| Description |
Translation (Rita Seng Mai)
The story I'm going to tell is about how (people) getting to know to bury when a person died. In the past, people didn't know how to bury the body even when a person died. People just buried the dead body without wrapping or covering it up well. They just buried the body. Then, one day, an old woman passed away (in a village). She died. Then the villagers thought to ask to the neighbouring villages. They thought to make a coffin to put her dead body by asking them. But they didn't have any knives. During that time, no one had knife and no one used it. They were just going happily together without having any knives on their way to the neighbouring villages. At that time, there was a married couple (in that village). The couple had got a son and a daughter. Then, the boy went fishing with a fish trap made of bamboo in a stream. He usually went fishing with a bamboo fishing trap and got fish. Commonly, he went to collect fish which were caught in a bamboo fishing trap. But he let his younger sister go and collect fish this morning. He let his sister go and collect fish. Then his sister collected fish from the bamboo fishing trap and went back home. Then, on her way back home, a preta annoyed, provoked and teased her since it wanted to eat those fish. She was so angry since a preta provoked her. When she got home, she told her brother about this. When she told her brother, he was so angry too. So, the next morning, he got dressed his sister clothes and acted like his sister. Then he went to collect fish from the bamboo fishing trap. When he went there, there was actually a preta which was waiting for fish. It thought that would be that girl, so it came out from the forest and hugged her. When the preta hugged the boy, he immediately grabbed it and took it to home. He thought he could sell it. He shouted in a village that he would sell this preta no matter how much he got. Then that preta told the boy not to sell it and not to do anything to it. It told him just let it go and asked him if he wanted money. And it told him, "If you want to get a lot of money and to be rich, go and build many pigsties, cowsheds and coops. Build those closely." The boy really believed that preta's words, so he let it go. He let the preta go and did what the preta told. Then, there were full of cows, pigs and chickens in his cowsheds, pigsties and coops. And there was another boy who wanted to feed whatever he had to the other people in that village. That boy wanted to give whatever he had got to his neighbours. But he didn't give that food right in the hands of his neighbours. He went to the neighbours' houses without being seen and hung the food on the door of his neighbours secretly. He hung that food on the door of his neighbours'. Then, he had hung the food on the gate of that boy's pigsties, coops and cowsheds. He thought to put the food at the corner of the house's door or to just hang the food on the door, but the door creaked loudly as it opened. So he just hung the food on the gate of those cowsheds since he didn't want to make a loud noise. He hung the food there. Then when the cows came into the cowsheds at night, all the cows ran away without going in to the cowsheds because they were afraid of that food hanging there. Since all the cows ran away, he didn't have any cows left. Then the boy who owned those cows was so angry. He felt so sad and angry. Then, the preta got to know about that and told him not to feel sad and angry and that he would get all back. And it told him to do farming and grow vegetables on it. Then, he did farming as the preta told him to do. And he grew crops on it. Then there grew plenty of vegetables on his farm and they were growing bigger. So he slept on the farm to guard since he was afraid that if someone came to steal or destroy the crops. That preta went there to check since it wanted to know if the boy did what it told or not. So it sneaked a peek from the up side of the farm. But the boy, the owner of the farm, thought it might be one of the wild beast and shot it. When he shot with a crossbow, the preta was struck. Then it felt so hurt and groaned. When the boy heard that groaning sound of the preta, he asked if that is a preta. But the preta didn't say anything and just ran away. It was so hurt and lay on the street on the way of running back to its place. It was just going to die soon. Then, the people who went to the other village (people that were mentioned at the beginning) saw it. Since they were also merchants, it asked them if they wanted to get lots of money and wanted to grow their business well. And it said to them, "If you want to get rich and lots of money, please bury me." They told it, "We don't know how to bury you." Then it told them to go into the forest first. When they went into the forest, they saw leaves of banana plants and bunch of bamboo plants and an eagle flying in the sky. They saw those things and came back. Then the preta asked them what they saw in the forest. They also told what they saw there. "We didn't see anything that we can use to bury you. We have seen only banana's leaves, bamboos and a flying eagle," they told it. Then it told them, "That's enough if you saw those. Go and cut some bamboos and make a coffin for me. Bury me by putting inside it. And look at the banana's leaves. Carry me by looking at banana's leaves (the way it builds)." "And dance by looking at the way how the eagle flies," it told them. They actually buried that preta as it told. They held a funeral for the preta like they were its family members. When the other people saw that, they thought that even they were not the preta's family, they held a funeral for the preta. The other people were so grateful for them since they held a funeral. So they gave money to them to help. Then, they helped each other in many ways when there was a funeral. The people who got to learn about this went back to their village and buried that old woman the same like they did to the preta. Since then, people have been helping each other by giving money or in some other ways for the purpose of encouraging when there is a funeral in one's family.
Translation (Lu Awng)
Ya ngai bai hkai na maumwi gaw masha si yang lup makoi chye wa ai maumwi rai nga. Moi shawng de nga yang gaw ndai masha si timmung gara hku kaning di na makoi na ngu ai hpa nchye ai da. Dai hku na majoi mi sha i hpa hte mung n gayawp ai dai hku sha ah hpre lup mai byin ai hku sha ah hpre lup kau kau re da. Re jang she kalang mi na gaw ndai dinggai langai mi si wa sai da. E dai wa si re na she oh htingbu kahtawng de e htingbu kahtawng de ndai shi hpe lup makoi na matu i shi hpe bang na matu du u ni hpe gaw masha ni e sa san nna galaw na kun ngu na mung shanhte myit yu ai da. Retim mung nhtu bai nlu ai da e dai prat e gaw nhtu mung kadai nlang re jang she nhtu nlu re jang she dai de sa wa ai lam hta wa she shanhte gaw dai hku majoi mi sha hpa mung nlu lu re na dai hku majoi sha yan hkawm chyai taw nga ai da. Dai aten hta gaw ndai dinghku hte re na nga taw nga ai i shan la 2 ma i nga nga ai da. Dai shan la gaw numsha 1, la kasha 1 re na lu ai da. Dai shaloi she ndai la kasha ndai wa she shi gaw le hka de e tingraw ja ai da. Tingraw ja nna nga ru sha sha re na hku rai nga. Dai she ndai tingraw ja ai kaw e nga sa ru na matu shawoi gaw shi mung sa sa re re wa she ndai jahpawt rai jang gaw shi na kanau numsha hpe sa shangun ai da. Numsha hpe sa shangun nna she numsha gaw tingraw nga sa ru wa sai dai shaloi she wa de she ndai sha lawa ngu ai wa she shi gaw nga hkap kashun sha mayu na she ndai sha lawa ngu ai dai wa gaw dai numsha hpe hkap shatsang hkap shala ai da. Hkap shala re na she numsha dai gaw grai pawt mayu na nta bai du wa yang kahpu hpe wa tsun dan ai da. Kahpu hpe wa tsun dan jang kahpu mung grai pawt ai da, grai pawt nna she hpang jahpawt bai rai jang gaw shi madaw she kanau na, kanau numsha na labu palawng bu hpun la re na she shi bai sa ru sai da. Shi bai sa ru re jang she kaja wa nan sha lawa mung bai dai bai la taw nga na she dai numsha dai rai sai ngu na shi gaw lam e hkap nga ai kaw na nam kaw na pru sa wa na she shi gaw numsha dai hpe sa ah hpum dat ai da. Dai masha hpe sa ah hpum dat ai shaloi she n dai la kasha dai gaw sha lawa hpe e magra la na i shi gaw nta de woi mat wa ai da. Ndai gaw dut sha mai ai ngu na she kade sha lu tim dut na ngu nna she shi gaw wa marawn hkawm sai da mare kaw, mare kaw wa marawn hkawm re yang she ndai shalawa gaw e ngai hpe hkum dut kaw ngai hpe e hpa mung hkum di dat dat rit nang gumhpraw lu mayu ai nre i ngu da, nang gumhpraw lu mayu yang gaw nang grai lusu mayu yang gaw wa lawng ni u lanwg ni, nga lawng ni re na wa galaw da su ngu na tsun ai da. Dai ni yep yep sha di na galaw da yaw ngu na tsun ai da. Kaja wa nan ndai la wa mung sha lawa na ga hpe kam ai majaw dat dat ai da. Dat dat na kaja wa dai hte maren wa galaw da jang wa she koi dai kaw wa she nga ni mung grai lu, shi galaw da ai hte maren nga mung u lawng she hpring hkra rawng ai da loh, u ni da, wa ni da, dai hku byin ai da. Dai shaloi she dai kahtawng kaw wa she manang ni hpe hpa mung grai jaw sha mayu, hpa mung grai jaw sha mayu re la langai mi mung nga ai da e. Dai wa mung she shi gaw hpa sha lu tim htingbaw ni hpe jaw sha mayu ai da, retim mung shi wa she dai hku na htingbu ni a ta chyaw re na sa jaw ai hku mung nre she shi wa she htingbu ni on nta masha ni nmu ai hku na chyinghka jut kaw e sa tawn da ya ya re da. Dai shaloi she chyinghka lam hkan e sa noi da ya na kun re da, dai hku she dai shaloi wa mi she la dai wa bai sa jaw hkawm ai she dai la dai wa galaw da ai nga u lawng kaw wa she bai sa jaw da hkrup ai da. Nta kaw na chyinghka she hpaw dat yang dai chyinghka jut de chyinghka kaw noi da na kun, chyinghka jut de tawn da na kun ngu yang she chyinghka dai gaw grai ngoi ai re majaw gaw shi nkam shangoi na she nga u lawng chyinghka lam kaw she noi da na hku rai nga. Dai kaw noi da ya re jang she shana de nga ni wa she dai e, dai de wa sai wa dai e hkrit na nga ni wa dai nga u lawng de nshang ai she yawng hkra bai hprang bra mat ai da. Yawng hkra bai hprawng mat re jang she shi gaw nga bai nlu mat na hku nga. Dai shaloi she shi gaw grai pawt mayu sai da, grai pawt mayu grai yawn, grai pawt mayu sai da. Dan re nga yang she sha lawa gaw bai shi dan re re bai chye na she nang dai hku na hkum pawt hkum yawn ya bai lu na re, nang yi hkyen nna hkai lu hkai sha na bai di u ngu na bai tsun ai da. Dai hku bai galaw re jang she shi gaw kaja wa nan she yi bai sa hkyen na she hkai hkai sai da, koi dai kaw hkai bai hkai yang mung manu mana kaja da lu, manu mana kaja re na she shi gaw masha ni bai sa lagu la ya na, sa zingri ya re na bai tsang na dai hkai hkai da ai wa gaw sa sin yup ai da. Sa sin yup re yang she ndai sha lawa wa mung ndai ngai tsun da ai hte maren gaw galaw nga kun ngu na sa lagu yu na ngu na she shi gaw oh yu baw kaw na sa lagu yu dat ai wa she shi hpe wa she namrai shadu nna ndai yi madu gaw gap dat ai da. Ndan hte gap dat ai shaloi gaw dai sha lawa kaw hkra mat nna ga a sha lawa she, shi gaw ah kaloh ngu dat ai hte gaw sha lawa she rai nga i ngu na hkan tsun ai da. Retim mung sha lawa gaw hpa ga mung ntsun ai sha dai hku na nhtang hprawng mat wa ai da. Wa mat re shaloi gaw shi gaw oh lam e she machyi taw nga, dai hku na si na sha re wa sai da. Shaloi she ndai mi sha yan hkawm re ni mung hpaga la ni mung rai na shi hpe bai mu re shaloi gaw shi gaw nanhte gumhpraw lu mayu ai i, hpaga awng mayu ai i ngu na mung tsun ai da. Dai ngu na tsun yang she shanhte mung dai nanhte lu mayu ai rai yang gaw ngai hpe naw lup makoi marit ngu na shi tsun ai da. Anhte gara hku na nang hpe nchye lup makoi ga ai ngu na tsun jang she le nam de shang yu masu ngu na tsun ai da. Nam de shang nna she yu yang she shanhte gaw langa hpaw ma mu ai da, shingrai na she galang pyen ai ma mu ai da, kawa wa hpang ma mu ai, ngut na dai hte sha mu la na she bai wa. Re she ya nam de shang ai gaw hpa baw ni mu la sata ngu jang she dai shanhte mu ai lam hpe tsun dan sai da. Nang e lup makoi na zawn re anhte hpa mung nmu ai, kawa ni langa hpaw ni hte e galang pyen ai ma dai hte sha mu ai ngu nna she dai hku na tsun ai da. Dai shaloi she ndai sha lawa gaw e dai ni mu na jang rai sai, ngai hpe gaw dai kawa sa kran la na kawa hte e du u galaw mu ngu da. Dai kaw bang di nna lup mu, re na she ndai lahpaw hpe yu nna da, lahpaw hpe yu nna ngai hpe hpai mu ngu da. Shaloi jang she ndai galang pyen ai hpe yu nna ka manawt mu ngu na tsun ai da. Dai hku na tsun re jang she kaja wa nan ndai masha u nawng ni mung ndai sha lawa na si mang na nta madu hku nan nan dai hku galaw re yang she kaga dai hku lup makoi re shaloi gaw kaga masha ni mung she ndai shi hpe e gaw nta madu mung nre wa ndai hku lup makoi ya ai gaw ngu na she shanhte hpe mung ndai chyeju grai dum grai shakawn ai hku na she ja gumhpraw ni mung sa garum re da, kaga masha ni mung dan re na she ndai ni mung dai nta shada da bai garum hkat mat na hku re nga. Dai majaw ya anhte dai kaw chye la ai ni gaw da hto shanhte hpang de si taw nga ai mi na dinggai wa hpe mung, ndai wa hpe e makoi mayang ai zawn re na bai wa makoi wa lup makoi chye re ma ai da. Dai kaw na she ya du hkra anhte ning re na masha si ai hkan e mung i sa shalan shabran ai hku nna ja gumhpraw ni hte e sa garum rai galaw nga dingyang re da.
|
