Previous item Next item
Item details
Item ID
KK1-1558
(Collection Details)
Title Karum chye ai wa (The helpful man)
Description Moi shawng de mare kaba langai mi kaw hpaga yunga galaw sha re grai grai lusu ai zahte wa langai nga ai. Shi hta shadang sha masum lu ai. Dai shadang masum asak aprat ram wa ai aten hta kawa gaw kasha ni hpe shi zawn zawn hpaga chye ga na gumhpraw chye tam na ra ai re majaw marai langai mi hpe gumhpraw latsa latsa shaw jaw na hpaga ga mung arai tim mung amyat tam u ngu na shangu dat ai. Dai hte mare kahpu ba yan gaw oh myo gat sa na dai latsa hte lu mari ai gun rai ni mari dut re na amyat mung la wa re na rai ma ai. Rai tim mung kanau hpumdim gaw shi sa wa ai lam hte e mang langai taw nga na mang ndai gaw kade mang i ngu yu dat yu yang nta langai mi mada re dai nta hta e chyinhka akawt na shang wa yang e chyinhka hpaw ya re nta madu jan gaw hte hkrum dai nta madu jan gaw dai nta madu jan hpe mang ndai hparai nan kaw sa tawn da ai ta ngu san yu yang mang ndai makoi na jarit ja gumhpraw n lu ai majaw makoi mayu ai ni makoi u ga ngu na sa tawn da ai ngu rai na she hkrap let hkap tsun dan ai da. Shaloi jan gaw ma dai kanau hpumdin wa la kasha dai gaw grai matsan dum sai da dai majaw hpa hkum tsang hpa hkum tsang mang ndai ngai atsawm sha makoi kau ya na dai na htungbu htingbyen ni hpe shaga u ndai gumhpraw manga shi hte mang makoi sha na jarit mari u ndai manga shi hte lup atsawm sha gau na ngai makoi kau na ya ngu na she kaja wa dai shani gaw mang dai ye atsawm sha du u ni bang u lup ni gau ya poi galaw daw sha re re na makoi kau ya ai da. Shing re na shi gaw nta de kaman bai pru wa kawa hkap san jan e gumhpraw dai hpadi kau sa ta ngu jang aw kaw mang langai mi n lu makoi mat na ngai mang makoi poi langai sa galaw ya kau na gumhpraw ma hkra sa shama kau sai ngu jang kawa kaja hkap pawt um kaja hkap pawt shing re na shi gaw kawa nau matsin pawt na hpa mung n ngu re hpang ye lang bai grai grai nan nau ni hpe ngai ndai lang bai gumhpraw shaw jaw na hpaga bai ga masu gumhpraw gaw amyat tam masu bai ngu ndai lang gaw gumhpraw lahkawng tsa tsa nan bai shaw jaw mi gaw latsa tsa sha jaw dai hpang gaw dai shaloi gaw lahkawng tsa tsa shaw jaw re na bai shangu kau dat sai da. Dai shaloi gaw kahpu yan gaw kaja kaba kaja aran law sai ngu na amyat law sai ngu na shang gaw myo de bai kanau ye gaw shaga mung n shaga oh ra gaw masha angawt re oh ra gumhpraw n chye tam ai wa re ngu kahpu yan shang hkra sha sa mat wa re na shang gaw hpaga sa ga kaja wa amyat mung grai ba la wa re kabu gara kawa hpe wa jaw. Kanau wa bai rai jang ye gaw shi dai myo de shang hkrat wa oh ra tara rung makau lai hkrat wa yang she grai tsawm ai num kasha langai mi hpe she e hkrut kata kaw bang tawn na e jep taw nga ma ai sa mu num kasha dai gaw hkrap hkrai hkrap na rai bai matsang dum si sai da shi gaw shing re na she bai shang bang wa yu yang e num kasha dai hpe sa lagu gahte san yu jang ngai lagu mung n lagu ai hpe ngai ye gumhpraw latsa lagu ai nga na ndai hkrut ye bang da na nye gumhpraw dai latsa n lu wa wa gaw rawn taw na nga ma ai ngai gaw n lagu nngai ngai shanhte lagu sadu ai nta kaw ngai shang wa yang ngai yu dat yang la langai mi pru mat wa sha ngai mu ai ngu sha tsun dat jang ngai mahtang lagu sadu ma ai ngu na she hkap tsun dan rai jang gaw na matsan dum na she gumhpraw latsa maw maw shi lagu ai rai yang rai n lagu ai rai yang rai ngai wa kau da ya na maw maw dai num kasha hpe shapraw kau dat ya mi ngu na bai sa hkye tawn da re gaw Num kasha dai gaw hkawhkam shayi sha bai bai rai taw nga la re num kasha dai gaw shi hpe e ta lachyawp langai sha chyawp kau da ndai ta chyawp ndai galoi pi n raw lu yaw nang hpe ngai kalang mi bai hkrum jang ta chyawp nde a majaw nang hpe ngai matsing hkyen rai u ga ta chyawp ndai galoi ma hkum raw lu yaw ngu na she ta chyawp sha chyawp kau da ai. Shing re na shang gaw dai kaw bai hka re shi mung dai gumhpraw latsa sha hpai re kawa kaw bai wa amyat mung nlu tam wa re gaw kawa gaw dai lang gaw grai pawt na la kasha dai hpe nang gaw nye kasha ni hta na akyu asung n shang dik ai akyu n raw dik ai kasha re dai majaw ndai nta na hkum nga sa pru mat wa ngu na gawt shapraw kau ai. Dai shaloi dai ma dai gaw grai yawn ai hte bai pru mat wa na lam lamaw kaba hpun pawt langai kaw sa dung taw nga na ngai kaning wa di sa na i ngai gaw gumhpraw mung n chye tam gumhpraw mung n chye tam re ma ya ngai shat mung hpa sha sa na i ngu na grai myitru na sa dung taw nga yang e coat palawng hkat re oh ra sinna mungdan na ni a hkring coat palawng lawngpe hkat bu na sa wa ai la dingla langai mi sa wa ai. Shingrai na la dingla dai gaw ma e nang hpa baw myit ru bu nga a ta hpa rai na yawn hkrap bu nga a ta sa ngu jang ma dai gaw ngai gumhpraw n chye tam ngai gaw manaw manang hpe sha garum kau kau lu ai gumhpraw mung dang de na wa ngai hpe nau pawt na nta na mung gawt shale kau re na ngai gaw grai gumhpraw mung n chye tam grai angawt ai wa re wa ya kaw na gaw ngai shat pi n mu sha na ni ai ngu yawn nna pru wa nngai ngu na yawn nna pru wa nngai ngu na shing ngu na dung nga nngai ngu na tsun dan ai. Shaloi dai coat palawng hpun ai la dai wa gaw nang hkum myit ru ya dai ni kaw na nhtoi sanit ya rai jang nan kaw bai sa wa rit ngai hte hkrum ga shaloi nang na abyin masa ma hkra grai hkrat na hku na byin na ra ai ngu na tsun ai da. Dai dingla dai gaw dai ma de a lam hpe dai oh ra hkawhkam kasha hte shang hkrum ai lam tara rung makau e kaning re byin ai lam ma hkra chye tawn ai dingla wa re da. Dai majaw dai hkawhkam wa gaw dai sanit ya ngu na hta she dai shi kasha hpe e dama shalung na matu makau gupyin na zahte kasha ni hkawhkam kasha ni hpe shaga tawn shabrang kasha ni hpe shaga tawn re na kasha hpe la la ta shangu ai shani mung re da. Shing rai na dai sha ni sanit ya du ai shani gaw kaja wa la kasha dai mung dai mi dingla wa she hpe htet kau da ai shara ba sa nga jang she dingla wa dai she ya nang oh hkawhkam wang de sa su hkawhkam wang de sa jang nang byin mayu ai ma hkra byin na ra ai rai tim mung nang hte ngai ga sadi langai mi tawn da ga ngu kaning re ga sadi law ngu da. Nang dai hkawhkam wa gaw du nna nang lusut lusu awng dan ai shani nang lu ai sutgan nang lu ai hpa rai tim mung ga-an hkrup garan na nang sadi jaw lu na ni i ngu jang she jaw na nngai sadi jaw na nngai nye sha garum la rit ngu sadi hkam la re kaja wa shi tsun ai hte mare oh hkawhkam wang de gat sai da lo hkawhkam wang sadu ba she galawp sai re gaw wawt hkawhkam kasha dai shi shalawt dat ai hkawhkam kasha gaw mawn shakya shadung taw na she hkawhkam kasha ni da jahte kasha ni da wawt langai a hpang langai hkawhkam kasha mang hku lai lai lai re mi mu she kadai hpe mung n hkap lata kadai ye mung n kap kahta she hpang jahtum gaw ngai mung naw sa lai yu ga ngu she shi gaw shakya mung n shakya hka loi mi kawa mung gawt shapraw kau re na gaw loi mi abyet shalat re na sa. Rai tim mung shi hta e dai hkawhkam kasha jaw dat ai ta chyawp dai lawm ai re ai majaw shi gaw dai kaw bai lai re hkawhkam kasha dai hkap yu hkawhkam shayi sha dai hkap yu yang she dai shi mi e hkrut na hkye tawn ai la a nsam re ai wa mu dat aw ngai la dai hpe e ngai ta chyawp langai mi jaw tawn ai an kalang mi na bai hkrum jang matsing na ngu na ta chyawp jaw tawn ai wa ngu na she baw lagaw hkreng baw lagaw hkreng yu ta ni yu rai jang she kaja wa dai shi sha chyawp tawn ai jaw dat ai ta chyawp dai wa la kasha dai chyawp taw nga da. Dai majaw she dai ye she dai ye ret ta magra na she kawa gaw dung wa sai da. Wa e ndai gaw ngai hkungran na a nye a ngai hkungran na la re ngu na kawa hpe wa madung kawa hkap yu dat yang gaw loi mi ashin amya loi mi achyep na she ma e taw ndai gaw gara hku ta nga jang ndai gaw ndai ma shabrang ndai gaw ngai hkrut e grai hkrap e myipru hte grai myit gareng gari ngai ye wa nang mung nmu kadai mung n mu re kaw tara rung ye ngai ye rim rawng taw ai kaw na sa hkye la ai shabrang re dai majaw ngai dai shani kaw na ngai shi hpe myit da sai ndai la kasha hpe gaw lani mi lu hkra hkungran la na ngu myit dawdan taw ai la re wa nang ngai ye kaja wa ndai la wa hte hkungran ra rit ngu jang gaw kawa mung myit ru re na aw nye kasha asak she hkye tawn yang gaw hkungran la na hkungran ya na re ngu she kaja wa hkungran ya re na she mungdan langai mi hpe mung ap ya hkungran mung hkungran ya sutgan mung garan ya re na dai kaw up hkan sha shangun dai kaw hkawhkam tai shangu re na nga nga. Kade ya n re yang she dai shi ga sadi la tawn ai coat palawng hpun ai wa she bai pru wa ra ai da. Ataw nang ya nde de hkawhkam tai ai nde de lusu mat ai wa nang ngai ye n dum mat sa ni ngu jang dum ai gaw e dum ai ngu she e nang tawn da ai ga sadi hte hkrat ya galaw ya mi ngu she e mai ai mai ai ngu na she garan sai da. Dai mung lu ai garan garan grai n myit dik ai zawn she nang naw lu ai grai n ma ai sha ngu nga ai da. E ngai ya gara hpa mung nlu sai ngai ya lu ai hte hte gaw nang ye hkrat garan ni ai ga re ngu jang nang naw lu ni dai ngu nlu sai law ngu kadai ngu yang mung naw lu ai sha ngu yang she hpabaw wa lu jang a taw ngu she Dai na hkawhkam jan lu jan nga ai dai hkawhkam jan ye ga-an brang re gadoi kahtam ga na mi rai rai kahtum daw na mi rai rai ngai hte ga-an hkup garan ga nang mi ga-an hkup garan na nga ga sadi tawn da nit dai ngu jang she agar dai kaw gaw shi gaw lagaw lata akya hpuk hpara ngu hkra myit ru mat salat she grin myit ru mat rai na she e e kahpu wa e kawa e tawng ban n nga lo aw ndai num ye sha gaw ndai num ye gaw ngai grai tsawra ai hte ndai num a majaw she dai ni ngai ndai zawn re nga lu ai ngu nye chyeju madu mung re ndai num ye gaw ngai shi hpe jahte saza di ai hku na gaw ngai n kam galaw ai dai majaw hpa n ra ai ngai mahtang ndai kaw na pru mat wa nna nang gaw ndai nye madu jan hte nga na ndai kaw up hkan na ndai kaw nga mat u yaw ngai shi ye nkam kahtam nngai ngu n kam garan nngai ngu na tsun ai da. Shaloi jang she dai la dai gaw aw ngai na myit hpe chye sai nang gaw grai e masha hpe e garum shingtaw chye na grai myit su myit kawp grai ga sadi galaw chye ai la grai hkrat ai myit masin grai kaja ai la re dai majaw ngai nang na myit hpe chye sai. Ngai nang jaw ai hpa mung n ra na nngai ndai num mung n ra na nngai nang ye bai ap sai nang ngai ye jaw ai rai ma hkra nan ye bai ap ni ai yaw ngu na yin re mat mat ai da. Dai majaw shang gaw dai wa wa mat ai dai shani kaw na dai mungdan hpe atsawm sha up hkang shang hku na ru ru yat yat hkrum ai kadai mung n nga kadai ru yat jam jau hkrum tim garum shingtau re na shang a mungdan gaw grai ngwi pyaw ai mungdan byin tai nna up hkan na nga pyaw mat mat ai.
Origination date 2017-02-24
Origination date free form
Archive link https://catalog.paradisec.org.au/repository/KK1/1558
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
S. Merry : speaker
DOI 10.4225/72/598c837b33c49
Cite as Keita Kurabe (collector), Keita Kurabe (depositor), S. Merry (speaker), 2017. Karum chye ai wa (The helpful man). EAF+XML/MPEG/VND.WAV. KK1-1558 at catalog.paradisec.org.au. https://dx.doi.org/10.4225/72/598c837b33c49
Content Files (3)
Filename Type File size Duration File access
KK1-1558-A.eaf application/eaf+xml 105 KB
KK1-1558-A.mp3 audio/mpeg 12.8 MB 00:14:00.19
KK1-1558-A.wav audio/vnd.wav 462 MB 00:14:00.4
3 files -- 475 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,369 translations are currently available (March 25, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Comments

Must be logged in to comment

No comments found