Nabu - Shingkra la hte kasha (The widower and his child)

Item details

Item ID	KK1-1152 (Collection Details)
Title	Shingkra la hte kasha (The widower and his child)
Description	Transcription (La Ring) Moi shawng de da shingkra la langai mi nga ai da. Dai wa gaw hpaga la re da. Num kasha lahkawng lu ai. Makaw yan malu lu ai da. Dai ma yan gaw kana wa gaw grai matse nna bungli ma nkam galaw ai da. Kanau malu ngu na wa gaw bungli grai kam galaw ai da. Nta kaw sha nga ai da. Kawa hpaga ga sa mat re shaloi she shi sa ai jarawp langai mi kaw shi manam yup yup re nta kaw she galoi mung kawa wa wa sa sa shi hpe shi hpe gaw shat ni galaw da ya shadu da ya yup shara mung galaw da ya re ai manam jarawp kaw shi manam ai da. Manam na nga rai yang gaw dai shara kaw nga yang gaw shi gaw lani mi she "E myit su wa e ngai mung num ra ai lo na kasha ngai ra ai ngai hpe jaw na i" ngu ai da. "Hka nang hpe gaw nmu ga gaw shaga re wa mi she rai" ngu yang she "Ya hpang de mu na na kahkri tai jang ngai hpe mu na re" ngu ai da. Rai yang she "Ga nye kahkri tai jang she mu na rai rai yang gaw nang ra ai gara wa la na rai" ngu yang she "Um na kasha yan hpe ngai mu da sai kaji ai wa she ra nngai" ngu yang "E kaji ai wa jaw sha na le yaw" ngu dai hku ngu tsun dat rai yang she "Nang ya ja rai ni hpaga rai ni anga dumsu ni ra yang mung la wa u dai ngai ndaw kaw tawn da ya na yaw" ngu. Dai she shi dai kaw nyup ai jahpawt gaw koi ja ni da gumhpraw da anga dumsu da gumra da sumpum taw nga. Dai wa gawt nna wa sai da. Gawt nna wa rai yang gaw kawa gaw ya rai gaw grai lu wa sai timung myit npyaw ai da. "Awa nang ja rai la wa ai i" ngu kana gaw san ai da "La wa ai lu nye kasha nang ra ai arai yawng la wa ai" ngu. "Na nnau malu gaw hpa nra ai nga tsun ai re" ngu aw kanau malu gaw numri pan langai mi sha ra ai da. "Numri pan ahpraw langai mi sha ra ai" ngu tsun ai da. Numri pan langai sha ra ai ngu tsun yang she dai pyi gaw ahpraw she ra ai ngu "Awa tam wa na yaw" ngu gaw tsun sa raitim nlu wa ai. Nlu la wa rai yang she kawa gaw myit grai npyaw. Hpang e she shi grai myit npyaw rai na yup sai da. Yup rai yang gaw dai shi hpe num hpyi ai shara kaw she numri pan langai mi mu da ai da. Sun kaw yu yang numri pan langai grai tsawm ai mu ai dai di nna "E ngai numri pan di sai lo madu ni e ngai nye kasha grai ra nna di wa sai" ngu sun madu ni hpe tsun da rai na shi di wa sai da. Nta du wa tim dai numri pan gaw nkyip ai da tsawm taw nga rai yang she wa rai yang gaw dai ja rai ni mung yawng la wa sa hpa mung la wa sa kasha malu ra ai numri pan mung la wa sa. Raitim mung kawa a myi man gaw ntsawm ai da. "Wa nang hpa rai wa nang ya na lang hpaga ga kaw na wa ai gaw wa nang myi man ntsawm ai ngu hpabaw byin ai ma" ngu yang she "She tsawm law" ngu na bai mani sai di dan da kasha malu hpe gaw. Kana kaba wa gaw kabu she kabu kawa myi man tsawm ai ntsawm ai mung n-yu ai da. Kabu she kabu rai yang she kawa gaw kawa hpe wa dai hku san raitim kawa gaw shat sha tim myi man ntsawm taw nga rai jang "Wa ngai hpe tsun dan u nang myi man ntsawm ai ngai hpe atsawm tsun dan u wa ra sharawng ai wa hpe kadai hpabaw nga ai kun tsun dan u" ngu na tsun rai jang she malu dai hku san chyu san yang "Nye kasha e nang nau san ai ngu awa gaw nang nau san ai majaw awa tsun dan na yaw" ngu. "Nang ra ai numri pan ngu ai htaw masha gaw nmu re kaw na wa numri pan dai sa di la ai" ngu. "Dai majaw nang hpe hpyi ma ai" ngu rai yang she "Hpa nra ai wa ngai wa na ngai hpe hpyi jang gaw wa na" nga. "E dai kaw na ni ndai hpaga ni ja rai ni mung grai jaw dat rai na awa gaw myit npyaw ai ngu nye kasha kaning re la wa lu na kun ngu mu mung nmu yu ai la wa ga shaga nga ai ngai sa manam nam re kaw ga shaga ai ngu" tsun dan ai da. Rai yang she shan wa lahkawng gaw "Hpa wa hkum hkrit u nhkrit ra ai ntsang ra ai ngai sa wa na ngu wa ngai hpe ma nhtu dai dai re nhtu dai hkra re ai langai ma garang ya u" ngu. "Nhtu grai dai ai langai garang ya u ngai hpye na" ngu ai da. Rai jang she shi gaw dai manam jarawp dai kaw du sai da. Shan wa dai kaw yup rai yang "Atsa e nang wa sanu yaw na kasha hpe ya tawn da u" ngu bai shaga ai da. Bai shaga rai "Na kasha hpe tawn da u da nang wa sanu" ngu na tsun rai yang she num kasha deng gaw "E ma e nang hpe gaw ngai nmu ai wa e nang gaw nye kasha hpe ra ai nga nang hpe gaw nmu re wa nang gaw shaga ai atsawm tsawm nga shaga ai ga ngwi ga pyaw shaga shat lu sha mung ngai hpe ra nrawng jaw sha ndai raitim ngai nang hpe nmu ai" ngu tsun jang she "Ya mung nang hpaga ngai hpe jaw dat ngai hpe hpaga mung hkum jaw sanu" nga yang "Jaw na jaw na maw yawng la wa u" ngu shaga ai da. Shaga rai jang she shi gaw "Hpawt de wa nu yaw maw ndai ni dun nna la wa u ja mung la wa u hpaga yawng gun wa u" ngu na bai jaw dat sai da. Wa rai yang gaw wa sai da kasha shi hkrai sha nga taw nga. Shi hkrai nga tim shi yup na shi sha na shara nga taw nga sai da. La hpe gaw nmu rai yang she rai yang she "Nang ngai hpe ra ai tsaw ai nga nang gara kaw nga ai e ngai hpe ra ai tsaw ai nga yang na na hkum hkrang na na hkum hkrang nan madun u" ngu tsun yang she "E da num sha e da nang ngai hpe mu mayu yang gaw da nampan sun nang di la ai shara de nampan sun de sa u" da. "Nang kajawng nan zawn san ai hkrit na zawn san ai mu na mu jang gaw dai hpe nang hpye ai nhtu rau htau kau dat u yaw" ngu ai da. "Htau kau u dai sun kaw lama wa nang kajawng na zawn hkrit na zawn san ai e dusat rai rai hpa wa rai rai mu jang sat kau u yaw" ngu na ga hte shaga ai da. Shi gaw kaja jahpawt manap jau jau "La ndai gaw gara kaw nga ai re kun" ngu na shi sa wa yang she "Nampan sun de nga ai kun" ngu na nampan sun kaw mung nnga ai da. Shi yu yang gaw hkrit na zawn san ai kwi dai kaw na mun gaw achyang san ai langai mi hpum taw nga ai da. Dai hpe ya shi kalang ta myi di chyip di nna nhtu hte sa htau kau dat ai da. Htau kau dat rai jang gaw shi gaw htau kau da na wa sai da. Wa kau rai yang "E la kasha nang e ya ngai kaja sha hkrit na zawn san ai mu ai majaw ngai kaja sha htau kau sai. Ya nang gara kaw rai ngai hpe tsun dan rit" ngu na tsun ai da. Rai yang gaw "Daina mu na re" da. "Nang hpe la na shadang sha hpe nang daina mu na re" ngu yang kaja wa shana shi yup nga yang she dai shadang sha gaw grai tsawm ai hpraw tsawm dik ai shadang sha wa she paw pru wa da. Jahpawt gaw shi hpe hkungran la na rai ni ma hkra jin jin rai na shi hpe hkungran la masai da. Rai yang she dai kaw she shan gaw nga pyaw na nga nga rai yang she dai num kasha gaw "Nang wa gara kaw nga nna wa wa hpe wa sutgan ni grai jaw ya ndai shara kaw sutgan mung nmu hpa mung nmu nang chyu sha ning re maling mala kaw wa nta mung grai shatsawm hkra di galaw da ai gara kaw hpa galaw nga ai rai" ngu. "Ngai da moi prat hta moi prat hta jiwoi jiwa prat kaw na ndai shara kaw nye nu wa ni nga ai shara kaw ngai wa e masha prat npru hkraw nna ya nang hpe la jang masha prat shinggyim masha prat hku na sa paw wa sai da. Grai chyeju dum ai yaw da daini an na ndai zawn rai dinghku de sha nam maling ga raitim mung law htam wa na mungkan chyam na mungkan ting chyam na nam mukdara zawn rai law htam na kum tsai zaibru zawn law htam na re ngu na ngai gaw nang hpe la ai re" ngu na tsun dan ai da. Maumwi gaw dai kaw ma sai.
Origination date	2017-02-16
Origination date free form
Archive link	https://catalog.paradisec.org.au/repository/KK1/1152
URL
Collector	Keita Kurabe Find similar
Countries	Myanmar - MM To view related information on a country, click its name
Language as given	Jinghpaw
Subject language(s)	Jingpho - kac To view related information on a language, click its name
Content language(s)	Jingpho - kac To view related information on a language, click its name
Dialect	Standard Jinghpaw
Region / village	Northern Myanmar

Originating university	Tokyo University of Foreign Studies
Operator
Data Categories	primary text
Data Types	Sound
Discourse type	narrative
Roles	Keita Kurabe : depositor N. Ja Bu : speaker
DOI	10.4225/72/598b339a90548
Cite as	Keita Kurabe (collector), Keita Kurabe (depositor), N. Ja Bu (speaker), 2017. Shingkra la hte kasha (The widower and his child). EAF+XML/MPEG/VND.WAV. KK1-1152 at catalog.paradisec.org.au. https://dx.doi.org/10.4225/72/598b339a90548

Content Files (3)

Filename	Type	File size	Duration	File access
KK1-1152-A.eaf	application/eaf+xml	33.6 KB
KK1-1152-A.mp3	audio/mpeg	7.48 MB	00:08:11.285
KK1-1152-A.wav	audio/vnd.wav	270 MB	00:08:11.266
3 files	--	278 MB	--	--

Show 10 Show 50 Show all 3

Collection Information

Collection ID	KK1
Collection title	Kachin folktales told in Jinghpaw
Description	Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,369 translations are currently available (March 25, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe. Animated stories are available at: https://catalog.paradisec.org.au/collections/KK3 https://www.youtube.com/@kachinfolktales https://www.facebook.com/KachinStories Other Kachin culture and history are available at: https://catalog.paradisec.org.au/collections/KK2 Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries	Myanmar - MM To view related information on a country, click its name
Languages	Jingpho - kac To view related information on a language, click its name

Access Information

Edit access	Nick Thieberger Keita Kurabe
View/Download access
Data access conditions	Open (subject to agreeing to PDSC access conditions)
Data access narrative

Comments

Must be logged in to comment

No comments found