghpaw
Description Recordings of Kachin culture and history in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, and Labang Tu La as part of community-based collaborative fieldwork in northern Myanmar between 2017 and 2020. A total of 263 stories with 263 ELAN files, 263 transcriptions, and 15 translations are currently available (September 20, 2021). Transcriptions were contributed by Gumtung Lu Awng, Sumdu Ja Seng Roi, Galang Lu Hkawng, Hpauhkum Htu Bu, and Keita Kurabe. Stories were translated by Nbanpa Rita Seng Mai, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

For Kachin oral literature, please refer to:
https://catalog.paradisec.org.au/collections/KK1

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Comments

Must be logged in to comment

No comments found