| Description |
Translation (Rita Seng Mai)
Once upon a time, there was a group of foxes. They always shared what they hunted with each other. One day, they hunted for food the whole day, but they couldn't catch anything. At night, they planned to sleep beneath a big tree. They hadn't eaten anything the whole day. Then, one of the foxes secretly left his group and went to the village to look for some food. He went there to catch animals like pigs or chickens to eat. The villagers had set a metal trap to catch the fox in case it entered the village. Unluckily, the fox got his tail caught in it. He tried to pull his tail out of the trap, but he couldn't. It was almost morning, but he still couldn't pull his tail out of the trap. He felt both disappointed and afraid. He was worried that the villagers would kill him if they saw him. So he pulled with all his strength. At last, his tail was torn off from the root. He went back to his group without his tail. Now his tail was short. When morning came, his friends saw that he had a very short tail. They laughed at him and said, "Where did you leave your tail? Did you forget it somewhere?" He was embarrassed, but he didn't show it at all. Then he said to his friends, "Listen to me. Listen if what I say is true. Our tails don't look good. Also, we can't run fast because of them. And our tails get stuck when we run through the bushes. We might get hurt too. We couldn't catch anything when we hunted because of our tails." Then the leader of the foxes told him, "Let's see if what you said is true. You will race against a fox that still has a tail. If you win, what you said is true. If you lose, what you said is wrong." But the fox with the short tail lost by a little. The fox with the long tail was faster. Then the other foxes said to him, "When we said you have a short tail, you told us that what you have is the best and that having a long tail is bad. But look what happened! When we checked if what you said was true, we found out that what you said was just a lie. If you hadn't lied to us, we could still share food with you, even if you are slow. But now, since you lied, we cannot share our food with you." He was so embarrassed that he left his group. He searched for his own food and lived alone.
Transcription (Lu Awng)
Moi shawng de e da ndai chyahkyawn u hpung mi nga ai da. Shanhte gaw tam lu tam sha nna jawm lu tam ai shan rai ni hpe e jawm garan sha sha rai na nga ma ai da. Dai she lani mi hta gaw shanhte gaw shani tup shan shachyut ai da shan tam ai da. Retim mung shani tup shan langai mi mung n lu ai da. Shingre na she shana gaw ndai hpun kaba langai mi a pawt kaw e shanhte yawng hkra dai kaw yup na matu shanhte hkyen sai da. Dai kaw e yup sai da, dan re na she dai kaw yup nga yang she ndai shani shanhte hpa mung n lu sha ai re majaw ndai jahkyawn langai mi gaw manang ni hpe ma n tsun kau da ai sha shi hkrai sha lagyim pru mat na oh mare de e shat sha hpa sa tam sha mat ai da. Mare de re na oh ra u, wa zawn re ni dai zawn re ni tam sha na matu shi gaw sa mat wa ai da. Sa mat wa re yang she ndai mare kaw du yang she mare shang wa na kaw e ndai chyahkyawn nam rai ni hpa ni sa yang e dai kaw e lu hkrup u ga ngu hkam tawn ai ndai hpri chyinghtep ngu ai mahkam dai kaw she ndai chyahkyawn ndai gaw sa, shi na n mai sa matep hkrup kau ai da. Shi na n mai sa matep mat re jang she shi gaw e gara hku na n lu raw la sai da. Gara hku na n lu raw la re yang e she ndai chyahkyawn gaw myit htum sai da, jahpawt maga nhtoi gaw htoi wa, ndai n mai n lu raw la re yang gaw madu ni sa mu jang gaw shi hpe sat kau na re ngu na dai myit dum na shi gaw grai n gun dat nna shi dai hku na gang dat ai shaloi gaw shi na n mai gaw nang mai pawt kaw na di mat wa ai da. N mai pawt kaw na di mat wa na shi gaw dai hku na n mai dut dut re na n mai n tu ai sha shi manang ni kaw bai pru wa ai da. Jahpawt n htoi htoi rai yang she shi na manang ni gaw shi hpe mu nna hay oh ra wa nang gaw na n mai gaw gara kaw e sa tawn kau da nta? gara kaw malap kau da ai re ta ngu na grai shi hpe jahpoi a sawng na mani ai da. Shaloi she shi gaw kaja wa nan mani mung n mani shi gaw hkrak nga yang grai gaya ai retim mung gaya myiman mung n sum ai sha shi na manang ni hpe tsun ai da. E ngai tsun ai ga naw madat yu mu, teng n teng naw madat yu mu ngu da. Anhte chyahkyawn ni gaw n mai tu yang e yu yang mung n htuk ai, kagat timmung n chyang ai ngu na tsun ai da. Dai majaw anhte ni kagat hkawm tim sumwum hkan kagat gale hkawm timmung numru hkan ne e a hkang mat chye ai. Dai majaw anhte n mai tu na she anhte shang shachyut yang n dep kau dat dat re gaw ngu na dai hku tsun ai da. Shaloi she shanhte n dai chyahkyawn u hpung kaw na shanhte na a gyi wa hpaawn wa ngu na wa gaw shi hpe tsun ai da. E dai hku nga yang gaw nang tsun ai ga teng n teng chyam yu ga, ya n mai tu ai chyahkyawn langai mi hte nang n tu ai wa kagat chyam yu mu kagat shingjawng yu mu shaloi nang dang jang gaw nang tsun ai ga teng na re, nang n dang yang gaw nang tsun ai ga n teng sai ngu na tsun na she kaja wa gat shingjawng shangun yang e she ndai nmai dut mat ai chyahkyawn gaw loi mi hpanghkrat mat ai da. Nmai tu ai wa grau chyang lu mat ai da, dai shaloi she shanhte chyahkyawn ni gaw tsun ai da, Aw nang gaw nang n mai dut mat ai hpe e anhte mu nna tsun yang e nang gaw anhte hpe e nang byin ai she grau hkrak ai grau kaja ai nga, n mai tu yang e n kaja ai n hkrak ai nga na tsun ai. Retim mung ya gaw nang tsun ai ga teng ai kun? nteng ai kun? bai chyam wa yu yang e nang gaw nang tsun ai ga masu ai she rai nga ai. Lama na nang masu ai, n masu yang gaw anhte nang kagat mi n chyang dam timmung anhte jawm lu ai jawm tam lu ai hpe e nang hpe naw jawm garan jaw na re, retim mung ya gaw nang nteng ai ga tsun ai re majaw gaw anhte lu ai shan ni hpe retim mung nang hpe n garan jaw sa na ngu na dai hku na tsun re jang e she ndai chyahkyawn ndai gaw shi grai gaya mat ai majaw n dai chyahkyawn u hpung kaw e n hkan nang ai sha shi hkrai re na kaga hkrai re na tam sha hkawm mat ai da.
Notes:
Perry Index 17 |
