| Description |
Translation (Rita Seng Mai)
This is about how the rainbow came to be. Once upon a time, there were two youths in a village. They lived on opposite sides of a river. Since childhood, they had herded cows and buffalo. As they grew up, they fell in love. However, when their parents discovered their love, they did not approve. The reason their parents didn't approve was that they were close relatives. Their parents didn't allow them to see each other again. As the water level rose too high, the girl couldn't cross the river to see her beloved, so she whistled as a signal. But she didn't receive any signal back from her beloved. She assumed that he might have found a new lover. Heartbroken, she became upset and fell ill. After two weeks, she began to recover. Then she went to the river again to reach out to her love. She sat near the river and whistled again. She still didn't receive any reply, so she thought, "He definitely has a new lover." She was heartbroken and fell ill for four to five months. On the other hand, the boy argued with his parents because it had been a long time since he had contacted his beloved. He said, "Mom, I love only her. If it isn't her, I will not marry any other girl." His mother replied, "If you refuse to marry anyone, then leave my house!" So he left his parents' home. After a few weeks, he returned to persuade his parents to allow their love. By then, his mother seemed willing to agree, but his father still disagreed. He argued with them once more and then left the house. He said, "I won't come back to this house if I can't marry her!" His father was angry at him. When he came back home one more time, his father was waiting for him while holding a knife. The father said, "If you still love her and go against us, I will kill you!" He said, "Father, you don't need to kill me. I will leave this house forever. You will never see me again. I will live with the girl I love." When he went to the river, it was already dark. So he slept near the river. At night, it was raining, and the water level had risen. He got up and decided to swim across. However, he drowned in the strong current. On the other hand, the girl recovered after being ill for a month. She went near the river again. She was sitting there alone. At that time, she saw a rainbow. She said to herself, "If that rainbow were a bridge, I could cross to the other side of the river." There were fishermen catching fish in the upper part of the river. The rainbow looked like a bridge in her eyes. She said, "Oh, it's really a bridge." Then she walked onto it, but she fell into the river. She was drowning and struggling in the water. The fishermen saw her and rescued her. They asked her, "Why did you try to commit suicide?" She said, "I really wanted to see my lover, so I sat here because I missed him. At that time, I saw something that looked like a bridge, so I walked onto it." They said, "Don't you know that your boyfriend passed away a month ago? He argued with his parents and left the house. He died while trying to swim across the river when the water level had risen." She was heartbroken after hearing the news about her lover. She didn't return home after that. She stayed there all the time. Later, she died as well. The parts of the rainbow from each side of the river meet in the middle and become one.
Transcription (Lu Awng)
N-goi la tum byin ai lam tsun na re. Moi shawng de kahtawng lahkawng nga ai, hka ora hkran hte ndai hkran rai dai hku nga ai kaw da, dai yan hkawng gaw kaji kaw na nga ni yam rai na shan hkawng gaw dai hku grai ra hkat na she, kaba ten hta kanu yan kawa ni shan lahkawng dai hku rai hpe chye mat na she, kanu yan kawa ni myit nhkrum mat ai. Dai hku rai shaloi she, dai shan lahkawng hpe hpa na myit nhkrum ai i nga yang sha lahkawng gaw katsa hte kahkri dai hku grai amyu grai chyaw ai dai majaw myit nhkrum ai da. Dai hku rai shaloi she, dai la ni yan hpe gaw njahkrum sha ngun mat sai da, hka grai kaba mat rai yang she dai num wa gaw grai hkrum mayu rai na she shi lahpyaw hpyaw ai da. Lahpyaw hpyaw ai shaloi, lahpyaw hpyaw tim oh ra hkran na dai la wa gaw hpa, kara hku ma nsen ni ma nmadun ai da. Dai hku rai shaloi she shi gaw i hpa mi nga nga kaga num ra mat sam sai ngu dai hku ngu myit na grai yawn na machyi mat ai da. Machyi mat na she dai hku rai na machyi mat shaloi bat lahkawng ram ngu na shaloi mai wa shaloi kalang bai sa ai da. Shi nga nga ram hka makau kaw sa dung rai shaloi she, kalang bai lahpyaw hpyaw dai shaloi ma nna ai da. Hpa nsen ma nna rai she, hpa mi nga nga shi teng sai ngu na dai hku wa shaloi grai machyi mat ai da. Grai machyi mat na shata lam hku dai hku shata mali manga dai hku mchyi na myi ni yawng hkyawt mat dai hku machyi mat shaloi she, dai a la wa gaw e ngai grai na sai i dai majaw ngai kanu yan kawa hpe shagyeng wa ai da. Anu e ngai dai shi hpe sha ra ai shi she nrai yang kaga num ma nla ai ngu dai hku ngu tsun ai da, nla ya yang ndai nta kaw na pru wa na ngu na dai hku shagyeng na she pru mat wa ai da. Pru mat wa shaloi kalang bai wa ai da, kalang bai wa na kanu yan kawa hpe wa asawng yang kanu gaw loi myit hkrum ai ngan nga wa ai da. Dai shaloi she, dai hku bai kawa myit nhkrum shi ai kalang bai shagyeng ai na bai pru mat wa sai da. Shi hte sha nlu nga yang ngai nta nwa sai ngu dai hku ngu shagyeng ai shaloi bai shang wa shaloi kawa hpe bai kawa nra sai da. Dai shaloi gaw hpang kalang bai pru mat wa shaloi she, kawa nhtu lang na she nang ya lang dai num hte sha ra na nga yang gaw sat kau na ngu dai hku ngu tsun yang she, e awa nang ngai hpe nsat ra ai ya ngai dai ni pru mat wa ai kaw na gaw wa nang ngai hpe galoi ma mu sana nre dai majaw ngai gaw ngai ra ai shi kaw sha sa mat wa sana ngu na dai hku ngu sa mat wa ai da. Sa mat wa shaloi she, dai la wa gaw dai hka nawng kaw sa dung nga shaloi she shi sa nga nga shaloi shana jan du mat na dai makau kaw yup mat ai da. Makau kaw yup mat rai shana marang grai htu ai da, marang grai htu shaloi she shi wa she hka nawng dai kaw lai na matu shi hpa mi nga nga i hpun yawt na lai na re ngu na she lai shaloi she, shana marang grai htu da re nga hka wa kaja grai kaba wa ai da. Grai kaba mat wa shaloi she hka dai kaw shi hka grai kaba wa rai nga yawng si mat ai da. Dai la wa yawng si mat shaloi she, dai hku rai shaloi she dai lani mi na ten hta gaw dai num wa bai shata mi dai hku machyi na tsam ri tsam ra bai mai wa shaloi dai ni kalang naw sa yu na re ngu sa ai da. Sa rai shaloi she, dai num wa gaw sa dung sai da, hka makau kaw sa dung nga na she n_goi la tum chyan mi pru taw ai hpe mu ai da. E i lama na n_goi la tum ora wa mahkrai rai yang gaw ngai ora hkran de lu sa na re wa ngu dai hku ngu tsun ai da. Dai hku ngu dung nga shaloi she, hka ora lahta ngu na maga de masha ni nga hkwi sha ai ni ma nga ai da. Shaloi shi dai hku ngu tsun shaloi she, shi dai hku grai yawn na dai hku yu nga yang she dai n_goi la tum wa mahkrai zawn zawn rai taw ai da. Shi na myi kaw yu dat yang mahkrai zawn zawn rai na she, e kaja wa mahkrai rai nga ai lai na re ngu na she dai num wa lai mat wa shaloi she shi hka de shang mat wa ai da. Hka de shang mat wa na she, dai hku hka ma ma na malap mat ai shaloi she dai sa hkwi ai ni mu na she shi hpe bai hkye da ai da. Dai shaloi she, e nang hpa baw rai na dai hku hka kaw lup si na hku hkyen ai rai ngu dai hku ngu tsun ai shaloi she, e ngai i ngai shi hpe kaja nan ngai shi hte mu mayu ai dai majaw ngai ndai kaw sa dung nga shaloi mahkrai zawn zawn rai mu dat na ngai rat sa wa ai re. Dai hku ngu tsun rai shaloi she, dai nga hkwi sha ai shi hpe sai da ai la ni gaw e nang nchye shi ai i dai la wa gaw kanu yan kawa hpe shagyeng na pru mat wa ai shana hka grai kaba ai kaw shi rap mat na si mat sai shata mi pyi rai sai ngu dai hku ngu tsun ai da. Dai shaloi she dai num wa dai shiga na na she nta ma nwa mat ai da. Grai yawn na she dai hka makau kaw sha i dai hku dung na dai kaw shan kaw hkrum ai shara kaw dung na si mat ai da. Dai shaloi, hpang e ndai hkran hte ora hkran de na n_goi la tum hkrum rai na dai hku byin wa ai re da. |
