| Description |
Translation (Rita Seng Mai)
Once upon a time, there was a farmer. He found a crab on the dry land while tending his paddies. He felt pity for it, so he picked it up and placed it somewhere with water. The crab thanked him and said, "Thank you. I will help you when you are in trouble." He said, "Okay," and left the crab in the water. There was a big tree near his farm. A couple of eagles lived in that tree. The female eagle said to her husband, "I want to eat that farmer's heart. I am craving it." The male eagle said, "It is not easy to catch a living man." However, the female insisted, "I want to eat him." He didn't want her to get angry, so he said, "Okay. I will catch him." When he stooped down to catch the man, a group of crabs pinched his neck and killed him. The female eagle thought, "Now that my husband is dead. Whom should I ask to catch the man for me?" Then she looked around and saw a snake coiled beneath the tree. She said to the snake, "Snake, let's be friends. I want to ask you to bring that farmer to me. I really want to eat his heart." The snake said, "Okay. I will bite him, and you can come eat him." He slithered along the water and bit the farmer's leg. After the snake bit him, the man fell to the ground. Then the crab gripped the snake's head with its claw. Meanwhile, the female eagle didn't see that the snake was being attacked; she only saw the man falling to the ground and flew toward him. At that moment, the crab gripped her neck with its other claw. It said to them, "Why did you do that to my lifesaver?" The eagle and the snake began blaming each other. Then the crab said, "Don't argue! Just remove the snake's venom from my lifesaver's body." The snake said, "I will remove the venom. Loosen your grip a little." But instead, he tried to slither away. Then the crab gripped him tighter and said, "Why are you trying to lie to me?! I will kill you!" The snake begged it, saying, "Don't kill me, please! I will surely remove the venom. If I don't keep my word this time, you can do whatever you want to me." After the snake removed the venom from the man, he regained consciousness. Then the crab said to the snake and the eagle, "If I release both of you, you will hurt him again." Therefore, it killed them with its claws.
Transcription (Lu Awng)
Moi shawng e da hkau na galaw ai la langai mi nga ai da. Dai wa gaw hkau na galaw na hkau na de sa wa yang she hkau na hkai ai ai da hkau na hkai taw yang she jahkan wa hka hkraw hkraw rai kaw nga taw ai mu ai da dai kaw nga taw ai mu yang she, i matsan shayan ngu na she shi gaw pawn la ai pawn la na she jahkan hpe hka nga ai shara de dat dat ai da. Dai shaloi she, e mai ai ngu na dai hku tsun na dat da ai shaloi she, shi gaw hkau na hkai taw rai shaloi she, shi na hkau na makau kaw hpun kaba langai ng ai da. Dai shaloi she masha sha galang shan la nga ai da dai she num wa gaw tsun ai i ora hkran na hkau na hkai taw ai la na masin chyawm grai sha mu na rai, ngai grai sha mayu ai ngu shi madu wa hpe tsun ai da. I dan rai masha hpe wa rim na ngu nloi ai, masha jahkung hpe wa rim na ngu nloi ai ngu tsun na she, ngai sha mayu ai nang nlu galaw ya yang she pawt na hkrit na she e le she mai le galaw ya na ngu na she galaw ya na shi gaw masha hpe wa rim dat ai hte jahkan ni gaw du kaw matep na matep sat kau ai da. Shi madu jan she ya i nye madu wa hpe mung sat kau sai ya ngai sha mayu ai kade wa shangun na i ngu na hpe myit na she, dai makau hkan mada yu ai da mada yu yang she lapu langai hpun pawt kaw magaw yup nga ai hpe mu na she, lapu dai hpe tsun ai da i lapu e anlahkawng junghku hku ga da i ngai i ora kaw hkau na hkai taw ai hkau na madu wa na salum sha mayu ai nang dai wa hpe lu woi la yang an lahkawng an lahkawng jinghku hku ga ngu dai ku ngu tsun yang she,mai ai le ngu na lapu wa gaw i ngai wa achye na nang gaw wa sha u yaw ngu tsun na she mai ai nga na she lapu gaw npu kaw na hka hku na shang wa na she, dai masha na lagaw kaw wa achye dat ai da. Wa achye dat ai hte dai masha gaw malap na galau mat ai da. Hkau na madu gaw malap na galau mat ai shaloi she, dai lapu wa hpe jahkan kalang ta rim na du kaw magra da yang she, ora wa nmu na i masha sha galang ayi wa amu na she sa wa shaloi she dai jahkan wa gaw lahkawng yan hpe dai shi na ta hte magra kau ai da. Magra kau rai yang she, shi gaw shi na ta hte magra kau na tsun ai da nan hte i nye madu hpe dai hku hpa na galaw ai rai ngu dai hku tsun yang she, shi re shi re ngu na lahkawng yan dai hku ndang hkat ai da ndang hkat yang she i nan lahkawng hkum ndang hkat nye madu shi tsun na dai majaw nye madu na balen shaw kau ya u ngu dai hku tsun ai. Lapu hpe tsun ai hku nga rai yang she shaw kau ya na ngu na she lapu dai gaw hprawn mat hkyen na hku nga, dai shaloi she kachyi mi shayawm ya u nang na ta shayawm ai shaloi hprawng na hkyen na shaloi dai jahkan wa gaw kalang bai magra kau na nang nye hpa masu ai ndai kalang sat nan sat na, i hkum sat lo shaw kau ya na ya kalang gaw kaja tsun sai ya kalang nten yang gaw nang sat tim sat u ngu na tsun yang she, mai ai ngu na she dai lapu wa gaw i shi na balen shaw kau ya ai da. Dai madu na lagaw kaw na shaw kau ya yang she, dai madu wa mung dum wa ai hte kalang ta nan i nan lahkawng hpe shalawt kau dat yang i nye madu hpang kalang bai jamjau bai hkrum na ra ai ngu tsun na she shan lahkawng hpe kalang ta nan matep sat kau ai da. |
