Previous item Next item
Item details
Item ID
KK1-2056
(Collection Details)
Title Chyeju chye htang ai magwi (Elephant's return of a favor)
Description Moi kalang mi hta da ndai hkauna galaw sha ai la langai nga ai da. Shi gaw hkauna sha galaw sha rai matsan shayen re na nga ai re da. Lani mi na ten hta she ndai magwi kanu langai gaw shi gaw nam de hkawm ai da. Lusha tam sha hkawm re shaloi shi na lagaw lahpan kaw she ndai ju kaba law ju la mat ai da. Ju la mat re jang she shi gaw grai machyi let sha shi gaw 2, 3 ya dai hku rai dai ju hte sha dai hku grai machyi hkam sha hkawm ai da. Magwi shi gaw hkrap she hkrap re na she shi gaw lagaw machyi na lagaw 3 hte sha hkawm taw ai da. Dai shaloi she shi gaw lagaw nau machyi mat ai majaw ndai masha nga ai de sa wa ai da. Dai hkauna galaw sha ai la wa kaw shi sa wa ai da. Sa wa ai shaloi she dai hkauna galaw sha ai la wa mung mu dat ai da, mu dat re na she e magwi e nang nang dai ram machyi taw ai wa nang hpa baw byin ai ma ngu tsun ai da. Ngai ndai ngai na lagaw kaw ju kaba law ju nga ai law ngu tsun dan ai da. Dai shaloi she dai hkauna galaw ai la dai wa gaw magwi na lahpan kaw na ju dai hpe shi wa a gying gan baw na she shaw la kau ya ai da. Dai kaw na ningma hpe mung shi gaw tsi ni chya ya re na she shamai kau ya ai da. Shamai kau ya re jang she dai magwi gaw grai nga pyaw mat wa ai da. Nga pyaw mat wa re majaw shi gaw dai nta madu dai ni hpe shi grai chyeju dum mat ai da. Grai chyeju dum mat na she shi gaw ngai nang hpe chyeju htang ai hku na ngai prat ting nanhte hpe galaw jaw na ngu tsun ai da. Dai shaloi she kaja nan dai kaw prat tup nan dai kaw shi galaw jaw ai da. Galaw jaw bungli ni grai galaw jaw sai da. Re yang lani mi na aten hta shi gaw grai dinggai mat wa ai majaw si na maw sai da. Si na maw re majaw ngai si mat yang gaw ndai ngai na chyeju madu ni hpe gaw ngai nlu galaw jaw sa na re. Dai majaw ngai nye a kasha hpe ngai wa shaga la na ngu myit ai da. Dan na she shi gaw wa mat ai da, wa na she shi kasha hpe shi wa shaga la ai da. Wa shaga la re na she shi ma e a nu na chyeju madu hpe nang hku na bai n htang na bai galaw jaw u, ya anu gaw si sa na maw sai. Dai majaw ngai dai ni hpe chyeju htang ra ai yaw ngu na htet kau da ai da. Dai shaloi kaja nan shi kasha mung kanu na chyeju madu ni hpe shi gaw grai chyeju dum ai majaw shi ma galaw jaw ai da. Galaw jaw re jang she dai magwi yen nu gaw hkawhkam ni na magwi re na hku nga. Re yang she dai magwi kasha hpe she hkawhkam ni gaw grai tam hkawm ai da. Tam hkawm re jang she dai magwi kasha hpe bau da ai dai nta madu dai ni gaw dai magwi na hkyi hpe she dai shanhte gaw sumpum da sumpum da dai hku di ai da. Re yang she lani mi na ten hta she hka kaba wa ai da, hka kaba wa re shaloi she dai magwi hkyi wa hka kaw yanwg yu mat wa ai da. Yawng yu mat wa re shaloi she ndai shi na hkawhkam na dai kaw na ra na ni hka shin taw ai da. Hka shin taw re shaloi she e hkawhkam wa e ya ndai kaw magwi hkyi langai ndai wa yawng yu wa nga ai. Dai gara de na magwi hkyi re kun ngu na she shanhte gaw hta la na she yu ai da. A tsawm sha re na manam yu dai hku re jang she shanhte na magwi mat ai ngu dai magwi a hkyi re hpe shanhte a tsawm sha chye mat ai da. Chye mat re jang she shanhte gaw tam hkawm mat wa ai da. Kaja nan tam mat wa ai shaloi she ndai hkauna galaw sha ai ndai shan la kaw du mat ai da. Du mat re yang she dai kaw magwi kaw sa du jang she e nang hpe anhte ni grai tam hkawm ai re. Ya na nu gaw nu ma si mat sai. Ndai nu shi na shamai ya ai ndai madu hpe shi gaw chyeju htang ra ai nga majaw shi si hkra ningkaw bungli galaw jaw ai nga na she ya ngai hpe ma ning kaw ndai ni hpe chyeju htang shangun, ningkaw nga da shangun ai re ngu tsun ai da. Dai shaloi she dai hkawhkam wang dai magwi kasha hpe tsun ai da. Magwi kasha gaw ngai n kam wa ai, nye nu ngai hpe chyeju htang na matu ning kaw shanga da ai she re ngu da. Re yang ndai nta madu ni hpe anhte ni ja sut gan ni grai law hkra shanhte ra ai ram jaw kau da na. Dai jang nang myit dik sai nre i, re jang gaw hkan wa sa nu ngu da. Re yang dai magwi kasha mung nkam ai ngai nang ja sut gan kade jaw timmung ngai nye nu hpe ga sadi jaw da ai ngai. Ndai madu ni hpe ngai ngai na prat tup ngai galaw ja na ngu na ngai ga sadi jaw da ai ngu na tsun ai da. Dai majaw hkawhkam wa gaw kaja sha dai magwi hpe aw nang gaw grai chyeju chye dum ai chyeju chye htang ai magwi kasha re nga ai ngu na shi gaw dai hkawhkam wa mung dai madu wa hpe dai magwi jang jaw kau da ai da. Dai hku na shi gaw wa mat wa ai da.
Origination date 2017-04-12
Origination date free form
Archive link https://catalog.paradisec.org.au/repository/KK1/2056
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Dumhpau Htu Bu : speaker
DOI 10.26278/5fa17403d3953
Cite as Keita Kurabe (collector), Keita Kurabe (depositor), Dumhpau Htu Bu (speaker), 2017. Chyeju chye htang ai magwi (Elephant's return of a favor). EAF+XML/MPEG/VND.WAV. KK1-2056 at catalog.paradisec.org.au. https://dx.doi.org/10.26278/5fa17403d3953
Content Files (3)
Filename Type File size Duration File access
KK1-2056-A.eaf application/eaf+xml 22.3 KB
KK1-2056-A.mp3 audio/mpeg 4.84 MB 00:05:16.846
KK1-2056-A.wav audio/vnd.wav 174 MB 00:05:16.815
3 files -- 179 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,369 translations are currently available (March 25, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Comments

Must be logged in to comment

No comments found